|
البيضة انكسرت داخل الطيرة .. ما الحل؟؟!!
السلام عليكم قبل يومين بالليل وقعت طيرة حمام شغالة من السطوح بارتفاع طابقين والمشكلة إنها مقصوصة .. ثاني يوم كانت حركتها بطيئة ويا دوب قادرة تمشي لكن الحمد لله ما فيها كسور وظلت قاعدة في التنكة معظم الوقت .. لكن المشكلة لما مسكتها مشان أفحصها لقيت إنه كاين عليها بيضة :eek: وجزء من داخل البيضة طالع من مخرجها وحاولت أسحب منه قد ما قدرت لكن طبعا قشر البيضة (الأولى) لسة في بطنها :( ما فحصتها بعد هيك لكن لاحظت إنها أنشط شوي ومشيتها أحسن لكن لسة مبين عليها التعب .. يا ترى شو الحل في هاي الحالة (لانها أول مرة بتصير معي) :mad: يعني أتركها ورح يطلع قشر البيضة الأولى المكسور لحاله لما تبيض البيضة الثانية :confused: ولا شو أعمل بالزبط :confused: ولا الطيرة خلص هيك انعطبت :wao: بانتظار ردودكم ونصائحكم ويا ريت بسرعة .. تحياتي للجميع |
رد: البيضة انكسرت داخل الطيرة .. ما الحل؟؟!!
والله ياى ابو حسن انت وحظك
يعني تقدر تطلع بيضة كاملة ومتعسرة الحمامة بوضعها لكن البيضة اذا انكسرت داخل الحمامة مشكلة اللي تقدر تعمله حاليا جيب نكاشة اذان اللي على اطرافها قطن وحط عليها زيت زيتون او فازلين طبي دخلها في فتحة المجمع ولفها بحركة دائرية حتى يصير توسع وبعدين جيب البكلة القديمة اللي يكون لونا اسود ويحطوها البنات بشعرهم دخلها بحذر وحاول ارفعها للأعلى وبعد ماتدخل نزلها لتحت واسحبها وكرر العملية باتجهات مختلفة لعل وعسى وان شاء الله يطلعوا قطع البيض قبل ما يصير التهاب وتفقد الحمامة والله يشفيها وخبرنا ايش بير معك يا قلبي |
رد: البيضة انكسرت داخل الطيرة .. ما الحل؟؟!!
مشكور اخوي رائد .. تسلم يا رب بس يعني لازم هاي العملية الحساسة والمعقدة :shy: قصدي ما في احتمال انه البيضة الثانية تدفع قشر البيضة الأولى لبرة ونخلص من هالسولافة ;) شي ثاني .. في حد حكالي انه كشيشة الحمام بكسروا البيضة عمداً داخل التخبيطة :wao: مشان ما تبيض ويضلوا يخبطوا فيها لما يزهقوا :D يا ترى صحيحة هاي المعلومة :rolleyes: وإذا كانت صحيحة معنى هالكلام انه ما في خطر ع حياة الطيرة اللي عندي .. شو رأيك :confused: |
رد: البيضة انكسرت داخل الطيرة .. ما الحل؟؟!!
ممكن انه البيضة الثانية تدفعها
فانتظر 44 ساعة بعد البيضة الاولى وشوف اذا باضت انتهت المشكلة واذا صار احتباس لازم تساعدها واذا ما باضت تعمل سولافة البكلة وفعلا الكشيشة لازم يكون عندهم انثى عقيم علشان كل الذكوووووووووووور يتزوجوها هههههههههه وتصير انثى لكل الحارة وتصير تجيب من هالحمام وتحط عندك (بس هيك سرقة طبعا) وصحيح يعملوها انهم يكسرو بيضة داخلها او يختارو انثى عمرها كبير ومقطعة |
رد: البيضة انكسرت داخل الطيرة .. ما الحل؟؟!!
إن شاء الله اليوم المسا بشوف الطيرة كيف وضعها وباضت ولا لأ .. والله يجيب اللي فيه الخير مشكور مرة ثاني يا غالي .. ما قصرت :) |
رد: البيضة انكسرت داخل الطيرة .. ما الحل؟؟!!
أيوة يا اخوي يا ملكاوي .. والحكي للجميع طبعا امبارح شفت الطيرة لكن في وقت متأخر من الليل .. فحصتها لقيت منطقة أسفل البطن مثل ما هي عبارة عن جورة فاضية :confused: ويبدو انه مش بس البيضة اللي انكسرت حتى عظماتها (الشوكتين) أو عالأقل واحدة منهم اتكسرت كمان :( طبعا ما جربت سولافة البكلة .. لانه زي ما حكيتلك الوقت كان متأخر ولسة بدي أجيب زيت ولا فازلين وبكلة وأصير أزعج في الطيرة في هيك وقت :shy: لقيتها مش حلوة :D (هاي كانت حجة طبعا) بدك الصراحة أنا مش رح أقدر أعمل سولافة البكلة هذي .. فشو رأيك أعزمك ع فنجان قهوة ;) وانته تفحص الطيرة وتجرب سولافة البكلة :rolleyes: وأقولك ما في داعي تجيب أي أدوات معك .. البكلة وباقي الأشياء من عندي ;) (ع أساس بحاول أقنعك يعني :D) وعسى ربي يجعل شفاها على ايديك يا دكتور رائد ملكاوي :88: لا تتسرع .. فكر بعدين رد عليّ :) |
رد: البيضة انكسرت داخل الطيرة .. ما الحل؟؟!!
ههههههههههههه
انت متاكد يا غالي انه وحده من الشوكتين مكسورة بالعادة كسر احدى الشوكات يكون بسبب دفاشة المربي اما سقوطها فصعب يكسرها الا اذا ما الها حظ وخلينا اليوم نشف اذا باضت او لا للمساء وانا الي الشرف ازورك يا غالي واذا صار لي مشوار على عمان صدق لازورك لكن ما حكيتلي ايش نع الحمامة يا قلبي؟ |
رد: البيضة انكسرت داخل الطيرة .. ما الحل؟؟!!
صحيح وانا بشتري طقم بكل ههههههههههه
|
رد: البيضة انكسرت داخل الطيرة .. ما الحل؟؟!!
والله انا بتشرف بزيارتك يا غالي .. وترى وعد الحر دين عليه الطيرة هاي عادية أظن بندوقة بولنديات .. لكن الحلو فيها ثوبها لون مسكي (مفصص) فاخر من الآخر .. والأهم من هيك انها حنونة وممتازة في تربية الفراخ بالنسبة للشوكتين أنا مش متأكد .. لكن حسب الفحص السريري اللي عملته امبارح أظن والله أعلم في إشي مكسور :( وكمان ما حسيت انه في بوادر لبيضة ثانية عالطريق .. تنشوف اليوم المسا شو بصير :rolleyes: والله يا خوفي تصفي تخبيطة بعد كل هالجهود الجبارة في غرفة التفريخ :wao: |
رد: البيضة انكسرت داخل الطيرة .. ما الحل؟؟!!
بانتظار البيضة التانية ان شاء الله
|
رد: البيضة انكسرت داخل الطيرة .. ما الحل؟؟!!
والله يا معلم ماني عارف بس شكله الموضوع مش مطمئن :( لغاية امبارح بالليل الطيرة نفس الوضع .. بطنها فاضي وما حسيت انه في بيضة ثانية تكونت في داخلها .. شكله لازم تشرب من طاسة الرعبة :D وضعها لسة مش طبيعي .. بتمشي تقريبا عادي لكن جناحها نازل شوي ودايما قاعدة في التنكة .. حتى وقت الأكل بس توكل ع طول بترجع ع تنكتها مع انه ما في تحتها بيض :rolleyes: يعني لو بدها تبيض البيضة الثانية كان المفروض امبارح .. الحكاية صارلها 3 أيام :mad: يا ترى شو بتتوقع يصير :confused::confused::confused: |
رد: البيضة انكسرت داخل الطيرة .. ما الحل؟؟!!
اذا اول انتاج او اخر القطف
ممكن ما تبيض الا بيضة وحده لكن جرب حط ايدك على الشوكتين وشوفهم، بتقدر تحسهم اعطيها كبسولة اموكسيدار على يومين وحبة ريفانين |
رد: البيضة انكسرت داخل الطيرة .. ما الحل؟؟!!
استكمالا لموضوع هذي الطيرة حبيت أخبركم إنه وضعها حاليا عادي جدا .. نشيطة ومشيتها رجعت مثل أول .. فحصتها قبل كم يوم ولقيت انه الشوكتين وضعهم طبيعي وما في كسر والحمد لله لكن في شوية توسع .. وصرت شايف الفحل بلقحها اكثر من مرة .. هذا غير المحاولات اللي بتنتهي بالفشل بسبب تدخل الاعداء (اقصد باقي الفحول :) ) وغالبا بتكون في تنكتها والفحل فوق التنكة .. لكن شو ممكن يصير بعد هيك .. رح تبيض مش رح تبيض الله أعلم. تحياتي للجميع |
رد: البيضة انكسرت داخل الطيرة .. ما الحل؟؟!!
ان شاء الله تبيض قريبا خاصة اذا عملوا عش
لكن اذا ما باضت، واذا هي شغالة طبعا شو تعمل؟ افصها عن الذكر تقريبا اسبوعين لشهر مع التأكد من انه الذكر ما خطف انثى ثانية وحسن تغذيتها بالكرسنة والعدس والذرة والقمح، يعني دللها ع الآخر، وخليها توكل احسن منا وادعمها بالفيتامينات وفيتامني E وسيلينيوم وبعد هيك رجعها، الذكر تلاقيه مولع نار وان شاء الله بعدها يبيضواااااااا وهيك راحت علي العزيمةةةةةةةةة هههههههههه |
رد: البيضة انكسرت داخل الطيرة .. ما الحل؟؟!!
:88: :cool: :) ;) :12: سبحان الله علاّم الغيوب .. لسة امبارح يا حبايبي كنت بحكيلكم عن الطيرة وآخر أخبارها .. وبقول الله أعلم رح تبيض ولا مش رح تبيض :confused::confused::confused:: ولما طلعت عند الحمام في الليل لقيت الطيرة قاعدة في تنكة غير تنكتها .. استغربت وطلعتها من التنكة إلا وأنا بلاقيها باااااااااااااااايضة :wao::wao::wao: يعني أولها ما صدقتش بعدين عن جد انبسطت .. ولما استوعبت الموقف شلت تنكتها وحطيت التنكة الجديدة مكانها والطيرة حضنت البيضة ع طووووول :cool: زي كإنها كاينة يأسانة أو مش مصدقة هالمسكينة صحيح أنا لسة بتسائل بيني وبين نفسي وين راح قشر البيضة اللي انكسرت في بطنها .. وتحليلي حاليا انه الطيرة باضت بيضة خداج أصلا (بدون قشر) إما بسبب نقص كلس أو من الخوف ما كملت والله أعلم .. لكن المهم إنها رجعت باااااااااااااضت :12::12::12: والحمد لله وصحيح إنها هذي الطيرة باضت وفرّخت عندي قبل هيك .. لكن عن جد المرة هاي غيييييييير :88: :cool: :) ;) :12: :88: :cool: :) ;) :12: :88: :cool: :) ;) :12: :88: :cool: :) ;) :12: أما انته يا حبيب قلبي يا ملكاوي فربنا سبحانه تعالى استجاب لدعائك يا سيدنا الشيخ حتى بدون عزل وعدس وكرسنة ومش عارف شو :freind: وما تحاول تلاقي حجة مشان تتملّص :cool: والعزومة لسة قايمة قاعدة يا معلم :);) وفرصة كمان مشان نتبرّك منك :D تحياتي للجميع |
رد: البيضة انكسرت داخل الطيرة .. ما الحل؟؟!!
ألف ألف ألف مبروووووووووووووووووك لولولولولولويشششششششش
:88: :D :12: تتربى بعزك وعقبال البكاري يا غالي أنا والله اليوم برجي على الموضوع كنت حاس انها راح تبيض قريب بس مش لهالدرجة الله يباركلك فيه وفي باقي حمامك وبأهلك وإن شاء الله راح أزورك اذا صار النا عمر وإلي الشرف والله |
| جميع الأوقات بتوقيت GMT +3. الساعة الآن 12:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو