|
مشكله سلوكيه لقططى
السلام عليكم
استشارة سلوكيه هامه ارجوكم ميشو 11 سنه دكر سيامى كيتى 4 سنين انثى شيرازى .......... ميشو هوا الى ربى كيتى من ايام ماكانت عندها شهر ... واتجوزوا وفى علاقه طبيعيه جداا بينهم الى حصل ان والدتى للاسف غصب عنها طبعا بتخبط فى ميشو باستمرار وممكن تدوس على ديلوا طبعا بتلحق نفسها والخبطه مش بتكون قويه لكن عارفين القطط بتصرخ بصوت كدة لما حد يخبطها او يدوس على ديلها بالاخص الاول زمان لما كان دة يحصل كيتى كانت بتجرى على ميشو خايفه عليه وتفضل تلحس راسوا زى ماتكون بتطبطب عليه الى حصل ان مرتين دلوقتى خلال الشهر دة تكرر ان والدتى للاسف حصل نفس الشىء الجديد ان كيتى بتيجى جرى على ميشو لكن بعنف وتبخ فيه وتضرب وتنقض عليه بشكل عنيف جداا غير مبرر عندى ويتخانقوا خناق الشوارع بالظبط اول مرة حصلت فصلت بينهم بسرعه وحطيت كل واحد فى غرفه وبعد ساعه كانوا هديوا وحبوا بعض تانى النهاردة اتكرر دة لكن الخناقه كانت اشد واكبر وكيتى اعتف ومترقبه ميشو بعد مامرت ساعتين فتحت عليها بقت طالعه لكن مترقبه وعماله تزوم عليه وهوا مسكين قاعد مسالم جداا وبياكل ويشرب عادى وهى رافضه اكل ومترقبه ومستنيه اى فرصه تهجم عليه وراحت هجمت فعلا عليه فصلت بينهم بالعافيه وجبت دم من وشى واديا دلوقتى فصلت بينهم ومسحت عليهم بفوطه بميه بسيطه ونقطه خل ........... ميشو هدى بسرعه وراح نام فى غرفه بعيد عنها لكن للاسف كيتى هى الى عماله تلف الشقه بتزوم وبتدور عليه فاطبعا قفلت عليها باب تانى وسبتها لوحدها .......... ملحوظه هى طيبه جداا وحنونه جداا وانا حبساها بتدلع عليا وتنام على حجرى عادى خالص لكن مجرد ماافتح الباب واسبها تطلع تبدا تزوم وتدور على ميشو بصوت الزووم اسفه للاطاله لكن ارجوكم اهتموا تشرحولى ايه السبب واتصرف ازاى لان والدتى بدات تخاف من كيتى وانا خايفه عليهم لانهم عورا بعض مش جامد لكن انا خايفه عليهم وشكرا ليكم انا ودتها اخدت حقنه منع الحمل 6 شهور والدكتورة ادتنى اقراص calm-eze وريال كانن calm وطلبت منى احميهم بنفس الشامبو ونفس الفرشه وعملت كدة واهو لسه حتى وهما مبلولين عمالين يبخوا على بعض وعاوزين يهبشوا بعض الى حصل دلوقتى ان القطه الانثى نايمه عندى والدكر نايم فى غرفه تانيه وواخدين المهدىء وكلوا تمام الدكر حاول يدخل القوضه ينام وياكل جنبى قامت هى اتشرست عليه وطلعت تجرى وراه واصوات فظيعه وطبعا والدى ووالدتى اتفجوا جامد والحمد لله انهم ماتعوروش لان القطط فضلت تتخانق فى سريرهم لكن الخضه .. والمهدىء مش عامل حاجه مع الانثى انا ماعدتش فاهمه حاجه ولا عارفه اتصرف |
رد: مشكله سلوكيه لقططى
اسفه طبعا للاطاله لكن انا جمعت كل الكلام والمشكله بدات يوم السبت المغرب ومازال الموقف قائم لحد الان
فى ملحوظه ان القطه الانثى فى هدوء نسبى بعد مابتاخد الاقراص والدكر كمان اصلا مسالم وكل واحد دلوقتى نايم فى مكان فى الشقه وفى هدوء وعادى زى ماكانوا متعودين كل واحد نايم فى مكانوا المفضل كما انى لاحظت انى لما بحبس حد منهم واقفل عليه الباب بيزود العداء مش عارفه ليه او بيزود العند عندهم لانهم اصلا مش بيحبوا يتحبسوا الى بيحصل ان البخ بيشتغل لما يواجهوا بعض وجها لوجه لكن طول ماكل واحد فى حته مش فى وش بعض عادى جداا مسالمين وعاااااااااااااااااادى جداا زى الاول لكن اول مايشوفوا بعض او يقربوا من بعض كانهم اعداء وكانهم غرب عن بعض انا بقيت برش كل واحد بالميه بالرشاش فى وشوا لما يبدا يبخ ارجوكم حد يفدنى مش عارفه الوضع حيستمر لحد امتى وهل حيرجعوا لبعض عادى ولا ايه واسفه تانى لكن ارجوكم وربنا يكرم والاقى عندكم الحل |
رد: مشكله سلوكيه لقططى
اهلين اختي
بصراحه حاله قطتك غربيه ومو لاقيه تفسير واضح للي حصل لها بس هي ممكن تكون تعرضت للعنف منه بدون قصد منه يعني اعطيكي مثال : كانت هي واقفه بتاكل مثلا وهو كان يركض راح اتخبط فيها بالغلط وهي اتخضت وحسبته انه ضربها عن قصد فتعتبره عدو لها من هذي اللحظه وتصير خايفه منه لايضربها مره ثانيه وممكن في تفسير ثاني انها تكون حملت لان القطط اول ماتحمل تتغير في اسلوبها وتصير عصبيه جدا في اول الحمل اكشفي عليها وخلي الدكتور يحدد اذا في حمل ولا لا المهم الحاله اللي فيها قطتك ما اقدر احدد لك متى بتخلص لكن انتي حاولي ترجعين علاقتهم زي ماكانت بقدر الامكان جربي مثلا انك تجوعينها ويوم تجين تحطين الاكل تحطينه في وجود القط وتخلينهم ياكلون في نفس الغرفه واذا لقيتيهم هاديين قربي اطباقهم شويه من بعض وهكذا لين مايتعودون على الاكل مع بعض انت الحين اول شي شوفي اذا حامل ولا لا وطمنيني |
رد: مشكله سلوكيه لقططى
شكرا للرد
القطه مش حامل والقط اصلا عقيم وهى مش بتخرج من بابا البيت خالص واخرة دورة شبق لم اقم بتزويجها وهذا ماحدث قطى الدكر لم يلمسها كل الى حصل انه اصدر صوت صرخه لما والدتى داست على ديلوا ومن لحظتها الانثى هجمت عليه وادينا اهو مازلنا فى العنف بتاعها الدكر بيحاول يقرب لكن هى بتزوم وتبدا تبخ فبيجرى منها واوقات يبخ هوا كمان مش عارفه اعمل ايه وهل ممكن مع الوقت يتصالحوا تانى |
رد: مشكله سلوكيه لقططى
طيب زي ماقلت لك السبب هو انه بدون قصد منه اظهر لها العدوانيه والشراسه وهي خافت منه
ومن الطبيعي انها تعاديه وتتصرف تجاهه كذا المهم سوي زي ماقلت لك وان شاء الله بيرجعوا زي اول واحسن |
رد: مشكله سلوكيه لقططى
ربنا يكرم ويهون علينا الامر
انا مش عارفه مسئله اجوعهم دى بس بحاول اخليهم يقربوا شويه وهما النهاردة قعدوا قصاد بعض فى غرفه على بعد مترين من بعض بس شايفين بعض الدكر مسالم وطبيعى خالص هى فضلت ساكته لكن هوا حاول يقرب لها لانه متعود كان يلحس لها فى راسها لما تكون قاعدة قداموا ويقعد جنبها فحاول يقرب ورايح عندها زى العبيط راحت قامت وبخت راح هوا بخ عليها وجرى منها انا رشتها بالميه علشان ماتجريش وراه مش عارفه حنفضل كدة لحد امتى بصراحه |
رد: مشكله سلوكيه لقططى
شوفي انتي مثلا وقفى عنهم الاكل لمده 6 ساعات او 8
بتلاقينهم جوعانين ويبغون ياكلون جيبي لهم الاكل وقربي منهم بتلاقينهم ياكلون بشراهه وينسون الخلاف اللي بينهم |
رد: مشكله سلوكيه لقططى
بجد يعنى طريقه مجربه انا خايفه اقرب لهم الاكل واقربهم من بعض يبخوا فى بعض بردوا خايفه بجد لانهم عندهم عند رهيب الدكر مسالم لكن الانثى قويه خايفه منها بصراحه
وفى ناس نصحتنى انى اضربها بس انا مش بحب فكرة ضرب الحيوانات خالص انا بس برش ميه حاليا واشخط شويه غير انى لاحظت ان فكرة حبس واحد منهم بتزود الزعل والعنف بس مضطرة احبس واحد منهم بالليل علشان اعرف انام واهلى كمان خايفين |
رد: مشكله سلوكيه لقططى
لا لا اوعي تضربي احد المسأله بتسوء اكثر
ولا الحبس بتخلي القط عدواني وممكن يكرهك انتي بالنسبه لفكره انك تجوعيهم اصلا هذي الطريقه الوحيده اللي انا ماشيه عليها وقربت قطط من بعض كثير وعوتهم على بعض انتي سويها وتوكلي على الله |
رد: مشكله سلوكيه لقططى
حاضر ونعم بالله
الله المستعان ............ حجرب وابلغكم حاضر ادعولى بس معلش علشان اتاكد انى فاهمه كويس معلش اتحملونى يعنى اجوعهم بشدة يوم مثلا وبعدين اجيب طبق الاكل طبق واحد للاتنين ولا طبق لكل واحد منهم واحطوا فى الغرفه مثلا ولا اقربوا للانثى الاول وانادى الدكر ولا احطوا للدكر وانادى الانثى يعنى معلش بس الخطوات بالظبط لحسن انا عمرى ماعملت التجربه دى وهل بعد ماياكلوا حيضربوا بعض ولا ممكن يتخانقوا على الاكل مثلا هى تبخ عليه وهوا بيقرب ياكل ممكن تفتكر انه حياكل اكلها حتحاول تخوفوا علشان تاكل هى لوحدها اصل الانثى عندى اصلا متكبرة ومغرورة جداا وقويه طول عمرها وكل واحد بياكل فى توقيت مختلف ولوحدوا كانوا متعودين على كدة نفس نوع الاكل بس كل واحد توقيت فامعلش سامحونى لقلقى بس والله قلبى بيتقطع من الى بيحصل وخايفه اهلى يطلبوا اتخلص من حد منهم وبالنسبه لفترة الليل انا مضطرة لان امس تركت الباب مفتوح وكل واحد نايم فى مكان والدكر قام فى الفجر حاول يدخل ينام جنبى زيها قامت هبشتوا وجروا ورا بعض وخناقه جامدة فانا مضطرة اقفل على حد منهم فترة الليل علشان الخوف من التوتر دة واهلى خايفين بصراحه من اصواتهم لما بيتخانقوا ممكن اعمل عمليه تبادل مثلا كل واحد منهم ينام عندى يوم وابدل وهكذا لحد مايرجوا تانى لبعض وسؤالى لحضرتك يعنى كنتى بتقربى بين قطط بالاكل وكانوا بيتخانقوا بالعنف دة لان بصراحه اغلب مشاكل القطط بيقولوا انهم بس بيبخوا فى بعض لكن مش بتوصل للخناق بتاع الشوارع وضرب وخربشه وتعوير وجرى زى الشوارع بالظبط واصوات فظيعه فهل القطط الى حضرتك جربتى معاها كانوا كدة معلش تانى للاطاله او كتر اسئلتى وشكرا لكم ودعواتكم معايا |
رد: مشكله سلوكيه لقططى
انا حاليا حاولت اجوعهم اكتر من 12 ساعه واخليهم يقربوا من خلال الاكل الى حصل ان القط الدكر مسالم جدا وجه ياكل فاهى رغم جوعها بخت عليه فاهوا خاف وساب الاكل
اكلتها وبعدين حاولت اخليه يدخل الغرفه تانى علشان ياكل وفضلت اقربوا حبه حبه وانا واقفه بينهم ومعايا رشاش الميه هى فضلت ساكته تتفرج عليه لحد ماقرب خالص راحت قايمه وزامت وبخت فانا رشتها بالميه هديت شويه انا سيباهم مش حبساهم وكل واحد واخد مكان والدكر طبيعى خالص بيتمشى ويتحرك ماعندوش مشكله معاها |
رد: مشكله سلوكيه لقططى
شوفي انتي تصومينهم 12 ساعه مو اكثر
وتحطين صحينين اكل في غرفه يكونون بعيدين عن بعض وتحطين القطين في الغرفه كل واحد في صحنه حطي الذكر بعدين الانثى وخليهم يالكلون اذا حسيتيهم هاديين قربي الصحنين شوي شوي واذا لاحظتي قطه تزوم او تبخ بعدي الصحنين وعيدي نفس الطريقه بكره بس قربي الصحنين اكثر من المره اللي قبلها وان شاء الله مع الوقت بيتذكرو يعض وبتلاقينهم رجعوا زي اول وطبيعي يكون في خناقات يعني تكوني مستعده برشاش مويه على حسب شخصيه قططك جربيها وقوليلي النتيجه وفي الليل طلعي احد من غرفتك وخلي الثاني معك ولا تبادلينهم كل يوم لان القطط تحب الاستقرار واللي طلعتيه برا حطي معه سريره وصندوق الفضلات والاكل حقه |
رد: مشكله سلوكيه لقططى
حاضر الله المستعان .......... طيب كان ليا سؤال فى احد الدكاترة قال ان حقنه منع الحمل بتزود الشراسه للانثى وتخليها منعزله ومنطويه ومكتئبه فهل دة صح ...
كمان القط الدكر كل شويه يحاول يدخل للانثى وانا اجرى امنعوا لانها لسه بتبخ فيه ولما اكون شيلاها فى ايدى هوا بيفضل يشم فيها ويدلع على الارض ويلعب لكن هى تبصلوا وتبدا تزوم حتى وهى على ايدى فبزعق فيها .. يعنى فى امل ولا ايه بجد لانى مش عارفه اشوف حياتى كويس قاعدلهم طول الوقت |
رد: مشكله سلوكيه لقططى
على فكره في دكاتره كثير يحذرون من حقن منع الحمل يعني ما انصحك تستمري عليها
واتوقع لها اضرار في سلوك القطه وبالنسبه للخناقات اصبري عليهم يابت الحلا لسه قايلتلك على الطريقه انتظري يوم يومين وخبريني النتيجه |
رد: مشكله سلوكيه لقططى
معلش انا تعبتك معايا
بالنسبه للحقنه دى اول مرة اديها منع الحمل لان ظروفى لا تسمح حاليا انى اوديها تتجوز وتحمل فانا كنت مضطرة كمان لانى سئلت دكاترة قالوا انها راح تهديها قليلا بالنسبه لفكرة الاكل والتجربه فاشله معايا انا حاولت احط اكل للدكر قريب منها وهى قاعدة ساكته او نايمه مرة مع مرة بدأت اقرب الطبق واقربوا منها وهوا بياكل النهاردة دلوقتى حالا يعنى جربت تانى وفعلا قربت خالص الطبق بتاع الدكر من سريرها وهى نايمه وهى شافتوا وفضلت ساكته حمدت ربنا الدكر قرب منخيروا منها وشموا بعض وراح لحس راسها سجدت لله شكر وبعدين مفيش دقايق الدكر خلص اكل وحب يلعب قرب يلعب جنبها وبعدين بصلها واصدر صوت يشبه لصوت القطط لما بتشوف عصفور او حمامه صوت فيه كركرة كدة هى رااحت قايمه وبخت وانقضت عليه لولا انا لحقتها ورشتها بالميه وهوا طلع يجرى منها انا فضلت اعيط ياجماعه انا مش عارفه حنفضل كدة لحد امتى وحيبقوا كويسين ويرجعوا تانى يضربوا بعض انا حياتى كلها متعطله ولا عارفه اشوف رعايه اهلى كويس ولا اشوف شغل البيت علشان عماله اتابعهم وخايفه يمسكوا فى بعض انا عاوزة اعرف ليه الدكر اصدر الصوت دة عليها واخرتها ايه ماهما شموا بعض وكانوا بقوا كويسين انا كدة حرجع زى الاول ونعيد من الاول تانى ولا ايه ؟؟؟؟؟؟؟؟؟؟؟ |
رد: مشكله سلوكيه لقططى
حضرتك النهاردة الصبح انا الفجر خلتهم يناموا الاتنين فى غرفتى واحد فى حضنى وهى تحت فى سريرها على الارض لان الدكر طول الايام الى فاتت كان خايف يدخل الغرفه بتاعتى وهوا متعود ينام فيها من زمان
وانا بعد محاولات كتير وتجربه الاكل وانى اقربهم من بعض المهم بقت بتسمحلوا ياكل وهوا قريب من سريرها ومش بتبخ عليه قولت يامسهل والفجر نيمتهم قريب منى والصبح لقتها بتشم فيه وهوا كمان ورجعوا يلحسوا بعض وراس بعض وهوا نام جنبها فى السرير بتاعها وكانت الامور طبيعيه خالص زى ماكانوا متعودين فجاءه حضرتك انا كنت شيلاه على كتفى راحت هى قامت وبخت فيه طلع هوا يجرى وبخ عليها .. بعد ساعه نامت وهوا حاول يدخل الغرفه تانى وخلتهم اكلوا سوا وشموا بعض تانى قولت خلاص هديوا مفيش شويه وهوا قاعد فى الغرفه راحت قامت منقضه عليه بدون مقدمات وجرت وراه وضرب وخناق تانى انا طبعا زعقت فيها ورشتها بالميه ... وفصلت بينهم فانا حضرتك مش فاهمه فى ايه ؟؟؟ ولا ايه السبب ؟؟ وحنفضل كدة كتير ولا ايه انا حياتى كلها متعطله بجد ومش عارفه اشوف شغلى ولا انزل ولا اسبهم طول الوقت براقبهم وخايفه يضربوا بعض وكمان اهلى خايفين منها وهى مطعمه على فكرة من السعار وكل التطعيمات وعمرها مابتخرج من البيت والدكر كمان واخر نظافه وبهتم بيهم وبراعى ربنا فيهم فانا مش عارفه النهاردة والدتى قالتى دى تمشيها مش عاوزنها وانا قلبى مش مطاوعنى اعمل كدة انا بحبهم زى مايكونوا اولادى وتعبت جداا جداا فى مصاريفهم ورعايتهم فانا مش عارفه حيرجعوا تانى كويسين ولا فعلا حضطر امشى حد منهم |
رد: مشكله سلوكيه لقططى
شوفي تفسير اللي صاير باختصار ان القطط لما تتقدم بالسن تتغير سلوكياتها واطباعها
وقطتك الواضح انها خلاص ماعادت تبي تجلس مع قط او تعيش معه وماعندك حل الا انك تستغين عن واحد منهم حتى ترتاحين لان الواضح ان المشكله ماراح تنحل وانا بصراحه ماعندي حلول اخرى اعرضي احدهم للتبني والله يعينك على فراقه سلام |
رد: مشكله سلوكيه لقططى
لا طبعا متمشيهمش
معلى فى اوقات كدة القطط بتضايق من بعضها انتى هاتى فوطه مبلوله وامسحى على القطه وبعدين القط والعكس كمان ومتخافيش مادام متربين مع بعض وبقالهم فتره مع بعض مش هيأذو بعض والامور هتهدى ان شاء الله واكيد متتخليش عن حد من قططك |
| جميع الأوقات بتوقيت GMT +3. الساعة الآن 08:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو