الأقفاص.. من وجهة نظري! مدعم بالصور!
 

السلام عليكم و الرحمه :)

اخباركم؟ عساكم بخير ^_^ ياسلام الweekend بدت ماشي احلا من جيه الواحد يشتغل ع مواضيع و يدلع شامبيه :D

لاحظت من فتره فيه مجموعه تتشكى من انه الطير ما يطلع من القفص.. او انه الطير ياكل القفص من تحت سواء محطوط له جرايد.. او انه مصلع راسه من كثر ما يحك الأرضيه براسه :)


و ببغاوات صايره تتضايج من اليلسه في القفص و غيرها من الاسئله ^^

حبيت اليوم اعطيكم طريقتيه اللي خلت شامبيه اللي بتجوفوه في الصور في قفصه و لكنه حر..

اول شي الببغاوات متعوده تكون حره.. و القفص يضايقها.. بس.. اللي سويته انا عشان ما يتضايق الاخ شامبيه اني خوزت السقف مال القفص و خليته من فوق مبطل عشان يقدر يحوط و ما يحس انه محجوز

فحتى لو انشغلت عنه بالشغل و ما قدرت اطلعه يشم شوية هوى.. ما بيتعكر مزاجه.. و بيقدر يحرك يناحاته مثل ما يريد..

طبعن اول شي الببغاء جناحاته مقصوصه فما بيطير عني :)
و هالشي مسهل عليه اني انقله بكل سهوله من القفص للستاند لايدي ^_^

و براويكم الصور و كيف انفذ هالموضوع ^^

http://www.gulfup.com/files/jpg/p5x98514.jpg

http://www.gulfup.com/files/jpg/mR998514.jpg


http://www.gulfup.com/files/jpg/tTI98514.jpg

http://www.gulfup.com/files/jpg/9SU98515.jpg


http://www.gulfup.com/files/jpg/YHJ98515.jpg

بتلاحظون كيف شامبيه يتجول و يطلع و ينزل صوب الأكل و الستاند الخشبي في القفص
:)

طبعن هالشي وايد سهل عليه اني اشل القفص و اخلي شامبيه ينقز على الستاند.. بكل سهوله و بدون ما اضطر اني اشله او اجبره انه يركب علي ايدي.. هالشي كان وايد مريحني ايام ما كان شامبيه ما يطيقني ^_^

و اللي اسويه بس اني اخلي القفص يميل ناحية الستاند ^_^ واقول لشامبيه هوب.. و هوه يتكفل بالباقي 
و اخليكم مع الصور 

http://www.gulfup.com/files/jpg/Exd99804.jpg
http://www.gulfup.com/files/jpg/Dhn99805.jpg
http://www.gulfup.com/files/jpg/S4O99806.jpg
http://www.gulfup.com/files/jpg/3m999807.jpg
http://www.gulfup.com/files/jpg/C2s99808.jpg
http://www.gulfup.com/files/jpg/eZX99809.jpg

^_^ الشي الحلو في الستاند.. انه فيه تواير (عجلات) فيوم اريد اطلع شامبيه في الحديقه.. الحركه تكون سهله.. خصوصن يوم كان ما يطلع على ايدي.. بس الحين اطلعه على ايدي و نتطلع نتمشى..

انتبهت انه العديد من الاعضاء يحطون جرايد في القفص من تحت.. بس الموضوع احسه بيزيد الطين بله.. خصوصن انه بعض الطيور تاكل الجرايد.. او تحك راسها بالأرضيه... من جهتيه اقول انه الجرايد كونها تقدر تمتص السوائل بتسوي رطوبه في القفص.. او حتى بتسمح للعفونه انه تطغي في القفص من تحت... التنظيف الدوري بيتكفل انه القفص بأرضيته البلاستيكيه يظل نظيف و صحي

الصور التاليه.. لقفص شامبيه و انا بنظفه.. اهم شي الواحد يفكك القفص جزء جزء لانه الواحد ما يعرف قد شو ممكن تتجمع اوساخ في زوايا القفص..

اهم شي غير الأرضيه تكون موجوده الشبك.. اللي تحول بين الطير و الاوساخ المتجمعه في اسفل القفص.. ^_^ لاحظت بعض الأعضاء اغفلو هالقطعه فحبيت اذكر بها ^^

و اخليكم مع الصور^^

http://www.gulfup.com/files/jpg/yFr00547.jpg
http://www.gulfup.com/files/jpg/CZt00548.jpg
http://www.gulfup.com/files/jpg/jEZ00548.jpg
http://www.gulfup.com/files/jpg/ero00548.jpg
http://www.gulfup.com/files/jpg/3p400548.jpg
http://www.gulfup.com/files/jpg/8pX00548.jpg
http://www.gulfup.com/files/jpg/rrR00549.jpg
http://www.gulfup.com/files/jpg/PlB00549.jpg


مع اني نظفت القفص من يومين بس.. بس جوفو شو لقيت تحت! و الحمد لله اني مخليه الشبك عشان يحمي حبيبي شامبيه :(
الصور خير برهان و ما يبالها تعليق :(
أسفه شامبيه ×_×

http://www.gulfup.com/files/jpg/e6o01551.jpg

http://www.gulfup.com/files/jpg/OJS01551.jpg

http://www.gulfup.com/files/jpg/8Ys01552.jpg


صح تذكرو شي مهم.. انه الببغاوات تعتبر القفص مأمن لها.. فلا تعتدون عليه.. وانا لاحظت انه شامبيه مع انه بدا يركب على ايدي من فتره بس يوم يكون على القفص يكره يجوفني ^_^

بس دامه ع الستاند فهوه حلالي ^^ و الصوره و هوه يصارع ما يباني اقرب.. بس وهوه عالاستاند ينط على ايدي على طول ^_^

http://www.gulfup.com/files/jpg/rhK39997.jpg



و اخيرن.. قبل لا اختم.. كثير منا يفكر يخلي الطير معاه وين يروح و ين يرجع.. انا اشتريت هال
Carrier
لشامبيه عشان اقدر اشله يوم اسير المدرسه... و اول شي.. علمته عليه و خليته يتعود.. و صار ما شاء الله كل ما يجوفه ينقز داخله.. و يوم افتح الباب يطلع اروحه ^_^

http://www.gulfup.com/files/jpg/ZsF39683.jpg

http://www.gulfup.com/files/jpg/WeD39683.jpg

http://www.gulfup.com/files/jpg/xxf39683.jpg

http://www.gulfup.com/files/jpg/Iou39684.jpg

http://www.gulfup.com/files/jpg/bVu39684.jpg


اهم شي الواحد يراعي حجم الطير لو كان مناسب للقفص.. و غير جيه مدى ارتياح الطير لصاحبه و للقفص.. و نقطه مهمه.. احس وجود الطير في قفص مسكر عليه من كل مكان خصوصن لو كان جديد عليكم بيخليه يعتبر هالقفص بمثابة عازل بينكم و بينه.. عشان جيه لو حاولتو اتطلعونه من القفص بتكون العمليه صعبه و مزعجه له من بعد ما تعود على الحكره :)

الموضوع احتمال ما يكون فيه معلومات يديده للبعض.. بس انا حاولت اني افيدكم من تجربتيه
و الأسف الشديد لكم لاني بالغلط نزلت الموضوع.. و بعده ما اكتمل.. و غير جيه النت سكرت البارحه فما قدرت اكمل ^_^
و اجازه سعيد لكم و لطيوركم ^_^

رد: الأقفاص.. من وجهة نظري!
 

سووووووووووووووري بالغلط نزل الموضوع :(


دقيييييييييييييييييقه لا تقروووووووووووووون مب مكتمل!!! :D


يالفضيحه ههههههههه!

رد: الأقفاص.. من وجهة نظري!
 

ههههههههههههههه لحقي كمليه احسن

ويالله خلينى نستفيد منج تره بكره خلاص اخر يوم لي

ومغادر رايح الاراضي المقدسه (الحج)

ودعاوتكم لي

دمتي بود اختي,,,

رد: الأقفاص.. من وجهة نظري!
 

مشالله اختي يريت تعجلي بالإجابه لاني ما فهمت قصدك واعتقد الصور بتوضح اكتر

رد: الأقفاص.. من وجهة نظري!
 

:( بالغلط ضغطت على اعتماد الموضوع بعدني مطوووووووووووووووووووله :D برب

رد: الأقفاص.. من وجهة نظري!
 

رد: الأقفاص.. من وجهة نظري!
 

خدي راحتك اصلا احنا نترقب مواضيعك بفارغ الصبر

رد: الأقفاص.. من وجهة نظري!
 

هههه قريناه واللي كان كان

بانتظار التتمة، ان شاء الله يطلع موضوعك زي القفص الجاهز اللي عندي، بصوره بعد ماتخلصي من الموضوع :D

رد: الأقفاص.. من وجهة نظري!
 

انشاءالله ماطولين عاد

رد: الأقفاص.. من وجهة نظري!
 

ويكند سعيد للاعضااااااااااااء جميعا



والله ياكاسكوكيه



الله يخلف عندي عسر فهم



مايمكن صوووووووووووره تووووووووووضح الفكررررررررررره اكثر



لا اللي عندي مشغلني مرررررررررره الا يطلع24 ساااااااعه ولا يزعل


يمكن تفك ازمه هالطريقه

رد: الأقفاص.. من وجهة نظري!
 

هههههههههههههه

في أنتظار تكملة الموضوع ..........

رد: الأقفاص.. من وجهة نظري!
 

لووووول


غلطه الشاطر بعشر

بس تصدقيين الموضووع جذي كافي:>

رد: الأقفاص.. من وجهة نظري!
 

والله لو اتنزلين موضوووووووووووووووووع




مااااااااااااااافيه ولا حرف



شرط استفيد

رد: الأقفاص.. من وجهة نظري!
 

الله يسلمك ويعافيك اخوي

ان شاء الله نروح ونرجع لكم بسلامه ونشوفك على خير ودعواتنا للجيمع

ان شاء الله اخي وشكرا لك وبارك الله فيكم جميعا

دمت بود,,,

رد: الأقفاص.. من وجهة نظري!
 

ههههههههه استانستو على غلطتيه :(

اللي زاد الطين بله انه النت سكرت البارحه اسفه :p

رد: الأقفاص.. من وجهة نظري!
 

يالله عاد نبغى الموضوع

عجلي يا كاسكوسيه .. حمستينا

رد: الأقفاص.. من وجهة نظري! مدعم بالصور!
 

نزلته :D

رد: الأقفاص.. من وجهة نظري!
 

ربي يتقبل منك الطاعه .. و ترجع لنا سالم اميييييييييييييييييين :)

رد: الأقفاص.. من وجهة نظري!
 

لول بصدق عمري ترا الحين :D

ان شاء الله تكون استفدت!!

رد: الأقفاص.. من وجهة نظري!
 

:cool: ع الأقل قلت شاطر هههههههه

رد: الأقفاص.. من وجهة نظري! مدعم بالصور!
 

رد: الأقفاص.. من وجهة نظري! مدعم بالصور!
 

رد: الأقفاص.. من وجهة نظري! مدعم بالصور!
 

في الانتظار


العفو :)

رد: الأقفاص.. من وجهة نظري! مدعم بالصور!
 

السلام عليكم ورحمه الله..

أول شئ يعطيج العافيه ع الموضوع..

أنا عندي كاسكوو وأحطيه ع الاستاند..بس فيه مشكله وهي اللي بتخليني أحجزه ف القفص..

وهي أنه الكاسكوو يوقف ع صحن الاستاند ويخيس أرضيه الصاله..بفضلاته..

ونفس الموضوع لاحظته معاج ف الصور..يعني يطلع من القفص ويستوي التنظيف ف القفص وأرضيه الغرفه أو الصاله..

وأنا والله ناوي خلال هاليومين أرووح السوق وآخذ له قفص نفس اللي عندج أو أكبر..

بس أخاف انه يتضايج..

مع انه يووم كان ف القفص عندي كان يتكلم وااايد ويلعب وااايد بس احسه يتوحش..

و ع الاستاند خف لعبه وخف من كلامه وزاد من وساخته..

والله اني محتار معاه..

أخليه فقفص كبير أو ع الاستاند..؟؟!

ملاحظه(الصور حجمها كبير وايد عورت راسي^ــــ*)

كل الشكر لج..

وبأنتظار الجديد والمفيد ويسلم شامبيه وراعيه..

رد: الأقفاص.. من وجهة نظري! مدعم بالصور!
 

مشاء الله موضوع رائع ونفذت طريقتك فأحد طيوري والطريقه ناجحه مليون في الميه حتى مع الطيور الغير مدربه....

رد: الأقفاص.. من وجهة نظري! مدعم بالصور!
 

^_______^"

احم احم انا قلت محد بينتبه =S بس انته انتبهت.. يطول لي بعمرك.. انا احط تحت شامبيه فوطه كبيره تحت القفص.. منشفه.. بس لاني كنت انظف القفص.. نزلته تحت و وسخ المكان ^^ ولا المكان دايمن نظيف.. و بقول لك ليش المنشفه احسن من الجرايد.. لانها لها قابليه كبيره على امتصاص السوائل اللي تنزل مع فضلات الببغاء.. و غسلها سهل.. ما يباله سالفه =)

الحين بنزل صوره لك عشان اتجوف الموضوع كيف ^_~ و بتكون ان شاء الله XXXL
:p

ربي يسلمك امين ^_^

رد: الأقفاص.. من وجهة نظري! مدعم بالصور!
 

يعطيج العافيه..

بغيت أسألج شو الافضل الاستاند أو القفص اللي مفتووح من فوق وفيه استاند..؟؟؟

وألف شكرر لج..:D

رد: الأقفاص.. من وجهة نظري! مدعم بالصور!
 

انا عن نفسي اجوف القفص المفتوح من فوق ^^ اول شي اعرف فيه ناس ما تحصل وقت تنظف الاثنين.. بس لو تقدر تأمن الاثنين له.. بحيث تحطه في القفص عشان ياكل و ينام .. و ع الاستاند يوم تريد اتدربه و تشمسه و تسبحه بيكون احسن ^_^


لا شكر على واجب ;)

رد: الأقفاص.. من وجهة نظري! مدعم بالصور!
 

رد: الأقفاص.. من وجهة نظري! مدعم بالصور!
 

الابداع في مرورك ^_^

رد: الأقفاص.. من وجهة نظري! مدعم بالصور!
 

الله يعطيك العافية اختي، ما شاء الله عليك ابدعتي والله..
انا اقترح بدل الجرايد تراب :)

بخصوص القفص، للأعضاء اللي ما شرو للحين، نصيحة اخذو القفص المفتوح من فوق مع ستاند، ومع عجلات في الأرضية، انا اللي عندي مثل هذا تقريبا، الفرق بس انه الطاستين جنب بعض بدل ما كل وحدة بزاوية:
http://www.parrot-cage.info/medium%2...rot%20cage.jpg

رد: الأقفاص.. من وجهة نظري! مدعم بالصور!
 

:eek: ترااااااااااااااااب!!

بس التراب بيوسخ وايد... يعني غير انه التراب يتناثر تحت في الارضيه من فتحات القفص.. الريحه بتكون مش ولا بد


بس لو انته مجرنها خبرنا عنها!!

رد: الأقفاص.. من وجهة نظري!
 

الله يسلمج ويعافيج وربي يسعدج

وان شاء الله بعد صلاة المغرب منطلق باذن الله

موضوع ماشاء الله ممتاز وربي يعطيج الف عافيه

وان شاء الله الاعضاء يستفيديون منه

دمتي بود,,,

رد: الأقفاص.. من وجهة نظري! مدعم بالصور!
 

هلا اختي كاسكوكية..
هو بيوسخ طبعا لو كان الطير يتمشى على الأرضية والتراب واصل لرجليه، او التراب خفيف، او الستاند والأكل ملاصق للأرضية..

لاحظي في القفص اللي عندي في الشكل التالي، الأرضية بعيدة عنه، ما ينزل لها، بالإضافة الى انه مايطير داخل القفص، يطلع وينزل بالتسلق، ولو كان التراب بيطير، كان طار الأكل الخاص فيه وهو اسهل بسبب انه خفيف جدا بعد الأكل :)
http://www.parrot-cage.info/medium%2...rot%20cage.jpg

طبعا التراب يغطي ارضية القطعة البلاستك الموجودة في الأسفل مو ماليها، بحيث من ينزل الوسخ اكرمكم الله من الطائر يجف من يلامس التراب، وتنظيفه جدا سهل :)

رد: الأقفاص.. من وجهة نظري! مدعم بالصور!
 

رد: الأقفاص.. من وجهة نظري! مدعم بالصور!
 

أبو دانيال::

ما اعرف انا احس لو حب الطير يرفرف اكيد بيتطاير التراب.. و نبهتني اختي عاشقة الطيور لنقطة الحساسيه >_< لا تنسى هالشي بعد^^
احس اني ما اقتنعت بالتراب ^^



عاشقة الطيور::

ما شاء الله القفص هذا شامبيه ما ينزل فيه كله واقف على حدود القفص من فوق.. و الخشبه احسه ما يحب يوقف عليها و يفضل يوقف على طرف القفص.. في خاطريه اقنعه بالعكس بس ما يطيع .. احس القفص ماله كبير ما شاء الله >_< :)

عندي قفص احتياط غيره بس حاطين فيه الأرانب الصغار ^^ طبعن حاطينه عرض و مازرينه تراب :D هاي شغلة امي مب انا ههه

^_^

رد: الأقفاص.. من وجهة نظري! مدعم بالصور!
 

انا مايرفرف عندي الا بره القفص، لو اكون قافل عليه يضل يضرب على القفص ليما اطلعه وبعدهه يبتدي يرفرف ويطير في الصالة ويرجع، ولو صار ورفرف بسبب هروبه مثلا بعد بعيد ما يتطاير لأنه تراب ثقيل نوعا ما..
انا ماذكر وين قريت عن استخدام التراب بس بعد لقيت في هالموقع..
http://www.birdguys.com/pet-bird-art...l#parrot_cages

والطير ما صار له عندي ثلاث اسابيع بس، فما ادري هل فعلا يسبب حساسية ولا لأ، بس ما شفت شي عن الحساسية بالانترنت بخصوص استخدام التراب، وانا فضلته عن الأوراق لأنه:
- مايعفن
- ما يطلع ريحة
- الريش ومايصدر عن الحك والحب وبقايا الأكل تثبت في التراب
- ما يتسرب البراز اكرمكم الله على الجوانب او خلاله مثل الورق وبالتالي ما تتوسخ الأرضية البلاستك
- الطير ما يوصل له بسبب الحاجز الحديدي، فما بياكله، استخدام الأوراق يعتبر وضع سم للطائر بسبب الأحبار الموجودة فيه
- ما اضطر اغيره اجباري كل يوم، لو فوت يوم عادي مايبين عليه :p

رد: الأقفاص.. من وجهة نظري! مدعم بالصور!
 

ما شاء الله :) شي طيب

بس لا تاخضه حجه عشان ما تنظف ;)

رد: الأقفاص.. من وجهة نظري! مدعم بالصور!
 

رد: الأقفاص.. من وجهة نظري! مدعم بالصور!
 

اختي ابنصحك نصيحه تحطي المجثم فوق علشان يجلس عليه لانه اذا جلس على الحوايف ممكن تضايق رجليه وتخل بتوازنه لان الحديد مزعج بالنسبه له علشان كذا مممكن تحطي المجثم فوق وفيه ملحوضه اخرى انا مسوي هذا الاسلوب ببغاي من زمان من ثاني يوم شريته فاك القفص بس الي ازعجني انه يجط فضلاته برى احينًا علشان كذا حطيت المجثم لانه يفضله وراح يكون فضلاته داخل القفص وعلى فكره ترى من الافضل يكون فيه مجثمين وبعد يكون عليهن لحاء مثل الطبيعيه لانه افضله وتحسسه انه بمكانه الطبيعي << مسوي خبير الولد