|
الكاسكو يشهق
السلام عليكم ورحمة الله وبركاته اخواني شريت كاسكو قبل اسبوعين وعمره تقريبا 6 اشهر . في البدايه كان نشيط ويتحرك واايد . الحين صارله 3 ايام فيه خمول وحركته نادره اغلب الوقت نايم .... قبل يومين سويت له خلطة الثوم بالليمون وعطيتها له بدون تخمير على طول . ولما شفته شرب منها على طول شلتها منه .. بس ما تغير شئ من حالته ..الحين لاحظت فيه اسهال وانتو بكرامه وفيه شهقه ـ بين فتره وفتره. وما ادري يمكن تكون عطسه بس صوتها نفس شهقة الاطفال بصوت خفيف... واسمع صوت خفيفه نفس الغرغره لما يتنفس .......سمعت عن مضاد حيوي اسمه سبيكتولين . ما ادري ينفع حق حالة الكاسكو ولالا ؟ وبشنو تنصحوني |
رد: الكاسكو يشهق
اخوي اذا طيرك قاطع الاكل والاسهال قوي وعنده صوت بالتنفس
انصحك تعرضه على بيطري يكون افضل تحياتي ابو سدران |
رد: الكاسكو يشهق
اسأل عن افضل بيطري ممتاز في الكويت و روح له
لان غالباً الكاسكو ما تنفع معه خلطات و تغيير الاكل واللي يعطيك البيطري حط له و ابعده عن المكيف و التيارات الهوائية |
رد: الكاسكو يشهق
اخوي مثل ماقالو لك الاخوان وده لطبيب بيطري افضل ومانصحك تعطيه علاج بدون ماتخلي طبيب يكشف عليه ويعرفه مرضه ولا تتاخر او تتردد الاسهال هذي مشكله عند فروخ الكاسكو تحياتي |
رد: الكاسكو يشهق
اقتباس:
اشكر لك نصيحتك ... لكن بخلي البيطري الحل الاخير .. لي تجربه سابقه مع كاسكو كان فيه نفس هالمرض و وديته البيطري عطاني علاج ينحط مع المويه ... مشيت على كلامه وحطيت العلاج وبعد يومين مات الطير ... الله يعينا على هالدكاتره . ما عندهم غير علاج بودره تنحط بالمويه .. انتظر باقي ردود من الاخوان ومشكور ما قصرت اخوي |
رد: الكاسكو يشهق
اقتباس:
قبل لا اوديه البيطري . بجرب دواء اسمه (((تايلان )))الي يعالج الامراض التنفسيه .. قريت عنه وايد بهالمنتدى .. الاعراض الي بالكاسكو .. قلة النشاط والاكل +اسهال خفيف + عطس + صوت لما يتنفس ويزيد لما يكون نايم .. ياريت الاخوان يفيديني بخصوص هالدوا اذا يعالج هالاعراض ولالا .. . وشاكرلك ردك اخي الكريم |
رد: الكاسكو يشهق
اقتباس:
الف شكر اخوي |
رد: الكاسكو يشهق
اخي الفاضل.
قم بتدفئة الطائر بشكل جيد.. ويجب زيارة الطبيب عشان تاخذله مضاد حيوي نوعيه ممتازه. وما عليه الا العافيه. تقبل مروري أخوك رمزي |
رد: الكاسكو يشهق
اقتباس:
وانا اليوم شريت ( تايلان ) وابرة انسولين 1m بس ما اعرف مقدار الجرعه الي احطها بالمويه بالضبط . قريت عضو بالمنتدى كاتب هالكلام اقتباس:
|
رد: الكاسكو يشهق
؟؟؟؟؟؟؟
|
رد: الكاسكو يشهق
راجع الخاص
وشكرا |
رد: الكاسكو يشهق
اقتباس:
|
رد: الكاسكو يشهق
رحت اليوم المستشفى البيطري .. والاستقبال فلبينيات غصب يتكلمون عربي . وسعر الفحص 20 دينار ولازم اخذ موعد بعد اسبوع .. تركتهم ورحت مستشفى أخر الي جنبهم على طول .. الدكتور الي فيه فلبيني. قال حالة طيرك متقدمة ولازم تعطيه ابره . بس هذا مو اختصاصي .. و وصفلي محل من الملحات قال فيه دكتور يعطيه هذي الابر . ورحت المحل لقيت دكتور سوداني محترم جدا .. وقال بعطيه إبر على مدى 3 ايام .. وبكل جلسة ابرتين تكون تحت الصدر . وحدة بالجهه اليمين والثانيه باليسار ...وعطاني علاجين بودر ونصحني بالاول اضيفهم على شاهي ثقيل بدون سكر واحطه بمشربيت الطير ... عشان يخف الاسهال الي عنده الحين خلصت من اول جلسه معاه وبكرا الجلسه الثانيه .. والطير ما تغير وضعه الصحي !! للحين ما ياكل ولا يشرب واسهال قوي وصوت يطلع اثناء التنفس... وقاعد اغره بالابرة سيرلاك + مويه مخلوط فيها دوا البودر الي وصى فيه الدكتور .. والله يشفي طيري وان شاءالله ويرجع لطبيعة .. حالة تعور القلب . حتى قاعد افتح منقاره بالغصب وهذا شئ يتعبه زياده لكن ماباليد حيله .. . وان شاءالله ببلغكم بباقي التطورات الي تصير معاي |
رد: الكاسكو يشهق
الف سلامه عليه وانشالله ربنا يشفيه بأسرع وقت..
الواضح ان حالة طائرك متقدمه... أنصحك بالاستمرار بالغر لكن مو بالسيريلاك.. هناك خلطة خاصه تستعمل للفروخ اخلطها بالماء الذي فيه المضاد الحيوي.. غره 3 مرات باليوم بمقدار نص ابره تقريبا في كل غره.. فهي كافيه لبقائه على قيد الحياه بإذن الله..قم بتدفئة الطائر ووشعه في مكان دافئ والف سلامه عليه بالتوفيق |
رد: الكاسكو يشهق
الطير مااات قبل ساعه .. الله يعوضني ان شاءالله
مشكور اخي على النصيحه وانا كنت اغرة بـ سيرلاك مخصص للطيور الببغاء . وكنت اسوي نفس ما تفضلت لكن مانفع وحالته تدهورت . بدت بصوت عالي اثناء التنفس وبعدها نزل تحت القفص عشان ما يقدر يوقف .. بعدين حاشته تشنجات 3 مرات قبل موته ..الحمدلله على كل حال اشكر كل الاخواني الي حاولوا يساعدوني بمشكلتي . جزاكم الله خير |
رد: الكاسكو يشهق
الله يعوضك والله انا طيري نفس الحاله بس معنده صوت وديته البيطري عطاه ابرتين وقطاره وسريلاك اغره الله يستر الله يشفيه يرب
|
رد: الكاسكو يشهق
الله يعوضك خير يا غالي...
أحس بما تحس فيه الآن...لاني من فترة فقدت فرخ هولندي للأسف.. المشكله في الكاسكو مناعته الضعيفه وما يتحمل الأمراض ويموت بسرعه وهذا اللي خلاني اشتري حالياً بلوفرونتد ومناعته ممتازه والحمدلله.. الله يعوضك بأفضل منه أخوك رمزي |
رد: الكاسكو يشهق
الله يعوضك خير يارب
|
رد: الكاسكو يشهق
مشكورين وجزاكم الله خير على مواساتكم ودعواتكم لي
مدغشقر .. الله يشفي طيرك ويقوم بالسلامه والله يعينك |
رد: الكاسكو يشهق
مشكورين وجزاكم الله خير على مواساتكم ودعواتكم لي
مدغشقر .. الله يشفي طيرك ويقوم بالسلامه والله يعينك |
| جميع الأوقات بتوقيت GMT +3. الساعة الآن 04:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو