المشاركة الأصلية كتبت بواسطة Octopus (المشاركة 2781326)

اول شي يا مرحبا بكي اختي و بكل اهالي سلطنة عمان الشقيقة

و المهم اول شي انتي من ولاية من ولايات السلطنة تحديدا بالتحديد ؟


وثانيا حاليا استخدمي فوطة مبللة بالماء لان القطة عمرها شهر ونصف تقريبا

ياليت صور لها تبين الراس مع الجسم و الذيل

و هي من بين ثلاث انواع بيكي فيس او هاف بيكي او مون فيس

وبالنسبة لدول الفيس ما اعتقد

بالنسبة ل الويكاس ف افضل ان لا تعطين لها لانه يسبب الاسهال وغيرها

اما كيت كات فحلو و هو من انواع الدري فود و يفضل ايضا من اكل البيت

و بالنسبة ل الحليب يفضل ان يكون خالي من الدسم

المشاركة الأصلية كتبت بواسطة بسبس مياو (المشاركة 2781392)

لا
تعطيها معلبات ابدا ترى كلها ميكروبات وكثير قطط ماتت منها او تعبت،
القطوة المفروض انها مع امها الحين،جيبي حليب من الصيدليه خالي من اللاكتوز
وعطيها مره في اليوم بس لااا تكثرين الحليب وزودي المويه شوي لانه يجيب
الامساك والافضل مادامها تاكل ماتعطيها حليب الا مرتين بالاسبوع الحليب
العادي يجيب اسهال لاتعطيها منه وعطيها دجاج مسلوق مقطع صغير او دجاج مع
خضار اسلقيهم واهرسيهم سوا ،عطيها سيريلاك ارز او قمح بس كمان لاتكثري،لحم
مع موية السلق طبعا كل الاكل بدون ملح نهاااائي ولا بهارات وحطي شوي زيت
زيتون مع الاكل،جيبيلها دراي فود حق الكتنز رويال كانن ممتاز بس لا تكثري
مره باليوم ولا تخليه قدامها على طول،لاتنسي المويه على طول متواجده، زبادي
مع شوية عسل مره في اليوم ودفيها مضبوط لانها صغيرة ماتتحمل البرد والافضل
ماتطعم الا لما تكمل ثلاث شهور لانها راح تتعب جسمها مايتحمل ابد ومش
عارف ايش الحبوب اللي تقولي عنها بس احس موب محتاجه مادامها صحتها


تمام،انتبهي للتدفئة ضروري لانها بهالسن المفروض نايمة بحضن امها ومناعتها
ظعيفة بسرعة تمرض

المشاركة الأصلية كتبت بواسطة فاتو. (المشاركة 2781509)

المشاركة الأصلية كتبت بواسطة Lubi89 (المشاركة 2781489)

هلا أخوي شكرًا لمعلوماتك ألقيمه بس يعني أبد ما أعطيها اكل معلب ؟ لان أشوفها تحبه و ما فيها إسهال حمد الله بس رح اطبخ لها اليوم أي نوع من أنواع الخضار ؟

المشاركة الأصلية كتبت بواسطة بسبس مياو (المشاركة 2782022)

انصحك
لوجه الله لاتعطيها وسكاس ولا غيره من المعلبات عن تجربه مريره،حطي الاكل
قدامها وهي بتاكل حتى لو بعد وقت، المعلبات ريحتها قويه علشان كذا تجذبها
،حاولي تطحني دراي فود وتحطينه مع الدجاج وان شالله تاكله،وترى حتى الدراي
فود احذري من وسكاس حاولي تسلقين الدجاج مع شوي كوسا وشوي جزر وملعقة رز
وقطعتين مكرونه بعدين اخلطيهم سوا علشان ماتحس بالخضار وكبي عليهم مرقة
السلق وذوقيها بإصبعك وهي راح تحبه،لو تعودت عالمعلبات عمرها ماراح تاكل
غيرها،تراها صغيره واول وجبه دسمه لها بتكون هي وجبتها المفضلة وبتستطعمها
اكثر من غيرها،المعلبات سم وموت بالبطيء احذري وتجيب ميكروبات بالمعدة وتسمم وكل يوم اسهال واستفراغ