|
صج الكاسكو الدلوع مايتكلم؟
هـــــــــاي
اليوم قالولي لاتعطين الكاسكو ويه وايد وتدلعينه وتطلعينه بره القفص لانه ماراح يتعلم الكلام!!!! صج هالكلام؟؟ واخوي يقولي الكاسكو يطلع اصوات كويسله لإستمرار العيش والبحث عن الاكل واذا انتي مدلعته ماراح يهمه هالشي يدري بيحصل اكل وماراح يصير شي يضره:( |
رد: صج الكاسكو الدلوع مايتكلم؟
قالولي نفس هلكلام:confused: بس ان شاء الله الخبراء يفيدونا:) |
رد: صج الكاسكو الدلوع مايتكلم؟
انا صراحة مو عااارف
بس الظاهر اي لان ببغائي ما تكلم للحين الا كلمة وحدة وله عندي 4 شهور |
رد: صج الكاسكو الدلوع مايتكلم؟
انا كاسكوي امدرلع بس ما ايصك حلجه $.$
|
رد: صج الكاسكو الدلوع مايتكلم؟
ما لي خبره لاكن اضن ان المعلومه صحيحه
|
رد: صج الكاسكو الدلوع مايتكلم؟
لا يا اخوان المعلومه غير صحيحه!
اصلن مجرد ما تفكرين فيها.. الببغاء في القفص.. و عنده الماي و الأكل.. يعني طلعتيه ولا ما طلعتيه مب فارقه معاه لانه الأكل موجود و مب محتاج لج... عشان جيه لازم تعرفون الخطوط العريضه لتدريب الببغاء... و على فكره.. لو دلعتيه.. و طلعتيه برى.. بيتعود عليج.. و كل ما تعود عليج.. بتقدرين تخليه يقضي اطول فتره ممكنه معاج.. و بالهطريقه بيسمع وايد من الكلام اللي تقوليه و بيبدأ يقلد.. انتي ركزي على كلمه و لا كلمتين.. و كرريهم .. بس خليهم يكونون سهلات عليه.. مثل "هلا" بس اصبرو عليهم شوي مساكين يبالهم فتره :D |
رد: صج الكاسكو الدلوع مايتكلم؟
اقتباس:
بس ببغائي كله يبي يطلع من القفص ومن افتح له الباب يرمي نفسه عى يدي وإذا ابي اخله القفص مااقدر ادخله وهو شبعانه مايدخل الا إذا موجود اكل وكان جوعان و احيانا بالغصب يدخل لانه من اجي ابي ادخله يرمي نفسه علي ومايرضه يروح القفص |
رد: صج الكاسكو الدلوع مايتكلم؟
البطريقه انا بعد الي عندي نفس الشي مايحب القفص بس قالولي هالكلام وحبطوني ومن ملاحظتي مع طيوري السابقه وبغبغاءات اصدقائي الغبغاء لمه يكون القفص وايد يتكلم ويسولف ويسوي حركات عشان يلفت النظر
|
رد: صج الكاسكو الدلوع مايتكلم؟
اختي بالنسبة للمعلومة هادي فهي خطأ .. على سبيل المثال .. اذا انتي سافرتي لبلاد غريبة للدراسة وجلست عن عائلة اجنبية .. وكانت افراد العائلة ما تتكلم معاكي ولا تعطيك وجه هل راح تتكلمي معاهم ؟؟ بالطبع (لا) لأنك راح تقولي في نفسك (الجماعة ما يبغوني) وراح تكوني رسمية.. والعكس صحيح اذا كانت العائلة من النوع المرح والاجتماعي راح تنبسطي معاهم و تبادليهم الآراء والمواضيع .. وعلى فكرة الببغاء من الطيور الذكية جدا واذا دلعتي راح يولف عليكي اكثر وبالتالي راح يقلد حركاتك وصوتك وكلامك .. وآسف على الاطالة
تحياتي .. |
رد: صج الكاسكو الدلوع مايتكلم؟
اقتباس:
او حل ثاني.. حطي له ستاند.. بعيد عن القفص.. تقدرين تحطيه عليه متى ما تريدين.. بس صراحه.. يا حظج لو كان يحبج هالكثر.. الله يخليه لج :) |
رد: صج الكاسكو الدلوع مايتكلم؟
السلام عليكم ورحمة الله وبركاته الاخوان كفو ووفو واختي ليكون هدفج من تربية الببغاء انه يتكلم ترى مهما طالة المده راح يتكلم بأذن الله .. احلى شي ان الببغاء يحبج ويوثق فيج ويتعلم حركات حلوه وخطيره هذي اهم شي والحجي بيي في الطريج صدقيني والله يوفقج |
رد: صج الكاسكو الدلوع مايتكلم؟
اقتباس:
|
رد: صج الكاسكو الدلوع مايتكلم؟
ياشباب هادي المعلومة خطأ تماما وذلك عن تجربة شخصية
ربيت من قبل فرخ نيجيري وتكلم عن عمر 5 شهور وكانت عيونه سوداء وكان دلوع جدا ومايكل الامن يدي وكان متعلق بي للغاية والحين شيكو الرمادي الهولندي اللي معي الحين يتكلم وهو واقف علي يدي ماشاء الله وهو اول ببغاء اربيه ويتكلم وهو واقف علي اليد مو داخل القفص او واقف علي الاستاند حتي ان بعض الاصدقاء مايصدقون ذلك الا بعد رؤيته يتكلم فعلا وهو علي يدي . وعلما بأنه للحين منذ شرائه منذ عام تقريبا لم يبيت ليلة واحدة داخل القفص ولمن اغلب الوقت اما فوق القفص او علي كتفي الله يحفظه وتقبلوا تحياتي |
رد: صج الكاسكو الدلوع مايتكلم؟
اختي ليش مصرة انك تخلينه داخل القفص ؟؟ يعني مادامه متعود على الطلعة انا افضل انك تستغني عن القفص مثل ماهو صاير معي انا حسيت ان طيري مايحب القفص وتصيبه حالة من الخوف الشديد لما يكون داخل القفص لدرجة انه ينام تحت علبه الطعام ،، فاتخذت قرار انه مايدخل القفص من الان وهو الان على الاستاند يازينه وياحلوة واذا مصرة على القفص خذيله القفص المفتوح من فوق وخلي الجزء العلوي مفتوح دايما |
رد: صج الكاسكو الدلوع مايتكلم؟
انا بعد الي عندي مايحب القفص بس بليل ادخله واغطي لقفص عن البرد
وانا والله مومصره انه يتكلم بس ابوي حاط امل عليه انه يتكلم وكاسر خاطري وانا مومستعيله عالكلام بالعكس ماني متوقعه انه يتكلم قبل سنه اهو توه عمره 3 شهور بس ولو خيروني بين انه يتكلم او اني ادلله واتقرب منه اكيد بختار اني ادللة |
رد: صج الكاسكو الدلوع مايتكلم؟
أنا برايي من راي الأخوان المعلومة غلط في غلط لأن معروف ان الطير اذا دلعتيه راح يرتاح معاك ويحبك ويتوالف معك وبالتالي قابليته للكلام راح تكون أكثر ..
وربي يوفقك ويتربى في عزك ان شاء الله .. تحيااااتي ..رحمه |
رد: صج الكاسكو الدلوع مايتكلم؟
الي وصل المعلومه وصلها غلط
لمن يكون البغبغاء في القفص ويشوفك يحاول يجذبك له بالحركات والكلام عشان تروح له وتفتح له القفص ويكون معاك يعني يحاول يلفت النظر |
رد: صج الكاسكو الدلوع مايتكلم؟
المعلومه خطأ
وعمر الببغان صغير اصبري عليه شوي المهم: اذا تبغيه يتكلم برا القفص خليه يتعلم الإحتياجات بالكلام .. يعني وقت الأكل قلوليلي اكل وبعد فتره لمن يبغى اكل اح يقلك اكل... وكدا كل احتياجاتو كل ما تشوفيه قوليلو هاي او السلام عليكم لمن تروحي قوليلو باي او مع السلامه.. عمليه الربط قد تطول شهور ولاكن بعدها كل ما اراد الطير عمل شئ راح يتكلم ولن تنتظريه يتكلم من لحالو؟؟؟؟ وغير كده بيلقط كلام من اهل البيت يعني الطير راح يسير ثرثااااااااااااار اتمنى اكود افدتك بخبرتي الأكثر من بسيطه |
| جميع الأوقات بتوقيت GMT +3. الساعة الآن 03:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو