تم شراء امازون بلوفرنتد
 

السلام عليكم

كيفكم عساكم بخير


باركو لي شريت لي امزون بلوفرنتد ولله الحمد نصايحكم ﻻني مبتدا في عالم الطيور

http://www.m5zn.com/newuploads/2014/...3d8da8fe85.jpg

http://www.m5zn.com/newuploads/2014/...43cb924161.jpg

حجل اصلي 2013

عمره 7 شهور ستيفان بلوو
دعواتكم

رد: تم شراء امازون بلوفرنتد
 

- اول يوم حط الطير في منطقة مرتفعه عشان يتعود عليكم
- غير ارضية الببغاء ( عشان تعرف البراز حقه طبيعي او لا )
- ( ابعده ثم ابعده ثم ابعده عن الهواء البارد )
- حاول تبعد البزران عن الطير هاليومينُ . .
- حافظ ع نظافة القفص وكل 6 ساعات تغير الاكل والماء
- تاكد من حركة الببغاء داخل القفط

رد: تم شراء امازون بلوفرنتد
 

يسلمو لوسي والله يعطيك الف عافية

بالنسب للعمر هل صحيح 7 شهور ؟؟؟

شريت له حب الدوار الشمس وفواكه مجففه


اذكرو الله يا اخوان فالعين حق

رد: تم شراء امازون بلوفرنتد
 

ماشاءالله

فعلا الطير تقريبا من 7 الا9 اشهر

استيفابلو ماهو جاكو حجمه مقببول وعلى ما اعتقد الطير الليف صح اعطه فيتامينات ونوع له في الغذاء
واذا فيه ريش مكسر في الذيل ممكن تنتفه عشان بطلع بس مو الحين بعد اقل شهرافضل واحرص على تلقينه الكلام وتحفيزة على الحراره والنشاط

على كل حال اللف اللف مبروك طيرجميل

بتوفيق

.

رد: تم شراء امازون بلوفرنتد
 

مشكور يالغالي الله يحفظك

بالنسبة للفتامينات ايش هي وكيف ؟؟

واحد من اﻻصدقاء وصاني اعطيه جزر وفعلا اكل من ايدي

هل الجزر مفيد او مضر له في هذا العمر

وشكرا

رد: تم شراء امازون بلوفرنتد
 

اخي انا معي بلورفرونتد جاكو ..اخوي عليك بذرة المسلوقة يحبه وايد الطير ..انا سويتله وجلس يأكل منها ..

بعد نوع له في الاكل تفاح _ عنب _ كمثرى ..بس تأكد انك تشيل الحب الاسود الي بداخل التفاح و الكمثرى و بعد في العنب .

استعمل مضاد حيوي لمدة 3 ايام ابدا من اليوم ..انا اشتريت مضاد حيوي لكل الامراض قالي البيطري ..

اسمه (أوكسي تتراسيكلين )

و مشتري فيتامين بحطلك اسمه بعدين ..

رد: تم شراء امازون بلوفرنتد
 

الجزر مفيد جدا بس دامه فهذا العمر قطع الجزر الى قطع صغيره ..

رد: تم شراء امازون بلوفرنتد
 

مشكور اخووي


كم سعره المضاد تقريبا وهل هو شراب احطه بالماي؟

رد: تم شراء امازون بلوفرنتد
 

المضاد تحطه في الماي ..قيمته بالعماني 10 ريال ..بودرة

اسم الفيتامين MULTI-VIT
قيمته بالعماني ..5 ريال

رد: تم شراء امازون بلوفرنتد
 

مشكور اخوووي والله يرحم والدينك


استفسار بسيط... هالاكل جايبه لي صاحبي ايش رأيكم فيه

http://www.m5zn.com/newuploads/2014/...00a02c47fc.jpg

رد: تم شراء امازون بلوفرنتد
 

اخي بنسبة لللاكل ممتاز انا استعمله لطيري نفسه بالضبط..

بعد خذ له خلطه الفواكة المجففة من شركة زوبريم بقيمة 8 ريال عماني ..

رد: تم شراء امازون بلوفرنتد
 

حلو وتمام

بالنسبة للفواكه المجففه شريت له هذا



http://www.m5zn.com/newuploads/2014/...f80f7bcaad.jpg

والله يحفظه لي من كل سوووء

رد: تم شراء امازون بلوفرنتد
 

ينفع اخي ..و ربي يخليه لك ويبارك فيه ...

ومبروووك ع طير ..

و عاد ما اوصيك اهتم فيه لانه الامازوني يحب العب مع صاحبه و حاول تبتعد عن تسجيل صوتك و تخلي طيرك يسمعه حاول تعلمه بنفسك كلمه ..مثلا لما تجيب له المويه قوله اسمه ميتو او كوكو و بعد خله يأكل من ايدك اذا كان يعض حط بأيدك عسل وخله يلحسه و بعدها ما راح يعضك لانه بيكون واثق فيك ما تبي تأذيه ...

و سمحلي ع الاطالة ..

رد: تم شراء امازون بلوفرنتد
 

مبروووك عليك الطير الجديد
ربي يخليه
ماشاء الله عسل
الله يحفظه يارب

رد: تم شراء امازون بلوفرنتد
 

ان شاءالله
.الله يبارك فيك يا الغالي

والله هذانا من امس احاول اتفاهم معاه بس متخوف شكله ويبي يعض
بس ياكل من ايدي عادي بس مايخليني اقرب منهى

غير كذا جنحانه مو مقصوصين واليوم طار بالغرفة يمين وشمال لين اقنعته انه يرجع القفص بالتحايل


رايكم اقص جناحه واﻻ اخليه؟؟؟؟؟؟؟؟؟؟


اخ جولي حبيبتي. .

مشكور ربي يسعدك

رد: تم شراء امازون بلوفرنتد
 

اخوي اكيد قصهم بس قصهم بشكل مرتب عشان منظر الطير او شيله للمحل عشان يقصهم ..لانه جديد ع البيت فأذا قدر يطلع برا البيت بطيران نسبة 95% ما راح يرجع لانه للحين ما تعود عليك ...

رد: تم شراء امازون بلوفرنتد
 

ألف مبروك اخوي و الله يبارك لك في الطير و يحفظه من كل سوء

اخوي في هذا العمر افضل لك انك تقص جنحانه و خله يتعود عليك و على كل اللي في البيت و بمجرد ما يبتدي تبديل الريش راح تطلع له ريش جديد بعدها بيكون خلاص تعود عليك و راح الخوف تماماً

ضروري تعوده على اللي في البيت عشان ما يكون شرس مع اللي يقربون له ، و مادام بيشرب من ماي نظيف و اكل منوع و في حركة دائمه لا تخاف عليه ، هذا امازون مب كاسكو

الله يهنيك و يحفظه لك

رد: تم شراء امازون بلوفرنتد
 

اهم شي ﻻتتعب نفسيته ههههههه

كم يبيله عشان يولف ... اشوفه بدا يصارخ ويصفر وكانه يضحك على خفيف هههههههه

ان شاءالله بكرا اوديه محل الطيور يقص جنحانه وانا بتخبا عشان ﻻيعرف اني انا السبب

رد: تم شراء امازون بلوفرنتد
 

الله يبارك فيك يا الغالي. .تسلم على الدعوة الطيبه


ان شاءالله راح اعمل على نصائحكم

ماتقصرون

رد: تم شراء امازون بلوفرنتد
 

الامازون طبيعته طائر ذكي يعني ما يبيله كثير عشان يصير أليف اكثر شي اسبوع و بيصير أليف و بيتعود عليك ..انا معي بلوفرونتد جاكو مشتريه من 4 ايام كان ما يخليني المسه الحين اعطيه يأكل من ايدي و يخليني امسح ع راسه وصار يتكلم ..

شله المحل يقص اجنحة مو لازم تتخبأ بالعكس في الوقت الي يقص جناحه انت اجلس امسح ع راسه عشان يشوفك انت تريد تساعده مو تضره ..

رد: تم شراء امازون بلوفرنتد
 

اخي ما يحتاجله كثير عشان يصير اليف ..معي انا امازون بلوفرونتد مشترنه من 4 ايام كان شوي يخاف و لا يقرب صوبي ابدا و الحين يأكل من ايدي و يخليني امسح ع راسه و ببادي يتكلم الحين ..

ايوه تخبأ لانه اذا كان نتف الريش راح يعوره شوي بس افضل له و لا تخاف عليه ..


و بتوفيق معههه :freind:

رد: تم شراء امازون بلوفرنتد
 

وديته وقصهم المحل والحمد لله

بس قطع قلبي هالمسكين :(

يالله ان شاء الله بداية خير

رد: تم شراء امازون بلوفرنتد
 

لازم بيعوره بس انت حسيت شكله فرق بين قبل و الحين من ناحية الجمال يعني ..

رد: تم شراء امازون بلوفرنتد
 

لا الحمد لله مآ اثر على شكله الخارجي

والله يسهل تآليفه يارب

رد: تم شراء امازون بلوفرنتد
 

تأليفه سهههل بنسبة للامازون مثل خبرتك لانه ذكي و بحفظ صاحبه بسرعة .استعمل العسل عشام يثق فيك و يعرف انك ما تريدد تضره .و ربي يوفقك