|
قطتى همدانة وبها خمول
قطتى كانت تعانى من اسهال شديد لمدة حوالى 5 ايام بدأت فى اعطائها انتينال من يومين فتوقف الاسهال لكنها الان همدانة وخمولة جدا وعيونها ذابلة وتفرز دموع وتفتح عيونها بصعوبة واصبحت لا تعى ما حولها انا اطعمها صدور دجاج مسلوقة فقط واحيانا اضيف لها ارز مسلوق مع الدجاج كان الطبيب قد اخبرنى ان استمر على هذا الطعام لمدة اسبوع هى تأكل ولكن كميات بسيطة لا اعرف السبب فى هذه المشكلة فهى الان لا تعانى من الاسهال اشك انها اصابها الجفاف لكن لست متأكدة ؟ ارجو سرعة الرد بارك الله فيكم |
رد: قطتى همدانة وبها خمول
اهلا بيكى
ضرورى تشوفى درجه حراره القطه بالترمومتر وتدخليه فى فتحه الشرج شويه وبعدين تشوفى الحراره وياريت بسرعه عشان نقدر نلحق القطه |
رد: قطتى همدانة وبها خمول
اقتباس:
اشكرك يا غالية للرد للاسف صعب جدا لان القطة بلدى وكبيرة عندها 8 سنين وكمان فتحة الشرج ملتهبة جدا بسبب الاسهال اللى كانت بتعانى منه هيا من حوالى 5 ايام كنت بحط ايدى عليها الاقيها سخنة جدا لكن دلوقتى بحط ايدى عليها حاسة ان مفيش حرارة ياريت يكون فيه طريقة تانية اقدر اقيس بيها حرارتها |
رد: قطتى همدانة وبها خمول
الطريقه الصحيحه هى الترمومتر
بالنسبه لالتهاب بقطنه فيها بيتادين وامسحى على المنطقه حاليا اعملى مايه بعسل وشربى القطه منها حتى ولو بالغصب وهتجيبى من الصيدليه البشريه ايموكس لاطفال مضاد حيوى وهتديها 3 سم كل 12 ساعه |
رد: قطتى همدانة وبها خمول
اقتباس:
جزاكى الله خيرا دكتورة شاهستا انا خايفة اديها عسل او مضاد حيوى الاسهال يرجعلها تانى حاليا انا بديها انتينال كل 12 ساعة بدلا من 8 ساعات حتى تشفى تماما من الاسهال اكلتها دلوقتى كبده دجاج مسلوقة واكلتها بشكل طبيعى الحمد لله لكن حالة الخمول مستمرة هل انتظر للصباح قبل اعطائها المضاد الحيوى ربما تتحسن حالتها ؟ |
رد: قطتى همدانة وبها خمول
متخافيش المضاد والعسل مش هيعملولها اسهال بالعكس
العسل والمايه هيدوها طاقه لان واضح من كلامك ان حرارتها نازله وعندها هبوط والمضاد هيعلاجها لو فى اى خلل وعشان الاسهال امنعى عنها اللبن ومنتجاته اكليها بطاطس مسلوقه مع الكبده او اللحم او الفراخ وكمان اعمليلها رز مسلوق او سيريلاك باالارز وان شاء الله هتبقى كويسه |
رد: قطتى همدانة وبها خمول
اقتباس:
ربنا يبارك فيكى دكتورة شاهستا اضافة بسيطة يا غالية القطة تعانى من هرش شديد وجرحت نفسها فى رقبتها وخلف رقبتها واذنيها اخبرنا الدكتور انها حشرات هى التى تسبب لها هذه الحكة وكتب لها بارس الروسى للقضاء على الحشرات ووضعت نصف الانبول لها فقط على ظهرها الحمد لله تحسنت حالة الهرش لكن رأسها اصبحت مليئة بالجروح الشديدة ومنطقة الجروح لم يعد فيها شعر اشك انها ايضا من اسباب خمولها كنا نستعمل بيتادين على هذه الجروح لكن الطبيب اخبرنا انه يحرقها ولا يجب استخدامه هل يوجد مرهم او كريم لعلاج هذه الجروح انا تعبتك بأسئلتى ربنا يبارك فيكى ويجعله فى ميزان حسناتك |
رد: قطتى همدانة وبها خمول
لا مفيش تعب ولا حاجه
وعلى فكره انا مش دكتوره ^^ طيب دلوقتى لازم نحدد هى دى جروح من الهرش فقط ولا فطريات ! لان العلاج هنا يختلف لو تقدرى تصوريها وتورينى الصوره يكون كويس جدا |
رد: قطتى همدانة وبها خمول
اقتباس:
جزاكى الله خيرا حبيبتى حصورها دلوقتى واضيف صورتها |
رد: قطتى همدانة وبها خمول
اقتباس:
مرحبا بك يا اخى نعم الاخت شاهستا واضح ان عندها خبرة كبيرة فى هذا المجال جزاها الله خيرا وجعل مجهودها فى ميزان حسناتها |
رد: قطتى همدانة وبها خمول
اهلين اختي
لاتنسنين تمسحين عيونها بقطنه مبلله حتى مايتجمع الغمس ويصيب عينها بالجراثيم وسوي بكل نصائح شاهستا الله يشفيها لك |
رد: قطتى همدانة وبها خمول
اقتباس:
ان شاء الله يا فاتو شكرا ليكى |
رد: قطتى همدانة وبها خمول
القطة الحمد لله بدأت تصحصح شوية لكن مشكلة الهرش مستمرة وسببتلها جروح دى صور القطة فى رقبتها http://www.download-7.net/uploads/1362785669011.png تحت ودنها http://www.download-7.net/uploads/1362785670142.png والناحية التانية http://www.download-7.net/uploads/1362785671163.png http://www.download-7.net/uploads/1362785672074.png انا كنت بحطلها بيتادين على الجروح دى بس الدكتور قال بلاش علشان ممكن تحرقها وكتبلها اناللرج 4 للهرش والحساسية اقراص تاخدها مع الاكل لكن رفضت الاكل المضاف ليه الدواء عايزه مرهم او كريم مناسب علشان اقدر احطهولها بسهولة ويعالج الجروح دى بسرعة ويخليها تبطل هرش فى انتظار الرد وشكرا لكم |
رد: قطتى همدانة وبها خمول
هذي فطريات مو حشرات
سيبك من كلام الدكتور وخليكي معي جيبي مرهم بيتادين او بنزانيل وشامبو فافو او نيزورال تروشينها كل 3 ايام ولازم مطهر بيتادين حتى لو حرقها هو افضل واسرع علاج في هالفتره ولازم تعرضينها للشمس كل يوم نص ساعه لو التزمتي بالعلاج صدقيني ماراح ياخذ اسبوعين وبالذات قطتك بلديه يعني ماراح تتعبك زي اللي شعرهم طويل ماتشوف شر |
رد: قطتى همدانة وبها خمول
زى ماقالتلك فاتو هتدنى المناطق دى بالبيتادين
بعدها بخمس دقايق هتحطيلها مرهم بنزانيل من الصيدليه البشريه وتعملى الموضوع ده مرتين يوميا وبعد كان يوم كده حميها بشامبو نيزورال او فافو ضرورى تبتدى العلاج قطتك حالتها متأخره مش عارفه ازاى دكتور وسابها كدة وياريت تشيكى على اذن القطه من جوه وقوليلى شوفتتى ايه |
| جميع الأوقات بتوقيت GMT +3. الساعة الآن 03:28 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو