|
اريد الحل او النصيحه..
السلام عليكم ورحمة الله وبركاته
شحالكم؟؟وشخباركم.؟؟ ان شاء الله الكل بخير وسهاله سؤالي اليوم يتبع هالموضوع واللي ما قراء الموضوع يقدر يدخل على هالرابط http://www.2zoo.com/vb/showthread.php?t=276000 المهم يا الغالين لولو باضت تاريخ 30 -6-2012 مثل ما قلت في الموضوع اللى طاف المهم انا رحت في اليوم الثاني وجبت لها عش ونقلة البيضه وكان العش مغطي من فوق انا اليوم بما انه الجو حاااااااااااااار موت ورطوبه قلت خلني افتح العش من فوق منها اشوف الحلوه اللى اشتقت لها لانه ما تطلع من العش وبالمره اشوف البيض تفاجاة :eek: انه ما في غير بيضه وحده اللى كانت من قبل قلت ما عليه يمكن هي بس تنتج بيضه ورجعته ونظفت القفص ورجعت كل شي مثل ما كان بس العش تم مفتوح وهي الطير لحظة انها ثقيله مو مثل قبل مسكتها وشوف شو شفت http://www.2zoo.org/uploads/13416690531.jpg هل هذا طبيعي ولا باقي فيها بيض ومب قادره تطلعه ولا شو بالضبط؟؟ تنصحوني اعالجها بروحي طبعا بعد ما تعطوني العلاج ولا اوديها على البيطري؟؟ ومن قبل شوي كنت رايحه اريد اصور لكم العش لقيت البيضه مكسوره شوفوا والله اني صحت http://forum.z7mh.com/images/fisat/16.gif مع انها كانت نايمه عليها الظهر :( شو اسوي لها خبروني؟؟ http://www.2zoo.org/uploads/13416690532.jpg في انتظاركم ودي وشكر واحترامي للجميع اختكم قمر |
رد: اريد الحل او النصيحه..
اختي قمر
اتمنى تكونين بأتم الصحه والعافيه ومعوضه خير ان شاء الله بدال البيضه اللي انكسرت اختي بالنسبه للصوره الاولى الصوره غير واضحه اذا استطعتي تصورينها صوره اقرب واوضح يكون افضل مع اني اكاد اجزم انه احتباس بيض ويحتاج الى تدخل سريع ومساعده ولكن لو تجيبي صوره اوضح عشان نتأكد وكمان المسي بيدك برفق المكان المنتفخ هل تحسينه قاسي او لا واحتباس البيض يصاحبه اعراض ثانيه منها خمول شديد للطير وضعف هل الانثى تحسينها خامله وضعفانه بعد ما تحضرين الصوره اللي طلبتها وتجاوبين اسألتي ان شاء الله نعرف السبب ونعطيك الحل والشيء الثاني سبب كسر البيضه ممكن بسبب تطفلك على العش ويمكن بسبب تعب الانثى ماعاد تركز وكسرت البيضه من غير قصد مع ان العش اللي فيه البيضه غير مناسب ابدااااااا والخيوط اللي تحت البيضه ايضااا تفضلي هالرابط لموضوعي الموجود في القسم راح يفيدج عن العش المناسب والاساليب المهمه وغيرها http://www.2zoo.com/vb/showthread.php?t=259533 |
رد: اريد الحل او النصيحه..
الاخ محماس ما قصر
بس اضيف انوا وديها بيطري احسن لك عشــان هذي امانه برقبتنا عشان لو طلع عندها احتباس يساعدهـ ـا |
رد: اريد الحل او النصيحه..
اقتباس:
حل الاحتباس سهل ان شاء الله لكن انا في انتظار الصور والاجابات عشان نتأكد من الموضوع واعلم الاخت الخطوات باالتفصيل |
رد: اريد الحل او النصيحه..
الحمدالله على كل حال يا اخوي محماس انت شحالك ان شاء الله وما تملك باحسن حال..
وآمين يارب ويعوض كل من فقد شي غالي خير.. بالنسبه لطير اللى اهي لولو احسها متغيره بس مو خامله تتحرك بس حركتها مش مثل قبل وعلى فكره صايره عدوانيه وتعض ما كنت كذا وصح اهي ضعفانه ما كنت كذا وهذي الصوره وما قدرت اصور اوضح تتحرك بسرعه لما حد يجي عندها وحاولت امسكها يا دوب لمست المنطقه وعضتني عضت كفر وطارت http://www.2zoo.org/uploads/13416815821.jpg وبالنسبه للمنطقه مو قاسيه تحسها كانوا ماي محبوس زي البلونه لما يكون فيها ماي وصح كلامك يا اخوي بس انا ما كنت حاطه في بالي انهم للانتاج مجرد طيور زينه ومن بكره ان شاء الله اغير القفص واجيب بياضه زي اللى في الموضوع اللى حطيته بس هل بتنفعهم في هالوقت وشاكره لك ردك وجهدك يا اخوي ويعطيك العافيه وعساك على القوه |
رد: اريد الحل او النصيحه..
مشكور يا اخوي ذكريات بادجي على تواجدك والله بديت اخاف عليها موت انا ما همني تجيب بيض ولا تنتج بس صار المقدر والمكتوب الحمدالله اهي عندي اهم من اي شي هالطير بذات غير عن كل اللى عندي لو جاها شي بستخف
|
رد: اريد الحل او النصيحه..
ومشكور على اهتمامك يا اخوي محماس واسمحلي على التاخير انشغلت شوي
|
رد: اريد الحل او النصيحه..
اختي قمر
طيور الحب بالعاده عند وضع البيض تحط يوم بيضه واليوم اللي بعده ماتحط وثالث يوم تحط البيضه الثانيه يعني بين كل بيضه والثانيه تريح يوم واللي مريحني بعض الشيء من ناحيه طيورك انها وضعت اول بيضه قبل اسبوع تقريبا وعاده احتباس البيضه مايطول مع الطيور اكثر من ثلاث ايام يعني بالعربي اذا احتبست البيضه في انثى طيور الحب صعب جدا تكمل ثلاث ايام بدون حل او موت الطير وطيورك لها تقريببا اسبوع وهذا يخليني استبعد موضوع الاحتباس بعض الشيء خصوصا ان الطير نشيط شوي ومو خامل كلياا ولأنك تقولي الانتفاخ مو قاسي كمان هذا يخليني استبعد الاحتباس ربما يكون معها امساك لأنو معروف الطيور لما تحضن بيضها تحبس فضلاتها الى ان تغادر العش ومن الطبيعي جداا ان يحصل الامساك من وجهت نظري انا انصحك تعطين الطيور اليوم قطعه خيار او قطعه تفاح وتتابعين الوضع من اليوم الى بكره ان شاء الله يكون الوضع بكره افضل وانصحك تشيلي عنها العش حالااا عشان ترتاح ولا تروح تدور البيضه في العش وضروووري تتابعين الانثى بأهتمام واي تغير تحسينه منها تبلغينا اول بأول اهم شي الان ان لولو تتعلق في القفص وتوقف على المجثم وتتحرك بصوره طبيعيه والحمد لله لأنو لو كان احتباس وله اكثر من يوم كان المفروض انها طايحه في ارضيه القفص وقواها خايره مره وحركتها قليله اتمنى اكون افدتك ولو ببعض الشيء واحرصي اختي الغاليه على رابط الموضوع اللي اعطيتك وطبقيه بحذافيره وراح يعوضك ربي ان شاء الله بالانتاج القادم |
رد: اريد الحل او النصيحه..
ان شاء الله يا اخوي والله ريحتني .. وانا اليوم كان وجبة الموز لكل طيور بس للاسف ما كلت منه ولا جت صوبه كلت بس حب والحين اروح اشل العش واحط لها تفاح وانتظر وش يصير عندها وانا متابعتنها اول باول ومن بكره اغير القفص والبياضه وكل شي لها
ومشكور ما قصرت يا اخوي واي تغير او اي شي اجي هنا واكتبه لك يعطيك العافيه وعساك على القوه.. |
رد: اريد الحل او النصيحه..
ابشرك يا اخوي محماس باركلي
طلعت العش وكنت بحطه برع قال اخوي بفتش فيه يمكن يكون في شي تحت وطلعت بيضه آخر شي تحت بالمره رجعت العش وخليتهم انت شو تنصحني اسوي في هالحاله؟؟ |
رد: اريد الحل او النصيحه..
البيضه كانت مدفونه بسبب مواد التعشيش الغلط مثل ماقلت لك
اذا البيضه جديده وسليمه اوكي خيليها وشوفي ان شاء الله ترجع تحضن واذا ماحضنت هم مو مشكله دائما اول انتاج يصاحبه مشاكل يعني كلنا في البدايه سوينا مثلك وللمعلوميه ممكن تكون البيضه المكسوره هي اللي كانت محتبسه في الانثى وطلعتها مكسوره وهذي البيضه اللي حصلتيها هي البيضه الاولى كل شي جايز ع العموم انتي براحتك تبي تتركين لها البيضه اتركيها واذا تبين ترمينها وتبدين من جديد عادي |
رد: اريد الحل او النصيحه..
لا يا اخوي بتركها من الصبح بطلع بروح اخذ لها عش نفس اللى في الموضوع اللى طرشته لي وافرشه اجلك الله تبن واغير مكان البيضه واخليها في حالها واتابعها واشوف شو بيصير عندي وبخبركم^^
|
رد: اريد الحل او النصيحه..
بالتوفيق ان شاء الله
وفي انتظار الاخبار الجديده |
رد: اريد الحل او النصيحه..
يوفق الجميع ياااااااااارب
وباذن الله اوفيك بالاخبار بكره ومشكور على اهتمامك.. وعساك على القوه |
رد: اريد الحل او النصيحه..
هلا اخوي محماس شحالك ؟؟ ان شاء الله بخير وسهاله
اول شي اعتذر لاني انشغلت هاليومين مب عارفه اضبط جدولي بدا دوام الصيفي والله المستعان ثاني شي واللى هو اهم شي يا اخوي انا ما هنت علي اشوف لولو جيه رحت ووديتها البيطري قالي هذا احتباس سؤال بيروح من نفسه وعطاني هذا http://www.2zoo.org/uploads/13418553821.jpg وقالي نقطتين في الماء لمدة 3 ايام فقط وان شاء الله تصير احسن بس هو ملتي فيتامين شو دخله ما اعرف انا حطيت لها امس واليوم وباجر بحط لها ان شاء الله بس يا اخوي في مشكله اللى هي كانت قبل هذا كله حبوبه وتطلع على ايدي وبعد كل هذا صار عدوانيه مب مشكله بس اليوم العصر كنت طالعه من الغرفه رايحه اشوفها تفجآت انه الذكر اللى هو كعبول فوقها قاعد يلقحها انا وقفت ما تحركت لين خلصوا وبس جيت عندها تهجم على تريد تعضني من خلف القفص هالحركه جديده سوتها اول مره قبل لا تبيض بكم يوم واليوم رجعت تسويها هل معقوله بترجع اتبيض مع العلم انه البيضه اللى باقيه ابدا ما ترقد عليها وآسفه على الاطاله يا اخوي واتمنى الافاده وعساك على القوه ويعطيك العافيه اختك قمر |
رد: اريد الحل او النصيحه..
هلا بك اختي قمر
انا بخير يامال الخير المهم مدام البيطري قال احتباسس سوائل فهو اعرف مني لأنه شاف الطير ع الطبيعه واكيد بيكون تشخيصه افضل مني ان شاء الله مع انني في الاساس توقعته احتباس فضلات (امساك) عشان كذا قلت لك اعطيها خيار وتفاح وبالنسبه للملتي فيتامين ما اتوقع له دخل في حل هالمشكله لكن ممكن ان البيطري لاحظ ان لولو محتاجه فيتامينات عشان كذا اعطاك الملتي فيتامين اما مسأله تغير طباع الطير وميوله للشراسه غااااالبيه الطيور الاليفه في وقت الانتاج تتغير طباعها وانا اقول الغالبيه وليس الجميع لذلك هذا شيء نعتبره طبيعي جداا وماشاء الله على كعبول ماعنده وقت على طول بدا يلقح من جديد وافضل شيء انك احترمتي خصوصيه الموقف ولا ازعجتيهم لين خلصو ومدام بدا يلقح فهذا دليل على قرب الانتاج القادم بأذن الله وان شاء الله القادم احلى عليك بتقديم البيض بالبقسماط هذي الايام وتوفير مواد التعشيش ويفضل اضافه فيتامين eللطيور لأن هالشغلات لها تأثير ايجابي على خصوبه الطيور وتحسن فرص الانتاج وعلى فكره دامها بدت تجهز للأنتاج الجديد فهذا اكبر دليل انها ماراح تجلس على البيضه القديمه عشان كذا شيلي البيضه عنها واتركيها تجهز العش من جديد وان شاء الله تفرحينا بأنتاجك قريبا اختي الغاليه |
رد: اريد الحل او النصيحه..
دوم ياااااااااااارب يعل الخير دربك..
حتى انا مستغربه شدخل الملتي فيتامين بس هو قال يساعد انها تتخلص من السوائل بس بيني وبينك انا ما اثق في الدكاتره بس اثق في دكتوره هنديه وحده ولقيتها مسافره :( وبصراحه انا ماني قادره افهم هالشراسه اللى صارت فيها بس اعذرها اقول في خاطري تغيرات وشي يديد عليها فديتها وان شاء الله يا اخوي البيضه بشلها لانه اصلن وجودها في القفص ماله داعي..وبخصوص مواد التعشيش جبتها بكره بس افضى اركبها واصورها وانزلها هنا في الموضوع.. وسؤال بعد اذنك من وين اجيب فيتامين د القاه عند البيطري ولا في اكلات طبيعيه تحتوى على الفيتامين.. ومن بكره اسوي لها بيض وبقسماط باذن الله..بس كم يوم اسويه لها ولا بس يوم واحد؟؟ ومشكور حيييييييييييل واسمحلي تعبتك من كثر ما اسال وعساك على القوه احترامي وودي لك اختك قمر |
رد: اريد الحل او النصيحه..
عادي اختي لا اتعبتيني ولا شي
بالعكس والله واذا احتاج منك شكر فالشكر اللي احتاجه هو عندما ارى فروخ طيورك واعرف انك استفدتي بالنسبه للفيتامين انا قلت فيتامين e اللي هو فيتامين هـ المهم كلا الفيتامينين تحصلينهم عند البيطري واتوقع ان الملتي فيتامين يحتوي على الاثنين اصلا وفيتامين د للمعلوميه تحصل عليه الطيور من اشعه الشمس وايضا من الورقيات (خس-جرجير -وخلافها) والبيض بالبقسماط يفضل تقديمه مرتين او ثلاث في الاسبوع في هذه الفتره وطبعا تتوقفين نهائيا عن اعطائه للطيور بعد وضع البيض في فتره حضانه البيض ونرجع لأعطائه الطيور بعد التفريخ بشكل يومي لأنه يساعد الطيور في اطعام فروخهم |
رد: اريد الحل او النصيحه..
هلا وغلا باخوي محماس
اول شي السموحه منك على التاخير النت كان عندي خربان وهذي صورة البياضه والقفص http://www.2zoo.org/uploads/13423862961.jpg http://www.2zoo.org/uploads/13423862962.jpg والبياضه يا اخوي فيها بيضه وحده فقط ولا ترقد عليها لولو ابدا لانه نادر تدخل داخل البياضه ما ادري شو اسوي لها وصح انا دايم افرش ارضيت القفص بنشارة الخشب لانها ما تعبني بالتنظيف لانه صايره مشغوله حيييييييييييل وشفت هالطريقه تنفع اخليها يومين والثالث انظفه هل بيضرهم؟؟ http://www.2zoo.org/uploads/13423867711.jpg والجو عندنا حر مووووووووووووووووووووووووووووووووت انا فليل فقط ابل شيله بماي وانشفها وافرشها على القفص عادي ولا لا؟؟ http://www.2zoo.org/uploads/13423868741.jpg ولك جزيل الشكر وعساك على القوه يا اخوي محماس اختك قمر |
رد: اريد الحل او النصيحه..
ماشاء الله تبارك الله
قفص رائع والبياضه حلوه (ولو اني افضل البياضات العموديه مثل اللي في الموضوع اللي عطيتك رابطه قبل) اول شي البيضه اللي موجوده في البياضه هي البيضه القديمه صح ولا لا؟ اذا كانت هي نفسها شيليها خلاص اكيد اختربت ويمكن الانثى الى الان ماتدخل البياضه لأنها للحين ماتطمنت لها وهذا شي عادي فتره وتتعود مع انني ارى انك وضعتي في البياضه نشاره الخشب وانا لا افضلها والافضل الكارينا (سعف النخيل) ومتوفر في كل مكان الحمد لله يغسل ويوضع في ارضيه القفص والطيور بنفسها راح تنقله للبياضه وترتبه طريقه وضع شرشف مبلول على القفص لا بأس بها ولكن الافضل وضع الطيور في مكان مكيف وطبعا ليست مقابله لتيار الهواء ولكن مكان نسبيا بارد ((الايام هذي ياقمر حنا واحنا اهل الديره مانقدر نجلس برا في هالجو اجل كيف الطيور)) وفي الاخير وضع نشاره الخشب في ارضيه القفص لا بأس به بالعكس هو الافضل لعدم تراكم الاوساخ وتجمع الحشرات بشرط عدم وصول الطيور له وهذا الليي انا شايفك عاملته صح |
رد: اريد الحل او النصيحه..
هلا وغلا يا اخوي محماس شحالك؟؟ان شاء الله تكون بالف صحه وعافيه..ومبروك عليك الشهر مقدما..
وبالنسبه للبياضه هذا اللى لقيته عند المحل اللى اتعامل عنده وما كان عندي وقت الف ادور غيرها واذا ما تنفع اغيرها واجيب غيرها.. وبالنسبه للبيضه انا شليتها اليوم الصبح لاني حسيت ما منها فايده بس لما كسرتها كان فيها زلال ابيض وكم نقطة دم شو معناته هالشي؟؟ والحين اروح اجيب سعف نخل بس يفضل الجاف ولا الاخضر واحطه في ارضية القفص .. وبالنسبه للي في البياضه اشله واخليها بدون شي ولا اخلي شوي من نشارة الخشب وخيوط الصوف؟؟ وانا والله الشمس طيوري ما يشوفونها غير الفجر اقل من 5 دقايق فقط لا غير طول اليوم حاطنهم في الممر بس مو مكيف الحين قررت اجيبهم في الصاله لانه مكيفها مو بارد معتدل بالنسبه لنا دافي مو بارد يعني بالنسبه لهم بيكون كويس وصح انا احطه في الارضيه آخر شي في صحن القفص اللى تحت الطيور ما اطوله..واصلن عشان ما يلعبون فيه قررت اليوم العصر اروح اجيب لهم العاب جديده تسليهم عشان لا يفكرون يتسلون في نشارة الخشب ابداً ومشكور يا اخوي محماس وعساك على القوه يااااااااااااااااارب اختك قمر |
رد: اريد الحل او النصيحه..
اهلين ياقمر
ومبروك عليك الشهر خيتوو بالنسبه للبياضه انا ما اقول ماتنفع لكن قلت العموديه افضل وهذا شي يمكن يخالفوني فيه بعض المربين ((يعني كل واحد وله قناعاته)) مايحتاج تغيرينها ان شاء الله توكلي على الله اما سؤالك الثاني عن البيضه مدام فيها نقط دم الحمد لله هذي بادره خير معناها ان البيضه كانت ملقحه ونقط الدم هي بدايه تكون جنين لكن اكيد بعد ماهجرتها الانثى انه ما اكتمل ومات والحمد لله على كل حال سعف النخل مثل ماقلت لك الافضل الجاف تغسلينه وتحطين قليل منه في البياضه والباقي في ارضيه القفص والطيور راح تقصصه وتنقله للبياضه وفرغي البياضه من اللي فيها ممكن تتركين فيها قليييل من نشاره الخشب لكن خيوط الصوف شيليها مره لاتتركي منها شي بالتوفيق خيتوو |
رد: اريد الحل او النصيحه..
هلا وغلا
وعلينا وعليك يا اخوي وان شاء الله بتوكل على الله وبخليها والحمدالله على كل حال وانا الصراحه متفائله القادم اجمل ان شاء الله وبالنسبه للي في البياضه طلعته لانه اليوم الصبح علق ظفر لولو في خيوط الصوف وحشرت الدنيا صراخ لين شليته عنها والله عورت لي قلبي لانها كانت خايفه فديتها والحين باذن الله اخلي شويت من النشاره واحط سعف النخيل الجاف بعد غسله في البياضه والباقي بعلقه في القفص اسهل عشا تاخذ منه بدال ما تنزل تحت وتطلع حرام جهد عليها ويوفق الجميع يا اخوي ومشكور حييييييييييييييييييييل وعساك على القوه ويعطيك الف عااااااافيه اختك قمر |
| جميع الأوقات بتوقيت GMT +3. الساعة الآن 10:47 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو