|
شو أعمل في دجاجات دار جيراننا
يا جماعة جارنا اللي بديش أغلط عليه خلينا احسن محافظة على كلامي جايب دجاج جديد ويطلعوه كليوم برا وطبعا دجاجاته تيجي علينا وخربولي الزرايع اي والله هديك المرةانجنيت كنت شارية لويزة واجو جاجات دار جيرانا وكسرولي اياها:64::64::64: ودايما يخربولنا الزرايع ويحفرولنا في الارض ولما اطلع دجاجاتي ديكهم ودجاجاتهم يتقاتلو مع دجااتي وما يهنوهم وماخدين ارضنا وكأنها ارضهم والمشكلة انو جارنا عنده ارض كبيرة بس دجاجاته يحبو يجو علينا لانهم يكونو جوعانين ويسترزقوا من الاكل اللي تحت قفس الارانب والصيصان واحس انو جارنا ما يطعميهم وحاططلهم ميه في نص الشمس في طنجرة حديد والمية اكيد سخنة شكله عشان تنزل البيضة مسلوقة :D ولما افتح على دجاجاتي يدخلو بيتهم ويشربو ميه ويوكل من الاكل اللي احطه لدجاجي وكأني احط الأكل الهم اي انا والله لما دجاجاتي خربولي الزرايع حشرتهم وما طلعتهم بعديها ييجو دجاجات دار جيراننا يقومو بالدور لا والله اشي لايحتمل انا شو عملت بدجاجهم مسكتهم وحشرهم ببيت دجاجي عشان يتعلمو جيراننا بس قالتلي اختي اتركيهم بلاش تعمليلنا مشاكل مع الجيران وبالذات انو هدول جيراننا تبعون مشاكل ونكد واللي يقهرني انو جارنا شايف دجاجاته يتمشو في ارضنا ومكيف ولا على بالو وانا أطر فيهم قدامه بلكي يستحي وهو ولا على بالو طيب راح ابي وقال لجارنا ضب جاجاتك ولا أدبحهم خاف عليهم جارنا يومين وما طلعهم بس عاود طلعهم والمشكلة ما ينفع يحشرهم لانه بيتهم جدا صغير ورجعوا جاجاتهم يعجبو يا عمي شو اعمل فيهم ادبحهم ولا أسمهم ولا احشرهم وما اطلعهم بس المشكلة حرام احشرهم بدون اكل وانا مش مجبورة اطعميهم شو اعمل يا جماعة شو اعمل شو اعمل اموت حالي بدالهم ولا شو اعمل ؟؟؟؟:mad::mad::mad: انا اعرف اني طولت عليكم بس والله من قهري كتبت لهذا الحد
|
رد: شو أعمل في دجاجات دار جيراننا
ممكن تعملى حد بينكم وبين جيرانكم
بالسلك والخشب او البوص |
رد: شو أعمل في دجاجات دار جيراننا
صدق المثل اللي قول الجار قبل الدار
والله ما في حل الا انه تحكوله يضب جاجاته عنكوا ههههههه، والله شي بيقلعط احكوله اذا جاجنا حبسناه لأنه خرب الزريعة، فيجوا جاجاتك يخربولنا زريعتنا يعني ما في جواب غير هيك وبعين الله |
رد: شو أعمل في دجاجات دار جيراننا
اقتباس:
|
رد: شو أعمل في دجاجات دار جيراننا
الله يكون فعونك
أنا برأيي تعملي حاجز صغير بينك وبين جيرانكم بحيث ما يقدر يدخل الدجاج لارضكم او لزرعكم ولازم يكون جاركم عنده شوية حساسية ويقدر انه انتو تتعبو بالزرع وتجي الجاجات تخربو على البارد المستريح مايصير |
رد: شو أعمل في دجاجات دار جيراننا
اقتباس:
وصعب تسكير الارض يااا ريت جارنا يقدر بس للاسف لا حياة لمن تنادي...... انا فكرت فيها الآن انو نسور الزرايع بس المشكلة ازرايع كتير والورد مش حلو نسوره ما بعرف خلص بحاول اسور المهم من الزريعة |
رد: شو أعمل في دجاجات دار جيراننا
مو مهم يكون سور هناك اشياك حديدية
سعرها رخيص كل 20 مترلا بي 25 دولار انصحك بها كثير حتى النالس ما رح تقدر تنط عنها |
رد: شو أعمل في دجاجات دار جيراننا
السلام عليكم ورحمة الله وبركاته
طبعا الله يكون فى عونك من جاركم هذا واضح انه ما عنده اى احساس ولكن ما راح تقدرى تغيريه انتى خلى والدك او انت بنفسك قوليلة هذا اخر تحذير دجاجك اذا جه عندنا ما راح يرجع لك وبيكون حلال لنا واكيد راح يحبسه يوم او اثنين وبعدين يطلعه ويجى عندكم امسكى الدجاج واحضرى حبل او قطعه قماش على شكل حبل وامسكى الدجاج واربطى ارجل الدجاج ببعضها وابعثيهم لجاركم مربوطين وقوليلة اذا بيجون عندنا برميهم للقطط هيك راح يخاف عليهم او انك تختصرى المشاكل وتعملى سد بينك وبين جارك عشان ما يسرق من شجركم شئ ولا دجاجه يخرب من عندكم شئ تقبلى مرورى |
رد: شو أعمل في دجاجات دار جيراننا
السلام عليكم ورحمة الله وبركاته
طبعا الله يكون فى عونك من جاركم هذا واضح انه ما عنده اى احساس ولكن ما راح تقدرى تغيريه انتى خلى والدك او انت بنفسك قوليلة هذا اخر تحذير دجاجك اذا جه عندنا ما راح يرجع لك وبيكون حلال لنا واكيد راح يحبسه يوم او اثنين وبعدين يطلعه ويجى عندكم امسكى الدجاج واحضرى حبل او قطعه قماش على شكل حبل وامسكى الدجاج واربطى ارجل الدجاج ببعضها وابعثيهم لجاركم مربوطين وقوليلة اذا بيجون عندنا برميهم للقطط هيك راح يخاف عليهم او انك تختصرى المشاكل وتعملى سد بينك وبين جارك عشان ما يسرق من شجركم شئ ولا دجاجه يخرب من عندكم شئ تقبلى مرورى |
رد: شو أعمل في دجاجات دار جيراننا
شكراااا لك اخي WORLD OF ANIMAL
شكلي رح اعمل الطريقة الاولى أزبط لانو السور صعب عمله والتشييد جدا صعب لانه مليان فتحات جارنا بس هادا حسبي الله عليه يأكل من الثمر وما يسمحلنا ناكل من شجرهم وكمان يجيب اصحابه ويأكلون من الثمر ومره جاب صاحبه ياكل من شجرة الكرز الوحيدة الي النا وقمت وطرده لصاحبه ولانو احنا كمان عندنا حديد كتير بالارض وطبعا جارنا تاجر بالحديد دل صاحبه على ارضنا وانا ما سمحتله كمان بس اللي يقهر انو ما يستحي جارنا بالمره..... حسبي الله عليه في ليلة رمضان |
رد: شو أعمل في دجاجات دار جيراننا
طيب اقول لك اذا عندك امكانية شراء كلب او كلبين مدربين على الحراسة وخلهم فى الحديقة
واذا قرب جاركم هذا او دجاجه ههههههه راح يروح فى حديد وبيخاف او حتى ممكن كلاب بلدية ولكن مدربه اذا ما كان عندك امكانية لبناء سور فاصل بينك وبينه ولو بالخشب |
رد: شو أعمل في دجاجات دار جيراننا
والله كتيـــــــــــــــــــــر بشوف كلاب بيجو على ارضنا من مقبرة اليهود
والبارحة جاء كلب على دجاجات جيراننا وكان نفسي يأكلهم وبتعرف فكرت انو يكون عندي كلب لانو الدجاجات تخاف كتير من الكلاب والكلاب تحرس البيت مجربة انا لاني ربيت كلب وانا صغيرة كان جاي علينا من مقبرة اليهود وهو اليف جدا ولما كانو ييجو ولاد جيراننا يصير يعوي بس المشكلة من وين بدي اجيب كلب في الوقت الحالي وكيف امسكه كل الكلاب اللي تيجي علين اما ضالة او يهودية والكلاب المدربة لازم نشتريها من القدس او اسرائيل وسعرها باهظ الثمن ربنا بعين وان شاء الله الاقي الحل مع جارنا كل عام وانت بخير وتحياتي لك وأشكرك من صميم قلبي لانك تساعدني |
رد: شو أعمل في دجاجات دار جيراننا
الحل عندي سوي سور كهرباء ( امزح )
مالك الا الصبر |
رد: شو أعمل في دجاجات دار جيراننا
شكله ينفع سور الكهربا عشان يتكهربا ويموتو
بس خايفة انا اتكهرب واموت يا حسرة من وين بدي اجيبه الثبر هو الحل شكرا لمرورك الارذي |
رد: شو أعمل في دجاجات دار جيراننا
يغلق لأنتهاء الغرض ولعدم خلق حوارات جانبية كثيرة ..
|
| جميع الأوقات بتوقيت GMT +3. الساعة الآن 01:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو