|
نزلت لكم صور فرخي
قوووووووووة
حبيت اليوم انزل لكم صور فرخي والحمدالله صحته تمام ونشيط بس خايفه عليه من الشتا لانه ياي جريب على الابواب شنو تنصحوني اسوي له واهوه على فكره يمشي خطوتين ويطيح وقلت مب حاطته داخل قفص بحطه في كرتون شرايكم ؟؟ هل اللي اسويه صح ولا غلط ؟؟ وشنو تنصحوني اوكله حق يدفيه في الشتا ؟؟؟ انا هالايام اعطيه حب شمسي وساعات اعطيه خلطه فروخ شريتها من البيطري يعني جم مره ااكله باليوم حق صحته ولاني اروح الجامعه اخلي الوالده تاكله بس مادري كل جم ساعه ؟؟؟ وبسال عن الماي ؟؟؟ مره سمعت من عضو بالمنتدى اسمه كويتي يقول راعي المحل قايل له ما يعطي الفرخ ماي الا قليل صح يعني الكلام ؟؟ ما اعطي ماي بس اكتفي بالخلطه ويا الحب الشمسي ؟؟ بلييييز لا طنشوني واخليكم مع الصور ما شاءالله تبااااااارك الرحمن [IMG]http://www5.0zz0.com/2007/11/19/11/30228872.jpg[/IMG] [IMG]http://www5.0zz0.com/2007/11/19/11/76881727.jpg[/IMG] |
رد: نزلت لكم صور فرخي
ماشالله ببغاء جميل بس شكله دايخ شوي
انا انصحك تأكله سيريلاك بالفواكه وطبعا لازم تشربيه ماي دائما لانه مهم له |
رد: نزلت لكم صور فرخي
تسلم لي اخوي بروس على المرور والتعليق
انا حاليا استخدم له خلطه مالت فروخ ببغاء خصوصا اذا الله قدرني بنزل لكم الصوره مالت الخلطه بس ما رديتو على اسئلتي ؟؟؟ |
رد: نزلت لكم صور فرخي
ماشاء الله تبارك الله
يوجد بالمنتدى مواضيع تفيدك ارجو البحث عنها |
رد: نزلت لكم صور فرخي
ماشاء الله تبارك الله فرخ جميل
بالنسبة للماء انصحك ماتعطيه ماء الا وقت الاكل يعني لا تخليه قدامه على طول وخلي الماء من 3 الى 6 مرات بس لانه يسببله اسهال |
رد: نزلت لكم صور فرخي
واهوه على فكره يمشي خطوتين ويطيح وقلت مب حاطته داخل قفص بحطه في كرتون شرايكم ؟؟
حطه في اي مكان يناسبك بس اهم شي تدفيه وتنظف تحته وشنو تنصحوني اوكله حق يدفيه في الشتا ؟؟؟ السيريلاك احسن من الخلطه وحق كل الفصول ولاني اروح الجامعه اخلي الوالده تاكله بس مادري كل جم ساعه ؟؟؟ كل ماتشوف حوصلته فضت من الاكل اوقربت تفضا اكله. تقريبا كل 2 او 3 ساعات مره سمعت من عضو بالمنتدى اسمه كويتي يقول راعي المحل قايل له ما يعطي الفرخ ماي الا قليل صح يعني الكلام ؟؟ لا غلط. لازم تشربيه بعد كل وجبه وانشالله يعيش ويكبر ويصير ببغاء متكلم |
رد: نزلت لكم صور فرخي
مشكووووووووورين حق كل اللي مرو جاوبو على اسئلتي ... تسلمون لي ما قصرتو يزاكم الله الف خير
واخوي بروس لك شكر خاص لانك رديت على اسئلتي سوال سوال ^____^ وعقب شوي بنزل صورت الخلطه لكنكم دام قلتو لي السريلاك افضل من اليوم بروح اشتري سريلاك بالفواكه |
رد: نزلت لكم صور فرخي
هذي صوره الخلطه اللي اطعمها فرخي
[IMG]http://www2.0zz0.com/2007/11/19/12/47128329.jpg[/IMG] وبالنسبه حق الحوصله تره ما يبين من جسمه شي لانه ريشه مكتمل ؟؟؟؟ شاسوي يعني |
رد: نزلت لكم صور فرخي
شباب فرخي من الشوي نام لكنه نايم على الارض يعني منسدح ومدخل راسه داجل جسمه
هل هذا طبيعي لانه بيبي ولا شنو ؟؟؟ مادري اول مره اربي فرخ واخاف فيه شي >____< |
رد: نزلت لكم صور فرخي
ماشاءالله تبارك الله الطير جميل وصغير
ويحتاج عنايه خاصه الله يعينك ويباركلك تصفح في توزو ستجد اجابة لاسئلتك. |
رد: نزلت لكم صور فرخي
ماشاء الله يجنن بس عندي سؤال من وين اشتريتيه وبكم لان اذا تقدري تجبيلي فرخ واديك السعر الي تطلبيه في اسرع وقت
|
رد: نزلت لكم صور فرخي
تسلمون لي على ردودكم الطيبه ^____^
واخوي ارنوب الصغير >>>> نك نيمك تحــــــــــــــــــــفه وليش غيرت صورت القطو المتلثم والله انه الصوره كانت فظيييييعه على العموم ارنوب انا مابيع فروخ انا شريته من البحرين في سوق واقف اذا لك خاطر تفضل عندنا البحرين |
رد: نزلت لكم صور فرخي
والله اخوي اول مره اشوف الخلطه هذي ولا عندي فكره عنها
وبخصوص انه ماتبين حوصلته لانه عليها ريش تشوفها منتفخه اذا بطنه مليان اما اذا فاضيه تبين وبخصوص نومه انشالله طبيعي بس انتبه تعرضه للبرد |
رد: نزلت لكم صور فرخي
تسلم لي برووووووووووووووووووس على ردك
اي الحمدالله نومته كانت طبيعيه بس انا خفت في البداااايه لكن الحمدالله مافيه شي طبيعي ينام هلون لانه توه بسم الله عليه صغنوووون ولا توصي حريص تسلم لي |
رد: نزلت لكم صور فرخي
يوكل الطير كل مايجوع
عادة من 3مرات الى خمس مرات يتم تأكيله والخلطه حقتك رائعه لانها مخصصه للطيور صديقي يقوم بعمل هذي الطريقه يوكله كل مايحس ان الطير جايع يعطيه وزميلي الاخير يقوم ويأكله بعد كل صلاة يقوم باعطائه الاكل |
رد: نزلت لكم صور فرخي
ماشاء الله ..
الفرخ روووعه الله يخليه لك , |
رد: نزلت لكم صور فرخي
اخوي اول شي الله يهنيك في الفرخ ودربالك عليه لانه الفروخ تحتاج اهميه كبير وعنايه جدا جدا حريصه ..
بالنسبه لسؤالك عن الماي لا تحرمه منه ولا تعطيه كثير .. الفرخ ياكل بدون لا يشبع ومرات يموت اذا صار عنده انتفاخ .. مادري الاخ بروس قال لا بكثره .. اخوي شكلك ماسمعت بالانتفاخ .. ولكن مانقول تحرمه من الماء ,, يعني بشكل معتدل .. اما بالنسبه لهذه الخلطه فهي ممتازه جدا جدا وفيها جميع المواد المقويه للفرخ وتقدر اخوي تخلطه مع السيريلاك .. والتنويع ممتاز اخوي الحمص ممتاز وايضا البطاط المفيوح جدا ممتاز له .. الله يهنيك بالطائر وما انصحك تحطه بكرتون لانه برازه تكرم راح يحوشه وهالطائر ماعنده استعداد ينظف نفسه + النظافه لازمه له .. يعني تحطه بالكرتون تحسب حسابك تنظفله اول بأول .. تحيــاتي لــكـ |
رد: نزلت لكم صور فرخي
مشكوووورين على الردود اللي تثلج الصدر ^___^
واخوي كويتي مشكور على النصايح الحلوه وان شاءالله بمشي عليها وعجبتني فكرة اني اخلط من الاثنين بسويها باجر وعن الماي انا اعطيه بالابره عشان اشوف شكثر بضبط يشرب مادري احسه واااايد يموت على الماي يشرب وايد ما شاءالله عليه بس انا ما اعطيه وايد اعطيه تقريبا بس 4 مل لاني اعطيه بالابره بين وجبه والثانيه وعن سالفه الكرتون جربتها وا دشت مزاجي وايد يوصخ فيها حطيته في القفص مسكين تشير ريوله ساعات داخل لكنه انظف له من الكرتون عشان ما يتوصخ ريشه وفي وحده في المنتدى والله ماني ذاكره اسمها قالت انه فرخها يحفر تحت القفص بريله ههههههههه مالي اليوم اشوفه يسوي نفس الحركه سيده يات على بالي العضوه ... مو ذاكره اسمها والله جني وايد هذرت !!! مشكورين اعضاء المنتدى ما تقصرون ويزاكم الله الف خير |
رد: نزلت لكم صور فرخي
الله يهنيك بالفرخ والله انه فرخ حلو ورائع
بس نصيحة من الحين عودية على اسمه يعني دايم رددي الاسم عليه بكل وقت عشان يحفظ اسمه ونصيحة ثانية عليج بالمواضيع المثبته لانها راح تفيدك بشكل كبير وتحياتي لج ولفرخج الكتكووووت |
رد: نزلت لكم صور فرخي
تسلمين لي اختي غزل على كلماتج اللطيفه من ذوقج والله
همممممممممم على طاري الاسم للحين مب عارفه شنو اسميه اذا ممكن تساعدوني ساعات اقول سلفر ساعات اقول تيكو ساعات عسووول للحين مب عارفه شنو اسميه وانا مستفيده من اضاء المنتدى وايد الله يخليهم ان شاءالله والله يخلي لي طيري يااااربي ^___^ اي وعلى فكره اسمج وايد حلو ... |
رد: نزلت لكم صور فرخي
الله يباركلك في الطير وحافظ عليه
|
رد: نزلت لكم صور فرخي
اللهم صلي على سيدنا محمد
الهي يحميه |
رد: نزلت لكم صور فرخي
اقتباس:
وطبعا انتي وبراحتج ومشكووووره عزيزتي ان اسمي عجبج :o |
رد: نزلت لكم صور فرخي
مـاشاء الله تباركـ الله
بس كني اشوفه في الصورهـ تعبان شوي و اتوقع فيه اسهال الله يكرمكم ، و الله يعينكـ عليه والله يبيله تعب و جاي البرد و تقبلي مروري |
رد: نزلت لكم صور فرخي
قووووووووة
تسلمون لي على مروركم وتعليقاتكم واختي غزل ان شاءالله اول ما ارسي على اسم بخبرج ^___^ واخوي tedll شلون عرفت انه طيري فيه اسهال ؟؟؟ مادري انا ما شوف فيه شي ياكل الحمدالله ونشيط بس انا ملاحظه عليه انه صج شويه الخروج ماله يكون يامد ومعاه سوائل مادري شاسوي يمكن لانه اعطيه ماي واهوه يحب يشرب ماي >____< بوديه البيطري اليوم عيل ... وتسلمون لي على الملاحظات الطيبه |
رد: نزلت لكم صور فرخي
هههههههههههههههههههههههههههههههههههههههأجل اكله سيريلاك
|
رد: نزلت لكم صور فرخي
ماااا شاء الله :)
فرخ ولا أحلى الاعضاء كفوو وفوووو |
رد: نزلت لكم صور فرخي
قووووة
شباب بغيت استفسر عن شغله انا امس وديت فرخي البيطري عن الاسهال والحمدالله عطاني دوا واشوفه اليوم اوكي الحمدالله بس اللي لاحظته انه الاسهال يصيده اذا اشربه ماي وانا الحين صرت ما اعطيه ماي الا بس اخلطه له ويا اللاكل تعتقدون اوكي يعني ما يضر الفرخ ؟؟؟ لو ما سقيته ماي الا قليل وايد بس 2 مل عقب كل وجبه ينفع ؟؟ |
رد: نزلت لكم صور فرخي
ماشاء الله عيني عليه بارده فظيع http://www2.0zz0.com/2007/11/21/16/70774042.gif
|
رد: نزلت لكم صور فرخي
مــا شاء الله تبارك الله :) يهبل .. الله يخليه لك وبالنسبه للشتاء عشان لا يستبرد .. او يمرض حط يم قفصه دفايه .. :rolleyes: لان والله حرام توه صغير وبسرعه يمرض فاهم شي انك تدفيه اتمنى اني افدتك ^_^ |
رد: نزلت لكم صور فرخي
ماشاء الله تبارك الله عليه
بس نصيحة انتبه من الاسهال اكيد انت تعطيه ماي كثير الماي ضروري بس كمية بسيطة وانشاء الله يكون تمام وشكراً |
رد: نزلت لكم صور فرخي
ما شالله طير حلو و حبوب انشالله تتهنين به
|
رد: نزلت لكم صور فرخي
تسلمون على ردودكم اللي تطيب الخاطر ^___^
الحمدالله الحين وقف الاسهال توني مكتشفه انه لازم اعطيه ماي كللللللللللللش قليــــــــــــــــــــــل واذا زودت حته لو حبتين توقع الاسهال على الطوووووول فنصيحه حق اللي يربون فروخ انه يقللون من كميه الماي يخلونها كلش صغنوووونه عشان صحته والبيطري يوم امس رحت له قالي انه المفروض الفرخ دام انه صغير ما انوع له الاكل كل يوم اعطيه شي غلـــــــط هذا الاسلوب >>>>>>>> انتبهو حق ذي النقطه شباب لانه معده الفرخ صغيره وما تتحمل التنويع في الاكل .. قالي اقدر انوع له عقب ثلاث اسابيع عشان معدته تتقبل التغير وما يسبب له الاسهال بسبب التغير في الاكل يعني يكون التنويع في الاكل بالتدريج مو كله مره وحده وعن السريلاك قالي انه واااايد حار على معدته الفرخ وما نصحني فيه قالي افضل له اني اوصل على الخلطه مالت الفروخ اللي انا حاطه صورتها في الموضوع قالي هذي احسن من السريلاك ولانها مخصصه حق الفروخ وبس خلاص ان شاءالله استفدتو من كلامي اللي نقلته لكم حرفيا من البيطري ^_^ سلااااااااااااااااااام |
رد: نزلت لكم صور فرخي
شكرااااااااا على المعلومات
بس انا طول عمري ااكل فروخي سيريلاك |
رد: نزلت لكم صور فرخي
شباب عندي استفسار
انا اذا ااكل طيري بالابره الاحظ عليه هالايام يبطل منقاره كامل وييلس يصااارخ بقوه شنو معناتها الحركه ؟؟؟ مع اني ما اغصبه بالاكل ولا شي بس من نفسه يسوي هالحركه ذي !!! شنو السبب ؟؟ هل هذا طبيعي ولا فيه شي ؟؟؟؟ |
رد: نزلت لكم صور فرخي
ليش محد رد على سوالي ؟؟؟
|
رد: نزلت لكم صور فرخي
مشكور اخوي عالموضوووع لانة انا عندي فرخ بس اعاملة معاملة الطير العادي بس ماي وحب شمسي
|
رد: نزلت لكم صور فرخي
ماشاء الله الله يخليه لك رووووووووووعه
|
رد: نزلت لكم صور فرخي
الله يخليه لك وتشوفين عياله بعد
|
رد: نزلت لكم صور فرخي
ههههههههه
ان شاءالله الله يسمع منك يا مربي الطيور واخوي دراج قطري يمكن فرخك عادي مافيه اسهال ولا شي وكل شي تمام ياكل بروحه عادي خله مثل ما اهوه لا تغير له شي |
| جميع الأوقات بتوقيت GMT +3. الساعة الآن 11:59 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو