|
بعض الاستفسارات عن البلوفرونتد
السلام عليكمورحمه الله وبركاته
اخواني انا اشتريت بلوفرونتد امس فرخ على كلام راعي المحل حول 8 الى 10 اشهر انا حطيته على ستاند عندي في الغرفه وعندي كم استفسار الله لايهينكم اول شي الطير يخاف مني هل في طريقة اقدر اخليه يتعود علي انا اعطيه اكل بيدي ياكل عادي واذا ابي اخليه يركب علي يدي يحاول يشرد لين يصير مافي مفر يركب لكن يقعد يرجف وهو على يدي وبحاول انه يطيري يحرك جناحه عشان يرجع مكانه لكن جاحه مقصوص فمايقدر وهل في حل لمشكلة العض هو يعضني مرات طبعا عضته مو قويه لكن يحاول يعض واخر استفسار هل ممكن اعرف عمر الطير او شلون الطريقة ويعطيكم العافية |
رد: بعض الاستفسارات عن البلوفرونتد
وعليكم السلام ورحمة الله وبركاته حياك الله اخوي ومبروك عليك الطير مبدئين اترك الطير يرتاح كم يوم وياخذ على المكان وعليك وتاكد من صحته وتغذيته وبعدها ابداء معه التدريب والترويض هذا احدى المواضيع راح تفيدك http://www.2zoo.com/vb/showthread.php?t=317285 بنسبه للعض ضع عسل على اصبعك ومجرد مايتذوقه تدريجيا راح يترك العض معرفة عمر الطير اذا كان محجل راح تعرف من الرموز المسجله وفيها سنة الانتاج لبعض مزارع الانتاج وتكون عين الببغاء دائمن غامغه في صغر سنه بالاظافة الى شكل الطير الخارجي وملامح الوجه ارفق صور لطير وبأذن الله راح يبان |
رد: بعض الاستفسارات عن البلوفرونتد
شكرا اخوي على تجاوبك السريع
وانشالله بحاول معاه بالعسل وارفقت لك الصور للطير االولى بدون فلاش والباقي بالفلاش http://up.q8bbm.com/bb/70098e5f5a8d954f1.jpg http://up.q8bbm.com/bb/70090aa68c7413d42.jpg http://up.q8bbm.com/bb/e07ed35109771b6b1.jpg http://up.q8bbm.com/bb/e07ef2f6e8d3fe432.jpg |
رد: بعض الاستفسارات عن البلوفرونتد
ماشاء الله مثل ماوضح لك البائع عمر الطير 8الى10 شهور ان كان محجل رمز الحجل 13وهذا يدل على سنة الانتاج وغيرها رموز تسلسليه اهتم في تغذيته وعدم تعرضه لاي تيار هوائي وسهل بأذن الله توالفه معك محتاج منك صبر بتوفيق ان شاء الله |
رد: بعض الاستفسارات عن البلوفرونتد
ماشاءالله طيرجميل جداوصغير الخوف يروح بصبر ثم الصبر
وعندك شغلتين مهمه لكسب ثقة الطيروحبه لك الاوله الاطعام اليدوي والثاني اللعب معاه وتسليته وجعل تصفيره معينه تكون رابط بينك وبيته وممكن كلمه يس الكلمه راح تكون صعبه عليه ينطقها في الوقت الحالي خل الكلام بعدين مصيره راح يتكلم اذا حبك ووثق فيك وراح منه الخوف منك بتوفيق اخوي تحياتي للجميع |
رد: بعض الاستفسارات عن البلوفرونتد
يعطيكم العافية اخواني ماقصرتو
الطير مشكلته خايف لحد الحين مني اذا ابي اطلعه على يدي يحاول يشرد بأي طريقه وجربت معاه حركه العسل وماصار يعض استغربت سريع المفعول العسل بس الحين ابي اشيل الخوف منه اذا اي احد عنده افكار ياريت يفيدني |
رد: بعض الاستفسارات عن البلوفرونتد
ويعافيك اخوي مثل ماوضحة لك لاتستعجل على الطير خوفه هذا في البداية بعدها راح يكون من احسن مايكون واثناء محاولتك تدريبه الطلوع على الايد اطفاء الاظائه ودرب الطير في نور هادئ ثبته على ايدك ومسح عليه وكرر المحاولة بتوفيق ان شاء الله |
رد: بعض الاستفسارات عن البلوفرونتد
بسم الله ما شاء الله ببغاء جميل وعمره صغير أيضاً..
الببغاء جديد على المكان..وخصوصا البلوفرونتد أمازون يحتاج وقت حتى يتعود عليك ويوثق فيك..فالموضوع بإذن الله مسأله وقت لا أكثر.. اهتم فيه وقدم له ما طاب ولذ من الحبوب المشكله والفواكه والخضروات الطازجه وانشالله عن قريب رح يبتدي يحبك. بالتوفيق أخوك رمزي |
رد: بعض الاستفسارات عن البلوفرونتد
جزاكم الله خير على المعلومات القيمة والمفيدة
صحيح الطير جديد ولحد الحين يتردد لما بياخذ مني شي امس جربت اشيله ورحت قعدت في ممر الغرفة عشان مايشوف الستاند وقعدت اسوي له حركه الدرج واقول له فوق عشان يركب من يد لين يد لكن مشكلتي معاه الحين مو قادر امسح عليه مايخليني امس احاول معاه يقعد يستهبل يحط رجله على يدي ههههه وبعد فيه مشكله ثانيه انه يخاف ياكل او يستحي مادري بصراحه لانه مرات ينزل للأكل تحت ياخذ حبه ويرجع فوق لانه مكان الاكل في الاستاند من تحت ومرات لما ياكل تحت ويشوفني مار قريب من الستاند يرجع فوق ومسكين يظل جوعان واقعد اعطيه بيدي حبه حبه ولا اعطيه تفاح بيدي او كمثرى |
رد: بعض الاستفسارات عن البلوفرونتد
اقتباس:
فهو بحاجه الى وقت حتى يأكل بدون خجل او يرتقي يدك ويزول منه الخوف انشالله. حاول كسب ثقته واطعامه من يدك بالتوفيق |
رد: بعض الاستفسارات عن البلوفرونتد
واحب اضيف انه الطير اشوفه يحك جسمه كثير بالمنقار ومرات يسحب ريشات صغيره هل هاذي طبيعيه او انه الطير يحتاج تنظيف
لاني خايف اسبح الطير ويمرض خصوصا الجو عندنا الحين شوي بارد مع هوى وهل في بخاخ او اي شي ارشه على جسمه عشان تخف الحكه في جسمه |
رد: بعض الاستفسارات عن البلوفرونتد
جميع انواع الببغاوات تحك منقارها وتصفف ريشها وهذه غريزه طبيعيه في الطيور..
التسبيح بدري عليه اصبر حتى الببغاء يعتاد عليك وعلى المكان الجديد وحتى يعتدل الجو..لكن ممتاز ان قمت بتشميس الطائر من خلف زجاج الشباك. بالتوفيق أخوك رمزي |
رد: بعض الاستفسارات عن البلوفرونتد
بارك الله فيك وفادتك لي
انشالله ماراح اسبحه هالفترة هو صحيح تقريبا كأنه يرتب ريشة لكن مرات اشوفه ينفض نفسه بطريقة غريبه كأنه في شي يضايقة بس بصبر هالكم يوم وبشوف انشالله يتعود على المكان والصبح قبل ماروح الشغل اخليه جنب الشباك واعطيه تفاحه ياكل منها لانه اخاف انه ماينزل ياكل لانه مو متعود على المكان |
رد: بعض الاستفسارات عن البلوفرونتد
العفو أخوي..
بالنسبه لنفض الببغاء لجسمه وريشه هذا شئ طبيعي وهو من غايات تنظيف وتصفيف الريش. التفاح قدم له قطعة صغيره بدون البذور الداخليه..والتشميس لا يكون طول اليوم يعني لو ربع ساعه في اليوم جيد. بالتوفيق أخوك رمزي |
رد: بعض الاستفسارات عن البلوفرونتد
الله يعطيك العافية
انا اعطية قطعه صغيرة بدون البذور لاني قريت من المواضيع في المنتدى انها سامه للطير والتشميس هو مش جنب الشباك على طول يعني في مسافة والشمس مو مغطيه الاستاند كامل فقط مكان صغير من الستاند الي عليه اشعة الشمس عشان ياخذ راحته مكان مايبي يوقف في الشمس او الظل |
رد: بعض الاستفسارات عن البلوفرونتد
اقتباس:
أخوك رمزي |
رد: بعض الاستفسارات عن البلوفرونتد
يوفقنا معاك يالغالي ولايحرمنا من توجيهاتك ومساعداتك وفي ميزان حسنات ان شاء الله
|
رد: بعض الاستفسارات عن البلوفرونتد
اقتباس:
كل التحيات أخوك رمزي |
| جميع الأوقات بتوقيت GMT +3. الساعة الآن 05:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو