|
آرجو المساعده
السلام عليكم ورحمه الله وبركاته آنا عندي قطه شيرآزيه عمرها شهرين ونص وديتها لطبيب بيطري بعد مالاحظت نقصان في وزنها واعطاها ثلاث ابر وحده فيتامين والثانيه حق ديدان والثالثه مضاد حيوي ومن بعدها صارت البسه بس نايمه ولاتتحرك وبعد 24 ساعه وديتها لطبيب ثاني وآعطاها خافض للحراره ونفس الشيء مافي فايده وبعد 48 ساعه وديتها لنفس الطبيب الثاني وقال توقعت تموت واعطاها مغذي وابره خافضه لحراره وفيتامين لانها نهائي لاتأكل ولا تشرب وبس طول الوقت نايمه واليوم كملت 72 ساعه ونفسس الوضع بس صرت اشربها بقطاره مويه وحليب كل 3 ساعات |
رد: آرجو المساعده
لاحول ولا قوة الا بالله
الله يهديكي يا اختي الحالة ماكنت تستاهل يروح لطبيب ابدا القط جسمه صغير على كل الابر اللي اخذها وهو صغير على الابر اصلا الواضح ان الطبيب الاول هذا مايعرف شي في الطب والثاني حاول ينقذها بطريقة خاطئه الحين لاتودين االقطة لاي طبيب ومن اقرب صيدلية بشرية جيبي ايموكس مضاد حيوي راح تعطينها بالسرنجة نص مل كل 12 ساعة وعطيها بالسرنجة برضو زبادي دافي بالعسل هل تلاحظين عليها اسهال او استفراغ رغوه مثلا خليها مرتاحة وشوفي حرارتها ادخلي ترموتمر في فتحة الشرج لمدة خمس ثواني وشوفي الحرارة وخبريني انا في انتظارك .. |
رد: آرجو المساعده
ﻻنو آول ممره اربيها ؤمر عارفه الصح من الغلط
آممم بالنسبه ل اسئلتك ﻻ ماعندها اسهال وﻻ آستفراغ وحرارتها 39 وقبل شويه شربتها حليب ولاحظت انها احسن من اول صارت تبلع وتفتح عيونها شويه |
رد: آرجو المساعده
اوك كذا تمام استمري على العلاج اللي قلت لك عليه والزبادي
واذا حسيتيها بدات تفوق وتتحرك اضربي بالخلاط دجاج وبطاطس مسلوقين وعطيها بالسرنجة لازم تاكل حتى مايصيبها هبوط لاسمح الله ولاتودينها لاي طبيب اي شي يصير خبريني هنا فورا .. لان بعض الاطباء ماعندهم غير ضرب ابر وما يراعون العمر والجرعة والله المستعان |
رد: آرجو المساعده
الله يسعدك فآتو
بدات الفجر تحرك يدها وتتجاوب بشكل كبير وتمنعني بيدها إذا جيت اشربها آلحمدلله يآرب وآلزبادي ماقدرت تبلعو زين بس فيها رجفه مدري ايش سببها وغير كذا مره صارت وسخانه من الحليب توسخ وجهها آقدر اروشها او ﻻ |
رد: آرجو المساعده
لا لاتروشينها عشان مايدخلها برد مسحي وجهها بمنديل بس .
|
رد: آرجو المساعده
هلا اختي
لا تروشيها ابدا وخليها تتوسخ عاااادي لانها اذا تعالجت راح تروشيها اما الان خليك على علاج ( فاتـو ) وراح تتحسن اذن الله ما تشوف شر ... |
رد: آرجو المساعده
الله يسعدكم جميعاً
مره ﻻحظت تحسن في حالتها بس بالمره ماتقدر تقوم وبس تحرك يدها آما رجولها نهائي ماتحركها مره خايفه من هذا الشيء ونفسي اعرف الرجفه اايش سببها |
رد: آرجو المساعده
اهلين ياقمر
لاتروشينها الحين ابد امسحيها بمنشفة مبللة وجففيها على الفور ولاتخلين اي تيار بارد يجي عليها استمر على العلاج اللي قلت لك عليه هذا اللي صاير لها طبيعي الابر اللي خذتها مو هينة الزبادي لازم تاخذه بالعصب ربي يشفيها لك من كل شر |
رد: آرجو المساعده
اليوم الحمدلله تحاول تمشي بس مشيه سكران
تمشي وتطيح وغير كذا آحس آنها ماصارت تشوف. كيف اتأكد من سلامه عيونها |
رد: آرجو المساعده
حركي قدامها اي شي يمين وشمال بتلاقينها تناظر عليه
وشوفي حرارتها صارت كم وهل في تقدم في الاكل ولا كيف ؟؟ |
رد: آرجو المساعده
ايوا الحمدلله مره صارت احسن
صارت تاكل وحدها نادر ما اكلها بنفسي وصارت تمشي خطوات كثيره بعدين تطيح بس مآصارت تشوف بس تعتمد على الصوت واﻻحساس اختبرتها كذا مره اخر شيء صورتها ب فلاش اول كانت تغمض عيونها الحين ﻻا آمممم ممكن يكون مؤقت وإلا كيف ﻻنو فتره مرضها ماكنت اﻻحظ شيء على عيوننها مرره ﻻ افرازات وﻻ غيرو ايش ممكن يكون السبب |
رد: آرجو المساعده
اعراض عمى القط:
وهناك اشارات واضحة تدل على ضعف الرؤية او العمى عند القط على سبيل المثال 1_ اصطدام القط بالاثاث في غرفة خافتة الاضائة (عمى جزئي) 2_ جعل انف القط قريب من الارض عندما يمشي شعورا بالشعيرات او بما حوله (عمى كلي) 3_ عمل الانشطة ولكن بحذر او يقلل منها على سبيل المثال قد تجد القط يجد صعوب في القفز من على الكرسي او الاريكة (عمى كلي) 4_ عندما تدقق تجد التهابات بسيطة في العين او تمزق (عمى جزئي) او (عمى كلي) اذا لاحظتي هذي الاعراض هذا معناه انها تأثرت بصدمات عصبية من الابر اللي خذتها بس باذن الله تشوف لان هذا شي نادر |
رد: آرجو المساعده
آلحمدلله هيا مره تحسنت وصآرت
تأكل وحدهاآ وتمشي كويس بس مآتشوف وديتهآ لدكتور قآل آنو آنعمت بس قآل إحتمآل يكون مؤقت وَ ﻻ آعرضها لشمس آو نور قوي وبعد اربع ايام إذا مافي تحسن آرجعها لو ﻻنو قال في دوآء بس يخاف يضرها وآلله مره حزينه عليها ومدري ايش الحل شكككراً كثير فآتو يعطيك آلعافيه ربي يسعدك |
رد: آرجو المساعده
لاحول ولا قوة الا بالله
ربي يتولاها برحمته طيب هل انتي واثقة من كفاءة هذا الدكتور ؟؟ اتمنى مايكون من السابقين الله يهديهم اي علاج يكتبلك اياه خبريني عنه على طول قبل لاتعطينها وحطي صوره لها وهي فاتحة عيونها |
رد: آرجو المساعده
لا طبعاً مو وآثقه بالدكتور ومستحيل آثق في دكتور ثاني http://store1.up-00.com/Aug13/I2p45197.jpg هذي صوره لعيونهآ وهذي قبل لاتمرض وتروح فيهآ :( http://store1.up-00.com/Aug13/MIq45435.jpg |
رد: آرجو المساعده
هلا اختي الحبيبه
اذا كانت القطه بالفعل عمياء فإفعلي هذه الاشياء : لا تغيري مكان الااثاث في البيت لا تغيري مكان صحن الطعام لا تغيري مكان اللتر بوكس والقطه راح تستدل عليه بحاسة الشم ان شاء الله وعاملي القطه بعنايه اكثر ولا تطلعيها الشارع الان ابداااااا واحرصي ان ما تطلع للشارع وانتي ما تدري وانتبهي لها وتاكدي ان القطه لا تزال روح وانتي لا تزالي تحبيها وان شاء الله تتاقلمي مع الوضع الجديد الله يوفقك |
رد: آرجو المساعده
يالطيف
الواضح ان العما جا من صدمة عصبية زي ماتوقعت نصايح الدكتور صحيحة وديه له في الموعد القادم بس لاتخلينه يعطيها شي بدون ماتعرفين اسمه وتخبريني انا بصراحة ماتعاملت مع حالات عمى قبل كذا علشان كذا ما اقدر اكتب لك شي معين اتمنى من الله يشفيها ويرد لها بصرها ولاتنسين تطمنيني .. |
رد: آرجو المساعده
آبشركم آلحمدلله آلصباح دخلت عندها
وجت عندي ومسكتها اشويه اﻻ تلعب ب اساور في يدي آختبرتها ب اشياء ثانيه والحمدلله لحقتها كل الشكر آلجزيل لكم بصراحه كنتم اﻻمل الوحيد لي شكر خآص ل فآتو. بجد ماقصرتي ويعطيك العافيه |
رد: آرجو المساعده
يابعد قلبي حمد لله على سلامته
والله اني كنت قلقانه عليه العفو حبيبتي على ايش ماعملت غير الواجب اهتمي فيه كويس واي شي اسأليني قبل الطبيب بعد اذنك يغلق لانتهاء الغرض |
| جميع الأوقات بتوقيت GMT +3. الساعة الآن 02:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو