منتديات تو زوو - كروان طفشان

منتديات تو زوو (http://www.2zoo.com/vb/index.php)

- سؤال و جواب لقسم هواة الكروان (http://www.2zoo.com/vb/forumdisplay.php?f=96)

- - كروان طفشان (http://www.2zoo.com/vb/showthread.php?t=295156)

كروان طفشان

السلام عليكم

بدخل بالموضووع

عندنا كروان من سنتين تقريبا

بس كأنو زينه للبيت

مايلعب ولا يطلع من القفص يعني ماحد يطلعوا

ولمن اقرب يدي منو يعض ويسوي كذا مع الكل

بس يطلع اصوات وجالس مع نفسو هي انثى والذكر حقها هرب

ومره باضت كم بيضه بس ماتو :(

المهم اانا احس انها طفشانه وكمان شرسه ماحد روضها رغم هالفتره اللي عاشت فيها معانا

انا عن نفسي ماعرف للطيور بس جابوها عشان شكلهاا حلوو وانا حزنانه عليها احسها كأنها جدار:(

ايش رايكم كيف اروضها واقدر اتعامل معاها بعد هالعمر :confused:

ولا ابيعها

رد: كروان طفشان

مكان الموضوع غلط يا اختي

اذا كانت جالسه في القفص 24 ساعه و نافشه ريشهااا وما تتحرك

اعطيها خلطة الثوم بالليمون

بالنسبه للترويض صعبه شوي بس يبغالها صبر و يفضل في الترويض الفروخ

بس يمديكي تروضيه

1- قص ريش الاجنحه

2- قفازات

3- عسل

4- غرفة هادئة و خالية من الازعاج

-----------------------------------------

تقصي ريش اجنحة الطائر و هدي احسن طريقة للقص

http://im16.gulfup.com/RxSV1.jpg

تخلي الريشتين الطويله و تقصي من تحت من 6 - 8 ريشات

بعد القص تكوني لابسه القفازات تخليها تعض تعض الين تطفش هي راح تحاول تطير من يدك

بس كل ما تطير ارجعي شيليها و رجعيها على يدك و خليها تعض في القفاز و حسسي راسها

الين تشوفيها بعد ما تطفش تمسك القفاز تلحس فيه و تلعب

اخلعي قفاز واحد و حطي في اصباعك عسل و قربيه من فمها خليها تعض

راح تتذوق العسل من يدك مره مرتين ثلالث و راح تبطل عض

سحي اصباعك من العسل عشان لا ينعدم ريشها

و اخلعي القفاز الثاني

و حاول تنقليها من يد ليد الين تولفف معاكي

و تسير 100%

الوقت راح يستغرق من ساعة - 3ساعات

تحياتي

رد: كروان طفشان

بالنسبة للترويض ما راح ينفع لان عمرها كبير

ممكن تجيبلها ذكر احسن والا البيع

رد: كروان طفشان

بالعكس يا غالي حتى الكبار يتروضوو

و اذا كانت انثى ترا مره سهل ترويضهاا

بس الذكررر عنيد شوي هههههههههههه لازم تاكل كم عضه منه ههههههههههههه

و اذا مو حابه تروضيه جيبي لها ذكر تو بيعيها

تحياتي

رد: كروان طفشان

اما الموضوع منقول ؟؟

معليش ماكنت اعرف انو مكانو غلط

ومشكورين على ردودكم بحآول معاها

واردلكم خـبر :)

رد: كروان طفشان

اذا لها سنتين عندكم مرررة صعبة انك تروضيها وتولفيها

ذكرتيني بنفسي وانا صغيرة كان عندنا طيور بادجي بس للزينة وما كنت اعرف انها تتوالف مع الانسان

غلطة لما الواحد يجيب طيور بس للمنظر والزينة بدون ما يعرف ايش تحتاج هذه الطيور
والغلط الاكبر لما الأهل يجيبو الطيور دي لاطفالهم كانها لعبة

انا من رأيي انك تجيبي لها ذكر وتحاولي تنتجي منها
تجيب لك فروخ صغيرة
والفروخ لما تكبر شوية وتنفطم وتعرف تاكل بنفسها
خديها وربيها وولفيها

لانو طيور الببغاء عشان تروضيها لازم تكون فروخ صغيرة عشان بيكون أسهل واسرع انها تحبك وتتعود عليكي
صعب تولفيها وهي كبيرة لكن مو مستحيل

اتعلمي واقرئي هنا عن الانتاج
او جربي تروضيها

اخر حل فكري فيه البيع لانها لها معاكي سنتين تعتبر عشرة عمر

رد: كروان طفشان

طيب بحاول اقص من ريشها بس كيف امسكها واطلعها من القفص مره ماترضى وتخاف وتعصب حالتها حاله

ماحد قادر يمسكها اخاف تطير

وبعدين هي من يوم هرب الذكر وماتو اولادها وهي نفسيتها كذا :( ولا احد داري عنها

ودحين جيت انا بصلح كل شي بس مدري بقدر ولالا :(

رد: كروان طفشان

جيبي لها ذكر افضل لكي و افضل لهااا

تحياتي

رد: كروان طفشان

سلام عليكم

افضل حل هو احضار ذكر لانها محتاجة الي شريك من نفس جنسها للتتحسن حالتها النفسية ولا اعتقد ان الحل هو

الترويض.

لان الترويض ممكن فقط مع شخص محترف في الترويض اما بالنسبة للوضع الراهن لا يفضل الترويض..

تحياتي

رد: كروان طفشان

لو كبيرة فى السن
يبقى الترويض هايبقى صعب جدا خاصه انها انثى وعاشت لوحدها لفترة
ومعنى انها باضت يبقى عدت السنه
افضل تيبى لها دكر فى عمر يناسبها

رد: كروان طفشان

اوكي
مشكوووووورين

وبحاول اجيب لها ذكر