|
غر البلوفرونتد
السلام عليكم
طبعا بعد ما أكلت لي كم عضة وقدرت آللف البلوفرونتد بعتة...!!! واشتريت لي نفسة بس عمرة شهرين و 19 يوم طبعا عرفت من الحجل مكتوب 5-11 قلت اكيت من مواليد شهر 11 يوم 5 الطير باين علية فرخ وعينة سودة مائلة للرمادي المشكلة انه ماياكل السيريلاك من الابرة (ربيت فروخ غر كانو يشوفون الإبرة يجننوني علشان يأكلون) اما هذا لا فركبت له بيب وصرت ادخل البيب لين الحوصلة واغرة بهذي الطريقة الطير نشيط وحركي ويطير ولله الحمد ما فيه شي حتى صار يأكل حبوب دوار الشمس يعني حبة ولا حبتين ويأخذ نص ساعه لين يأكلها السؤال الحين طريقة الغر ماتضرة بهذا العمر وليش ما يتقبل الغر كل الشكر لكم تحياتي |
رد: غر البلوفرونتد
اخي الفاضل
طيرك كبير ويرفض الغر الحجل اعتقد انك قرأته غلط ارفق صور للطير مع صور الحجل لان الرقم اللي تقرأه يكون بالعرض عالحجل ١١ مثلا او ١٢ بالتوفيق |
رد: غر البلوفرونتد
اخوي الطير فرخ وتوه واصل من برع البلاد من 3 ايام حتى ريشة ما اكتمل وجسمة فيه بقايا سيرلاك حاولت أتخلص منها اليوم
بحاول ارفق لكم صورة اليوم |
رد: غر البلوفرونتد
هذا فيديو فيه كل شي صورة العين و الأقدام و الحجل و الطير بالكامل
أتمنى تفيدوني http://youtu.be/3DAZ-u8HWQE |
رد: غر البلوفرونتد
توه الطير واصل ، غره اكثر من مرة وبيعتدل، ماشالله ..الله يخليه لك.
|
رد: غر البلوفرونتد
بالفعل الطائر صغير في العمر..استمر في الغر وانشالله خلال كم يوم رح يبدأ يعتاد على ذلك.
بالتوفيق اخوك رمزي |
رد: غر البلوفرونتد
اقتباس:
أشكرك اخوي بديات أشك انه مريض ووضعت هل تايلان في في السيريلاك طبعا بالغر ووضعت له قطتان في انفة وارتاح كل ما يشرفني أقطر له يسكت ويتقبل الوضع وكأنه عاجبة ويريدة مع اني ما سمعت له اي صوت في التنفس بس لاحظت انه يريد ينام 24 ساعه وصار ما يطير قبل كان يطير لمسافات علية جدا الحين يطير شوي يمكن لانه تعود علي وفيه إسهال من اول مجابتة لونه اخضر مائل للغامق |
رد: غر البلوفرونتد
اقتباس:
الببغاء صغير في العمر ..وعلاج التايلان قوي عليه.. قم بتدفئة الطائر جيدا ولا تطعمه فواكه..اطعمه بطاطا مسلوقه |
رد: غر البلوفرونتد
ما شاء الله الطير فرخ بالفعل
واحييك عالتصوير والوضوح اخي الطير ما في شي ولا مريض فقط هو باين عليه يخاف ما عليك انك تتوصل معه لطريقه للاكل كان عندي طير نفس الشي كنت اوكله بالمعلقه ستانلستيل غويطه شوي جرب قدم خبز ليه شوف راح يتفاعل معك ولا لأ وخبرنا حافظ عليه وبارك الله فيك |
رد: غر البلوفرونتد
اقتباس:
اخوي اليوم صار يأكل السيريلاك بدون بيب بس لازم انــــا افتح لة منقارة غصب لاحظت أني لو ضغطت على حوصلته يطلع هواء من انفة ولا قمة مادري بالضبط. (نادر ما تصير) واليوم اشتريت له (موني فيت)فيتامين قلت بخلطة مع السيريلاك علشان يساعدك على النمو شو رأيكم ؟؟ وكل الشكر مقدما :88: |
رد: غر البلوفرونتد
اخوي الطير مزال فرخ وفي العمر هذا ثقل السريلاك اي لايكون مياهي ولا ماسك كثير ومن اسباب عدم تقبله للعس الخليط سائل كثير وعدم خلطه بالماء الساخن وممكن يكون السريلاك يختلف عن الي كان يقدم له تدريجيا يتعود قبل العس اجعل الخليط متماسك وخلطه بالماء الساخن وحركه بالملعقه ومن ثم اسحبه بالابرا وعس الفرخ ونظم مواعيد العس 3الى 4 مرات في اليوم فقط بتوفيق ان شاء الله |
رد: غر البلوفرونتد
اقتباس:
أشكرك كل الشكر مشرفنا الغالي بس سوال اخير انـا احوط القفص ب بلحافين خفاف واترك فتحط صغيرة للتهوية هل هذا غلط ام ان يفضل اترك له الجهة الأمامية مفتوحة بالكامل |
رد: غر البلوفرونتد
مافي اي مشكله والاهم مايكون المكان مكتوم او حار اوفي دفايه اجعل الفتحه قد كف الايد لتهوية ان كان الجو مناسب داخل البيت هي فقط كا وقايه تغطية القفص وعدم تعرضه لتيار هوائي اثناء فتح الابواب |
رد: غر البلوفرونتد
اقتباس:
و المكيفات نادر احد يشغلها وإذا اشتغلت مايوصل له الهواء أبدا بس أشوفك نافش ريشة من جهة البطن أتوقع من الخوف كل الشكر لكم اخواني ماقصرتوا |
رد: غر البلوفرونتد
طالما الوضع مطمن فلا بأس والفروخ طبيعتها نفش الريش لكن الطير المريض يبان عليه اعرض المرض من برازه وخمول مستمر وتغميظ العين بالآظافة الى نفش الريش وعدم الاكل بشكل جيد |
| جميع الأوقات بتوقيت GMT +3. الساعة الآن 09:53 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو