|
استفسار
وديت ببغاء وعطاني علاج
اسمه سولان حق الزكام وقالي تعرض لبرد قوي للاسف واذا قعد على هالحال بيموت:( احد جرب هالعلاج وجاب فائده معاه |
رد: استفسار
عطه العلاج و خلطة الثوم بالليمون وابعده عن التيارات الهوائية !@@ وإن شاء الله يرجع لصحته ..
|
رد: استفسار
يسلمو ابو احمد
|
رد: استفسار
يارب بس يسمع منك ربي ويرجع مثل ماكان اشتقت لعصبيته :(
انا بشووف هالعلاج واذا مافاد بوديه بيطري ثاني والله يعين بالنسبه للثوم والليمون مره سويت له مارضى يشرب صدع راسي من ريحه الثوم ولا رضى يشربه وخفت لان المفروض ماتطول الخلطه عنده قمت قطيته وحطيت بس ليمون مرات اخلي بالمشربيه حقته ليمون مع ماي طول اليوم ويشربه والحين يطلع منه صوت بس يشاخر ونايم وقالقني لو ياكل برتاح اذا عندكم حل يخليه ياكل ياليت تقووولون لي |
رد: استفسار
هلا اختتي ..
انصحك بعلااج اسمه .. التايلان هو مفييد جدا جدا .. بخصوص الثوم والليمون .. حاولي تخففي اللثوم شوي .. وحطية بالمشربيية .. وغيرية كل 6 ساعات مثلاا .. طوال الييوم .. الى ما تتاكدي انه شرب منه .. وشيليه .. تحيااتي لك |
رد: استفسار
والله مره تعبااان حتى عيونه مفتوحه بس نص مووكالعاده بس سؤالي يموت الببغاء من الزكام
|
رد: استفسار
قبل لا تساليي يموت من الزكاام والا لا ..
قدمي له المسساعده والاهتمام |
رد: استفسار
قدمت له كل شئ والله وديته بيطري اكثر من واحد وعطاني دوا اسمه سولان وله فتره طويله وهو مزكم وعيونه واضح عليها التعب
البيطريين الي عندنا قمه بالفشل مايعرفون الا علاج البعير والدجاج والخرفان انا اخاف بصراحه اقوم من ال نوم القااه ميت علشان كذا سالتكم ابي اعرف يموتون من الزكام البيطري الاخير قال اذا قعد على هالحال بيموت :( |
رد: استفسار
اختي الاعمار بيد الله ..
في ناس تموت من ابره و ناس يدخل رصاص بجسمهم و يرجعون مثل اول و احسن .. اتكلم عن تجربة مريت فيها مرتين .. الكاسكو الاول وديته محل + بيطري و قالوا هو لحالة يطيب فقط اعطيه ليمون .. سويت هالشي و مات !! الان املك واحد اخر الحمدلله ايضاً اصيب بالزكام من شهر تقريباً .. و من اول يوم و انا اعطيه التايلان + ثوم و ليمون لما اصحى من النوم .. و الان الحمدلله شفي ,, اهم شي الدفووو .. يعني بمكان انتي تقدرين تجلسين فيه و انتي دفيانه 100% .. |
رد: استفسار
اختي هل الطير ياكل ويشرب ولا وقف عن ذلك ؟
حاولي تشمسي الطير واعطيني الجرعات تبع السولان الي عندك علشان اعدلك عليها حاولي تشرحي لي كيف انتي تستخدميه وكم الكميه الي تعطيها للطير وشلون تعرفي الكميه والجواب راح يكون بعد جوابك على سؤالي |
رد: استفسار
بلاك بيري وقف عن الاكل نهائي وصار ضعيف وبالموت يتحرك وكانه خلاص بيودع
وبالنسبه للسولان قالي اعطيه مره باليوم بابره على الفم طبعا تقريبا ٥٠ بالموت يشربها بعد كنت انتظر ردك بلاك بيري اخيرا دخلت |
رد: استفسار
وعلاج التايلان مالقيته قلت لك الدمام فاشله مافيها شئ
|
رد: استفسار
وابي اسال بلاك بيري عادي لو اعطيه مشروبات يعني تنشطه مثل عصيرات حليب لين يقوم هو وياكل لان كذا بيموت اذا مااكل
|
رد: استفسار
انا اعتذر عن عدم تواجدي بالفترات السابقه نظرا لأنشغالي الشديد
لكن نقول ما يلي \\ طيرك لابد له من الغر ودام دخل هالمرحله انصحك بأعطائه لمن هو اخبر منك في الغر لأنه لو تم بشكل خاطئ سيكون ميه بالميه قاتل للطير خصوصا ان جهازه التنفسي ما عاد يتحمل بخصوص التايلان او السولان ابيكي تسحبي ابره انسولين كامله وتقطري بها على انف الطير وتحاولي تغريه بها وشمسيه قدر الأمكان وخليه بمكان دافي او بشراع يغطيه كما انصحك بطريقه الفيكس التي سأنزل مقاله علميه عنها في القريب العاجل خذي الفيكس وخليها بالقطنه وعليها ماء حار وابدأي بالمسح على انف الطير حتى يساهم في توسعه الشعب الهوائيه قدر الأمكان اتمنى لك الصبر واتمنى لطيرك الشفاء موفقه |
رد: استفسار
وش الغر
وبعدين الفيكس حقنا الي نستخدمه صح وبعدين من ناحيه الاكل توني مسويه رز وغصب ادخله بفمه اكل جزء بسيط وصايريرجف واجد من ناحيه الدفى محطيه فوقه بطنيه وحاضنته علشان يدفى بس الجو اليوم مره برد وامطار ياليت بكره تطلع الشمس بس اخاف لا طلعته يزيد لان في هوا اكيد |
رد: استفسار
السولان قالي بفمه مو بخشمه كيف ادخله بخشمه
|
رد: استفسار
خلاص مااات ببغائي :(
شكرا فمان الله |
رد: استفسار
لاحول ولا قوة الا بالله قدر الله وما شاء فعل
ولا تخلي موت الطير سبب في بعدك عن هوايتك بل اجعليها سبب للماوله مره اخرى وبحذر اكبر ولا تزعلي ابدا فهذه هي الهوايه ..... موفقه |
رد: استفسار
الله يعوضك الف الف خير ويعوضك بطير احسن منه مثل ماقالكـ الأخ بلاك بيري / لا تخلي موت الطير سبب في بعدك عن هوايتك بل اجعليها سبب للمحاوله مره اخر ..........
|
| جميع الأوقات بتوقيت GMT +3. الساعة الآن 10:13 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو