|
مبروك ... دمدم والفطريات
دمدم ولأول مرة تصيبه فطريات انا شاكة انها فطريات بدا الوضع قبل 3 ايام كانت مجرد حبوب كبيرة بارزة وعليها مثل دم متخثر على جانبين الرقبة تحت الاذن على طول انا على بالي انه دمدم جرح نفسه لأن اظافره طويلة لكن اليوم شفت ان الشعر مكان الحبوب بدا يطيح وصارت الحبوب صغيرة جنب بعض ولونهم احمر على وردي والمكان اللي طاح منه الشعر بحجم ال 100 فلس يعني بداياته الحمدلله اليوم بوديه البيطري وبتأكد وبشفو شنو يوصفلي علاج وبصور مكان الفطريات علشان يكون كلشي موثق بالصور وبنقللكم التجربة يوم بيوم علشان نستفيد كلنا وتفيدوني بتجاربكم واخيرا دمدم ما ارتاح الا لما صابته فطريات :cool: فضيع هالولد :cool: ميرسي . . . |
رد: مبروك ... دمدم والفطريات
الله يشفيلك دمدم ...
|
رد: مبروك ... دمدم والفطريات
الله يشفيه وتروح عنه الفطريات
وإن كانك من الرياض رديلي خبر عشان أوصفلك عياده كويسه وموثوق فيها ومتخصصه في الكلاب والقطط وعندهم أطبه من خارج المملكه يعني شغل مضمون100% وأتمنى إنك تكوني موجوده في الرياض عشان ماتفوتك هذي العياده وصدقيني راح تدعيلي تحيــــــــــــــــــــــاتي |
رد: مبروك ... دمدم والفطريات
i hope he be good and happey for u cear him alot now .............:)
|
رد: مبروك ... دمدم والفطريات
ياقلبي
الله يعيينج على الفطريات بس ليه فرحانه انه جاته فطريات :p:p شووفي احسن شي .. ابره للفطريات + شامبو للفطريات + بخاخ لاميزل ( البخاخ بشرري ) انا مجربه ويا عيال قطوتي بس البخاخ .. عشانهم صغار ماقدر اعطيهم أبر او احممهم فـ بس جربت البخاخ واهم شي الاستمررار و ان تحمين نفسج موفقه خيتو وعطينا اخباره اول بأول |
رد: مبروك ... دمدم والفطريات
الله يشفيه يارب
عندي سؤال؟؟؟ هل الفطريات هذي تتنقل للانسان وشلون الوقاايه؟؟؟ وخبرينا باخر المستجدات |
رد: مبروك ... دمدم والفطريات
ياه الله يشفيه يارب وبشرينا وانشاء الله بيرد مثل اول
وبالنسبة للأخ اسومي دمونيك من الكويت مو من الرياض وننتظر اخبار الحلو |
رد: مبروك ... دمدم والفطريات
الله يعينك يا دومينيك لازم هالفطريات تصيب قطاوتنا ... صح العلاج يطول لكن الحمدلله يجيب نتيجه شوفي ايش البيطري يقول لج و ان شاءالله ماعليه شر :o |
رد: مبروك ... دمدم والفطريات
ما يشوووووف شر دمدموووو اسم الله عليه
وديه الدهماء يعطونه حبوب وان شاء الله ما فيه الا العافيه |
رد: مبروك ... دمدم والفطريات
الله يشافيه ان شا الله و يقومه بالسلامه .. انا بعد قطاوتي حاشتهم فطريات بس مو كبيره مثل ماحاش دمدم .. و صار لي الحين ٦ ايام استخدم لهم علاج عباره عن مرهم نازورال و شراب غريزوفين .. وصراحه ما شا الله عليهم اشوفهم تحسنوا وايد .. بس واحد فيهم شعر ويهه طاح اشوي ف للحين مابعد يرد .. يبيله وقت .. و اليوم ببتدي احممهم بعد بشامبوو نازورال .. والله يشفيهم و يشفي كل قطو مريض بالفطريات .. قولوا آمين .. |
رد: مبروك ... دمدم والفطريات
وفرحانه أوي ياختي:D ...يالله مبروك وتتربى بعزك
يالله شو أكره الفطريات عدوي اللدود:( مره قالي بيطري أذا كانت الفطريات باللون الأحمر يعني مرحله متقدمه وأذا قشور يعني نهايتها أو بدايتها فا الله يشفيه ونطارين منك الأخبار |
رد: مبروك ... دمدم والفطريات
الله يشفيه يارب ويقوم لك بالصحه والعافيه
|
رد: مبروك ... دمدم والفطريات
طمنينا شصار على دمدم
|
رد: مبروك ... دمدم والفطريات
ويه سكتوا ابوي قالي لو طلع فيه صج فطريات ماتخلينه بالبيت واي بغيت اموت ما اقدر اتحمل ان دمدم مو عندي قالي خليه بالبيطري على ما يتعالج :eek: قلتله حرام اسبوعين 3 بالبيطري يمه قلبي عاد يوم وديته البيطري قالي البيطري اللي عند دمدم فطريات بس بمرحلة اولية يعني مو خطر قلتله بخليه عندكم الين يتشافى قالي لا مايحتاج بس اعطيه الحين ابر علشان يهدا ومادري شنو وعطاني حبوب قالي تعطينه كليوم ربع حبة لمدة 20 يوم ولو ما تشافى عقب هالمدة رجعيلنا عاد الحين قاعدة اعطيه الحبوب بانتظام وبشوف بس للحين يحكك ووايد يلحس نفسه يكسر خاطري ضايق خلقه وكله خامل لأن اهوا متعود اني احكك جسمه وادلكه والعب بشعره وانومه بحضني الحين ما ااقدر اسوي هذا كله لأن اخاف تنتقللي الفطريات :( وقلت حق الطبيب ما اعطيه شراب او ادهن الفطريات بمرهم او اسبحه بشامبو خاص قالي لا ما يحتاج بس احس دمدم متضايق من نفسه وموعارف يرتاح :( حبيبي معور قلبي . . . |
رد: مبروك ... دمدم والفطريات
ومشكورين على مواساتي في مرض دمدم الله يشفيه ويشفي كل قطوة مريضة يارب مشكورين ميرسي . . . |
رد: مبروك ... دمدم والفطريات
الله يشفيه لج ان شاءالله ياارب
|
رد: مبروك ... دمدم والفطريات
الله يكون في عونك وعونه بس لازم تعتني بيه أكتر لو كنت معتنيه بيه 100/100 خليها 120/100 :)
بس ماسبب وجود الفطريات ؟؟ هل تسيبيه يتجول بالشارع ولا من الكل ؟؟؟ وموضوع نقل الفطريات ليكي حاولي تستحمي كل يوم مرتين بشامبوا نيزورال أو أي شامبو فطريات بس خفيفيه وذلك للوقاية ( أحتاطي) ولازم دمدم يستحم بشامبو خاص بالفطريات خاص بالقطط واذا لم يوجد البديل شامبو أطفال مع أضافة قليل من الديتول وكمان أستخدام ديتول صابون ..... ولازم |
رد: مبروك ... دمدم والفطريات
وااااااااااااااي حبيبي دمدمو... حياتي لبسي قلفز اذا بغيتي تجيسينه زياده في الاطمئنان
ولا تحاتين هالحبوب ممتازه وصفوها مره حق زعتور وما شاء الله قبل الوقت المحدد شفى بحمد الله بس زياده كنت اسبحه بشامبو حطيت صورته بواحد من المواضيع زين.. اذا عندج منه جربيه .. هو زين للفطرياات وانا قمت استخدمه لهم على طول لانه يخفف التساقط اصلا وما يشوف شر دمدمو |
رد: مبروك ... دمدم والفطريات
الحمدلله صح كلامج كويتية الحبوب تهبل نشفت الحبوب بسرعة وعادي ينام معاي بالسرير ويحوس بالبيت كله ولا عادى احد فينا الحمدلله اسلام دمدم مايطلع من الصالة نهائيا حتى الحوش مايشوفه انا اخاف عليه وايد بس مادري شنو السبب الفطريات كانت بس في منطقة الرقبة وبس والحمدلله شعره ماطاح الا بحجم 10 فلوس بس ورا اذنه اليمين لحقنا على الفطريات من اولها والحمدلله نشفت الحبوب كلها قالي البيطري اشيل الطوق لأنه جلد ويسبب حساسية لو تم مدة طويلة فشايلة الطوق حاليا وبعد فترة بشتريله طوق ثاني ميرسي . . . |
رد: مبروك ... دمدم والفطريات
ولولولووووووووووش
مبرووووووك .. انتهيتي من كابوس الفطريات انا والله الفطريات بدت ترجع لقطااوتي كريييه هالمرض >_< بكرا بشتري لهم حبوب نيزورال بس دمدم عطيني اسم الحبوب اللي عطاج اياه الدكتور ومع اسم الابره لو قدرتي لان اللي عندنا يوم سالت عن الابره طلعت ابره جرب وتحرررق القطو ويموت بعدها بساعه لانها ماتنعطى للقطو الا في الحالات المستعصيه جدا جدا بسررعه دمدم كويتيه عطيني اسم وصوره الشامبو عندنا مب مووجود الا نيزورال البشري :( |
رد: مبروك ... دمدم والفطريات
مادري سيسي الدكتور عطاني الحبوب وحطهم بكيس شفاف مو مكتوب عليه ولا شي والابر عطاه اياهم قال هذول حق الامراض الجلدية مثل مضاد يعني يمكن :confused: خل اشوف يمكن هالاسبوع اروح البيطري بودي دمدم علشان ياخذ الابر مرة ثانية اسئله لج . . . |
رد: مبروك ... دمدم والفطريات
زي ماقالوا الشباب
في مرهم LAMISIL تبع فطريات او مرهم نيزورال للفطريات برضوا في شامبوا نيزورال مرتين في الاسبوع يتحمم فيه وانشالله خلال اسبوع راح تشوفيه الفرق بالنسبه للشامبوا يوضع على جميع الجسم ويترك لمده 10-15 دقيقه وبعدها يغسل عادي بالماء والمراهم والشامبوا تحصلينهم في الصيدليات العاديه .... وانتبهي اذا كان في قطط ثانيه انك تبعدينوا عنهم عشان ماتنتقل العدوي لانها سريعه جدا بين القطط وماتشوفون شر |
رد: مبروك ... دمدم والفطريات
تيب دمدووومه اساليه عن الابره والحبووب شسمه
ثويمر العلاجات اللي قلتها استخدمتها بس باقي الحبووب ابجربه |
رد: مبروك ... دمدم والفطريات
ايوالله نسيت الحبوب
الحبوب برضو نيزورال تابلت نص حبه في اليوم تطحن وتنحط مع الاكل اتمنى اكون فدتكم ماتشوفون شر |
رد: مبروك ... دمدم والفطريات
طبعا كل العلاجات تستخدم مع بعض عشان تكافح الفطريات بقوه
اللي هي الشامبوا والكريم طبعا بعد مسح الاماكن بمعقم او ديتول مخفف بماء عشان ينظف المكان ويفرك بفرشه مثل فرشة الاسنان عشان تزيل القشور وبعد ماينشف المطهر تحط الكريم وتخليه وتحاول انها ماتلحس الكريم بس لو عشر دقايق يعني تمسكها او تحاول تلهيها وبعدها مافي مشكله حتى لو لحستوا والحبوب مع الوجبه تنحط .... واي مساعده انا حاضر بالتوفيق |
رد: مبروك ... دمدم والفطريات
انا اليوم بشتري كريم وشامبو وحبوب نيزورال وان شاءالله نخلص من هالكابووس اكره مرض بالدنيا هالفطريات يسسسسسسسلمو ثوووويمر |
رد: مبروك ... دمدم والفطريات
مايشوف شر سلامته
|
رد: مبروك ... دمدم والفطريات
فديته و الله ما يشوف شر ...
عاد كله و لا شيخ الشباب دمدم ^^ بس غريبه من وين جاته الفطريات مدامه ما يطلع برع البيت !! يلا ان شاء الله كمن يوم وكل شي بيرجع طبيعي :) |
رد: مبروك ... دمدم والفطريات
اولا الله يشفيه لكي ان شاء الله ويبعد عنه كل شر
ثانيا ياقمر انا مدمنه قطوه المهم عندي قطوتين الام توتي والبنت شيراز كان عندهم فطريات بصراحه طفشني علاجهم رحت لعياده هنا بجده غشتني واخذت علي اكثر من 1000 ريال وبعدها بكم يوم جاهم تسمم كميائي رحت وديتهم بيطري ثاني وشاف وضعهم عطاهم الدواء اللازم وحلق شعورهم على الزيرروو عشان الماده الي حطها البيطري الاول مارضت تروح من شعرهم المهم نصحني بنزورال والدواء الفطريات دكتارين يجي منه مرهم مرره كويس لكن الافظع منهم كلهم الخل الاسود نتيجه مضمونه 100% صدقوني الطريقه املئ الحوض ماي دافي وحطي 3ملاعق كبيره خل اسود وحطي القطو فيها وبعدها روشيه عادي بشامبو او بنوزورال بعد الشامبو اغسليه بالماي وبعدها حطي كميه قليله من الخل الاسود على مكان الفطريات وخليه دقيقتين او اكثر المهم بعدها اشطفيه استخدمي شامبو برائحه حلووووووووووووه وحمام الهناء بعده واسفين على الاطاله |
رد: مبروك ... دمدم والفطريات
الله يعطيك العافيه سي سي
ماسوينا شي والعلاجات هذي انا مجربها بنفسي وبصراحه فضيييييييعه خاصه الشامبوا وبالتوفيق |
رد: مبروك ... دمدم والفطريات
اقتباس:
يمكن هذي اهيا الحبوب لأن قالي تنطحن وتنحط مع الاكل ربع حبة باليوم ولو مافاد راح نزيد الى نص حبة مشكور ثويمر ماشالله عليك افدت كثيرين غيرنا وانشالله بتفيد اكثر انا الدكتور ماعطاني الا الحبوب والابر والحمدلله دمدم بسرعة نشفت الفطريات عنده قالي البيطري لأن مرحلة الفطريات كانت في بدايتها ولحقنا عليه الحمدلله ينام على سريري وامسح على جسمه والعب معاه بس عقب كل لمسة اغسل ايدي بصابون ديتول المطهر والحين وايد وايد خفت الحكة عنده وطبعا ماكو طوق برقبته لأن الدكتور قال الطوق الجلد اللي يتم على الرقبة لفترة طويلة يسبب فطريات واحتكاك والتهابات وفعلا الفطريات بس موجودة مكان الطوق حول الرقبة ******** شيطونه شفتي مادري اتوقع من الطوق مع الجو الحار ياربي غرفتي باردة ومكيفة شحلاتها مادري ليش يروح ينام بالزوايا الحارة استغرب منه مع انه جسمه كله شعر المفروض يكون عليه حر ويدور البرودة هذا كله يدور الدفا :p ******** توتي وشيراز املي الحوض ماي واحط دمدم بالماي؟؟ اييييييييييي انتي ماشفتي المذبحة اللي تصير بالبانيو لما بسبح دمدم لازم اتسبح عقبه تخيلي اني احطه بحضني وارشه بسماعة الدوش وافرك جسمه واهوا بحضني يعني انا اتسبح معاه :D هذا خواف مايحب الماي ********** ميرسي لكم كلكم على المرور والدعوات الطيبة الله لا يوريكم بقطاوتكم مكروه . . . |
رد: مبروك ... دمدم والفطريات
الله يعطيك العافيه وماسويت غير الواجب وهذا الهدف من المنتدى
الفايده ..... وهنا نستفيد من تجارب الغير ونتبادل المعلومات والخبرات عموما اتمنى لدمدم الشفاء العاجل وبعد الشفاء لازم الواحد يحافظ على قطه من رجوع الفطريات مره اخرى ... بالتوفيق |
| جميع الأوقات بتوقيت GMT +3. الساعة الآن 11:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو