منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   قطتي كده بقت كفيفة ؟؟؟ (http://www.2zoo.com/vb/showthread.php?t=331943)

هميس 27-01-2014 02:35 PM
قطتي كده بقت كفيفة ؟؟؟
 
السلام عليكم ورحمة الله وبركاته
لو سمحتم قطتي من 4 ايام مش بتاكل ودائما كسلانة مش بتتحرك كتير انا قلت يمكن واخدة برد زي كل مرة بس اتفاجأت ان عين من عيونها راحت علي جنب شوية زي الحول كده اخدتها للدكتور قالي برد واداها حقن وقالي اكليها بالعافية بس للاسف مش عرفت اكلها غير حاجة بسيطة جداااا النهردة بقت احسن بس حسيت ان حركتها مش منتظمة وانها بتتحرك حركة عشوائية انا ظنين ان عنيها اللي احولت مش بقت تشوف بيها رجعت تاني للدكتور قالي هي مش بتشوف بالاتنين تقريبا انا مش عارفة السبب سألته قالي ممكن يكون التهاب في العصب واداها حقن تاني مضاد حيوي وفيتامين مش عارفة ايه ده وياتري ممكن تشوف تاني ياريت تطمنوني

بسبس مياو 27-01-2014 05:57 PM
رد: قطتي كده بقت كفيفة ؟؟؟
 
عطيتيها اي دواء من اول ماتعبت يعني لما كانت ماتاكل ولا تتحرك؟

هميس 27-01-2014 08:08 PM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة بسبس مياو (المشاركة 3028940)
عطيتيها اي دواء من اول ماتعبت يعني لما كانت ماتاكل ولا تتحرك؟

ايوة في الاول انا اديتها انتينال مطهر معوي بس

شاهستا 27-01-2014 09:42 PM
رد: قطتي كده بقت كفيفة ؟؟؟
 
اهلا بيكى
ياريت عمر قطتك و صوره للعيون
وكمان جربى تجيبى خيط او اى حاجه و حركيه قدام عنيها شوفى رد فعلها

هميس 27-01-2014 10:23 PM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة شاهستا (المشاركة 3029027)
اهلا بيكى
ياريت عمر قطتك و صوره للعيون
وكمان جربى تجيبى خيط او اى حاجه و حركيه قدام عنيها شوفى رد فعلها
عمرها 8 شهور رد فعله بطيئة جدااا يعني ممكن يلاحظ مرة ومرة لا

http://im39.gulfup.com/e4WUq.jpg

http://im39.gulfup.com/rOYTg.jpg

بسبس مياو 28-01-2014 03:08 AM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة هميس (المشاركة 3028992)
ايوة في الاول انا اديتها انتينال مطهر معوي بس
مطهر معوي ليه هي كان معاها اسهال؟ شوفي انا اتوقع ان الموضوع اهمال منك وعدم اهتمام وان القطة كانت حرارتها مرتفعة فوق الاربعين لمدة اربع ايام دون ان تلاحظي مع ان عدم الحرة وعدم الاكل من ابرز علامات السخونة،ولو فعلا ماتشوف فهي من اثر الحرارة اللي حرقت العصب البصري ويمكن السمعي كمان،كيف اربع ايام ماتاكل وسايبتها لحد مالاحظتي عينها وبعدين وديتيها البيطري!!!مع انك كنتي شاكة ان عندها برد من الأول والبرد لازمله مضاد حيوي ،القطط ماتعرف تتكلم ولا تشتكي وتقول انا تعبانة بس بتعطي علامات تقول من وراها انا مش طبيعية انا تعبانة بليز ساعدوني،عموما الله يعينك ويشفيها

شاهستا 28-01-2014 05:13 AM
رد: قطتي كده بقت كفيفة ؟؟؟
 
القطه واضح عليها التعب
حاليا لازم تنبتهى لحرارتها و لاكلها
ﻹزم تاكل اكليها زبأدى بالعسل بالسرنجه
او كوسه مسلوقه مع فراخ او كبده واضربيهم ف الخلاط واكليها بالسرنجه
وواظبى على المضأد الحيوى
ولو لاقيتى حرارتها مرتفعه قولى عشأن تاخد مخفض

هميس 28-01-2014 02:59 PM
رد: قطتي كده بقت كفيفة ؟؟؟
 
انا حساها بترتعش فعلاااا انا عارفة اني قصرت بس والله عصبن عني كان عندي حالة وفاة ممكن تقولولي المضاد الحيوي ايه وكمان خافض للحرارة وينفع احميها لانها مش نضيفة خالص

عاشق الكلاب و القطط 28-01-2014 06:12 PM
رد: قطتي كده بقت كفيفة ؟؟؟
 
خافض الحرارة نوفالجين

هانم4 28-01-2014 08:37 PM
رد: قطتي كده بقت كفيفة ؟؟؟
 
ده موضوعي لو قطتك عينها بنفس الشكل الكانت قطتي عليه بالصوره لا تخافي ده التهاب الجفن الثالث كانت عندي وبلاش اي ادويه وبترفض الاكل لانها بتكون زعلانه وقيسي درجة حرارتها بالترمومتر قبل اي دوا سخنيه وشوفي موضوعي ده

http://www.2zoo.com/vb/showthread.php?t=320740

حاسه انها نفس الحاله بس قطتي كانت كل عينها مقفوله وبلاش اي ادويه الا ما تحددي الحاله كثر الادويه خطر على الكبد والكلى واكليها جبنه نستو وزبادي بالسرنجه وخضار مسلوق بفراخ بالسرنجه

هميس 28-01-2014 09:07 PM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة هانم4 (المشاركة 3029618)
ده موضوعي لو قطتك عينها بنفس الشكل الكانت قطتي عليه بالصوره لا تخافي ده التهاب الجفن الثالث كانت عندي وبلاش اي ادويه وبترفض الاكل لانها بتكون زعلانه وقيسي درجة حرارتها بالترمومتر قبل اي دوا سخنيه وشوفي موضوعي ده

http://www.2zoo.com/vb/showthread.php?t=320740

حاسه انها نفس الحاله بس قطتي كانت كل عينها مقفوله وبلاش اي ادويه الا ما تحددي الحاله كثر الادويه خطر على الكبد والكلى واكليها جبنه نستو وزبادي بالسرنجه وخضار مسلوق بفراخ بالسرنجه
فعلاااا هي نفس الحالة ربنا يطمنك يارب قوليلي خدت وقت اد ايه وعنيها رجعت زي الاول ولا ايه وشكرااا علي اهتمامك

هانم4 28-01-2014 09:24 PM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة هميس (المشاركة 3029636)
فعلاااا هي نفس الحالة ربنا يطمنك يارب قوليلي خدت وقت اد ايه وعنيها رجعت زي الاول ولا ايه وشكرااا علي اهتمامك
هتاخد اسبوعيين عشر ايام ومانعه الاكل لانها قلقانه ومضايقه انتي اكليها وبلاش اي مضادات حيويه نهائي الحاله دي القطه ماخدتش ولا مضاد اهم حاجه المرهم التيرميسين اول يوم استخدمته كل 6سعات ومن ثاني يوم استخدمته كل 8ساعات مع كمادات ميه دافيه وطبعا قطرة بروزلين لتطهير العين بس والف سلامه عليها

هميس 28-01-2014 09:34 PM
رد: قطتي كده بقت كفيفة ؟؟؟
 
اقتباس:
المشاركة الأصلية كتبت بواسطة هانم4 (المشاركة 3029637)
هتاخد اسبوعيين عشر ايام ومانعه الاكل لانها قلقانه ومضايقه انتي اكليها وبلاش اي مضادات حيويه نهائي الحاله دي القطه ماخدتش ولا مضاد اهم حاجه المرهم التيرميسين اول يوم استخدمته كل 6سعات ومن ثاني يوم استخدمته كل 8ساعات مع كمادات ميه دافيه وطبعا قطرة بروزلين لتطهير العين بس والف سلامه عليها
الله يسلمك يا حبيبتي بجد مش عارفة اشكرك ازاي انا قلت عنيها كده راحت خلاص ان شاء الله هعمل زي ما قلتي بالظبط

هانم4 28-01-2014 10:30 PM
رد: قطتي كده بقت كفيفة ؟؟؟
 
لا مراحتش باذن الله هتبقى زي الفل ربنا يشفهالك يارب

شاهستا 28-01-2014 11:09 PM
رد: قطتي كده بقت كفيفة ؟؟؟
 
المضتد استخدمى ايموكس اة اوجمنين لاطقال
3سم كل 12 ساعه
اما النوفالجين لفال لازم تقيسى درجه الحراره قبل ماتد للقطه
1سم كفايه بس ضىور ى تقيسى درجه الحراره او لاقيتيها اقل من 37متديهاش الخافض
وطبعا مينفعش تحميها
وامسحى عيون القطه بمايه دافيه ونشفيها بقطن
وقطرى ف كل عين قطره بروزلين وبعدها بخمسه حطلها من مرهم تراميسين او سيبروسين

بسبس مياو 29-01-2014 12:18 PM
رد: قطتي كده بقت كفيفة ؟؟؟
 
الأستحمام ممنوع ممنوع اوعي تحمميها، انتي تقولي عينيها احولت مش مقفولة يبقى ازاي نفس حالة قطة هانم،لا تزيدي الحالة سوء واتبعي نصايحك الدكتور والخبراء


جميع الأوقات بتوقيت GMT +3. الساعة الآن 05:43 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو