|
ظروري ابا رد متوتي بين الحياه والموت
سلااام عليكم يا جماعة الخير
عندي متوه و ماعرف شو كلت و كله اتم تهز رقبتها احس انها تبا اطلع لي في بطنها بس ماعرف هيه صح ماكله شي و غاصه فيه و لا مريضه ماعرف المهم و ديتها البيطري و قالو هذي مانقدر لها اي حيله مانقدر نشل دوم و لا نقدر نصورها الانها وايد ضعيفه هيه ماكلت يوم بس قالو مستحيل يكون يوم واحد الطيور دايمن يحاولن مايبين المرض لين يزيد العوق عقب يبينن المهم عطوني ابره و اكل حقها و حطولها مغذي و قالو هاتيها باجر و يوم و ديتها اليوم الثاني على انهم بيصورونها و بياخذون دم منها و ماعرف شو المهم سرت وديتها و تمت عندهم من الصبح لين العصر ساعه 5 و نص و يوم رحت اشلها قالو لا نحن ماسوينالها اشعه و لا خذنا دم منها الان حالتها ماتسمح و حطينا مغذي و ماعرف شو سوبها بعد و قالو هيه تتعذب الحين اذا تبين بنضربها ابره حق تموت و ترتاح سفاحين موديتنها حق يعالجونها و يبون يذبحونا متى الله خذ روحها تراها بتموت ليش هالعيله لو جلب ماقالت هالرمسه بس المهم الحين هيه ماماتت عايشه بس مافيها توازن ماتوقف على ريلها توقف شوي و اطيح و اعطيها اكل بالابره بس قلبي يعورني عليها شو اسويلها ؟؟ ماعرف و على فكره ماطيع تاكل الا ملي واحد :( |
رد: ظروري ابا رد متوتي بين الحياه والموت
الله يعينج بس اختي اول تاكدي مافيها فايرس الطيور لان مره وديت طيري حق البيطري سالني ان كان تهز راسها وايد قلت انا لا لانها ما تهز قلت لو تهز قال لو تهز فيها فايرس اختي اول شي وديها بيطري ثاني شوفي وش يقولون لج عن يكون فيها مرض معدي الله يشفيها
|
رد: ظروري ابا رد متوتي بين الحياه والموت
اذا تحسين ان وجودها معـاج صار متعب
وديها لأي محل يربيها عندهم لين تموت ادري ان هالشي صعب بس ع الاقل أحسن من انها تموت عندج الله يكـون بعـونج ... (( كم سنة قعدت عندج هالببغاء )) ؟؟؟؟؟؟؟ |
رد: ظروري ابا رد متوتي بين الحياه والموت
أختي الطير ممكن يكون فيه سلامونيلا أو فايروس
إذا فيها سلامونليلا إحتمال 80% تعيش لنها طولت عندك مع المرض وإذا فيها الفايرس ما في علاج للأسف وإذا الإحتمال الأول عطيها مضاد حيوي مع مغذي معاه يود إس11 وفيتامينات وفيها سهال وشتنو لونه ؟؟ |
رد: ظروري ابا رد متوتي بين الحياه والموت
الله يشفيـــــــــــــــــــــــها يارب والله قلبي عورني
|
رد: ظروري ابا رد متوتي بين الحياه والموت
الله يعينج
|
رد: ظروري ابا رد متوتي بين الحياه والموت
الله يشفيها بس وديها حق بيطري 2 يكون احسن .....
|
رد: ظروري ابا رد متوتي بين الحياه والموت
إذا أنتي حاسه أن في شي ببطنها
روحي لصيدليه بيطريه يعطيك مسهل وغذا مافي روحي اي صيدليه عاديه وقولي له عطني مسهل وأنشاء الله يطيح الي ببطناها |
رد: ظروري ابا رد متوتي بين الحياه والموت
انا كاتبه الموضوع في سنة 2008 في شهر 7 الحين تردون :( تذكروني بالي مضى خلاص ماتت فاليوم الثاني لي رجعتها من عند البيطري ...
و الحين عندي 3 بس محد حل محلها الانه مهما ربيت ماظن حد بيأخذ غلاها لاتزيد المواجع خلني قد نسيت لا تقلب بقلبي صفحات الذكريات... ياليت لو يمسحون هالموضوع :( :( |
رد: ظروري ابا رد متوتي بين الحياه والموت
الله يرحمها
والله قلبي عورني ع قصتج! :( :( :( |
رد: ظروري ابا رد متوتي بين الحياه والموت
اقتباس:
قريت الموضوع في البداية وتأثرت وكنت بقولك شربيها عسل أصلي, بس لما قريت ردك وطالعت في التاريخ ما قدرت أمسك نفسي سامحيني والحمد لله ربي عوضك خير ان شاء الله ما تدرين, يمكن لو بقيت عندك سببتلك مرض لا سمح الله ويمكن ربي خلاها تموت عشان ما تضرك,,, خلي ثقتك بالله عز وجل كبيرة. تحياتي |
| جميع الأوقات بتوقيت GMT +3. الساعة الآن 08:02 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو