استفسار عن مرض الطير
 

السلام عليكم
صديقه لي عندها كاسكو مريض ما ياكل وطالعه له حبة تحت منقاره
عيونه كلها دموع جابته عندي وخفت انه يعدي طيوري ابي مساعدتكم ايش اسوي
ونفس الوقت قلبي يعورني علية مسكين كمان تقول صاحبته كان يتكلم وبطل يتكلم او يطلع صوت
ابي الحل سريعا لأنه بيجلس عندي اسبوع وابيه يتحسن واكسب اجره
ارجوكم
وهذي صوره

http://store2.up-00.com/2015-06/1434580474681.jpg

http://store2.up-00.com/2015-06/1434580475112.jpg

http://store2.up-00.com/2015-06/143458047553.jpg

وشكرا لكم

رد: استفسار عن مرض الطير
 

اختي ما عرف ف الامراض بس في واحد من الاعضاء منزل موضوع عن طيره فيه نفس الورمه بس ف الجناح
اما العيون بسئلك الحدقه ماتبين ولا كيف؟
والظاهر ان الطير مزكم اختي حد يوديه البيطري احسن شكله تعبان
وحاليا غري الطير عشان مايتعب زياده من الجوع وبالشفاء للطير

رد: استفسار عن مرض الطير
 

عليكم السلام

الطير عنده حساسيه والتهاب

محتاج مضاد حيوي شامل

اذهبي الى أي صيدليه بيطيريه واطلبي منه مضاد حيوي شامل

مع الالتزام بالجرعه المحدده , والاهتمام بنظافه القفص والمكان الذي يتواجد به

رد: استفسار عن مرض الطير
 

اشكرك اخت روجياد على مرورك الكريم
فعلا الطير مزكم وعندي تايلان عطيته وبدا ياكل
واليوم بوديه البيطري باذن الله

وكل عام وانت بخير واعضاء المنتدى

رد: استفسار عن مرض الطير
 

اشكرك اخ افوكادو على ردك
الحبه الى تحت منقاره بسبب الالتهاب وايش علاجها

رد: استفسار عن مرض الطير
 

الطير مو لي امانه عندي وباعمل الي اقدر علية حتى يتشافى
بس خفت على طيوري ولاخظت انها ماتعطيه غير الحب الشمسي وانا نادرا ما اعطيه طيوري

رد: استفسار عن مرض الطير
 

السلام عليكم

التايلن في حالة الطير علاج فعال ولكن عينه يقدر يفتحها ولا لا

ابعدي الطير عن اي تيارات هوائيه

واذا عينه مايقدر يفتحها اقطريها قطره واحده من التايلن

وبللي منشفه بماء دافئ وامسحي الأفرازات ودوامي مع العلاج اسبوع كامل

مع اني اشوف صوره ان حيل تعبان
كم عمر الطير؟؟

رد: استفسار عن مرض الطير
 

هلابك اخوي مجنون فلته
الحمد لله وديته البيطري
وقال ان عنده التهاب معوي حاد واعطاه 3ابر لمدة خمس ايام
وفتامينات وهو في تحسن بعد مايتشافى باذن الله انزل لكم صوره
شكرا لكم جميعا على مساعدتي

رد: استفسار عن مرض الطير
 

اهلا اختي

الحمد لله انه تحمل الأبره ان شاء الله يتحسن

رد: استفسار عن مرض الطير
 

نصيحة اعزلي الطير بمكان بعيد عن طيورك ولاتستخدمي اي شي يخص الطير المريض لطيورك مثلاث تبدلين صحون الطعام او الماء او القفص الخ ترا الامراض تنتقل بين الطيور بشكل سريع
الله يشفيه ويحفظلك طيورك

رد: استفسار عن مرض الطير
 

السلام عليكم ورحمة الله وبركاته اخواني واخواتي في المنتدى الأكثر من رائع
ابشركم الطير تحسن كثير عن اول ماشاء الله وصار ياكل كل شي اقدمه له ومازال موجود عندي بس مشكلة الحبة الي تحت المنقار ابي حل لها خاصة ان البيطري قال لي شي طبيعي بس ما ارتحت لكلامه وبنزل الصور له في وقت لاحق باذن الله

رد: استفسار عن مرض الطير
 

حمدلله على سلامته


والله يكتبلك اجره

بس ياليت ان كانت عندك معلومه عن نوعية المضاد الي حقن فيه البيطري الطير تكتبيها لنا حتا نستفيد
اسمها وقوتها

واين موضع الحقن في الرقبه ام الصدر ام الفخذ

بالنسبه للحبه الي اسفل منقاره هذه محتاجه مرهم مضاد , تدهن به مكان الحبه

اطلبي من البيطري يعطيك مرهم مضاد للالتهابات

ومبروك تعافي الطير

وننتظر الصور

رد: استفسار عن مرض الطير
 

هذي صور الطير بعد مابدا يتحسن


http://store2.up-00.com/2015-07/1435981431121.jpg


http://store2.up-00.com/2015-07/1435981431522.jpg


http://store2.up-00.com/2015-07/1435981431913.jpg

رد: استفسار عن مرض الطير
 

هلابك اخوي بالنسبة للعلاج كانت ابرتين مضاد حيوي مع ابرة فتامينات مركزة وبالنسبة للحقن كان في الصدر اكل ابرة عبارة عن 1سم بابرة مرضى السكر لمدة 7 ايام ومع ملتي فيتامين في الماء
ولمدة 10 ايام 1سم مضاد حيوي مع الماء

هذا هوا المضاد الحيوي

http://store2.up-00.com/2015-07/14359833491.jpg


وهذا بخاخ ملتي فيتامين بخه فقط مع الماء

http://store2.up-00.com/2015-07/143598334942.jpg

رد: استفسار عن مرض الطير
 

ماشاء الله ربي يعطيه الصحه والعافيه وطول العمر ويجزاك كل الخير ع اللي سويتيه يارب

رد: استفسار عن مرض الطير
 

اشكرك على مرورك الأكثر من رائع

رد: استفسار عن مرض الطير
 

شكرا على الرد السريع والمعلومات وانزال الصور , وكلها راح تكون أجر لك بأذن الله

ومعليش عندي بعض التعقيبات

بالنسبه لل سبكتوفت
أرى كثير من الاشخاص جربوه , بس حقيقه ما كنا نعرف النتائج

والحمدلله وجدناها عندك , وراح اعتمدها كتجربه عن طريقك , والله يكتب الاجر لك ولنا

بس عندي تحفظ عن الجرعه
مستغرب كيف البيطري يعطيه بالابره 1 سم كامل في الصدر
احسها جرعه كبيره
ربما ان البيطري شاف الطير حالته متدهوره فضاعف الجرعه لا اعلم حقيقه

من رأيي بالكثير 0.5 سم بأعتقادي كافيه للطيور مثل الببغاوات , يعني نص الابره الصغيره

وبالنسبه للفيتامين جيد , ولو كان اعطاه امينو فيت احسن من رأيي الشخصي


سؤال بعد اذنك
هل المضاد الحيوي السائل الذي تخلطيه بالماء لمده عشره ايام هو نفسه الـ سبكتوفت الحقن
اما مضاد اخر ارجو تزويدي باسمه لو تكرمتي

ومبروك شفاء الطير , وارجو تزويدنا بحالته الصحيه ان حصلت تطورات سواء سلبيه ام اجابيه

رد: استفسار عن مرض الطير
 

حياك الله اخ افوكادو نعم المضاد هوا نفس مضاد الحقن والطير فعلا كانت حالته متاخره جدا وبعد ماخلص علاجه المعوي بدات في علاج التهاب الصدر لأن بد مانزلت لكم الصور الطير ما اكل وتبين ان الالتهاب موجود كمان في الصدر والحمد لله تتم معالجته وباذن الله يتحسن ورح ازودكم بكل جديد في حالته

رد: استفسار عن مرض الطير
 

أبعدوه عن المكيف يمكن داخله برد

رد: استفسار عن مرض الطير
 

هلابك اختي ام منيف الطير اصلا جاء مريض

رد: استفسار عن مرض الطير
 

الله يشافيه , ويكتبلك اجره

متابعين

رد: استفسار عن مرض الطير
 

الحمد لله الطير اصبح مفتوحه شهيته على الأخر ووضعه اصبح شبه جيد
ولكن لاحظت سقوط الريش من جانبي الراس وصار يخاف عشان كثرت الإبر الى اخذها