|
ببغاء جديد :) اتمنى المشاركة :)
السلام عليكم اخواني
كيف الحال ان شاء الله مبسوطين ادري تعبتكم معاي بس ان شاء الله يجي اليوم واخدمكم فيه بأفضل مالدي قبل امس اخوي جاب لي هديه ببغاء ونزلت له صور وعمره ماتجاوز السنه على كلامه وكلام بعض الاعضاء، كاسكو افريقي غير مدرب وبصراحه مليت منه ادري ماانفع له بس يبيله ترويض المهم كل ماقربت له قعد يصيح حتى وهو في القفص واذا رحت سكت ويناظر المهم كلمت اخوي وقلت له اعطني اللي عندك (( ماصارت هديه )) ههههههههههه وهذا يبيله تدريب ومن هالكلام ومايتكلم :) المهم اخذت اللي عنده يصفر ويقول كلمتين بس عمره 3 سنين اذا مانسيت او 2 وشوي اليف ماشاء الله جبته البيت وحطيته على الستاند بصراحه حلو ماشاء الله ولون ثلجي رصاصي فاتح وابي ارائكم ونصائحكم واذا في تعليقات على الصور مع اخوي مايعض ولا شي ولما جبته قدرت امسح على راسه بس احس انه متخوف شوي ووده يعض !! وهل عضته قويه ؟؟ بصراحه شي واحد احس انه نحيف وكان ودي اتصل على اخوي بس استحيت اهداني بالبدايه ورجعت كلمته وقلت ماابيه واعطني اللي حقك وماودي اقوله نحيف واخاف يقول جيبه و الشرهه على اللي اهداك :)) اشكركم اخواني وعارف ماراح تقصرون والله يجزاكم الجنه يارب http://im40.gulfup.com/jhJjl.jpg http://im40.gulfup.com/gdyFk.jpg |
رد: ببغاء جديد :) اتمنى المشاركة :)
وعليكم السلام ورحمة الله وبركاته طبيعي اخوي الطير متعود على صاحبه 3سنوات وتغيير المكان تدريجيا راح يالف معك ان كان فيه ظعف اعطيه كبسولات لدود لمدة يومين تظاف في الماء معني اشوف الطير طبيعي بس للوقايه حطها بتوفيق ان شاء الله |
رد: ببغاء جديد :) اتمنى المشاركة :)
اقتباس:
اجنحته عند اخوي ماهي مثل اللي بالصوره هنا تحس انه رافعها !! هل للكبسولات اسم معين تقدر تفيدني !! الف شكر لك على التجاوب |
رد: ببغاء جديد :) اتمنى المشاركة :)
يوجد عدة انواع منها اقرب صيدليه بيطريه وودي الطير معك يشيك عليه الطبيب في منها بودرة وفي قطره وفي الكبسولات http://alfaris.net/up/88/alfaris_net_1376613156.jpg |
رد: ببغاء جديد :) اتمنى المشاركة :)
وعليكم السلام ورحمة الله وبركاته
اخوي اهل البيت غريبين على الببغاء راح يتعود عليهم واحده واحده اخوي اعطي للببغاء دواء الديدان بالتوفيق |
رد: ببغاء جديد :) اتمنى المشاركة :)
اقتباس:
عندي سؤال الببغاء مو راضي يطلع على اليد اولا مع انه علي الستاند ثانيا مايسمح لي آلا بمسح راسه ؟؟؟ واذا جيت امسح راسه يثبت فمه على احد الصحون اللي على الستاد وانا اظل امسح ؟ ومن شوي طلعت له عشان يتشمس ماخليته يطول ورجعته بس ماقدرت ارجعه على الاستاد كل مااحط العصا يبعدها عندي واذا اعطيته اكل بيدي ياخذه بصراحه حيرني |
رد: ببغاء جديد :) اتمنى المشاركة :)
حاولت اقرب يدي له بس يبي يعضها واحاول ابعدها عنه وارجعها على طول ولاحظت انه مايعظ بس يعلق علي يدي ويتحسس بلسانه بس اخاف العضه القوية تجي فجأة !!
|
رد: ببغاء جديد :) اتمنى المشاركة :)
اخوي الطير لازم ياخذ وقت
خله كم يوم وبتلاحظ فرق بس طول بالك |
رد: ببغاء جديد :) اتمنى المشاركة :)
اقتباس:
بالنسبة للمسح سهل والحمدلله عديت ولو اوقات تمسك معاه مايبي وبالنسبة انه يطلع على اليد كل ماحطيت له يدي يفتح فمه ولايعض يتحسس الطعم وان مديت يدي مره وحده يصيح وينزل راسه ؟ عموما وانا جالس معاه اتكلم كثير والا اردد الكلمات اللي ابيه يقوله ؟؟ ياليت تعطوني امثله |
رد: ببغاء جديد :) اتمنى المشاركة :)
تكلم معاه شوي شوي
يعني بالبدايه خله ياخذ راحته لا تضايقه لان هو بحالة تركيز واستكشاف وانت تجي تطلب منه اشياء مو فاضي لها فيبعدك بالعض بالنسبه للكلام هالكم يوم ناده بإسمه ودلعه فقط عامله كضيف لا تجبره على شي بعد كم يوم ابدا معاه بالاوامر وكل حركه قول معاها كلمه الطلعه على اليد قول اطلع وكذا انا شريت هولندي أليف وأول ما جبته دمم لي إيدي مع أنه أليف لانه ما خذا على المكان ولما تركته فتره صار يطيعني وتغير |
رد: ببغاء جديد :) اتمنى المشاركة :)
اقتباس:
راح اخليه هالايام بس على الاكل والشرب وانوع بأكله .. بس يمدحون الفول السوداني وبصراحه مااعرفه ؟ اتذكر في البقالات المملح ؟ هو والا لا ؟ مع اني قريت بالموقع لاتعطيه شي فيه املاح ؟ وهل الاكل يعني وقت الفطور احط له المويه والاكل شوي وبعدها اشيله ونفس الطريقة الغدا والعشا طبعا وهو على الاستاند ؟ وبالنسبة للقفص متى احطه فيه والا مايحتاج ؟ وبالنسبة للنوم انا تقريبا نومي معكوس وباحاول هالايام اعدله .الببغاء يحتاج من 8 الى 12 ساعه للنوم بس اي صوت بيصحى ؟؟ ادري كثيرة الاسئله بس تحملوني :) والله يعطيكم العافيه |
رد: ببغاء جديد :) اتمنى المشاركة :)
اخوي انتبه لاتعطيه اصبعك بالطول راح تحس بقوة العضة حتى لو بقفاز
لكن عطه بالعرض تصير اخف اسئل مجرب :) وبعدين ترا حلاتها اذا عضك ههههههه << مريض عض |
رد: ببغاء جديد :) اتمنى المشاركة :)
الله يعين اخوك وهق نفسه هههههههههه
امزح فديتك مبروك عليك الطير وحجمه عادي يالغالي والطير جديد على المكان يبي وقت على ما ياخذ عليك وعلى المكان ولا تبلشه كثير علشان ما ياخذ عنك فكره اذا هو الليف لا تخاف ما راح يعض بس اذا بديت تقرب يدك وتبعدها بسرعه ترا الطير يعتقد انك تهاجمه بالطريقه ذي وبيخرب عليك خلك قريب منه اكثر وقت ممكن وامسح على راسه وهو على صحن الاكل عادي بيتعود عليك بس لا تبشله تنزله وتطلعه كثير لين ما ياخذ عليك الطير وبالتوفيق |
رد: ببغاء جديد :) اتمنى المشاركة :)
اقتباس:
|
رد: ببغاء جديد :) اتمنى المشاركة :)
اقتباس:
اشكرك علي التفاعل معي ويعطيك العافيه :) |
رد: ببغاء جديد :) اتمنى المشاركة :)
اكثر شي يزعجني لما اجي عنده وابي امسح علي راسه اقوله راسك راسك اول ينزل راسه اللحين لا
واول مااجيه ينزل راسه بدون مااقول شي ويخليني امسح عليه وشوي يفرفش راسه وينفش ريشه ويبي يعض وقتها اسحب يدي ولو اني احاول مااسحبها ؟؟ واذا مسحت على راسه اقوله قود بوي واعطيه اكل واسويها مره ثانيه وماتمشي يعني علي كيفه ؟؟ واذا تركته وقعدت على النت مثل اليون بالصالة قعد يصفر ويقول اصوات ويرفع اجنحته كانه يبي يطير !!! رحت له وجيت ابي امسح راسه مارضى ؟؟؟ اي نصائح ؟؟ الله يعطيكم العافيه |
رد: ببغاء جديد :) اتمنى المشاركة :)
العفو اخوي
وانا قلت لك وبعيدها عليك لا تخاااااف اليف ما راح ياذيك عطه اصبعك ماراح يعضك تحصله يتحسس بلسانه بس مرتين ثلاث بس وبيتعود عليك |
رد: ببغاء جديد :) اتمنى المشاركة :)
اقتباس:
الله يوفقك :) |
رد: ببغاء جديد :) اتمنى المشاركة :)
العفوا
الله يوفق الجميع يارب |
رد: ببغاء جديد :) اتمنى المشاركة :)
ما شاء الله ببغاء جميل ربنا يبارك لك فيه..
الطائر انتقل الى مكان جديد وهذا سبب له خوف.. وانشالله مع الوقت رح يزول اهتم بالتنويع الغذائي من بذور مشكله وفواكه وخضروات بالتوفيق اخوك رمزي |
رد: ببغاء جديد :) اتمنى المشاركة :)
اقتباس:
ان شاء الله ويعطيك العافيه على النصيحه وان شاء الله نفيدك بالمستقبل لما نصير خبره :) |
رد: ببغاء جديد :) اتمنى المشاركة :)
اشكركم اخواني على التفاعل
وجديد الببغاء يرفرف باجنحته واوقات يصفر بصوت عالي عاد ماادري متى ابد اعلمه على الكلام بس الاهم انه يطلع على اليد وش رايكم ابدا فيه والا اخليها بعد اسبوع لين يولف اكثر ويتعود على البيت للعلم هذا يومه الثالث :) وهنا صور جديده له :) [IMG]http://im36.gulfup.com/VQ3Un.jpg[/IMG] [IMG]http://im36.gulfup.com/c7pov.jpg[/IMG] |
رد: ببغاء جديد :) اتمنى المشاركة :)
اخي الكريم..
خليه اسبوع على الاقل حتى يتعود على المكان الجديد.. الان فقط اهتم فيه وقدم له البذور والماء بنفسك.. وعند تكون الثقه بينكم ابدأ بالترويض والتدريب.. بالتوفيق اخوك رمزي |
رد: ببغاء جديد :) اتمنى المشاركة :)
اقتباس:
حاليا هو ياكل من يدي ولما اقرب منه واقول راسك ينزل راسه ويخليني امسح عليه وبعدها اعطيه حب واوقات قول سوداني ملاحظتي اليوم وانا عنده وبعد مامسحت علي راسه بدا يرفرف باجنحته ويتلفت وصفر اكثر من مره نفس النغمه وبعدها 3 تصفيرات مختلفه وفي كلام غير مفهوم ؟؟ حاولت بس ماقدرت افهم لاني قاعد اسولف معاه ويرفرف اجنحته وقتها ويصفر اكثر من صوت وفي اصوات ماقدرت افهمها ؟؟ اذا عندك خبر تفيدني اكون شاكر لك والاخوان ان شاء الله مايقصرون بس مشكلتي ابيه يطلع على يدي وكل مااحاول احط يدي عند رجوله تحس انه يمنعني !! ملاحظه : اوقات وانا امسح على راسه عادي بنفس مكانه واوقات يمسك بمنقاره مكان الاكل او المويه اللي على الستاند !! ياليت تفيدني !! والف شكر لك |
| جميع الأوقات بتوقيت GMT +3. الساعة الآن 06:41 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو