منتديات تو زوو - ابي استفسر منكم فقط

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - ابي استفسر منكم فقط (http://www.2zoo.com/vb/showthread.php?t=279816)

بسام العماري

29-07-2012 06:13 PM

ابي استفسر منكم فقط

السلام عليكم ورحمة الله

انا قطوتي الي سويت لها موضوع انها ماتتحرك

اليوم وديتها عند بيطري يقول ان عندها شلل كامل وعندها بكتيرياء تمكنت منها وراحت للمفاصل يقول يعني مالها اي علاج حتى لو عطيتها فيتامينات ومضادات ماراح تتعالج

اللحين ابي اخذ ارائكم وش اسوي في القطوة المشكلة اني طفشت منها حتى الشرب ماتشرب اعطيها بالسرنجة ماتشرب بالمرة ياليت تعطوني حل اسويه

انا كنت ناوي احطها في الشارع حتى تموت بس المشكلة اني باتحمل ذنبها

ابي حل اللحين منكم لاني ماني عارف وش اسوي

نوديوس

29-07-2012 06:41 PM

رد: ابي استفسر منكم فقط

طب حاول توديها لدكتور تانى يمكن يعرف يعالجها
و بعدين ما تيأسش إن شاء الله تخف و ربنا يجعل تعبك معاها فى ميزان حسناتك

فارسة الأحزان

30-07-2012 02:50 AM

رد: ابي استفسر منكم فقط

السلام عليكم ورحمة الله وبركاته

اذا ما في علاج حق السلل يفضل تعدمها يعني الدكتور يعطيته دواء عشان يموت هاي طريقه يزعل بس لازم ترحم الحيوان لان اذا ما تقدر تحرك او تسوي اي شي تراها يالسه تعذب

تقبل مروري المتواضع

و نتريا رد بافي الاعضاء

بسام العماري

30-07-2012 04:10 AM

رد: ابي استفسر منكم فقط

كل دكتور يقول نفس الكلام والله رحت لـ 6 دكاتره وكلهم يقولون مالها علاج

ابي اللحين اعرف وش اسوي بصراحة انا ماقدر اقتلها ولا اقدر اعطيها دواء عشان يموتها باتحمل ذنبها انا لاكن ابي حل اريحها وارتاح معها والله اني مانام دائما افكر فيها لو ماتت انا باتحمل ذنبها وماني عارف وش اسوي والله

S h a i 5 a ..

30-07-2012 04:18 AM

رد: ابي استفسر منكم فقط

هي تتعذب فانت مضطر انك تموتها

و وديها عند البيطري بيعطيها ابره و بتموت بسرعه

()

بسبس مياو

30-07-2012 06:24 AM

رد: ابي استفسر منكم فقط

ارسلها الرياض في جمعية تهتم بالقطط...ادري الرياض بعيده بس سوي فيها معروف وطلعها من ذمتك

artos

30-07-2012 06:30 AM

رد: ابي استفسر منكم فقط

اقتباس:

المشاركة الأصلية كتبت بواسطة S h a i 5 a .. (المشاركة 2645462)

هي تتعذب فانت مضطر انك تموتها

و وديها عند البيطري بيعطيها ابره و بتموت بسرعه

()

العلاج مو الموت حرام نموتها قبل يومها
-----------

حملها وطها فيتامينات بس تنشط جسمها للاكل وحاول تسليها

وحاول معاها بدجاج مسلوق بزبادي او بيطري يعطي مغذي

وحاول لعبها بخيط وكرة صغيره ممكن تتحمس وتتعود على حالها :freind:

بسام العماري

30-07-2012 07:14 AM

رد: ابي استفسر منكم فقط

والله حاولت بكل الطرق كل الطرق مقفلة في وجهي

اخوي بسبس مياو ممكن تعطيني رقم الجمعية او تدلني على مكانهم ويين بالضبط بالرياض وانا باوديها

الدلع

30-07-2012 07:14 AM

رد: ابي استفسر منكم فقط

وعليكم السلام ورحمة الله وبركاته
الله يثيبك وجزاك الجنة على حرصك عليها وحسن نيتك :88:
مع احترامي لرأي من سبقني واقترح قتل ألبسة عمدا فانا أخالف هذا الرأي جملة وتفصيلا :(
أنا أدرك ان القصد من ذلك أراحتها من الألم ولكن لا يجب ان نضع الوزر على بسام او من يشاركه من الاطباء في قتلها عمدا قبل ان تموت بشكل طبيعي o
وما يدريكم لعل الله بعثها ابتلاء له ليرى تصرفه معها فيجزل له الأجر والمثوبة ولا تنسوا اننا في أوسط الشهر الفضيل وفيه المغفرة ;)
مازلت على رأيي باحتساب الأجر في رعايتها وعدم التقصير في حقها حتى اخر رمق من حياتها يعني اخر لحظة من حياتها
احتفظ بها وأبشر بالخير فلن يضيع الله لك هذا العمل الطيب
لك خالص شكري وتقديري وموفق لكل خير

بسام العماري

30-07-2012 07:30 AM

رد: ابي استفسر منكم فقط

بإذن الله باهتم فيها لاخر يوم بحياتها

خلاص اتمنى اغلاق الموضوع واللي عنده حل مناسب يرسله لي برسالة على الخاص واذا نفع الحل حقه باذن الله باعطيه مكافأة مالية

باغيرا

30-07-2012 07:56 AM

رد: ابي استفسر منكم فقط

اسمع اخي الحبيب
1000 دكتور يقول لك مالها علاج
وانا اقول لك لها علاج بأذن الله ولك رسالة عالخاص

بسام العماري

01-08-2012 02:51 AM

رد: ابي استفسر منكم فقط

خلاص ياشباب بارك الله فيكم القطوة ماتت اليوم وشكرا على الي كل حاولو يساعدوني لاكن هذا قضااء الله وقدره

بسام العماري

01-08-2012 03:12 AM

رد: ابي استفسر منكم فقط

خلاص شباب اتمنى ماحد يراسلني عالخاص القطة توفت وشكرا لكم على المساعدة

نوديوس

01-08-2012 03:45 AM

رد: ابي استفسر منكم فقط

أخى العزيز لا تحزن ، فقد حاولت كل ما تستطيع لعلاجها، و ربنا يجازيك الخير عنها إن شاء الله

جميع الأوقات بتوقيت GMT +3. الساعة الآن 08:23 AM.