|
أفيدوني أفادكم الله
السلام عليكم ورحمة الله وبركاته
تقبل الله منا ومنكم صالح الاعمال وجعلنا واياكم من السعداء في شهر العطاء كاسكو فرخ عندي من 10 أيام تقريبا لاحظت تغير في صوت الجعرة عنده من امس واليوم شفت - اعزكم الله جميعا - برازه متعلق فيه هل هذي علامات لمرض معين واذا كان كذلك وش العلاج المناسب |
رد: أفيدوني أفادكم الله
تقصد بالجعرة خفت ..؟
و صور الكاسكو والبراز عشان نعرف اذا هو مريض او لا |
رد: أفيدوني أفادكم الله
نسبة الجعرة الان ماتتجاوز 20% لكن صوت الجعرة تغير
ومحاولاته للكلام صارت معدومه بعد ماكان يحاول يقول بابا اما البراز شفته قبل شوي متعلق في مخرجه ويبدو ان فيه جفاف قليل ويعطيك مليون عافيه |
رد: أفيدوني أفادكم الله
أخوي أوصف حالة البراز يعني سائل أو متماسك أو الحالتين معا ؟
|
رد: أفيدوني أفادكم الله
اقتباس:
البراز ان كان طبيعي وماهوب سائل مافي مشكله ان شاء الله كيف الطير خامل وهل اكله تغير ام لا |
رد: أفيدوني أفادكم الله
سعدت بمروركما العزيز
البراز متماسك وعالق في مخرجه قبل ثلاثة ايام كان عنده اسهال خفيف وتخلص منه في نفس اليوم تقريبا |
رد: أفيدوني أفادكم الله
الحمد لله دام الطير لا يوجد به اسهال إذا الطير في صحة طيبة فلا تقلق نظف مخرج الطير بقن وماء ..
|
رد: أفيدوني أفادكم الله
بالنسبة لصوت الجعرة
الطير اصبح اكثر ولافة وجعرته اكيد بتكون اقل حتى في مستوى الصوت ولكن نبرة الصوت تغيرت كأن فيها بلغم او حشرجة التغير في نبرة الصوت ماهو كبير جدا لكن حرصا مني على سلامته ولكي اتعامل مع حالته في وقت مبكر اما الاكل فلم يتغير انا اعطيه الخلطة البلجيكية واعطيه حب دوار الشمس |
رد: أفيدوني أفادكم الله
أخوي دام الطير أكله سليم ولا يوجد أي نوع من خمول ولا يوجد اسهال فبإذن الله الطير بصحة جيدة لان هذه أغلب النقاط إللي نعتمد عليها في تحديد المرض لأن تقريبا أي مرض يصحبه بعض من هذه الأعراض .. ونزل مقطع للطير إذا استطعت ..
|
رد: أفيدوني أفادكم الله
بيض الله وجهك اخي العزيز old- alkasiko
|
والله يا اخي انا احترت :
انا بسالك كم سوال وياريت تجاوبني 1- الطير خامل ما يتحرك ؟ 2-الطير قاعد بارضيه القفص؟ 3- صوت الطير تلاحظ بلغم يعني صوته واضح فيه بلغم نفس الانسان ؟ 4- امس حطيته بمكان بارد او جاه تيار هوائي او ايات شي 5- الاكل اللي امس هل كان حب شمسي او اي شيئ اخر 6- شنو هي الاعراض اللي تلاحظها بالتفصيل لو تلاحظ الاسئله واجد بس علشان افيدك صح ونكتشف هل الطير فيه شي مو على بلاطة اقولك اي كلمة *فواز* انا مو قصدي بعلى بلاطه اني استهين باخوي اولد كاسكو اذا كان زعل فانا اسف واعتذر بشدة *فواز* |
رد: أفيدوني أفادكم الله
يشرفني مرورك عزيزي هاوي البادجي
للأسف الطير ماأكل شي للحين حطيت له الفجر من الخلطة البلجيكية و في المعلاف الثاني تفاح مقطع قطع صغيرة والطير فيه شوية خمول يتحرك اذا قربت عنده واقف على مجثمه وليس اسفل القفص البراز متماسك جدا وعالق في مخرجه نظفت الي كان فيه الصباح وهذا ثاني في الايام الماضية كلها وبسبب الرطوبة كنت احط الكاسكو في قفصه واجيبه معي لغرفة النوم من الصباح الى الساعة 4 العصر والمكيف يشتغل لكني اغطي القفص بقطعتين قماش مع مراعاة تهويته |
رد: أفيدوني أفادكم الله
وحطيت في الماء مضاد حيوي الي لونه أصفر
بالاضافة الى قطرتين من فاتح الشهية الي علبته لونها اصفر وعليها رسمة طيور وحيوانات لاحد يقول عني نصراوي عشان لون علااااجه |
رد: أفيدوني أفادكم الله
ممتاز جدا لكن حاول ان تغر طيرك وتدعمه قدر الأمكان في حال استمراره عن الأمتناع عن الأكل
|
رد: أفيدوني أفادكم الله
اذا ماعندي سيريلاك للببغاء فيه بدائل لغر الطير
معي ابرة غر وسيريلاك اظنه غير صالح للاستخدام لاني تركته في مكان حار وله 5 شهور مااستخدمته وبعد مافتحته شميت ريحة كريهة طالعة منه |
رد: أفيدوني أفادكم الله
اقتباس:
|
رد: أفيدوني أفادكم الله
عرضت الطير على بيطري نصحوني به
وبعد الفحص عليه يقول الطير عنده مشكلة في الامعاء واعطاني نوعين من الكبسولات وطلب اني افرغها في سيريلاك واغر الكاسكو لمدة 5 ايام multivitamin eb12 chlortracyclin+ هذي اسماء الكبسولات السيريلاك يقول عادي حتى لو كان للاطفال والسيريلاك الي ذكرته سابقا الي مااستخدمته 5 شهور خاص للببغاء عندي مشكله في غر الطير عشانه ماهو هولندي متعود صيد وتوني مروضه فيتحذر من ابرة الغر وكلت عضه منه اثناء اجباره على الغررر |
رد: أفيدوني أفادكم الله
بالنسبة للأخ (( هاوي البادجي )) من المؤكد أنك لم تقصد ذلك لكن أردت فقط أن تخدمه أخونا على الوجه المطلوب ..
العلاج الأول multivitamin eb12 يحتوي على الفيتامين و بعض الأحماض الأمينية المعززة لصحة الطير وتعويضها عند الفقدان العلاج الآخر ما عرفت تبع إيش ويفيدك بلاك بيري او أي أحد من الأخوان عنده خلفية عن نوع العلاج وباعتقادي أنهم من شركة واحدة .. ومن ناحية السيريلاك ينصح ويفضل بالسيريلاك الخاص للطيور لاحتوائه المواد اللازمة لتغذية الطير وليس استخدام أي سيريلاك فقط لإشباعه .. ذكرت في الأعلى أكل الطير جيد والحمد لله ولا توجد أعراض مرضية لذا تم القول عدم إصابته بأي مرض .. بالنسبة لمشكلة الغر أصر على الطير حتى يقبل .. أخبرنا بكل مستجد لحالة الطير الصحية وما يشوف شر الطير .. |
رد: أفيدوني أفادكم الله
اهلا بك عزيزي اولد الكاسيكو
ربما عندي تقصير في وصف حالة الطير وهذا يسبب عدم معرفة المشكلة عنده اما العلاجين ماشاء الله عليك نعم هما من شركة واحده |
رد: أفيدوني أفادكم الله
الطير رجع يبرز ويطلع منه سائل قريب من اللون الاصفر واحيانا قريب من الطبيعي
لكنه ضعف حيل بسبب عدم الاكل |
رد: أفيدوني أفادكم الله
اعزائي ابي طريقة تساعدني في غر الطير كما اشرت هو افريقي صيد ماهو متعود على الابرة والغر والوقت ضيق لانه مريض وماياكل
اجبرته البارحة والفجر استعنت بصديق هههههه مسكت منقار وفتحته بالقرار العسكري واخوي يغره لكنه يطلع معظم الي يدخل في فمه يعني هذي الطريقة متعبه والفرخ ماياخذ كفايته من السيريلاك |
رد: أفيدوني أفادكم الله
أخوي مالك إللى أنت تعوده على الغر بالإلحاح عليه وان مانفع حاول معاه مثل طريقتك يوم تغره لأن الطير لازم ياكل .. وعندي سؤال الطير يشرب ماء أو لا ؟
|
رد: أفيدوني أفادكم الله
اظنه شرب لاني خليته في الشمس ربع ساعة وقت الشروق
وماحطيته في مكان فيه تكييف يعني اتوقع عطش وشرب ومستوى الماء الي في المشربية انخفض قليل |
رد: أفيدوني أفادكم الله
أخوي لازم تتأكد أن الطير خذى جرعته من العلاج أو لا .. إذا قليل جدا شربه للماء عشان تحط جرعة االدواء مع إبرة الغر ... وجرب تحط له خضار مسلوقة (( خضار مثلجة )) يمكن ياكل ..موفق ,,
|
| جميع الأوقات بتوقيت GMT +3. الساعة الآن 06:35 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو