|
نصاب.....أنته نصاب............!!!
بسم الله الرحمن الرحيم السلام عليكم ورحمة الله وبركاته شباب اليوم عندي موضوع جديد بعيد عن الصور والمعلومات وامراض الحمام والادويه وغيره اليوم عندي سالفه ونبي كل الاعضاء الحلوين ويتفاعلون ويكتبون الموقف اللي صار لهم...... والموضوع عن اول نصبه عليك في عالم الحمام طبعا كل واحد اول ايامه انصب عليه في جوز ولا في قفص ولا غيره نبي نتفاعل ونطلع برى مواضيع الصور والمعلومات وندخل في كلام مع بعض ونسولف بصراحه عن نفسي اول موقف او اول نصبه علي حسيت نفسي انى ؟؟؟؟؟؟ ماقدر اقول اول ماربيت الحمام حبيت الحمام الاراني ومره من المرات رحت حق دكتور بيطري يبيع حمام ورى عيادة وهو من اخوانا العرب لقيت عنده جوز ايراني حلو حلووووووووو لونه روووووووووووووعه حسبلي الجوز 480 ريال قالي الجوز ينتج وغيره وغيره من الكلام اللي مامنه فايده ثاني يوم رحت سوق الحمام الا لقيت واحد عنده نفس الجوز بس مستوى احلى مصرول<<<<<<<<<<<<<لان الجوز اللي 480 ريال الذكر مو مصرول المهم ماعلينا شفت الجوز وقلبي معورني قلت بعد ادفع 480 ولا 400 في نفس اللون وبالصدفه سالت الهندي وقبل لاتكلم قلت له شوف أبغي اخر سعر مابي زياده ولا خلاص بطلع قول على طول من اول سعر اذا زين حطه داخل الكيس فجئه قالي (((بابا مشان انته عميل)) <<كذاب اول مره اشوفك>>>((((انا اخر يحسب90 ريال)) :eek: قلت شنو 90 ريال<<<طبعا استحيت اقوله ماخذ نفسه وفرده بدون صروال 480 دفعت لفلوس طبعا وبعدها قلت له انا شريت نفس هذا الجوز 280 ريال نقصت 200 من السعر تم يضحك الهندي علي ويقولي ((نفر قطري مافي مخ)) قلت له بيض الله ويهك عيل لو تدري بالسعر كان بتطردني من المحل وطبعا مع االايام الجوز بو 90 ريال الله بارك لي فيه ولحد اللحين شفت له 7 فروخ اما الجوز بو 480 دوم البيض فاسد ولا ينتج وستغليته حضان للحام الثاني يعني 480 لو ماخذلي كم جوز زاجل حضانه ابرك من جوز واحد وكان درس لي فالاسعار يالله انا طولت وانشالله نشوف تفاعلكم معانا |
رد: نصاب.....أنته نصاب............!!!
:oوالله تسلم أخوي قطري لطرحك هذا الموضوع اللي مايمشي الا بالتفاعل والمشاركة,,,, وأنا سبق أني نزلت موضوع بنفس المستوى ((المؤلم والطريف)) بس ماشفت أي تجاوب والموضوع راح في عالم النسيان!!!!!!!!!!؟؟ ========================================================= بالنسبه للموقف اللي حصل معاي طبعا كنت صغير وماعندي خبره وايده في مجال البيع والشراء في يوم فكرت أبيع حمامة جوية في السوق لشخص ما أعرفه والحبيب يبغي يخسرني وانا شاري الحمامة بخمسه وعشرين درهم وهو يبغي يشتريه بخمس دراهم وهو يعرف مستوىالحمام اللي يشتري مني ,,,,, المهم بعت عليه الحمام وأنا في نفسي أقول روح ياعلك ماتربح يانصاب دارت الايام والحمامة اللي بعتها ردت البيت وخسر الحبيب الصفقة هههههههههههههههههههه هههههههههههههههههههههههههههههههههههههههههههههههههههههههههههه :D :D :D تحياتي لك بالتوفيق أخوك اوديع :) :o :) :o |
رد: نصاب.....أنته نصاب............!!!
مشكور اخوي الوديع على المشاركه الطيبه
اما عن عالم النسيان...........المنتدى هذا في امور تحير المشاهدات توصل فالمئات والردود ماتجاوز الخمس او ست ردود تطرح موضوع تبغي ناس تتفاعل معاك تحصل ناس ترد عليك بالشكر بس ماعليك انشالله شوي شوي نعودهم على الكتابه وبعدها انشالله الردود 100 والمشاهدات 50 شلون مادري بس انشالله بتصير مشكووووووووووووووووووووووووووووووووووووووووووووووووووووووووووووووووووووووووووووور |
رد: نصاب.....أنته نصاب............!!!
مشكور خالي عالموضوع الحلو
والجديد والمفيد خصوصا اني افكر ابتدي بتربية اليمام عشان ما ينلعب علي لووووووووووووولز |
رد: نصاب.....أنته نصاب............!!!
الصرااحه الحمام في قطر واايد غاااالي في البحرين حمام بوفوطه بــ 20 دينار الجوز وتحصل ارخص واهناك على 150 دينار ورايح اه شنو شااري انه تلفون ولا ثلاجه :D انه الحمدالله ولا مره قصو علي في الحمام لان كاان الوالد متاابعني 24 سااعه :D وتحياتي العنيفه لكم وسلملمــــــــــــــــــــــ،،، |
رد: نصاب.....أنته نصاب............!!!
اقتباس:
خخخخخخخخخخخخخخخ مخرف السستم خخخخخخخخ وتحياتي العنيفه لكم وسلملمــــــــــــــــ،،،:D |
رد: نصاب.....أنته نصاب............!!!
اقتباس:
خخخخخخخخخخخخخخخخخخخخخخخخخخ مسكين شكله تلقااه ليحين يكفخ على رااسه !! خخخخخخخخخخخخخ وتحياتي العنيفه لك وسلملمــــــــــــ،،، |
رد: نصاب.....أنته نصاب............!!!
مشكووووووووووووووووووووووووووور بحريني على التفاعل
اما عن اسعار لطيور في قطر ترى ماننكر ان قطر غاليه.........بس كل بلد عايشه على مستوى معين من الاسعار أبسط مثال............شوف اسعار حمام الامارات على كم فالمزاد وبعدها احكم حمامه توصل لين 4000 درهم ولا 6000درهم وصاحبها يقولك المزاد مستمر فالنهايه الاسعار على حسب نمط البلد وعلى مستوى الحمامه على ماظن ان في حمام عندكم فالبحرين اسعار اغلى من حمام قطر صح ولا انا غلطان حمام (أدريس) (ذهير) وغيرهم من المربين جوز الشمسي يوصل فوق 300دينار تحياتي |
رد: نصاب.....أنته نصاب............!!!
هـــــــلا وغـــــــــــــــــلا بالجميع أن شاء الله تكونون بصحة وعافيه بالنسبة للموضوع الصراحه يا القطرررررررري جبتها على الجرح الموضوع شيق وان شاء الله الكل راح يتفاعل معكم قصتي مع اول جوز حمام ( ضحك ونصب ) اول بدايتي في تربية الحمام كنت ما اعرف شي عنها بس اشوفها وكان الوالد الله يطول في عمره يربيها بس ما كان يعلمنا اسماءها او اي شي عنها المهم اني رحت لمحل لبيع الطيور الزينة وكنت ناوي اشتري ( صوصو ) فرخ الدجاج وشفت قفص حق طيور وموجود فيه زوج حمام مع اعياله الصراحه انا ما اعرف اسمه ذاك الوقت وهو ( صفاقي ) اللى يعجني في الجوز لونه الجميل كريمي واعياله معاه قلت خلني بشتريه يوم سألت صاحب المحل عن سعره قالي ( 350 ) ريال الصفاقي كان ذاك الوقت حده ( 80 ) ريال قلت وأخر قالي ( 300 ) ريال قلت خلاص واخذته ورحت البيت يوم جا الوالد قالي شنو هذا قلت حمام قالي ادري انه حمام من وين جبته قلت ( صايده ) خفت منه قالي شلون صايده قلت شفته طاير بالجو وشايل معاه افروخه ( قويه ) وبعدين تعب وقعد بالحوش وصدته بعد ما قلت الكلام هذا وتوني مخلص ما شفت شي بعدها عطاني ( كف ) خلاني ادور في مكاني وقالي اعترف قلت شريته بكم 300 ريال ويجيني ( كف ) ثاني قالي انت حمار تشتري بالمبلغ هذا اذا تبي قولي وانا اشتريلك مو تروح من وراي وتتليقف. ومن بعدها اشوي اشوي تعرفت عليها وفصايلها وطريقة تربيتها وكل شي والحمد لله والله الموفق وارجو ان استمتعتم بالقصة وان تنال اعجابكم واسف على الاطاله أخوكم الصغير ( Hilal ) |
رد: نصاب.....أنته نصاب............!!!
ههههههههههههههههههههههههه
بصراحه قويه حمامه تشيل عيالها وتتعب<<<<<<<<<<<<<<<:p يالله بس شي حلو الواحد يتعلم من غلطاته |
رد: نصاب.....أنته نصاب............!!!
بصراحه انا ما اعرف في اسعار الحمام وايد بس عندنا في الامارات الحمام وايد غالي
فقلت بما اني مبتدا ببدا بالحمام الرخيص و اشتريت وااااااااااااااااااااااااايد لكن للاسف في النهايه طلع ما يبيض ولا شي اللهم حمامه وحده كانت غاليه شوي حتى ما اعرف شو نوعها هي الي كانت تبيض و بعدين قلت بشتري من الحمام الغالي شوي اشتريت لقيته يروح عند الحمام الي يبيض و يطيره و يرقد على البيض |
رد: نصاب.....أنته نصاب............!!!
شكرا قطرى على موضوعك المميز
|
رد: نصاب.....أنته نصاب............!!!
لموضوع مررررره حلو ................وخذوا هالقصه من بحر الذكريات مع اخوي
اخوي كان يربي حمام وكنت انا المساعده او النائبه لا غاب العصر او راح الحراج المهم لا اطول ...............مين يحط الاكل للحمام ويدخله مكانه قبل المغرب ويغير الماء .............انا :Dالمسكينه العبده الفقيره ............لذا قرر اخوي يعطني زغلول من اي زوج اختاره .........زغلول واحد بس .........المهم الحمامه بالعاده تحط بيضتين لذا ...قرر ولغايه في نفسه انه يعطيني اخر واحد يفقص :cool:..............كان عمري وقتها 7 او 8 انا ما حسبت من يوم ما يقول اختاري اخذه ونزله معاي للبيت اتبناه بالعربي .............واخوي يقول يا بنت خليه عند امه ...........احسن له .وانا راسي يابس لا تبي ترجع في كلامك ..........وبعدها اقوم اوكله واشربه لكنه يموت بعدها بيومين ..........واقوم اصيح واقول تعطيني وحده تبي تموت ليش حمامك يعيش وانا لا وعلى هذا الموال .......... وبعدين قرر اخوي لغايه في نفسه انه هو يختار الزغلول:cool: ...........وكان يعطيني المريض ...؟؟؟؟؟؟؟؟؟وكانه في قراره نفسه يقول ميت ميت ليه ما اعطيها للي يبي يموت على قولتها .............وطبعا يموت واخر محاوله للحفاظ على الموظفه المحترمه:D ........... قلت له تعطيني حمامه كبيره علشان ما تموت ..........يعني تعتمد على نفسها ..........وعطاني اياها ونزلتها للبيت وطردوني علشان قاعده تطير واقنعوني:( ...........طلعتها ونمت وصحيت الفجر على احر من الجمر ..........ودورتها ما لقتيها:confused: انتظرت الشمس علشان الضوء ...........ولقيت ريش الحمامه اكلها البس :eek:حسبي الله عليه |
رد: نصاب.....أنته نصاب............!!!
هههههههههههههههههههههههههههههههههههههههههههههه
المنحوووووووووووووس منحووووووووووووووووووووووووووووووووووووووووووووس بس الحمدلله ماماتت الحمامه وراحة على الفاضي تعشى فيها البس مشكورين على تفاعلكم الاخ ايهاب شكرا على الرد والاخ نيو777 شكرا على التفاعل والظاهر الحمام اللي خذه يا معضمهم جنس واحد ذكور او اناث او ماعطك حمام كبير فالعمر مايبيض مشكورين على التفاعل ...............................................تحياتي |
| جميع الأوقات بتوقيت GMT +3. الساعة الآن 11:29 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو