|
محتاجه مساعدتكم ضروري
محتآجه مسآعدتكم مره
بسي من الصبح يموي , ويآخذ وضعية البول كثير كل دقيقتين ومايطلع شي معآه ومن اليوم ييطلع لسآنه ويلهث زي طريقة الكلآب ويموي مدري ايش قصته |
رد: محتاجه مساعدتكم ضروري
يآرب أحد يرد علي : (
|
رد: محتاجه مساعدتكم ضروري
اختي رونق ,
من شرحك ان القط فيها إمساك مو قادر يخرج , بس عشان نتأكد يسوي هالحركة بالليتر بوكس ؟ بالتراب ؟ المسي بطنه من تحت لو كان يابس وإذا مسكتيه ممكن يتضايق لو كان ايه , اظن اللي فيه إمساك قوي , الدوا العجيب والرخيص بنفس الوقت , تروحين اي صيدلية بشرية , تجيبين زيت خروع بدون نكهات , اذا كان القط عمره فوق السنة اعطيه ملي ونص , اذا اقل من سنه الى 6 شهور ملي , بإذن الله ساعات ويخرج طبيعي ,, ماعليه خوف بإذن الله , |
رد: محتاجه مساعدتكم ضروري
هلآبك أخوي
اي صح مسكت بطنه وقعد كأنو يصرخ وعضني وقاعد يموي بصوت مره عالي , واحسه شرآني ويطلع اصوآت غريبه وكمآن مشيته تتغير بعد ماياخذ وضعية البول اول مره أشوفه يمشي كذآ بس هو اذا اخذ وضعية البول مرره يطول ومايسوي شي يقعد حوالي نص سآعه انا قلت يمكن رجع يطلب تزآوج ثآني مره : ( لانه يروح لكل مكان يسوي وضعية البول بس ماشوف شي طالع منه ومافي ريحة بول وهو عمره صار سنه تماما |
رد: محتاجه مساعدتكم ضروري
آوكي ,
اجل انصحك سوي الطريقة اللي قلت لك عليها ,, |
رد: محتاجه مساعدتكم ضروري
طيب كيف اعطيه .. ؟
يمكن مايتقبله , وبإيش اعطيه وزيت الخروع أنواع ايش اعطي اي وآحد واذا عطيته ع طول يشفى لانو مره كاسر خاطري , حتى نوم مانام يجي ينسدح بعدين يقوم للحمام .. وحتى اكله صاآير خفيف مره وشفت الليتر بوكس من امس الصبح مغيرته له بس ماسوى فيه شي ابدا الا بول بس وأكيد زيت الخروع مو مضر |
رد: محتاجه مساعدتكم ضروري
اقتباس:
تعطينه بالسرنجة , تاخذينها من الصيدلية بدون ابرة طبعاً , زيت الخروع فيه نكهات فراولة , نعناع .. الخ خذي بدون اي نكهة , يعني يوم تعطينه اكيد ماراح يخرج بنفس الدقيقة ويشفى لا , ممكن ساعات ويخرج طبيعي , إذا شفتِ تحسن وقفي , إذا تشوفين باقي القط يتعب عند الاخراج عطيه , وزيت الخروع مو مضر ابداً , مثله مثل زيت الزيتون , ونعطيه للاطفال عند الامساك القوي , وانا مجربه على مارشا , قعدت اسبوع ماتخرج , ومن بيطري لبيطري , يعطوني ملينات لكن ماتجيب اي نتيجة , لكن الخروع مثل السحر بالنسبة للامساك وعلاجه , وانصحك تجربينه .. بالتوفيــق .. |
رد: محتاجه مساعدتكم ضروري
الله يعطيك العآفيه اخوي بدر , مآقصرت والله
ادري زهقتك بس آخر سؤآل اعطيه مره وحده بس باليوم .. ؟ |
رد: محتاجه مساعدتكم ضروري
ياربي جاء تبول بالصاله
بول ريحته مره قويه ولونه اورآنج حتى ذيله عليه البول مره لونه غآمق جآي اورآنج ع بني |
رد: محتاجه مساعدتكم ضروري
ايش القصه
فجأه صار يمشي ويتبول بكل مكآن ولونه اورانج او بني فآتح مدري ايش قصته سآعدوني اخاف فيه مرض :( |
رد: محتاجه مساعدتكم ضروري
حاله القط صعب تشخيصها من كلام انا لو بشوفه بالفيديو ممكن افيدك لكن من كلامك صعب في مليون حاله مرضيه تشابه الاعضاء الي ذكرتيه واول ماقريت كلامك حسيت يطلب التزاوج لانه اذكر القطط الذكور ممكن تسويها على الفراش على وضعيه التزاوج وهذا دليل الذكر يطلب التزاوج ويتبول بكل مكان وبخصوص لون البول اذا مافيه اي دم ان شاء الله سليم واللون الاصفر هذا عادي وخصوصا لما يكون غامق بس تاكدي اذا تبول مره ثانيه ولاحظتي هالمشكله احتمال تكون المشكله بالمسالك البوليه [ احتباس البول ] وهالشي لازم تدخل البيطري ويكشف عليه ومن اسباب احتباس البول اقتباس:
وان شاء الله يكون طلب تزاوج ياليت فيديو نقدر نساعدك |
رد: محتاجه مساعدتكم ضروري
انآ اعتذر اذآ رآح اقرفكم بالصوره
انا ماعرف انزل فيديو , بس صورت لكم لون البول وجد اعتذر منكم ع القرف , المهم سوآ نفس الشي اربع مرآت ورآ بعض http://img04.arabsh.com/uploads/imag...444e62f102.gif تبول بالصآله ثلاث مرآت وبالمطبخ مره كلهم بنفس الكميه الا اول مره كانت نقط : ( وريحته جدا جدا كريهه وقويه , حتى هو وسخ نفسه , رجوله مليآنه وذيله انقرفت منه : ( ومره ثآلثه اعتذر على الصوره |
رد: محتاجه مساعدتكم ضروري
انا اشوف لون البول مافيه شي
المشكلة بالتصرف انتي عطيني بعض الملاحظات ؟ يماوي دايما ؟ ويلعق منطقه التناسليه ؟ وبخصوص التبول تلاحظين ياخذ وقت ؟ وهذي بعض الملاحظات ؟ اقتباس:
|
رد: محتاجه مساعدتكم ضروري
امس لاحظته يمآوي كثير
ويطلع اصوآت غريبه مره كأنه يبي يهجم واذا مسكته عضني هو مو كذا مره اليف بس طالع شرآني من امس اي ويلعق منطقته التنآسليه مره كثير ولمآ يآخذ وضعية البول يطول مره يقعد حوآالي نص سآعه بس لما عملها قبل شوي بسرعه ورا بعض ماخذ وقت ابدا وبطل يمآوي ويطلع اصوآآته الغريبه شربه للمويه عآدي مو بكثره بس امس لاحظته مآيآكل الاكل اللي سويته بس يآكل درآي فود .. وبالنسبه اذا بطنه منتفخ مدري هو شعره مره كثير مايبين , ولما امسك بطنه يعصب ويعضني ويمخشني :( |
رد: محتاجه مساعدتكم ضروري
اختي انصحك تراجعي البيطري باقرب وقت عشان يكشف عليه لانه ممكن يكون عنده التهاب او ممكن يكون طالب تزاوج لانه مدري كم عمر القط بس الافضل تراجعي البيطري يا اختي والله يخليك قطك ويشفيه يا رب
|
رد: محتاجه مساعدتكم ضروري
انا اتصلت في البيطري حقه
ولما قلتله الاعرآض قالي انا من زمآن حكيتلك طآالب تزآوج : ( اليوم بآخذه ع المحل اللي دليتني عليه اتصلت فيهم وقالولي جيبيه يقعد اسبوع عندهم مع اني ماصبر عنه يوم بس مضطره : ( عزوز هو عمره قريب للسنه او سنه تماما لان هو جايني هديه وماعرف عمره بالضبط بس الدكتور قالي يمكن 11 شهر او سنه |
رد: محتاجه مساعدتكم ضروري
طبيعي في السن هذا يطلب زواج على العموم انتي شوفي وش يصير معاك وطمننينا :)
|
رد: محتاجه مساعدتكم ضروري
اختي اعتقد طالب التزاوج ولاتودينه نصيحه اسبوع برا البيت هذا يغيره وراح تتغير صحته ممكن تعرضينه للتزاوج عندنا بالمنتدى في عضوات مو مهم النوع المهم قطتها تنجب شوفي هالصوره هل ياخذ نفس وضعيه التزاوج ؟ http://im24.gulfup.com/2012-07-02/1341228510241.jpg ومن حالات الاحتباس البول يتردد للمكان كثير ولا يخرج منه شي بس دامه يتبول الحمدالله |
رد: محتاجه مساعدتكم ضروري
هو امس لمآ أمسك بطنه يتضآيق بعدين يصرخ ويعضني
وبعد مآتبول صآر عآدي , اليوم مسكت بطنه مآسوآ شي وامس طول الوقت يطلع اصوآت ومآيبيني اليوم عآدي يطلع صوت القرقره ويحك رآسه بإيدي وبالنسبه للصوره اللي انت حآطهآ هو يآخذ نفس هالوضعيه بس مايطلع معآه شي انا ع بالي هي وضعية البول احيانا يطول مرررره وهو مسوي كذآ واحيانا لا |
رد: محتاجه مساعدتكم ضروري
انا عرضته في قسم طلب التزآوج
ان شآء الله الاقي رد بأسرع وقت |
رد: محتاجه مساعدتكم ضروري
اي معناته طلب التزاوج
والبطن على فكره كل القطط ماتحب احد يمسك بطنها حتى القطط الصغيره تلاقينه يعضك |
رد: محتاجه مساعدتكم ضروري
الله يعطيك العآفيه مره افآدتني ردودك ,
والجميع الف شكر لكم مآقصرتو |
| جميع الأوقات بتوقيت GMT +3. الساعة الآن 01:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو