|
اول انتاج للكروان اريد نصائحكم
السلام عليكم ورحمته الله وبركاته انا متابع لهذا المنتدي الرائع منذ وقت طويل ولان حاب استفسر من الاعضاء الخبرين بهذا الطائر الرائع عندي زوج كروان اخذته في رمضان صحته ممتازه الحمد لله وامس وضعت اول بيضه :88: وهذا اول انتاج للزوج وانا موفر له الهدوووء التام اولاً/ايش تنصحوني اعطيه اكل في فتره الرقاد ع البيض ؟؟ ثانياً/وايش الاكل الي اعطيه بعد مايفقس البيض ان شاء الله ؟؟ ثالثاً /واذا ابي ااكلها بعد ماتفقس بنفسي متي تنصحوني اشيلها بعد اول يوم ولا اتركها كم يوم واطلعها ؟؟ علما انو اعطيه حاليا الحبوب المنوعه والبيض المجفف شريته من محلات الطيور وعظم الحبار والجرجير كل 3ايام وهل يلقح الذكر الانثي بعد وضع البيض ؟؟ واسف ع الاطاله :shy: وهذي صوره له مع اول بيضه طبعا هذا الذكر وقتها كان داخل :12: http://im68.gulfup.com/9w9NNc.jpg |
رد: اول انتاج للكروان اريد نصائحكم
وعليكم السلام و رحمة الله و بركاتة
اهلاً فيك اخوي وحياك الله معنا مبروك الانتاج ان شاء الله يفقس بفروخ تسرك في فترة الرقاد على البيض وقف كل شيء ماعدا الحبوب و الماء و عظم الحبار فقط لان فترة الرقاد تقل الحركة و مع كثر الاكل احتمال اصابة بالتشحيم ايضاً وقف الجرجير لان يحفزهم على الانتاج و بالتالي ماراح يهتمون بالفروخ بعد الفقس بل راح يطردونهم و ينتفون ريشهم بعد الفقس عن نفسي كنت اقدم لهم نصف خبز الصامولي يومياً بالاضافة الى اكلهم الرئيسي (الحبوب و عظم الحبار و الماء) بالنسبة للتلقيح يحدث قبل وضع كل بيضة للتخصيب -- موفق |
رد: اول انتاج للكروان اريد نصائحكم
الله يبارك فيك ،،ويعطيك العافيه ع المرور والمعلومات الحلوه
|
رد: اول انتاج للكروان اريد نصائحكم
مبرووك عقبالي الي عندي
|
رد: اول انتاج للكروان اريد نصائحكم
الله يبارك فيك اخت ريم وعليك بالصبر
|
رد: اول انتاج للكروان اريد نصائحكم
مثل ماقالو الاخوه
وانا بعد الزوج الي عندي ياب بيضه و كتبت عليها التاريخ و سجلته بورقه و شكلها ذكر و من وين اشتري عظم حبار ؟ |
رد: اول انتاج للكروان اريد نصائحكم
و البيضه الي عندك شكلها نثيه
|
رد: اول انتاج للكروان اريد نصائحكم
اهلاً بـ مشرفنا الغالي
مبروك الانتاج عقبال الفقس ان شاء الله عظم الحبار موجود بسوق السمك من الخثاق او تقدر تشترية من محلات بيع مستلزمات الطيور -- موفقين |
رد: اول انتاج للكروان اريد نصائحكم
يسلمو ع المرور ومثل ماقال اخوي تلاقي عظم الحبار بمحلات الطيور انا اخذته وعلقته داخل القفص عاد هما يقرمشووه لان الاول خلص من كثر ماحفرو فيه ماشاء الله
|
رد: اول انتاج للكروان اريد نصائحكم
وكيف عرفتو من البيضه اذا ذكر ولا انثى ؟!
اي شي يجي منهم يازينه ذكر ولا انثي عاد متحمس مره يارب تجي ع خير بس عندي استفسار لو جبت انثي ثانيه وحطيتها بنفس القفص هل ممكن يحصل تزاوج بدون لاياثر ع الانثي الاولي ودي اخذ لون ثاني واحسن النسل ههههه ؟!؟! |
رد: اول انتاج للكروان اريد نصائحكم
كان في موضوع
انا قريته ان تعرف جنس الفرخ من شكل البيضه و مايصير تحط نثيه ثانيه بنفس القفص و ياليت تصور النثيه عشان اقولك الالوان الناتجه تقريبا و الله اعلم |
رد: اول انتاج للكروان اريد نصائحكم
طبعا الذكر تحت والانثي فوق
ماشاء الله http://im74.gulfup.com/pdFJ8g.jpg http://im74.gulfup.com/yeqD0t.jpg |
رد: اول انتاج للكروان اريد نصائحكم
ماشاء الله عن نفسي اعشق اللون الرمادي وبأمكانك مراجعة هذا الموضوع لمعرفة السبب الرمادي العادي ملك الكوكاتيل المظلوم اذا وضعت انثتين مع بعض ماراح ينتج او فقط انتاج بيض غير مخصب لان من متطلبات الانتاج الخصوصية -- بالتوفيق |
رد: اول انتاج للكروان اريد نصائحكم
وانا بعد احب هاللون
يعني الانتاج ماراح يطلع عن لون الذكر والانثي صحيح ؟؟ |
رد: اول انتاج للكروان اريد نصائحكم
عندي هل صوره اهي الي تبين الكلام الي انا اقوله
كيف تعرف جنس اللفرخ من البيضه بس الطريقه يمكن ماتكون مضبوطه http://up.m0dy.net/2014/m0dy.net-14102256921.jpg و عن الزوج ماشاء الله روعه يمكن ينتجو اغمج من الاب و لون الفراشه و الله اعلم |
رد: اول انتاج للكروان اريد نصائحكم
البيض من انتاجي
|
رد: اول انتاج للكروان اريد نصائحكم
غالباً الانتاج راح يكون رمادي
لكن في احتمال ظهور طفرات ثانية لو كان احد الابوين او الاجداد حامل لصبغات اخرى -- بالتوفيق |
رد: اول انتاج للكروان اريد نصائحكم
شوف هل موضوع
http://2zoo.com/vb/showthread.php?t=66626 |
رد: اول انتاج للكروان اريد نصائحكم
يعطيكم العافيه حبايبي وابشركم اليوم لمحت بيضه ثانيه والذكر ماشاء الله مايطلع طولت وقته راقد ع البيض
|
رد: اول انتاج للكروان اريد نصائحكم
ماشاء الله
الحمد لله ههههه حت انا امس فيه بيضه و رقمتهم عشان اعرف متى تفقس يالله تنافس معاك هههه اي بيض اكثر و شكثر يفقس منهم ههه |
رد: اول انتاج للكروان اريد نصائحكم
ههههه ماشاء الله شي جميل بس انا ماقدر افتح العش لان على طول داخله ويطلعون ياكلون واحد واحد واول مايشوفوني يدخلون كلهم بس هذا اول انتاج ومالي ذيك الخبره عشان ارقمه واكتب عليه الي يجي من الله حياه الله والله يرزقهم ويرزق الي عندك الذريه الصالحه المخصبه :12: |
رد: اول انتاج للكروان اريد نصائحكم
ههههه ماراح ابطل العش كلش
خاف يتركون البيض |
رد: اول انتاج للكروان اريد نصائحكم
عاد انا فيا لقافه ودي لو اني جالس معاهم داخل البياضه ونسولف بس الله يصبرني هههههههههههههههههههههه
|
رد: اول انتاج للكروان اريد نصائحكم
الموضوع اخذ حقة من الردود يغلق لانتهاء الغرض |
| جميع الأوقات بتوقيت GMT +3. الساعة الآن 01:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو