البغــبغاء السنغالي
 

عندي سؤالين

- هل تدريبه صعب ولا سهل؟
- كيف نحدد عمره؟

رد: البغــبغاء السنغالي
 

تقدر تحدد عمره


عن طريق عيونه

او انكتوضع صورته ويفيدونك الخبراء يعطزك كم عمره

وعلى التدريب

كل ما كان اصغر كان اسهل في التدريب

رد: البغــبغاء السنغالي
 

شلون عن طريق عيونه يعني نفس الكاسكو؟؟ يريت تقولونلي عشان اعرف الي بشتريه كبير ولاصغير

رد: البغــبغاء السنغالي
 

فطوم من وين شريتية انا شريت واحد وجالس اروضه الحين بس هو سهل الترويض وممتع

انا من الاحساء وشريتة من محل في الاحساء

عيونة اذا صارت صفراء هذا كبير اما اذا كانت رمادية معناتها انو صغير

السنغالي طير ممتع وذكي وكوميدي ويتكلم بعد بس ياليت الاقي واحد صغير مرة عشان اتمتع فية واعلمة حركات خبلة شكلي بشتري لي انثى وبفرخ فيهم

رد: البغــبغاء السنغالي
 

مواصفاته نفس الافريقي العادي

من ناحية العمر وكل شي

وهو غير مرغوب عشان حجمه صغير ولونه غامق مره

رد: البغــبغاء السنغالي
 

السلام عليكم

اخت فطوم الكاسكو السنغالي يسمونه تمنه

واهو صغير الحجم وتقريبا كبر الحمامه

انا اقول اخذي كاسكو افريقي والافضل يكون محجل يعني على رجله حجل اما ذهبي او فضي

واحسلج من التمنه

هذي وجهت نظري وان شاءلله فدتج فيها :)

وتقبلي فائق احترامي وتقديري

رد: البغــبغاء السنغالي
 

شكرا جميعا انا ما اقصد التمنا انا اقصد البغبغاء السنغالي الي يكون لونه اخضر ورمااديي وحصلته بالكويت بسوق الحمام وبودلال فعلا قبل يومين اخذت كاسكو ومحجل بس حيل خايفه لانه يقولونلي المستورد مايعدي عمره العشر شهورر ويموت:( والي عندي عمره تقريبا 3 اشهر
وحاطته بمكان دافي واوكله اكل مخصص لفروخ الكاسكو وبعد اهو ياكل حب مخلوط مع فواكه مجففه واحطله عسل مع ماء سلق البطاط والجزر وكل شي قاعده اسوي بس خايفه:(

رد: البغــبغاء السنغالي
 

اتكلي على الله وان شاءالله مايصير الا كل خير بس اهم شيء لا تهملين الطير

رد: البغــبغاء السنغالي
 

فطوم كل الطيور مستورده

اولا : انا عندي اكثر من كاسكو وطافو ال سنه والسنتين والحمدلله مافيهم الى العافيه

وثانيا : بعدين 99% الطيور تجينا مستورده ماعندنا انتاج بالكويت بس انتي وعنايتج للطير انا اقول وكليه سيريلاك فواكه تحصلينه بالجمعيه لونه ازرق ووكليه عن طريق المميه او الابره نفس مالت اليهال الصغار

وثالثا : اسف انا راح بالي على التمنه

بس بسئلج جم عمره الطير الي تبين تشترينه وشنو مواصفاته ؟ يصعد على الايد ؟ يتكلم ؟ شلون ريشته ؟
وجم يبي فيه

وبنتظار ردج

وبالتوفيق

رد: البغــبغاء السنغالي
 

لاشدعوه بودلال والله مادري جم عمره وطلب فيه 10 دنانير بس طبعا مايوقف عالايد ولاشي يبيله تدريب بس الحين ماراحح اخذه دامي خذيت الكاسكو والحمدالله ليلحين صحته زينه وياكل وانا خذيتله اكل خاص حق فروخ الطيور اهو تقريبا نفس السريلاك بس اليوم اخوي يقولي لاتعطينه ويه الطير اذا شاف صاحبه يعطيه ويه وطول الوقت يطلعه بره القفص مايتكلم!؟ صج هالحجي؟:(

رد: البغــبغاء السنغالي
 

بودلال نسيت اقولك انا ادري الطيور مستورده ومافي انتاج محلي بس اقصد من الكلام الي قاعده اقراه انه الهولندي يكون تفريخ مزارع وينباع بعمر اقل من الافريقي
ولانه الفريقي صيد غابات صج يكون متوحش لكن مناعته ومقاومته للامراض اقوا ومتطوره لانه عاش بالبريه وانا والله احترت الله كريم وانشالله مايصيرله شي بس مايصفر ولايطلع صوت الا ماندر مادري لانه صغير؟

رد: البغــبغاء السنغالي
 

عطيه فترة فطوم وبعدين بيسندرلك راسك ،، بس خلي يمر عليه شهرين

ولا تخافين دلعي الطير ومصيره يتكلم ان شا الله مافيه ارتباط بين الدلع والتدريب على الكلام

ارجعي للمواضيع اللي تعلم التدريب على الكلام واتبعيها ،،، والله الله بتدليع الطير تراه يستاهل

وبالتووفيق ونسمع منك ان شا الله الاخبار الزينة

رد: البغــبغاء السنغالي
 

رد: البغــبغاء السنغالي
 

يافطوم اخوج كلامه نسمعه من اغلب الخبراء بس ندلع طيورنا ويتكلمون عادي :)

بس حكرته بالقفص احسن

بس مو ماتعطينه ويه مره وحده المهم وكليه احسن وافضل اكل وطلعيه كل اربع ايام مره عشان بس يحرك جناحه

وبالليل غطي القفص بفوطه كبيره عشان البرد بس

وحاولي تعطينه كل يومين مره نص برتقاله ومره نص تفاحه طبعا شيلي الحبوب الي بالتفاح السود

ومع السيريلاك باذن الله راح تشوفين صحة وجسم الكاسكو فوق الممتازه

والتصفير لاتحاتين لاحقه عليه وعلى اذيته :)

وان شاءلله نشوفه من اجمل الكواسكو بالكويت

وبالتوفيق يارب :)

رد: البغــبغاء السنغالي
 

مشكور وايد وايد بودلال وبقيه الاخوان بس ليش يظل بالقفص احسن؟؟ عاد اهو طول اليوم بره ماعدا الليل:(

رد: البغــبغاء السنغالي
 

والله يافطوم يقولون لما يكون بالقفص يضيق عليه المكان ويحاول يطلع كل الي فيه من تصفير وكلام وتشوفينه جنه يفكر لما تقوليله كلمه ولا شي

وهذي طبعا للفروخ بس اما الكاسكو فوق السنه مايفرق وياه داخل القفص او بره

وهذا الي اعرفه والي سامعه من اغلب المربين للكاسكو وطبقته وشف ان كلامهم صحيح :)

وبالتوفيق ان شاءلله