|
بسرعة قطي يستفرغ ابي حل
السلام عليكم ورحمة الله وبركاته
اعزائي ابغى حل بسرعة او علاج ياريت قطي عمره 7أشهر امس بعد ماتسحرنا دخل المطبخ واكل ماتبقى من طعام وكان عبارة عن ايدام دجاج لكن كأنه بلع كثير من العظم غير انه الدجاج مبهر!! اليوم من الظهر وهو يستفرغ طلع كل اللي اكله البارح وشفت قطع العظام الصغيرة..قلت خلاص بيرتاح :-( لكن استمر بالاستفراغ يمكن استفرغ باليوم اكثر من 4 مرات اخر شي صار استفراغه شفاف مايل عالصفار ..والله اني خايفة الله يسعدكم طمنوني ايش اسوي احسه جيعان لكن مو قادرة اعطيه شي حتى الماء بعدته عنه.. ياريت الاقي رد سريع |
رد: بسرعة قطي يستفرغ ابي حل
الحمدلله حرارته كويسه ويتحرك ويلعب ماعنده مشكله بس بين كل كم ساعة يستفرغ =-O
|
رد: بسرعة قطي يستفرغ ابي حل
وعليكم السلام ورحمة الله وبركاته
اختي العزيزة المفروض انك تمنعيه يأكل اكل فيه بهارات وعظام الايدامات ثقيلة ومتعبة لمعدة القطط الله يهديكي طيب الف سلامة عليه ومايشوف شر ان شاء الله اعطيه زبادي بالعسل بيطهر ويريح معدته ولاتخبصي له بالاكل وجيبي له شراب موتيليوم للاطفال من الصيدلية البشرية واعطيه 1.5 باليوم مرة واحدة وطمنينا عنه |
رد: بسرعة قطي يستفرغ ابي حل
والله انا احاول ابعده عن هالاكل بس هو بعض الاحيان يتلقف ويدخل المطبخ بدون مانحس ويآكل من اللي عالطاولة بسم الله عليه..
غير انه عنيد ومزاجه صعب بالأكل حاولت أكله زبادي بالعسل مايرضى بالقوة اخذ ملعقين مايفتح فمه بالساهل :-( انشالله هالملعقتين توفي وانشالله اليوم اجيبله الدواء ويارب تكون شي بسيط ويزول لانه مخوفني كل كم ساعة يستفرغ !! وربي يسعدك ويعطيك العافية |
رد: بسرعة قطي يستفرغ ابي حل
طيب لاتخافي
الله يشفيه لك بس التزمي بالدواء ولازم يتغذى |
رد: بسرعة قطي يستفرغ ابي حل
ولاتبعدي الماء عنه بالعكس خلي الماء تكون موجودة وتكون نظيفة ونقية
|
رد: بسرعة قطي يستفرغ ابي حل
الدواء لمدة كم يوم استمر عليه؟
وياريت تقولي ايش اغذيه لانه صرت اخاف اعطيه اي شي وهو زي ماقلت مزاجه صعب بالاكل يحب بس الدجاج واللحم والسمك ماياكل الرز كثير ولا الخضار مايرضى ياكلها نفسي اعلمه عليها.. |
رد: بسرعة قطي يستفرغ ابي حل
الدواء لمدة ثلاث ايام اذا خف خلاص
واذا ماخف زودي المدة وبخصوص الاغذية حاليا اعطيه زبادي بالعسل وسيريلاك بالقمح كوسة مسبوقة مهروسة |
رد: بسرعة قطي يستفرغ ابي حل
طيب ممكن تديني طريقة او حل كيف ممكن اخليه ياكل هالأشياء مايرضى ياكلها؟
|
رد: بسرعة قطي يستفرغ ابي حل
اول ما اديته الدواء ما مرت ١٠ دقايق رجع استفرغه =-O ايش اسوي ارجع اديه هو مرة ثانية
|
رد: بسرعة قطي يستفرغ ابي حل
للاسف ما استفاد من الدواء شي مجرد ريحته حتى تجيبله غثيان :-( :-(
عطيته زبادي وعسل بالقوة بس حسيته ميت جوع سلقت الكوسة وهرستها ما اكلها لين سلقت شوية صدر دجاج وحطيتها معاه .. هل هذه الحاله اعتيادية بالقطط يعني مو خطر لو استمرت اكثر من يومين ؟يعني اقصد اصبر عليه واعطيه الدواء حتى لو استفرغه لمدة 3 ايام عادي ولا لازم اوديه بيطري مع انه بعد عني جداً وصعب اروحله...اتمنى الاقي الحل بدل الطبيب |
رد: بسرعة قطي يستفرغ ابي حل
الله يشفيه لك يارب ويخليه لك
|
رد: بسرعة قطي يستفرغ ابي حل
حبيبتي معليه
اكيد بيستفرغ الدواء بس لازم تكملينه وتعطيه مو بكيفه لانه هو مايفهم الي يفيده من الي يضره واكليه بالسرنجة غصب عنه بس بالراحة عشان لاتجرحيه من فمه ولو انتي مش مطمنة عليه وحاسة انه حالته صعبة وديه لبيطري |
رد: بسرعة قطي يستفرغ ابي حل
الله يشفيه ..
|
رد: بسرعة قطي يستفرغ ابي حل
اطمنك باغيرا الحمدلله من العصر للآن ما استفرغ ..بس سؤالي انه لما يستفرغ الدواء ارجع اعطيه بنفس الوقت نفس الجرعة ولا انتظر الجرعة الثانية يعني انا اعطيته الساعة تقريبا 2 الظهر واستفرغه وللحين ما اعطيته قلت حديه بكرا بنفس الموعد ...
سؤال ثاني معليش ثقلت عليك لو انشالله يارب ظل لبكرة ما استفرغ يصير ابطل الدواء واستمر عالزبادي والعسل ولا لازم اكمل 3 ايام علشان ما يرجع ثاني |
رد: بسرعة قطي يستفرغ ابي حل
اديها شراب موتليوم من الصيدلية البشرية والجرعة على حسب وزن القطة
|
رد: بسرعة قطي يستفرغ ابي حل
الله يششفيهه ..وان شاء الله يتعافى
|
رد: بسرعة قطي يستفرغ ابي حل
اقتباس:
طيب الحمدلله بخصوص الجرعة خلاص لاتعتطيه بنفس الوقت حتى لو استفرغ الدواء بيكون الدواء وصل لجسمه يعني عالجرعة الثانية والافضل لك تكملين ثلاث ايام حتى يرجع بصحة قوية والف حمدلله على سلامته |
| جميع الأوقات بتوقيت GMT +3. الساعة الآن 06:37 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو