|
أمازون بلوناب أو بلوكراون ؟
بسم الله الرحمن الرحيم
السلام عليكم و رحمة الله و بركاته اخواني الأعزاء هذي اول مرة في حياتي اشارك في منتدى طيور و كذلك هذي اول مرة اقتني فيها طائر لدي أمازون عمره اربع اشهر اشتريته من اسبوع ، و طبعاً غصب لحد ما تعود علي و اليوم فقط قدرت احطه على ايدي و اكسب ثقته . قضيتي هي التالي : انا اشتريته على انه بلوناب امازون ،،، اليوم و انا مار بسوق الطيور اكتشفت ان اللي عندي بلوكراون و ليس بلوناب ، طبعاً انقهرت و قلت حق صاحب المحل اللي شتريت منه اني اليوم برجع عليه البلوكراون و آخذ بلوناب ،،، لكن الحين قلت اسألكم من واقع خبرتكم هل افضل اني ارجعه و آخذ بلوناب ام ان هناك ليس بفرق بينهم ؟ وهي هناك ميزات في الكراون قد افتقدها في البلوناب ؟ لأني ما ابغي انخدع مرة ثانية مع صاحب المحل |
رد: أمازون بلوناب أو بلوكراون ؟
طبعا الفرق كبير بين السما والارض
اليلوناب يعتبر من الطيور المتحدثة رسمي ويكون المركز الاول على مستوى الطيور في الكلام اليلوكروان يعتبر المركز الرابع والبعض يقول انه الثالث لكن ما هو متعارف عليه انه الرابع في مستوى الكلام السعر يختلف يعني بالكويت يلوكروان تحصلة من 180 دينار الي 280 دينار اقصى حد ليه اليلوناب من 750 دينار وانت طالع الي 1000 او 1200 واذا عنده كلام اكثر زاد سعره نتمنى مشاركتنا بالصور كي نتمكن من مساعدتك بالتوفيق |
رد: أمازون بلوناب أو بلوكراون ؟
كما افادك مشرفنا الغالي..
الافضل ترجع الطير وتأخذ لك يلو ناب ..فهناك فرق كبيـــر بينهم.. ابحث في اليوتيوب وشوف الطائرين كيف يتكلمون..وأكيد رح يعجبك اليلوناب لذكاءه الخارق وحفظه للجمل الطويله. بالتوفيق أخوك رمزي |
رد: أمازون بلوناب أو بلوكراون ؟
توني طالع من سوق الطيور
من قرادة حظي البلوناب الاخير انباع و كان عمره 6 شهور ، المشكلة اللي مواجهتني الحين ان عنده دبل يلوهد و عمره 4 شهور و خفت انخدع مرة ثانية ، و شفت عنده يلوكراون عمره سنة و نص و يتكلم جمل طويلة السلام عليكم و تعال حبيبي و بسم الله الرحمن الرحيم ، يمكن شوي اقنعني بمستقبل اليلوكراون وهو مصر اني اخلي طيري معاي و ما استبدله ، المشكلة اني اخاف انه مسوي لي غسيل مخ و ابتلش بالطير ، البلوناب اللي في المحلات الثانية اعمارها كبيرة و انا ابغي طير اربيه و هو صغير لاني ابغيه يتوالف مع كل اهل البيت :( |
رد: أمازون بلوناب أو بلوكراون ؟
أخي الكريم..
استبدل طائرك بالدبل يلو هد امازون فعمره صغير ورح يتعود على العائله..وهو ببغاء متكلم باااااااارع جداً وذكي جداً. بالتوفيق أخوك رمزي |
رد: أمازون بلوناب أو بلوكراون ؟
الدبل يلو هيد
رائع ايضا اليلو كروان جيد ويتكلم بس اهم شي لا يخدعك بالفلوس ويغشك بالتوفيق |
رد: أمازون بلوناب أو بلوكراون ؟
اخوي في مثل عندنا يقول (محد يقول دبسي حامض)
لا تتوقع التاجر يقولك هذا أحسن ولا هذا لانه اللي يهمه فلوسك وبس واسمح لي اذا عطاك يلوكروان بسعر يلو ناب فهو نصب عليك بقوة لان غير فرق السما و الارض بالقدرات في فرق بالفلوس فوق 4000_5000 درهم أنصحك ترجع الطير وتأخذ فلوسك وتتعامل مع تاجر ثاني لان هذا صار غير موثوق أبدا وأتمنى تحط صور للطير اللي تبيه قبل ما تشتريه تحياتي |
رد: أمازون بلوناب أو بلوكراون ؟
أهم شئ أنه ماعطاك اليلوكراون بثمن اليلوناب هذه النقطة الجوهرية لأن فى فرق بالسعر وأكيد اليلوناب أفضل من اليلوكراون هذا شئ مسلم بيه لكن كطائر اليلوكراون طائر ممتاز بالكلام والولافة عن تجربة ويحفظ جمل وكل شئ
|
رد: أمازون بلوناب أو بلوكراون ؟
السلام عليكم
أبشركم يا شباب رجعت البلوكراون على المحل و قابلت صاحب المحل يمدحونه بحريني ، و شرت من عنده يلوناب سعره 12،500 لكن بعد المكاسر خذته ب 12000 ريال قطري عمره خمس شهور و على قولته خلص من السيريلاك و سمعته يقول السلام عليكم و يقول ان الطير جاله من بريطانيا ، و اليوم بإذن الله تعالى بنزل لكم الصور و طبعاً ما استغني عن نصايحكم عطاني حبوب سمرة قالي عطها للطير بمقدار عشر حبات باليوم بس مادري هي شنهي ، اما الأكل ابغي نصايحكم لاني ما ابغي الطير يسمن و كذلك ما ينقصه عنصر غذائي |
رد: أمازون بلوناب أو بلوكراون ؟
|
رد: أمازون بلوناب أو بلوكراون ؟
بسم الله ماشاء الله
والله يحفظلك اياه بس ياريت اخوي تنزل صور للطير بدون مؤثرات عشان يسهل التقييم من الاخوان لانه الصورة الاخيرة باين من عين الطير انه مش صغير |
رد: أمازون بلوناب أو بلوكراون ؟
|
رد: أمازون بلوناب أو بلوكراون ؟
بسم الله ما شاء الله..طائر جميل جداً.
أخي الكريم:- يجب تقديم خلطة الحبوب المشكله من شركة عالميه ممتازه مثل شركة فيرسل لاقا..وهذه الخلطة يجب توفيرها عنده بشكل يومي..بالاضافه الى التنويع الغذائي من خضار وفواكه كل 3 ايام.. بالتوفيق أخوك رمزي |
رد: أمازون بلوناب أو بلوكراون ؟
ماشاء الله فرخ جميل وماعليه كلام الحبوب الى اعطاك صاحب المحل داري فور للببغاء وتوقع منتج فرسل لاقا بلاظافة الى دعم الطير بنظام غذائي وجبتين في اليوم من حبوب مشكله وبذور الاستنبات الفواكه قدمها لطير كل 3الى4 ايام ولاتتركها مده طويله وحرص بعدم التنقل بالطير لكي لايتعرض لتيار هوائي بارد وعدم ترويشه خلال الشتاء بتوفيق ان شاء الله |
رد: أمازون بلوناب أو بلوكراون ؟
اقتباس:
اخوي هو قالي انه حاط زيت على ريش الطير و قالي اني لازم اروشه بكرة عشان الزيت ينزل ، مادري ايش تنصحوني |
رد: أمازون بلوناب أو بلوكراون ؟
ماهي الغايه من وضع الزيت هل لكي تعطي لمعه لريش الطير عموما ياغالي ان اظطررة لترويشه يكون بشكل سطحي ترطيب الريش بالبخاخ ترش الطير وابعاد المرش عن وجه الطير ويكون في مكان دافئ وتنشيفه سريع سبب نصحنا بعدم ترويش الطير في الشتاء لعدم تعرضه لتغير مفاجئ وبذات الفروخ |
رد: أمازون بلوناب أو بلوكراون ؟
الف مبروك وما شاء الله
بالنسبه للترويش انتظر الي نهاية الاسبوع حتى تكون تأكد من صحته واكله وخلوه من اي مرض ويكون اعتاد عليك الزيت يضعون منه القليل وخاصه عالفروخ لما يكون يتعسوا يعني ينغرو عشان لما يجي السيريلاك عالريش لا يخربه ويلصق ويكون فيه صعوبه في التنظيف وبالتالي مع الترويش ينظف اكثر هناك ايضا مواد تباع لعمل نفس النتيجه ولكن اا لم تتوفر يمكن استخدام الزيت بالتوفيق |
رد: أمازون بلوناب أو بلوكراون ؟
يلوناب
|
رد: أمازون بلوناب أو بلوكراون ؟
هذي هي الحبوب
http://f.cl.ly/items/2f3g003u2A2g0U0E261y/photo-(2).jpg اما بخصوص التروش انا الصراحة خايف اروشه بهالجو البارد و كذلك مادري اذا الزيت هذا له ضرر على الطير لو طول اكثر من اسبوع |
رد: أمازون بلوناب أو بلوكراون ؟
لا يوجد ضرر اخي الفاضل من عدم الترويش في الوقت الحالي
وهذه النوعية ايضا من الحبوب جيده لكن ارجو ان تكون اخذت من المحل شهاده بنوعية الطير تبين جنسة ونوعه في مهمة جدا |
رد: أمازون بلوناب أو بلوكراون ؟
اخوي مثل ماقالو لك الاخوان اهم شي أخذت شهادة
وعلى كلام راعي المحل انه جلي من بريطانيا يعني لازم تكون عندة شهادة سايتس شلها وتأكد انها تطابق الحجل وبتحصل فيها كل البيانات ذكر او أنثى و العمر الدقيق وكل شي بخصوص الترويش ما أنصحك أبدا اذا الزيت ماراح يضرة حرام تدفع 12 الف وتروشة و يصيبة برد ويموت لا سمح الله انتظر عليه شوي الجو بداء يعتدل اصبر شوي اخوي تحياتي |
رد: أمازون بلوناب أو بلوكراون ؟
اقتباس:
بإذن الله بسير عليه اليوم و انشده عن الشهادة ، انا بعد ابي اعرف ذكر او نثيه ، اما بالنسبة للطير فأنا من خوفي عليه مخليه عندي في مكان و مخلي التهوية بسيطه من الشباك و بعيد عنه عشان ما يصيبه هوا ،،، طيب لو صاحب المحل ماطل و ماعطاني الشهادة شلون راح اعرف اذا هو ذكر او نثيه ؟ هل الحلق اللي في رجله يساعد ؟ لان مكتوب فيها اشياء بس مافهمت لها |
رد: أمازون بلوناب أو بلوكراون ؟
الحجول لا تساعد في معرفة الجنس
واذا ما اعطاك الشهاده فتأكد بأنك تخسر طيرك لان اليلوناب والدبل وبعض الطيور النادرة يجب توفر الشهاده بها وهي ترفع من قيمة الطير ولا يقول لك انها شهاده لدفعه كامله لا لكام غلط هذا ليس كاسكو كل طير يأتي بشهاده خاصة فيه يعني اذا انت شاريه ب 12 الف وحاب تبيعة وبدون شهاده ينباع على 7 الاف مثلا او 8 هذا بالكثير في الكويت بدون شهاده على 550 الي 600 مع شهاده 950 الي الف دينار كويتي تعرف على أهمية الشهاده http://www.2zoo.com/vb/showthread.php?t=321820 بالتوفيق |
رد: أمازون بلوناب أو بلوكراون ؟
اقتباس:
http://f.cl.ly/items/0M1U1p3f1B1D0m2t0i0C/224956.pdf |
رد: أمازون بلوناب أو بلوكراون ؟
اخوي الشهادة مختومة وهذا يصعب تزويرها
وهي الطائر استورد من بريطانيا ـــل قطر ما لقيت شي يوضح الجنس او العمر ياليت ترجع له وتسأله عن كل هذا وتقولة عطني التطابق بين الحجل و الشهادة وإذا ماطلك وقالك ما يكون فيه تطابق قوله ماريد الطير وفي تاجر موثوقين ولهم أسمائهم وأشتري من عندهم لن لو انت رضيت بالشهادة غيرك يوم بتبيع له الطير مابيرضا تحياتي |
رد: أمازون بلوناب أو بلوكراون ؟
بعد اذن اخوي ولد دار زايد..
الشهادة مذكور فيها الرقم 4PSUK RPY 13V يمكن التأكد من رقم الحجل هل هو مطابق للرقم المذكور أم لا. |
رد: أمازون بلوناب أو بلوكراون ؟
السلام عليكم
ابشركم الحمد لله رب العالمين البلوناب في تطور كبير و تفاعل معاي و مع العائلة ، صحيح بعض الايام ينقلب مزاجه و ما يبغي حد يشيله الا انا لكن الحمد لله صار ينطق و يقول السلام عليكم و بابا و يبه و يناديني اذا انا رحت عنه في شيء انا لاحظته ،،، في مقطع في اليوتيوب طيري متولع فيه و قاعد يقلده اللي هو هذا -- هو قاعد يحاول يقلده هالايام ، لذلك لو تقدرون تخدموني في مقاطع لطيور تقرأ القرآن او تسمي بالله اكون لكم شاكر ، المقطع هذا الطير صوته واضح فيه ما شاء الله تبارك الرحمن و عشان كذا طيري صار يقلده ، لو عندكم مقاطع فيها طيور تذكر الله او تقرأ القرآن بهذا الوضوح هذا راح يساعد طيري اكثر و تقبلوا تحياتي |
رد: أمازون بلوناب أو بلوكراون ؟
ماشاء الله ممتاز وطبيعة الامزون انه يتعلق بصاحبه ولا يريد غيره لكن معه استلطاف الجميع له والجلوس معه بشكل يومي راح يتأقلم معه الجميع بنسبه للمقطع لليلوناب محبوب هذا الطير ماشاء الله استاذ تلقين للكلمات التي يكررها من بعض المفردات والصياح والضحك طيرك طبعن بداء يتفاعل معه ويوجد كثير من الطيور تم تعليمها من هذا الطير يوجد مقاطع كثيره على اليوتيوب ابحث وختر مايناسب الطيرمنها مثال ببغاء يقراء القران - يلوناب يقراء الفاتحه - ببغاء يتكلم الخ بتوفيق ان شاء الله |
رد: أمازون بلوناب أو بلوكراون ؟
السلام عليكم
اخواني امس بعد ما خلصت عشاي رحت اغسل يدي و بعد ما رجعت لقيت الطير نازل و يآكل خبز و يغمسه في الروب بالخيار ، هل هذا في ضرر عليه ؟ و هل هناك اطعمة يجب عليه ان لا يتناولها ؟ |
رد: أمازون بلوناب أو بلوكراون ؟
وعليكم السلام..
تفضل اخي هذا الموضوع رح يفيدك بالنسبه للأكل المفيد والضار للببغاء:- http://www.2zoo.com/vb/showthread.php?t=20272 بالتوفيق اخوك رمزي |
رد: أمازون بلوناب أو بلوكراون ؟
اخوي وخره عن الالبان
لان الطيور ماتهضم اللاكتوز وراح تسبب له اسهال ومشاكل اعطيه فواكه وخضراوات عادي يتقبلها ومفيده له بس انتبه من البذور |
رد: أمازون بلوناب أو بلوكراون ؟
م شاء الله الله يبارك لك فيه عدد ريشه
الاكل يالغالي عوده على الفواكه والخضروات لا تعتمد ع الحب والفواكه والخضروات والورقيات فيها كل الفيتامينات اللي يحتاجها الطير وبالتوفيق |
| جميع الأوقات بتوقيت GMT +3. الساعة الآن 05:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو