|
عاجل قططي ستموت انقذوها بسرعة كل دقيقة هم في خطر
القطة امس ولدت وجابت اربع قطط
المهم القطة تعبت كثير واخذتها للطبيب واعطاها مضاد وقال انها مصابة ببكتيريا الطبيب منع الرضاعة وطلب من رضاعتهم صناعي خمس قطرات خمس مرات يوميا لا يقبلون ان يشربون يذهبون لامهم لا يفتحون افواههم ماذا افعل وهل خمس قطرات كفاية؟؟ ارجو الرد بسرعه قبل لا يموتوا؟؟ |
رد: عاجل قططي ستموت انقذوها بسرعة كل دقيقة هم في خطر
بس يا ليت تشرح لي كيف تعبت امهم ؟.
|
رد: عاجل قططي ستموت انقذوها بسرعة كل دقيقة هم في خطر
اهي تعبت من بعد الولاده وصادها اسهال
واخذناها للبيطري وقال مصابة ببكتيريا واعطاها مضاد الحين السؤال شلون نعطي الصغار مو قابلين يشربون غير من امهم؟؟ |
رد: عاجل قططي ستموت انقذوها بسرعة كل دقيقة هم في خطر
اهااا الله يشفيها يا رب
طيب الدكتور ما عطاك رضاعات لهم ؟ |
رد: عاجل قططي ستموت انقذوها بسرعة كل دقيقة هم في خطر
والقطة توه ماعطتها اكل جديد بحري
فقال الدكتور انه يا من الولاده تعبت او من الاكل ودرجة حرارتها 39ونصف |
رد: عاجل قططي ستموت انقذوها بسرعة كل دقيقة هم في خطر
ان كان من الولاده فهو شي طبيعي
وخلهم يرظعون من امهم |
رد: عاجل قططي ستموت انقذوها بسرعة كل دقيقة هم في خطر
لالا اهو اعطى القطة مضاد وقال انه ما نخليها ترضعهم الا بعد 3 ايام
|
رد: عاجل قططي ستموت انقذوها بسرعة كل دقيقة هم في خطر
حرام يمكن يموتون :(
|
رد: عاجل قططي ستموت انقذوها بسرعة كل دقيقة هم في خطر
والله مممادري
بس اتوقع ان عادي يرضعون منهاا .. لان الدوا الي اخذته هي مجرد مضاد مو شي ثااني وفووق كذا .. ان اول 7 ايام من الولاده .. يكون في حليب الام فيتامينات خااصه ومفيده جداا .. لازم العيال ياخذووونها من الام ... يعني عادي دام فيها سهال اعطيها دوا اسهال مع مضاد حيوي مثل بيتاموكس او فيك تستخدم مضاد دوكسيسيروب بدون دوا الاسهال .. وبتطيب بسررررعه وطبيعي ترا تتعب شوي بعد الولاده .. هي مطلعه أرواح منهااا لازم تتعب |
رد: عاجل قططي ستموت انقذوها بسرعة كل دقيقة هم في خطر
يا حرااااااام :(
والله ماقدر افيدك والله بس ان شاء الله تكون بسلامه:( |
رد: عاجل قططي ستموت انقذوها بسرعة كل دقيقة هم في خطر
القطه دوم تتعب من الولاده
والمفروض انك الحين تعطيها اكل صحي وممتاز علشان تقدر ترضع صغارها ورضاعه امهم افضل واحسن لان الرضاعه الصناعيه عمليه صعبه اول شئ لازم تشوف لك حليب صناعي خاص بالقطط وتجيب لك حقنه الي تستخدم في التطعيم وتشيل الابره وتملئ الحقنه بالحليب وتعطيها كل ساعتين على مدار اليوم لان القطط صغار ومحتاجين اهتمام وجيب لك قطن طبي وبلله بالماء الدافئ وقم بتدليك فتحة الاخراج برفق لدى القط .... الهدف من ذلك هو مساعدة القط على التبول لأن القطة الأم فى الحياة الطبيعية تقوم بلعق هذه المنطقة من جسم الصغار بلسانها لعمل تنشيط ( Stimulation ) لها وبالتالى يساعد القطط على التبول والتبرز لاحظ أن عدم قيامك بتنفيذ هذه العملية كل 4 ساعات سيؤدى الى احتباس البول والبراز داخل جسم القط الرضيع وبالتالى سيموت وانا اقولك انك تتاكد ان الام مريضه وشنو سبب مرضها لان عمليه الاهتمام بالصغار صعبه وخاصه 4 اطفال |
رد: عاجل قططي ستموت انقذوها بسرعة كل دقيقة هم في خطر
لازم تشتري حليب مخصص للكيتن أو أبحث عن أم بديله لهم حتى 3 أيام هي بتعتني فيهم مضبوط
وأذا ماحصلت لازم تشتري حليب مخصص للكيتنز لأن معدتهم حساسه أتجاه أي وخاصه حليب البقر لاتعطيهم وأذا كلش ماحصلت قريت أن ممكن تعطيهم حليب مخفف بماي وشوية عسل والله أعلم .. ترضعهم الحليب 10 مرات لمدة 24 ساعه بسرنجه أو رضاعه مخصص لهم تحصلهم بالعيادات البيطريه ولما تجي تشربهم لاتضغط أو تدفع الحليب بكثره حتى مايشرقون ويدخل الحليب للرئه ويموتون وضروري تغسل أيديك والقطاره عدل لأن مافيهم مناعه ويمكن تصيبهم بكتيريا وجراثيم لو بغيت تعزلهم لازم توفر لهم مكان دااافي ،، جيب كمادات ماي حاره ولفها بمنشفه وحطها معهم أو قاروره مويه دافيه وبرضو لفها بمنشفه لأن حساسين من البرد وماعندهم درجة حراره بأجسامهم أو مصباح كهربائي بيوفر لهم الدفىء وبين وقت ووقت جيب قطنه مبلله بمويه دافيه وأمسح منطقة الأخراج حتى تحفزهم على الأخراج ملاحظه : مواليد القطط أذا كانوا بصحه جيده فـ يكون نومهم و رضاعتهم 90٪ أول أسبوعين أما أذا يعانون من شي مرض أو جوع فـ بتلاحظ صياح بكثره أو عدم رضاعه وبصراحه ماأدري ليه البيطري منع الرضاعه هل بسبب الدوا ماينتقل لهم من الأم عن طريق الحليب ويضرهم أو علشان ماتعاديهم بمرضها ،، وعلى فكره بعض الأناث بتصيبهم حمى بعد الولاده أنا لو يحصل لي نفس الشي بتوكل على ربي وأحطهم مع الأم لأني عارفه مابقدر على رعايتهم يموتون عند أمهم أحسن من يموتون بين أيديني وأذا ربي كاتب لهم حياه بيحميهم و بعيشون حتى لو الأم مريضه الله يكون بعونك بجد مسؤليه .. |
رد: عاجل قططي ستموت انقذوها بسرعة كل دقيقة هم في خطر
اخوي لا تعزل القطط عن امهم
واسئل اي خبير في القطط لان بعد 3 ايام اختمال كبير ان الام ما تتقبلهم وتتركهم يموتون |
رد: عاجل قططي ستموت انقذوها بسرعة كل دقيقة هم في خطر
^
^ آنا ماأقول يعزلهم لكن قلت لو فكرت تعزلهم لأن البيطري قاله لاتخليهم يرضعون كيف بيمنعهم!! أنا أصلاً ضد الفكره من أساس أعرف أن بعض القطط لو عزلت أولادها عنها كم يوم ورديتهم لها بتستنكر ريحتهم والبعض لا تبقى فيها أمومتها الى أسبوعين |
رد: عاجل قططي ستموت انقذوها بسرعة كل دقيقة هم في خطر
انا ادري ان مو قصدج وانتي تحاولين تساعدين
بس انا بغيت انبه والمشكلة ان اغلب الدكاتره البيطريين مايفهمون ويشخصون امراص وحالات من عندهم والغرض الماده لان صاحبي القطه الي عنده صادها اسهال من اكل المعلبات والدكتور ما قصر عطاها ابر لين ما ذبحها واظن ان هدف الدكتور كان الماده لان قال له انت لازم تجيب قطوتك اسبوعيا علشان اعالجها قبل لاتموت وعليك الحساب ومن يومها حرم ان ياخذ القطه لاي بيطري قبل لايسال الشباب عن الدكتور اذا هو فاهم ولا بس يبغي فلوس |
رد: عاجل قططي ستموت انقذوها بسرعة كل دقيقة هم في خطر
افتحي فمهم بالقوة ، اضغطيه من الجنبين أو افتحيه بأي طريقة وقطري وراح يبلعونه ان شاء الله ..
|
رد: عاجل قططي ستموت انقذوها بسرعة كل دقيقة هم في خطر
ما اقدر افيدك ان شاء الله تتعافى
|
| جميع الأوقات بتوقيت GMT +3. الساعة الآن 06:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو