|
تكفون ساعدوني على استفسار عن الكاسكو
السلام عليكم
يا ريت اصحاب الخبره والمدربين يساعدوني تكفون عندي كااسكوو له 5 اشهرتقريبا هو اليف اول ما اشتريته بس ما اتعود علي ولا نطق مع اني اكرر عليه كلمة وحده بس يجعر بمجرد ابدأ اقرب منه اكثر وابي ادربه وبعدين خفت من كثر ما يجعر يصير فيه شي قبل شهر قررت اني ادربه لأني قريت كثير عن ترويض الكاسكو اول خطوه سويتها حبسته بالقفص مع العلم انه خلال 5 اشهر خارج القفص ما يدخل الا وقت الاكل ويرجع يطلع قفلت عليه القفص وجعر كثييير لدرجة جاه اسهال الله يكرمكم خليته بالقفص وصرت كل ما اقرب منه يجعر مع انه كان متعود علي بس يومين خليته بالقفص صار ينام وماله صوت غير التجعير اذا احد قرب من القفص وما ياكل وبعدين خفت عليه وخرجته من القفص ومن هذاك اليوم للحين له شهر ما يصفر واغلب وقته نوم بس التجعير مستمر خايف مني كل ما قربت مع انه خارج القفص والحين ابي ادربه ينفع ابدأ تدريب معاه ولا من البدايه كنت غلط معاه وهو مو صغير عمره تقريبا سنه وكم شهر ابي احد يساعدني خطوه بخطوه عشان يرجع يصفر ويتعود علي وادربه ياليت احد يساعدني واسفه على الاطاله واتمنى الرد |
رد: تكفون ساعدوني على استفسار عن الكاسكو
اول شي طريقتك كانت فيها أخطاء عده
التسرع و عدم إعطاء الطير الوقت للتعود عالمكان و حبسه و هذا عقاب و النوع هذا يمتاز بالذكاء و يفهم اللي حوله عالعموم خليه في مكان مرتفع لا يوصل له احد و يكون بنص البيت و تقربي له بالأكل و الشرب انتي مؤ احد غيرك خليه يتعود عليك و اذا كان فيه أطفال ما ينفع يخوفوه يحب الفواكه و الخضار و الفول السوداني يستخدم في التدريب حبه وحده عشان يأكل من يدك في البدايه و اهم شي التلقين بالكلام السهل زي بابا يا حلو حبيبي مع التصفير وقت ما تشوفينه و تقربي له بالهداوه و الحركات المباغتة ما تنفع و مسالة وقت و راح يزبط بس الصبر و شغلي مقاطع للببغانات عالنت و لا تنسي انه هو مع ظروف الصيد توحش و لازم تنسيه الظروف الصعبة المنتدى ملياااااان عن التدريب و التلقين أبحثي و بالتوفيق |
رد: تكفون ساعدوني على استفسار عن الكاسكو
مشكووور على الرد بس سؤالي ابدأ معاه تدريب الحين وهو بهالحال ولا انتظر لين يرجع يتعود علي واتقرب منه وبعدين ابدأ تدريب
والحين ارجع احبسه ولا اخليه خارج القفص وانا مستمره على مقاطع الصوت اشغلها له في البدايه يتلفت يدور للصوت بس بعدين ينام والتسجيل شغال وما يصفر وهو بمكان مو مرتفع مره وبالصاله هل اغير مكانه اخليه لحاله ولا اخليه مكانه اتمنى الاجابه عن اسئلتي |
رد: تكفون ساعدوني على استفسار عن الكاسكو
اذا انتي فاضيه الحين خذي لك فوطه ولفيه فيها وطبقي طريقة اخونا العضو سكر له مقاطع فيديو كثيره
واقعدي 10 دقايق تحكين راسه وكرري العمليه كل ساعه اذا قدرتي وبتشوفين التغير ولاتخافين منه واذا قربتي يدك وجعر لاتفاجئينه بحركة رد سريعه يعني اذا مديتي يدك لاتقول يمه وتوخرين يدك بسرعه وتعطينه سبتين على السريع لا البسي قفازات اذا خايفه المهم حسسيه بالامان والله يوفقك |
رد: تكفون ساعدوني على استفسار عن الكاسكو
خليه مكانه كويس
و اصبري اسبوع قبل التدريب بس اهتمي بالأكل و الشرب و نظافة القفص بس موضوع الإسهال اذا طول لازم من البيطري و هل اكله طبيعي و حركته طبيعيه و الا لا استمري بالتودد له وقت ما تمري من عنده ووقت ألاكل و لاتخلي الاكل عنده ع طول شيليه و خليه يعرف ان وقت الاكل مرتبط فيك بس خلي المويه ع طول و غيرها يوميا وقت النوم دخليه القفص لا تخليه برا ممكن يخرب شي او يضر نفسه و برضه لا تخليه ع طول برا القفص بعني خليه يعرف انه اذا كان شاطر يخرج و اذا لا يقعد جوه و لازم تستخدمي معاه طرق الزجر و الثناء و المدح |
رد: تكفون ساعدوني على استفسار عن الكاسكو
يا اخ سمسم هو مو متعود على القفص الي خلاه نايم اربعه وعشرين ساعه هو اني حبسته بالقفص
مو متعود ابد ادخله غصب عنه واخليه يجعر الحين ولا اخليه برا ؟؟؟ اخاف انه يصيبه شي والحين ما يتحرك كثير بس نايم من بعد الحبسه لكن قبل كانت حركيه ويصفر كثير والاخ وليد يسلمو على الرد بس اخاف يصير فيه شي لأنه اذا جعر كثير يجيه اسهال الله يكرمكم لمده بسيطه وبعدين يرجع عادي اسفه على الاطاله بس يا ريت تساعدوني وتردون علي |
رد: تكفون ساعدوني على استفسار عن الكاسكو
ا لو الببغاء ما يحب القفص خليه في ستاند وابدا الترويض
موفق |
رد: تكفون ساعدوني على استفسار عن الكاسكو
الاسهال البسيط الي تقولي عنه لا تخافي كل الطيور هيك وقت الخوف ..
اما تبدي تروضي او لا فأنا اقلك هو يخاف منك بس ماتوقع يحتاج تنتضري روضيه من هالساعه له خمس شهور يعني لو يبي يقلك اسماء العائله كلهم واحد ورى الثاني قالهم .. روضيه واذا جغر لا تتركيه بالعكس خليك معه اكثر وبيسكت على طول يعرف ان ماله داعي الجعير بس انتي لازم تلعبي فحسبته يعني حاولي تخليه يكره ام الترويض منشان يفتح لعمره ويعرف ان الخرجه برى القفص يعني عذاب .. وصدقيني راح يزبط معك بسرعه .. ع فكره احلا شيء تبدي تنتفي ريشات الذيل ريشه ريشه اذا ماطاعك بشيء . اتمنا لك التوفيق انتبهي ترى كل ريشه تروح منه يعني كره لمدة سنه اتجاهك .. |
رد: تكفون ساعدوني على استفسار عن الكاسكو
احس اسلوب تعذيب مو ترويض اني انتف ريشة الذيل خاصة الذيل حساس بالنسبه له
والعيب مني اني اخاف عليه واخاف يصير فيه شي كل ما احاول تدريبه من كثر تجعيره من امس وانا احاول اسوي طريقة الاخ سكر بس مو قادره من طولة اظافره تسلمون على الرد ومشكووورين وبحاول معاه من اليوم في طريقة الاخ سكر ورح ابلغكم بالنتائج |
رد: تكفون ساعدوني على استفسار عن الكاسكو
ما انصحك يا اختي انك تنتفي ريش الذيل وهذي عن تجربه عندي ببغاء جبته من يوم وهو فرخ صغير و كان مره اليف ولقيت ريش ذيله متكسر ومو متناسق وقلت انتف ريش ذيله عشان يطلع مره ثانيه افضل واحلى ومن يومها وببغائي اخذ موقف
و ما صار اليف |
رد: تكفون ساعدوني على استفسار عن الكاسكو
انتي مثلي بالضبط كان حر طليق وصرت ادخله القفص واذا عطيته فول ياخذه بقوه ويرميه يزعل اذا دخلته بس غصب عني وقت النوم ادخله او اذا بروح مكان
انا اخذه بفوطه والفه فيها واقعد احك راسه ويستانس بس مجرد ارجعه مكانه يباد يجعر ويخاف مني غلطتك مثلي عودته على الحريه والدلع واخاف عليه والحين هو مايبي مني اي شئ بس بالغصب اخذه حركه التنتيف بتزيده ماانصحك فيها انا مره ضربه عضني اذا لقيتي حل مع الكاسكو حقك قولي لي اهى وله خمس شهور عندي بس خواف مره ولا يتقبل مني بس لا حطيته بالفوطه وحكيته يهدا ويحب احك له جهه معينه يغمض عينه يستانس الكلب ههههههههه بس خواف وجعًر كثيررر |
رد: تكفون ساعدوني على استفسار عن الكاسكو
ههههههه جبنا لنفسنا التعب والقلق
المهم خلال يوم واحد شفت نتيجه حلوه ورح استمر عليها ان شاء الله كنت رح اسوي مثل الاخ سكر اني الفه بفوطه بس قلت خليه يتعود علي اول طبعا من بعد حادثة الحبس كارهني وكل ما اقرب منه يجعر مع اني ما حبسته مره ثانيه ومخليته برا القفص اليوم اخذت صحن الاكل من القفص وخليته يجوع شلت الاكل منه العصر وكل 10 دقايق اعطيه حبه من يدي من الحب وابتسم له واناديه بأسمه واروح من عنده شوي وارجع احط يدي على راسه بالبدايه يجعر بس استمريت بالحك على راسه وحول عينه يسكت خليته بدون اكل الين الساعه 10 بالليل وانا كل شوي اعطيه حبه بس وامسح على راسه واروح الين شفته ينزل تحت القفص ويدور على الاكل في مكان الوسخ الله يكرمكم وقتها جبت فوطه لفيتها على يدي لأني ناويه اخليه يطلع على يدي وحطيت الفوطه لأن اظافره طويله من جبته ما قصيتها واخذت فول سوداني وصايره اغريه عاد بدأ يحط رجل وحده على يدي عشان يوصل للفول السوداني ويرجع طولت المده وانا اغريه وهو يحاول بعدين حطيت بكف يدي كميه كبيره من الحب وخليته ياكل بيدي ما خليته يكمل سحبت يدي واستمريت بالحركه هذي الين بدأ يحاوول عاد انا وقتها اعطيته الفول السوداني مكافأه على محاولته وابتسمت له واناديه بأسمه وامسح براسه تفاجأت انه تقبل مني بدون تجعير نزلت القفص بالارض وتفاجأت انه يتحرك ويدور بأطراف القفص ويصفر وانا جالسه قدامه يجي يقابل وجهي ويصفر ويرجع يدور خليته نص ساعه ياخذ راحته وينزل للأرض مع انه ما كان يسويها بعدها رجعته ورفعت القفص هدء شوي بس شغلت مقطع صوت تصفير وبدأ يحاول يقلدهم وحطيت له فيتامين في المويه لأول مره وخليته لحاله تفاجأت انه يحاول بالقوه يخرج تصفير الصراحه انبسطت وحسيت انه ولدي يبي ينطق هههههه اسفه طولت بس قلت لكم رح اقولكم اخر التطورات وياريت اي اقتراحات تقولونها لي اسويها معاه وبالنسبه لدلعي يتعبك جربي هالخطوه وشوفي وش يصير معاكي وابلغيني اخر تطوراتك |
رد: تكفون ساعدوني على استفسار عن الكاسكو
مشكورين على الرد
ولكن سأظل انادي مالحل ابي خطوااات امشي عليها عشان يتدرب وينطق ابيه ينطق عجزت البزر نطق وهو ما نطق |
رد: تكفون ساعدوني على استفسار عن الكاسكو
هههههههههههههههههههه
اول شي الله يخليه لك وانا كان عندي طير اسمه ريكو مانطق غير بعد 6 شهور هع بس فرحت مره وماشاء الله بعدها انطلق صار يلقط بسرعه ولسانه اتعود خلاص كنت اصحى قبل اذان الفجر ايام الاختبارات النفسيه ماكانت تعطي مجال للنوم هههههه وكنت ادخله في غرفه صغيره مافيها غير انا وهو واقوله بابا وكنت اراجع للاختبار بس كل فتره اقوله بابا بابا رجعت الظهر واسمعه يقولها يا اني فرحت فرح خلاني انط هههههه وبدعها عاد قال اسمه واسماء اللي بالبيت ويقول كوكو فين كوكو ؟؟ ويقول ميين مره كنت افرح لمن يقول اي كلمه وعقبال اللي عندك بس حبه حبه وهو ان شاء الله يتكلم |
رد: تكفون ساعدوني على استفسار عن الكاسكو
ان شااء الله الله يسمع منك خليه يصفر اول وبعدين ينطق احس عمره بيخلص وهو مانطق هههههههه
|
رد: تكفون ساعدوني على استفسار عن الكاسكو
هههههههههههههههههههههههههههههه
لا ريكو حقي كان يصفر و يطقطق |
رد: تكفون ساعدوني على استفسار عن الكاسكو
يا اخوااان انا تعبت مو راضي يتعود علي جربت انزله من القفص واطلعه على يدي بس طاح على الارض طيحه قويه وصار يجعر وصدع براسي حاولت معاه كم يوم وحرمته من الاكل وااكله بيدي بس صار ينام طول اليوم يصحى يدور على الاكل اذا لقي اكل واذا مالقي رجع نام حاولت اكلمه افتح له مقاطع صوت بس ينااااااام طفشني وش الحل
|
| جميع الأوقات بتوقيت GMT +3. الساعة الآن 04:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو