|
أنكسرت صدفة سلحفاتي ماذا أفعل؟
السلام عليكم ورحمة الله وبركاته ..
شخباركم .. عندي سلحفاة برية .. بالغلط ..أخوي فتح الباب الحديدي عليها وحصل كسر في الصدفة من عند الرجل اليمنى وصار فيه مثل الفتحة وطلع دم .. أريد أعرف بتموت السلحفاء ..الحين لفيت السلحفاء بقطن ووقف الدم وحطين ليمون عالجرح ؟ الحين شو أسوي ؟ أنتظر الرد ؟؟؟ وأشكركم |
رد: أنكسرت صدفة سلحفاتي ماذا أفعل؟
أنتظــــــــــــر ؟؟؟؟؟
الرد ؟؟ |
رد: أنكسرت صدفة سلحفاتي ماذا أفعل؟
يا حرااام :(
ياليت اقدر افيدك :( :( |
رد: أنكسرت صدفة سلحفاتي ماذا أفعل؟
يا قلبي :(
لا تحط عليها ليمون ولا غيره ابعدها عن الرمل واتركها في مكان نظيف 100% وراقبها زين راح ابحث لك عن حل بالنت يمكن يكون في أحد صار له مثلك.. إنت بأي مدينة إذا بالرياض راح أقولك على بيطري ممكن يفيدك.. الله يعينك ويشفي لك اياها.. |
رد: أنكسرت صدفة سلحفاتي ماذا أفعل؟
كل اللي لقيته:
انتبه على الجرح عشان ما يتلوث وخذها على بيطري ثقة!!!!! انا بانتظار ردك إذا من الرياض مستعدة أساعدك. |
رد: أنكسرت صدفة سلحفاتي ماذا أفعل؟
اقتباس:
|
رد: أنكسرت صدفة سلحفاتي ماذا أفعل؟
اقتباس:
هلا أختي nuha خلاص شلت الليمون عنها .. أمس كنت محطيتها بروحها ولفيتها بشاش نظيف لما رديت من الدوام لقيتها مطلعة الشاش وتنطح العلبة تريد تطلع ضحكتني ضحـــك :p أنا في العاصمة أبوظبي .. وأشكرج أختي على تعاونج معاي :) |
رد: أنكسرت صدفة سلحفاتي ماذا أفعل؟
أن كنت حاس أنكي من أهل الامارات أنا من مدينة العين لو بغيتي أي شي:)
|
رد: أنكسرت صدفة سلحفاتي ماذا أفعل؟
عيل وديها الى البيطري في ابوظبي:)
|
رد: أنكسرت صدفة سلحفاتي ماذا أفعل؟
اقتباس:
|
رد: أنكسرت صدفة سلحفاتي ماذا أفعل؟
حاليًا حاول توفرلها الفيتامينات والكالسيوم ، مو عشان تتعالج ، لكني أعرف ان توفير الفيتامينات والكالسيوم ضروري للعظام ..
وتوفرينها لها بالتعريض للشمس (ويمكن تعويض هذه النقطة بلمبة UV) ، فحاولي تعرضينها للشمس أكبر فترة ممكنة ، يعني أقصد كل يوم ، ولو ماتقدرين كل أسبوع على الأقل وقت الظهر والعصر .. ولازم يتوفر الأكل المناسب ، من خضار وفواكة ، (قرنبيط ، خس ، أي شي وخاصة الي يحتوي كالسيوم) .. ==== أرجو اني أكون ساعدتك ولو بشيء قليل :) .. |
رد: أنكسرت صدفة سلحفاتي ماذا أفعل؟
اقتباس:
اليوم شمستها شوية وشلت عنها الشاش ولقيت دم مع ماي شوية في الصدفة أمس كانت تتلوى من الألم لدرجة أنها كانت تفتح فهما بطريقة فضيعة وقلت خلاص السلحفاء بتموت .. اليوم صارت أحسن تاكل وتشرب وتمشي... سؤال عادي أغسلها بالماي .. لأني حطيتها بالرمل .. ودخل في الجرح شوي وغسلتها .. بحاول أصور لكم الكسر .. صار مثل تجويف عن الرجل اليمنى أحسبة وصلل لبطن السلحفاء:confused: |
رد: أنكسرت صدفة سلحفاتي ماذا أفعل؟
إي أكيد عادي تغسلينها ، خاصة ان الرمل دخل ..
بس بعد ماتغسلينها لاترجعينها في الرمل أو النجارة ، حطيها في أرض فارغة عادية حتى يلتئم الجرح (تنسد الفتحة الي يخرج منها الدم ، لأن لاصدفة ممكن تاخذ وقت حتى ترجع ، لكن أنا قصدت الجرح) .. الله يشفيها ، ننتظر الأخبار إذا حصل أي جديد .. |
رد: أنكسرت صدفة سلحفاتي ماذا أفعل؟
مسا الورد .. شخباركم أخواني ..:)
الحين حطيتها في صندوق مبطن بقطن ناعم ... حابة أسأل عن عمرها سمعت مرة أن نعرف عمرها عن طريق المكعبات إلي بطهرها .. وعددهم 14 والثانية 12 أصغر من حجم الكف تقريبا ..أريد أنزل صورة للسلحفاة حاولت بس ما قدرت حد يقدر يساعدني ؟ شاكرة لكم تعاونكم وياية ...:) |
رد: أنكسرت صدفة سلحفاتي ماذا أفعل؟
أهلين ,,
الصور عندك على الجهاز لو عندك على جهاز حمليلنا إياها ، ويليت تصورينها مع أي شي معروف (علبة منديل أو أي شي) حتى نعرف حجمها ، ولو بتحطين الشيء هذا أرجو انه مايكون يد لأن أحجام الأيادي تختلف .. بشرحلك طريقة تحميل الصور بكل بساطة ووضوح مع الصور ، خليك معايه خطوة بخطوة .. 1- http://www.pusup.com/up/get-3-2009-39d2nsc5.bmp 2- http://www.pusup.com/up/get-3-2009-pm73a9cz.bmp 3- http://www.pusup.com/up/get-3-2009-ks1s0384.bmp 4- http://www.pusup.com/up/get-3-2009-lak5ot9w.bmp 5- http://www.pusup.com/up/get-3-2009-7o6e5k31.bmp 6- http://www.pusup.com/up/get-3-2009-j9c7nq5p.bmp ولو كان الكمبيوتر عندك انجليزي ممكن تعرفين من مكان الأزرار .. === ننتظر الصور والتطبيق :).. |
رد: أنكسرت صدفة سلحفاتي ماذا أفعل؟
هذي الصورة قديمة .. أول ما أنكسرت الصدفة .. والدم طالع من عند الرجل اليمنى يا حليله السلحفاء تعاني وياي؟؟
[IMG]http://www.pc4up.com/2009/4-2009/GNJ82847.jpg[/IMG] وهاي بعد وبحاول انزل صور زيادة [IMG]http://www.pc4up.com/2009/4-2009/s5e84594.jpg[/IMG] الكسر مب واضح كثير بحاول أصورة عدل وابنزل الصور ,, مشكور واااااايد أخوية عالمساعدة م جنه الصورة كبيرة وووووااااااااااااايد ؟؟ |
رد: أنكسرت صدفة سلحفاتي ماذا أفعل؟
هذه نوعها سلحفاة برية تقدرين تعرفين من عدد الحلقات الصدفة:)
|
رد: أنكسرت صدفة سلحفاتي ماذا أفعل؟
مساء وأريد أعرف بعد إذا كانت ذكر أو أنثى .. وأعتقد أنها أنثى مالي خبرة فالسلاحف من شهر شريتهم تقريبا خذت سلحفاتي بس البايع كان مب أمين وياي؟؟
|
رد: أنكسرت صدفة سلحفاتي ماذا أفعل؟
حاول تحافظ عليها وروح للبيطرى
انا من مصر لو احتجت اى مساعدة ممكن ابعتك لدكتور جامد اخر حاجة |
رد: أنكسرت صدفة سلحفاتي ماذا أفعل؟
وديه ها لاحسن بيطري يشوفلك الحل
|
رد: أنكسرت صدفة سلحفاتي ماذا أفعل؟
اختي بدايه ممكن تحملي الصور من جديد لأنها ما طلعت عندي
و انشاء الله لوشفت الكسر اقدر اساعدك ! ____ بسئلك سؤال: ايش سويتي لأخوك لما عمل كذا ؟؟؟؟؟؟؟<<< خخخخخخخخ |
رد: أنكسرت صدفة سلحفاتي ماذا أفعل؟
المهم عندي ارقام لمحلات ممكن تفيدك :
الحياة والطبيعة تـ :4531946 2053957 2053360 فـ :4531344 --------------------- قرية الحيوان تـ :4162958 فـ :4162968 ----------------------------------------- الحديقة الجميلة تـ :4826541 ---------------------------------------- ركن الحيوان تـ :2255417 فـ :4544577 جـ :0507240730 ------------------------------------------ الحيوان المدلل تـ :4546796 جـ :0506496525 ------------------------------------------ عالم الطيور والاسماك تـ :4707981 جـ :0508356842 ------------------------------------------ فيفا تـ :4774761 ------------------------------------------ واحة الحيوان تـ :4780081 ----------------------------------------- عيادات جدة البيطرية تـ :2423419 و ترى كلهم كويسين تقدري تستفسري منهم و ان شاء الله يعطونك الحل |
| جميع الأوقات بتوقيت GMT +3. الساعة الآن 04:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو