|
استشار عن الحمام الزاجل
السلام عليكم
كل عام وانتوا بخير، وتقبل الله طاعتكم استشاره بخصوص الحمام الزاجل للاكل لغلاء اسعاره عندنا، حاب اشتري فروخ الزاجل (عمر ثلاث شهور تقريباً) وانطر عليهم كم شهر الى ان يكبرون وبعدها ازاوجهم وانتج، لكن قالوا لي ممكن تواجهني مشكله، ان الانتاج كله يكون ذكور او اناث وتتورط بالحمام! فـ ما الطريقه ؟؟ او ما الحل لتسهيل شراء الحمام اتمنى اني وفقت لتوصيل الفكره! وشكراً |
رد: استشار عن الحمام الزاجل
اخوي مكان الموضوع خاطيء هناك قسم مخصص ل هواة الحمام واليمام ب امكانك دخوله ووضع السؤال في قسم سؤال وجواب :)
|
رد: استشار عن الحمام الزاجل
منقول من قسم الدواجن
يفيدونك الاخوه هنا ان شاء الله |
رد: استشار عن الحمام الزاجل
اشكرك اخوي ابو اروى
والشكر ايظا موصول لك اخري بيرد انا سؤالي كان عن الحمام فحطيته بقسم الحمام شكراً لكم مره اخرى. وبانتظار الرد |
رد: استشار عن الحمام الزاجل
اخي الغالي
من خبرتي انك تشتري ازواج بالغة ذكر وانثى مضمونين الحمام اللي بعمر ثلاث شهور أكبر خبراء الحمام ما يقدر يفيدك بجنسه 100% لكن اذا اشتريت حمام غير بالغ تقدر بعد ما يبلغ اذا طلعوا ذكور أو اناث تبدلهم واحتمال يطلعوا ذكر وانثى خاصة اذا كانوا من نفس العش |
رد: استشار عن الحمام الزاجل
حياك ياغالي
عند شراء الحمام الزاجل اللحم بسن ثلاث شهور فانا لانصحك به اولا من المعروف اللحم انتاج + لحم = اكل :D فانت تريد طريقةة اسرع ثانيا: ثلاث شهور لابد ان تنتظر 5 شهور للبلوغ + شهر الجهوزيه يعني 6 شهور اي تكليف الاكل وشرب = قيمة الكبير عند شراء جوز كبير منتج سوف ياخذ من الوقت تقريبا 14 الى 20 يوم وينتج معاك اي في 6 شهور التي تنظره عند شراء جوز صغير سوف تنتج جوزين الى ثلاث ازوج حسب قوة الزوج اما اذا تريدهــ للطيران فانصحك بشراه وعمره شهرين مع تحياتي واي خدمةة انا موجود والاخ رائد ايضا |
رد: استشار عن الحمام الزاجل
اشكرك اخوي رائد. واشكرك اخوي العتيبي على سرعة الرد
لكن .. حسب اللي عرفته ان بلوغ الحمام بين خمسه الى ست اشهر يعني لو اشتري عمرهم ٣ شهور! اصبح بعد ثلاث شهور ويتم التزاوج!! يعني الانتظار ٣ شهور فقط مو سته!! بعدين انا طرت لي فكره! اللي هي اشتري بعمر ٣ شهور وبعدين ابيعهم ازواج بعد ثلاث شهور يعني ما انتظر للتبييض والتفريخ! شرايكم بالفكره ؟؟ وهل جربها احد قبلي !!! انتظر ردودكم |
يعني انت تبي تسمين مثل تسمين العجول هههه
ايوه تقدر تشتري زغاليل وتربيهم حتى يكبروا وتبيعهم لكن الاحسن انك تشتري امهات ويبيضوا عندك ويفقسوا وتبيع يكون احسن وبالنسبة لسن البلوغ بالعادة يكون بعد ست شهور واسبوعين ومثل ما حكى اخوي العتيبي يحتاج أحيانا فترة من الزمن للجهوزية وكل هاد تأخير عليك |
رد: استشار عن الحمام الزاجل
انا مع كلام الأخوان ماشاءلله 100% صحيح .. :)
واذا بدك نوع سمين .. انصحك الكنج والمصري رائع والمودينا :) |
رد: استشار عن الحمام الزاجل
هههه اخوي رائد عن قريب راح تشوف دعاياتي بالام بي سي. شركة فلان الفلان للتسمين. عاد لاتدقق تسمين شنو هههه
اخوي بيرد انت تقول كنج. بس المطلوب عندنا اكثر شي (الزاجل) زين خلونا نحسبها بالارقام. وانتم علقوا على كلامي بالبدايه سعر الزوج عندنا بالكويت ( من ٨ الى ١٠ ) دنانير وسعر الفرخ (الزغلول) من دينار ١ الى دينار وربع راس مالي تقريبا ٦٠٠ دينار مخصوم منها ( ٢٠٠ ) دينار محكر وخانات يعني الباقي ٤٠٠ دينار :( طبعاً عندي المكان متوفر مجاني والعامل كذلك. من غير اجار -------------- الحسبه الولى في حالة شريت ازواج ٤٠٠ / ١٠ = ٤٠ زوج انتاجها الاربعين زوج تقريبا ٨٠ زغلول كل شهر ونص تقريباً ٨٠ * ١،٢٥٠ = ١٠٠ دينار نخصم منهم العلف التطعيم ٣٠ دينار طبعاً الحسبه تقريبيه لاننا ماجسبنا النفوق والعلف تقريبا حسبته يعني الناتج ٧٠ دينار كل شهر ونص --- اما اللحين الحسبه الثانيه اللي هي لو شريت زغاليل وبيعهم ازواج نذكركم الباقي من راس المال ٤٠٠ دينار ٤٠٠ / ١،٢٥٠ = ٣٢٠ زغلول بعمر ٣ شهور عالاقل لو فرضنا خلال ٣ شهور لو حذفنا نص الزغاليل مابين نفوق وبين جنس زايد يبقى لنا ١٦٠ زغلول = ٨٠ زوج ٨٠ * ١٠ دنانير = ٨٠٠ دينار نشيل ١٠٠ دينار علف ثلاث شهور وفيتامينات يبقى ٧٠٠ ارباح ٧٠٠ / ٣ شهور = ٢٣٣ دينار ---- النتيجه النهائية : في حالة شريت ازواج بالبدايه ----> الارباح ٧٠ دينار تقريباً في حالة شريت زغاليل بالبدايه -----> الارباح ٢٣٣ دينار تقريباً شراااايكم ؟ بانتظار تعليقاتكم |
رد: استشار عن الحمام الزاجل
كلامك ممتاز وأفكارك ممتازه اكثر :)
لكن انا مع الطريقه انك تشتري امهات يعني بالغاات .. لأنه ب 3 انتاجات للجميع او 4 انتاجات بيجيبو عددهم 5 مرات وب 2 شهر او 3 شهور يصير عندك زغاليل ب عمر 3 شهور . :) وعند شراءك حمام بالغ يكون صحته افضل و يكون جيد الصحه وغير ضعيف :) |
رد: استشار عن الحمام الزاجل
والله انك اقتصادي ورجل اعمال كبير يا غالي
حسبتك هاي بتجنن يالغلا أنا ما عندي تعليق غير اقول الله يوفقك وكلامك سليم 100% وان شاء الله غير الارباح تكون اكبر من هيك بكثير |
رد: استشار عن الحمام الزاجل
حلووو
يعني تأيدوني بالفكره ؟؟ طيب سؤال عن الحمام. بس تكفون ابي الاجابه يكون دقيقه دقيقه :) اللحين من احط الذكر والانثى داخل الخانه ... كم تاخذ من الوقت الانثى لين تبيض ؟ وكم وقت تاخذ البيضه لين تفقس ؟ وكم وقت ياخذ الفرخ لين يوصل لسن الاكل ؟ وهل الانثى تبيض اذا كان معاها فروخ بالعش ؟ او السؤال بصيغه ثانيه.. لو باضت الانثى بيضتين ورى بعض. كم تاخذ وقت عشان تبيض الدفعه اللي وراها ؟؟ ادري كثرت عليكم بالاسئله ههههه بس ماننحرمش |
رد: استشار عن الحمام الزاجل
السؤال الأول:
من خمس ايام لأسبوعين حسب التوالف وأحيانا ما يتوالفوا شرط البلوغ اللي هو ست شهور ونص لثمان شهور السؤال الثاني: من 16 يوم الى 19 يوم من وضع البيضة الثانية وحسب الفصل وحسن التحضين السؤال الثالث: تقريبا شهر ونص السؤال الرابع: اه ممكن تبيض حتى وهي عندها فروخ وأي سؤال انا ومشرفنا الغالي العتيبي والأعضاء ان شاء الله ما نقصر وبالتوفيق |
رد: استشار عن الحمام الزاجل
اقتباس:
ياحبيبي حبيت اتدخل بخصوص العمر 8 شهور البلوغ وتقدر تتاكد في مراجع تربية الحمام او سوال الخبراء عن نفسي مستحيل ازوج حمام عمره اقل من 10 شهور خوفا من الارهق الجنسي لدى الحمام وهذا قد يسبب لدينا ضعف جنسي للذكر والانثى ونجعل افتراض للتزواج من عمر 6 شهور سوف يكون الانتاج عن بيض غير مخصب ان كان مخصب سوف تكون صحةة الزغليل غير جيده فانا اعطيتك راي وجهة نظري والا اقيدك بها بتاتا اخونا عبدالرحمن (برد) جرب زواج انثى عمره 5 او ست شهور وطلعت البيضه صغيره ولاندري ماذا حدث معه |
رد: استشار عن الحمام الزاجل
اقتباس:
انا مع كلامكم .. لكن كلا الطريقتين صحيحتين .. بس انا افضل الطريقه الأولى ( البالغات ) وهي الأمثل والأفضل ولو فيها ارباح اقل على قولك .. بس عالمدى البعيد افضل :) وبالنسبة للأنثى .. هي عمرها صراحه اقل من 5 شهور وكانت عجيبه والله .. ماشاءالله هههه انتجت بيضتين بيضة صغيييرة وبيضة متوسطه وفقس واحد وعاش وطار .. والأن فقست 2 ماشاءالله وحجم البيضه كبر عن اول بس بتضل صغيرة :) شكرا لك اخوي العتيبي على تذكرك :) |
رد: استشار عن الحمام الزاجل
اقتباس:
اشكرر ماقصرت ياخوي اقتباس:
لحووول يالعتيبي. عفست حسبتنا كلها هههه بس معلومه جديده هذي ثمان شهور بلوغ. وعشره تزاوج !! لان كل المواضيع اللي قريتها تقول 6 شهور للبلوغ فقط مو ثمانيه انت متاكد ياخوك ؟؟ |
رد: استشار عن الحمام الزاجل
اقتباس:
الا وانا متاكد منه ومجرب |
رد: استشار عن الحمام الزاجل
اجل بيض الله وجهك يا بناخي
|
| جميع الأوقات بتوقيت GMT +3. الساعة الآن 03:13 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو