|
طلب مساعده من مبتدأ .. كيف تربي حرباية في البيت ؟
السلام عليكم و رحمة الله و بركاته
كيف الحال ؟؟ أنا ناويه اشتري حرباية قريب إنشاء الله و حابه أعرف من الصفر كل شي عنها أبتداء من البيت ... طبعاً محا اعمله ( ما أفهم في النجاره ) ... راح أشتري و ابا أعرف من فين ؟؟ الا إذا واحد عملي بيت و يبا يبيعه و قتها في كلام تاني :rolleyes: الأكل ,,,, طيب لو حشرات خلطه دبان و ديدان هادي من فين الاقيها ؟؟ النبته اللي تكون جوت القفص إش أفضل تكون حقيقية و لا ؟ إش أفضل أو بالاصح مين اليف أكتر ذكر أو انثى ؟؟:confused: بالنسبه للمويه ؟؟؟ كم الكميه ؟؟؟ اللمبه اصكها في الليل أو لا ؟؟؟ إذا في شي تاني لازم أعرفه لا تقصرو , كل شي اه إوا صح قد واحد عضته حربايه ؟؟؟ كيف العضه قويه :angry:؟؟ و أش السبب ؟؟ يعني لا تخبوا شي ؟؟ هادا تصميم لبيت الحرباية عجبني :88: http://www.youtube.com/watch?v=usuqvzIXFJs |
رد: طلب مساعده من مبتدأ .. كيف تربي حرباية في البيت ؟
طيب كم الميزانيه لقفص والادوات
|
رد: طلب مساعده من مبتدأ .. كيف تربي حرباية في البيت ؟
أنت قلي ؟؟ انا كم احتاج عشانه
|
رد: طلب مساعده من مبتدأ .. كيف تربي حرباية في البيت ؟
شوووف المزانيه انت تتحكم فيها والسبب في بديل وارخص
وقصدي البديل يعني في اقفاص خاصه لحرباء وانوار خاصه لحرباء جهاز رطوبه خاص لحرباء وكماليات زي اكسسورات لقفص وفتمينات طبعن كلها رخيضه بس المشكله بالشحن وكل الي فوق له بديل غير انوار uvb ماحصلتها واذا تبي نصيحتي خليك على البديل لين ماتشووف انك تعرف تتعامل مع الحرباء واشتري الاغراض حبه حبه واذا مزنيتك مفتوحه علمني وانا اوريك ايش تشتري وهذي صوره القفص وفي انواع كثيره http://ecx.images-amazon.com/images/...mL._SY355_.jpg |
رد: طلب مساعده من مبتدأ .. كيف تربي حرباية في البيت ؟
حلو القفص .. عجبني
أممم .. اما الميزانية ,,, ممكن تقول إنشاء الله .. انا اقدر أضغط على نفسي , ما صدقت أهلي رضيو يخلوني اربي واحد ( بس طبعا محد شكله حيسعدني في الموضوع ) كنت حابه اسمع النغمة , قد ايش ممكن تكلف الشغله ؟؟ في حدود كم ؟؟؟ إنت قصدك بالبديل ... زي الي إنت سويته ... القفص إلي بنيته ؟؟؟ أنا معاك لأني ما افهم اشتري عن طريق النت أو أني أشحن ... فكرت أروح كم محل هنا في جده و أشوف إذا في اقفاص خاصه لحرباء وانوار خاصه لحرباء جهاز رطوبه خاص لحرباء ( و هادا شكلي محا الاقي ) وكماليات اكسسورات لقفص وفتمينات ( شكلها ضروريه ) بالنسبة للانوار ممكن أطلبها من المحلات المعروفه بالطلب |
رد: طلب مساعده من مبتدأ .. كيف تربي حرباية في البيت ؟
اكيد راح تحصل اقفاص بجده بس ماعرف بتحصل اقفاص بارتفاع عشان الحرباء تحب تكون فوق الاشجار
والشي التاني الانوار خذ انوار من محلات الكهربه انا كلفتني من محل ٥٠ ريال طبعا اسلاك ولمبه عدد٢ اما من النت كلفه ٧٠٠ واكثر وفي نقطه مهمه لزم تشمس الحرباء في الصباح او قريب المغرب اما بخصوص جهاز الرطوبه بالعكس اسهل شي راح تحصله من محلات العطورات او الصيدليه اسالهم عن جهاز تبخير الما �� وبخصوص الكماليات مثل الاغصان والديكورات الداخليه مو مهمه والفتامينات علي حسب تغذيتها والتشميس والبيئه الي انت موفرها لها واخر شي انا ماقدر احدد المزانيه عشان انا بااقي باول الطريق قاعد اطلب علي دفعات وان شاء الله بكره توصل اول دفعه اذا ماصار تاخير والصبر حلو انت لقيت الحرباء او بااقي |
رد: طلب مساعده من مبتدأ .. كيف تربي حرباية في البيت ؟
اقتباس:
و عليكم السلام و الرحمة الحمد لله تمام اولا الحوض تقدرين تفصلينة و تقدرين تشترين حوض اسماك كبديل ثانية تقدرين تصيدينلها خناس من البر و ديدان الأرض ينباعون بمحلات بيع الحيوانات تقدرين تاخذين كمية و تنتجينهم ثالثا اكيد تكون غير حقيقية لتجنب الوصخ و لازم يكون في غصن و إذا تبين حقيقية تأكدي انها شجرة نظيفة رابعا الاثنين نفس الشي ماتفرق بس دائما الذكر احلا خامسا الماي تحط بطبق فخار و يكوون غير عالي و يبدل يوميا سادسا راح تحتاجين لمبة UVB و تشغلينها اوقات وجود االشمس و تصكرينها عن المغيب. و لكن مع اخذ الحذر بين المسافة بين المبة و الحرباء و لازم يكون في تدفئة بليل بس بدون اضاءءة سابعا العضة مثل القرصة ههههههه ماتعور وايد و السبب انزعاجها لمن امسكها و الشي الي ماكتبتيه الأرضية حطيها عشب صناعي ملاحظة حربايتي قبل يومين ماتت اهتمي بحربايتك عدل لأنها من اروع المخلوقات |
رد: طلب مساعده من مبتدأ .. كيف تربي حرباية في البيت ؟
أول شي ... فهمت راح أدور على قفص عالي أول شي أعمله
و بعدين أشتري الإكسسوار و اللمبه و جهاز الرطوبه و بالنسبة للاكل صاحب الحرباية قلي حطيها في الطاقه عشان تاكل الدبان ( ما اقتنعت صراحه ) أفرض ما مرة دبانة داك اليوم .... شكلي حاختصر على الخضار و الفواكه و الفتمينات أيوا يا عمي لقيت وحده من محل الشراء و أنت كتبت رد بتسأل عن إن كانت ذكر او انثى ؟؟... إش بك نسيت !!! بالنسبة لــHAS ما افضل حوض سمك لاني سمعت إنها ما تحب الكتمة (أفضل شي مخرم عشان يتنفس القفص ) ... ما أقدر أكله دود صعبه و الله خليني شوي أكون صريحه ( حيموت لو ما أكلت حشرات؟؟ ) إلا إذا لقيت شي مغلف نضيف زي أكل البسس في علب جاهزه بالنسبة للشجره .. مدري أفضل تكون حقيقي عشان تجدد الهوى جوة القفص و إنشاء الله اشوف حرباية ذكر شكراً على المعلومة .. حالياً بأدور على قفص و بعدين يسير خير .. أخر شي ... معليش عرق اللقافه طق !! ابا اعرف ليش ماتت ؟؟؟ |
رد: طلب مساعده من مبتدأ .. كيف تربي حرباية في البيت ؟
متذكر بس اشوفه مارد علي
كنت ابي اخليه ينزل صورتها او عمرها وشي كذا اذا عطاك معلومات علمني عشان نستفيد |
رد: طلب مساعده من مبتدأ .. كيف تربي حرباية في البيت ؟
أخونا في الله ... جاد في الموضوع إذا تبا اتصل بي محا يقصر معاك
حتتواصل معاه بالوتساب حيرسلك صور 5 أو 6 و الإخيره إقوانا بس ما أقدر أقول الأسعار لأنه ابا أتفاوض معاه أنا عجبتني أول حربايه وشكلي حاشتريها ((( يعني يا ريت ما تسبقني *_* ))) الين ما احصل بيت في شي تاني ... احتمال يكون البيت الجاهز غالي فأن حابه أسأل الاعضاء إذا كان في أحد عندو بيت جاهز يبا يبيعه ؟؟؟؟ أنا موجوده , يرسل الصوره و يقول السعر و يسير خير |
رد: طلب مساعده من مبتدأ .. كيف تربي حرباية في البيت ؟
هههههههههـ لا ماراح اشتريها بس حاب اشوف صورتها
ايش رايك ترسل الصوره لي علي السكاي حقي او الاميل |
رد: طلب مساعده من مبتدأ .. كيف تربي حرباية في البيت ؟
السلام عليكم
اول شيء الحرباية لاززم حشرات و عايشة لأن الي عندي ماكانت تاكل حشرات ميتة 2- في مشاكل بالنبتة الحقيقية و هي بليل ماتقدر تسوي عملية بناء الضوئي. و راح تنتج ثاني اكسيد الكربون و راح تتنفسها الحرباية و راح يتعبها هالشي بالنسبة للحوض مهما تاخذين حتى لو حوض سمج لازم تشيلين الي فوق و تحطين شبك عشان تحطين الاضاءة ههههه بسبب بعض الناس الله يستر عليهم حرقها بالدفاية بس الله يعوض ان شاء الله كسرت خاطري والله بس مو بيدي شيء |
رد: طلب مساعده من مبتدأ .. كيف تربي حرباية في البيت ؟
ليش ما تتصل عليه إنتا ؟؟؟؟؟؟؟؟؟؟؟؟؟؟؟؟؟؟؟ مو عندك الرقم ؟؟
أنا أكيد ما أتصلت عليه , خليت أخويا الكبير يكلمه و الصور في جواله ^_^ يعني انسى الفكره أخويا HAS كلامك أقنعني و الله يعينك و يصبرك ... و على فكره تقول حرقها بالدفايه ,, صح الله يستر عليه صح ؟؟؟ O_O شكلو الي حرقها عزيز عليك أو أنه طفل خلي أحد بس يخوفها قدامي و الله ما يشوف الا و الشبشب الشرقي في وجه ×_× .. الله يصبرك بس على فكره كتبت موضوع محل الشراء إذا كان في أحد يبا يبيع قفص حربايه ,, و ما أستبعد تكون إنت فشوف إذا حابب تبيعه ok |
رد: طلب مساعده من مبتدأ .. كيف تربي حرباية في البيت ؟
عندي الرقم بس لو ابي اشتري كلمته
بعدين هذا حب استطلاع �� بعدين شغله القفص تراها بسيطه مايبغالها كل ذا مو لزم تشتري قفص خاص لحرباء انت روح السوق وشوف شي يصلح وانتها اهم نقطه يكون القفص بالارتفاع جاي |
رد: طلب مساعده من مبتدأ .. كيف تربي حرباية في البيت ؟
أنا بالكويت
و الي حرقها صاحبي يعني بيدفيها هههههههه انتي بجدة متوفر عندكم كل شيء |
رد: طلب مساعده من مبتدأ .. كيف تربي حرباية في البيت ؟
الله يهدي صاحبك دا ...
المهم ... عندي اخبار محبطه شويه .. انا أمس رحت محل اسمه .... سألتهم عن الحرباية ( على فكره ما كانت موجوده عندهم ) بس كان موجود عندهم إقوانه من فتره قالولي ما نجيبها عشان أكلها غير متوفر .. إحباط مو T_T طيب أنا حروح .... اليوم أسألهم عنها , و عندي سؤال هل الإقوان اليفه ؟؟؟ انا فاكره عندك إتنين و حده إسمها ضاري و التانيه إسمها هتلر ,, المهم إش تأكلها ؟؟ و بكم أشتريتها ؟؟؟ و من فين ؟؟؟؟ و هل ممكن تمسكها أو بس للفرجه ؟؟ طيب تعض ؟؟؟ بالنسبة للبيت دبرت واحد ( انا حاسوي طبعاً , لأني ما لقيت في المحل ) |
رد: طلب مساعده من مبتدأ .. كيف تربي حرباية في البيت ؟
الاقوانا إذا كانت صغيرة عضتها أخف من الحراء و مالها حس و حلوة وتكبر و تعرف صاحبها و تحقد إذا أزعجها احد و تغار هههههه وتصير ضخمة و احتياجاتها مثل الحرباية و لها اكل صحي على شكل حبوب و تأكل خضار عادي
|
رد: طلب مساعده من مبتدأ .. كيف تربي حرباية في البيت ؟
انا عن نفسي (ودا رأي الشخصي) جربت الاتنين , اجوانا و حرباية
ولقيت ان الحرباية اسهل في التربية حتى لما تمسكها ما تعض و خفيفة وما تشرد وعلى شغلة الحشرات سهلة جمعتلي بزورة من الشارع و قلتلهم اللي يجيبلي جراد ادفعلهو جابولي مجموعة كبييييرة --و الرطوبة في جهاز من النت و بأبخلها موية كل بعد فترة يعني فاليوم يمكن 4 مرات عساس الرطوبة كمان وعشان تشرب و اللمبات اشتريت لمبتين من محل الكهرباء و عااادي لا أحد يقولي انه لازم محل حياوانات و كدة ... لمبة قوتها 100 وات حقت النهار و لمبة قوتها 75 وات السودة (نيون) عشان اليل ونفس اللي تنباع فالنت .. ماعادا لمبة الزواحف حقت الــUV هي اللي من النت و اشتريتلها شلال صغنطوط عشان الموية تجري فالقفص و الشجرة برضها طيبة من ساكو حبال خشبية معلقة عشان تتمشى عليها الحرباية |
رد: طلب مساعده من مبتدأ .. كيف تربي حرباية في البيت ؟
حبيت أعرف كم تأكلها في اليوم .. كم جراده ؟؟
و حبيت تحطلي صورة قفصك .. أبا أشوف الحرباية المدلعة حقتك |
رد: طلب مساعده من مبتدأ .. كيف تربي حرباية في البيت ؟
اخوي الحرباية مهما تكون هادية. راح تعش الإغوانا اصعب بس الحلو فيها اكلها سهل و تتعود عليك كأي حيوان أليف
و لصاحب الموضوع حرية الاختيار |
رد: طلب مساعده من مبتدأ .. كيف تربي حرباية في البيت ؟
اقتباس:
بالنسبة للأكل :- أبو جرادة وحدة كل يومين . مو حكاية مدلعة بس انو لازملها عناية فائقة(الزواحف عموما) عشان تعيش و معروف ان الحرباية ما تعيش لو ما اهتميت بها . :eek: وفكرتي كانت انو بيت الحرباء ماأبغاه يكون قفص حيوان و خلاص أبغا أضيف ديكور فالبيت . (يعني بيت للحيوان و منظر طبيعي في نفس الوقت ) وعلى صورتها أنشاء الله لما اصورها راح انزلها في موضوع . |
رد: طلب مساعده من مبتدأ .. كيف تربي حرباية في البيت ؟
اقتباس:
|
رد: طلب مساعده من مبتدأ .. كيف تربي حرباية في البيت ؟
اليوم جايب اخبار مو كويسه واخبار زينه
انا عن نفسي حبيت الاغوانا و الحرباء بس الحرباء 😢😢 كنت مسافر ولمه رجعت لقيتها ماتت هذا الخبر مو كويس نجي الخبر الزين انا طلبت طلبيه من امازون والحمد الله وصلت بالسلامه وهيا لمبه حراريه والقاعده حقتها ولمبه uvb حايب حبتين طبعا بالغلط طلبتها وابي ابيع وحده وبخصوص الاغوانا وتربيتها انا شايفها سهله وكمان ماتعض اول ماخذيتها من الاخ مهدي كانت متوحشه بس بعد اسبوع تعودت علي وصرنا اصحاب 👬 |
رد: طلب مساعده من مبتدأ .. كيف تربي حرباية في البيت ؟
ابغا منك اللمبة اليو في بي مع قاعدتها(اللمبة البيضة)
-كلمتك عالواتس ومارديت ياريت نتفاهم فضلا أمرا |
رد: طلب مساعده من مبتدأ .. كيف تربي حرباية في البيت ؟
الواتس كل ماركبه يخرب
بس بسيطه لمبه uvb انا الي عندي طويله بدون قاعده انا جبتها عشان اوفر فلوس واسوي القاعده هنا من محل الكهرباء |
رد: طلب مساعده من مبتدأ .. كيف تربي حرباية في البيت ؟
|
| جميع الأوقات بتوقيت GMT +3. الساعة الآن 06:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو