|
Betamox
السلام عليكم ورحمة الله وبركاته
ببغائي قبل فترة مرض ونزلت موضوع واستخدمت التايلان والحمدلله اتحسن وللاسف انتكست حالتو وسار عندو ضيق تنفس وحشرجه واسترجاع للاكل وديته امس للطبيب قال الاسهال واضح ويمكن عندو نزلة معوية قلي اوقف التايلان واستخدم betamox وقرات انه للقطط ومن امس لليوم زاد خمول الطير ونوم طول الوقت ابغى اعرف الدواء كويس او للا ابغى الحق طيري وشكراً لكم |
رد: Betamox
في افرازات من انفه
|
رد: Betamox
هذا المضاد خاص بالقطط
اما علاج الجهاز التنفسي فهو التايلان الطير انتكس وذلك بسبب عدم اكتمال الفترة في استخدام الدواء وايضا تقلبات الجو مع اعتقادك انه تحسن وهو في فترة النقاهه وبالتالي انتكس ما عليك الا استخدام التايلان وايضا تزويد الطير بالاكل المسلوق واكل العس الخاص بالطيور وتدفئة الطير جيدا في مثل هذه الحالات وبالتوفيق |
رد: Betamox
اخوي هل الطير متوقف ان الاكل والشرب
تحياتي ابو سدران |
رد: Betamox
اخي الكريم..
كلام أخونا monybat صحيح .. يجب أن تكمل العلاج بالتايلان.لاني بصراحه ما شفت أقوى من هالعلاج لامراض الجهاز التنفسي.. اهم شئ اذا شفت الببغاء توقف عن الاكل يجب ان تغره بأكل المخصص للفراخ. بالتوفيق أخوك رمزي |
رد: Betamox
اكله خفيف جداً جداً وحبدأ اوقف عنه الدواء واستخدم التايلان
هوا يلاقي صعوبه في الاكل والشرب طيب ايش هيا الفترة وكيف اعرف لو صار طيب الطير هذا غالي عندي جداً ومابغى اخسرو الله يسعدكم ويجزاكم عني كل خير كونو معايا حبه حبه وراح ادعيلكم فهموني ايش اسوي واليوم قبل ياكل بيض مسلوق لكن قالولي انو خطر جداً .. ايش ااكلو بالضبط؟! |
رد: Betamox
سوالين
التايلان ينفع مع الاسهال الشديد؟! ايش الفرق بين النزلة المعوية والمرض التنفسي ؟! وكلهم ينفع معاهم التايلان او لا البيطري شخصو بانه معاه نزلة معويه بس يقول مافي اعراض بس على كلامي |
رد: Betamox
انت شفت الطير تحسن كمل معاه بالعلاج التايلان
زي ما قالو اخواني واذا الطير اكله خفيفه ويشرب مويه روح الصيدليه البشريه وقول له جيب مغديه بيبي لايت وكب شوي فالصحن حق الماء بدل الماء حط بيبي لايت ومن ثم حط العلاج في البيبي لايت وقدمه للطير خليه يشرب بيبي لايت بدل المويه يكمل التغديه والتايلان حلو وزي ما قلت وقالو الاخوان الطير تحسن ارجع واستمر معاه والله يشفيه ويطول فعمره تحياتي ابو سدران |
رد: Betamox
الطير اديته تايلان وفتحت له قران طول اللليل
والحمدلله اتحسن بطريقة كبيره ماشاء الله بعد القرآن خاصتاً وانا خايفه من التحسن المفاجئ كم يوم اخليه ع التايلان وبعدها كيف اكمل علاجه والحمدلله وماشاء الله رجع ياكل بس باقي صوت الحشرجه و العطاس وجزاكم الله عني كل خير اخ رمزي و ابو سدران وموني بات |
رد: Betamox
ما شاء الله هذه الاخبار الطيبه..
على العموم استمر بعلاج بالتايلان لمدة 5 ايام متواصله.. مع تغير الماء كل 24 ساعه. وبعد شفاء الببغاء بإمكانك اعطاءه فيتامينات في الماء عشان يرجع نشاطه.. أنصحك بفيتامين أمينو فيت. بالتوفيق أخوك رمزي |
رد: Betamox
تركت الببغاء يومين رجعت لقيت اكله ونشاطه الحمدلله متحسنين
بس عينه اليسار تعبانه ولو يبان ف التصوير كان وريتكم لقيت حول العينين موية وكانت قاسيه ( كانو سكر على الريش ) يعني سار قاسي ومافي شي جا عليه قولت يمكن الدوا جا على عينه وطول الوقت يحك لانه يبغى يتروش روشتو وللاسف عينو اليسار كل شويا يقفلها ماني عارفا ايش المشكله وطول الوقت يخلي الحديد بين منقارو ويضغط باقوى شي كانو في شي مضايقه داخل منقارو وللاسف مايسمحلي اطالع سامحوني على كثرة اسئلتي بس البغبغان مرا غالي عندي ومابغى اخسره شكراً وجزاكم الله عني كل خير |
رد: Betamox
فيه التاليوسين نفس التايلان وتفضل منه لانه فيه مضاد
على كل حال واصل معاه في التابلان مادام تحسن عليه المره الاولا دف الطير غط الففص على طول واذا فيه شباك قريب منه سكره ولازم ضروري جدااا تغر الطير با الاكل عشان يقاوم وماينهكة المرض لازم ممكن تستعمل سبرلاك حق الاطفاب با القمح وطعام الغر حق الفروخ ان وجد وعلى العموم مشاكل الجهاز التنفسي سهل السيطره عليها وشفى الطير اذا اعطيته جرعة العلاج ب الكامل يعني مو تحطها في المويه والطير اصلا مايشرب ماء كثير ماينفع غره ب الدواء والاكل والله يكون بعونك وان شاءالله يتحسن وانا حاس بشعورك بذات اذا الطير عزيز لاكن اللي كاتبه الله بيصير وانت افعل السبب بتوفيق تحياتي للجميع |
رد: Betamox
أخي الكريم أكبر غلط انك تروش الببغاء في الوضع اللي هوا فيه ويارب يشفي طيرك
|
رد: Betamox
وديته للبيطري قال فيه مرض الدمعه وخفت اخذ اي دوا ويطلع حق قطط
التايلان يكفي لمرض الدمعه ؟! اخ شرارة شربو للماء قليل اعطيه هوا غصب ولا احط الدوا على الاكل ؟! شكراً شرارة و ابو ثامر |
رد: Betamox
ذهبت فيه لبيطري ثاني اعطاني حبوب orni tab
وقال لمدة ٥ ايام وحبه صبح وحبه بالليل وان ماله داعي للمرهم لانه مرض داخلي يا اخوان ساعدوني |
رد: Betamox
في مشكله من تغير الادويه من تايلان للحبوب
محا تنتكس حالته؟! |
| جميع الأوقات بتوقيت GMT +3. الساعة الآن 05:19 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو