|
أرجوكم ساعدونى
انا عضوة جديدة
ولكن قطتى تقريبآ تعبانة ساعات وهى صاحية مبتقدرش تقف خالص واعصابها بتتشد بحس انه من الحر تقريبآ هى كدة ولكنها بترجع عادى وهى بتاكل وبتشرب عادى وانا بأكلها سلمون ماكريل وبطرى عيش فينو واكلها وهى من النوع اللى بتدخل الحمام كتير وساعات بتهرش فى اذنها وانا على طول اخدها واطريلها اذنها بحبة مية بس مش بدخلها فى اذنها خالص وساعات مثلآ وهى بتنط على اى حاجة تقع على الارض تانى بس وقعة خفيفة ممكن تقولولى اعملها ايه الله يخليكوا لان انا كان عندى قطة تانية واتوفت من سنتين ونونا دى كانت موجودة لكن صغيرة اوى ومن ساعة بوسى القطة الاولانية ماتوفت وانا خايفة على نونا من الهوا |
رد: أرجوكم ساعدونى
تقريبا كم عمر نونا قطوتك الحالية و يمكن شافت شي يتحرك مثل حشرة او كدي
|
رد: أرجوكم ساعدونى
نونا داخلة فى التلات سنوات ربنا يخليها يارب
|
رد: أرجوكم ساعدونى
لالا معندناش حشرات
بس بحسها ضعيفة خالص وكمان بتعمل ساعات الحمام بتاعها اسهال كدة بس الحمدلله مش مدمم ولا شئ انا كانت قطتى الاولى بوسى عندها الحمام فيه دوود ابيض كدة والدكتور اداها حقنتين ومستحملتش وماتت وعرفت بعد كدة من شكل الدوا انه اداها سم القطط منه لله لكن نونا انا خايفة عليها ومش عايزة اوديها لدكتور |
رد: أرجوكم ساعدونى
ياجماعة ساعدونى ارجوكم
|
رد: أرجوكم ساعدونى
الاسماك فيها نسبه دهون ولاتعطينا اكلات مسهله وملينه عطيها لحم مفروم [ ني ] او لحم دجاج سوى ني ولا مسلوق مافرقت عطيها الداري فود تجديد نوع الاكل بدال الاسماك والاشياء الملينه وتاكدي من داخل اذنها نظيفه تماما لانه ممكن تهرش وتسبب حكه جنونيه لو فيه حشرات وتكون عصبيه شوي وتاكدي من شعرها نظيف وخالي من اي شي والله يخليها لك |
رد: أرجوكم ساعدونى
تاكدي من حرارتها ظروري ..
اما بخصوص الاذن هل فيها اوساخ نية او سوداء لانه الهرش عندها مو طبيعي احمال يكون عث او اوساخ نتظركـ |
رد: أرجوكم ساعدونى
لا هى شعرها نظيف الحمدلله
بس اعرف حرارتها ازاى؟؟ وانظف اذنها ازاى؟؟ ممكن سؤال تانى معلش انا اسفة ايه حالات السعار للقطط واحدة صاحبتى شكة فى كدة ممكن تقولولى ؟؟ |
رد: أرجوكم ساعدونى
دى صورة قطتى اللى اتوفت قبل ماتموت بسنتين اسمها بوسى
http://img6.imagebanana.com/img/1yqh3tuf/Image036.jpg دى صورة قطتى الحالية نونا http://img6.imagebanana.com/img/5ubqpt86/Doddy0036.jpg ممكن تعرفولى نوعهم الاتنين |
رد: أرجوكم ساعدونى
قطتى نونا بتهرش فى اذنها بس مش كتييير اوى عادى يعنى
بس عرفونى انظف اذنها ازاى من غير ما اضرها بس اصل بوسى مكنش عندها حاجة فى اذنها وكانت حلوة نظيفة لكن نونا بلاحظ اه فى اذنها حاجة سودا بس مش دائمة الحكة خالص وكمان بتعمل اسهال بنى وبرضو مش على طول عادى بس مفيهاش حاجة اعرف منين حرارتها |
رد: أرجوكم ساعدونى
معلش اسفة انا سمعت ان اللحم النى ممكن يجيبلهم صرع او السعار
ممكن اعرف حالات السعار ده او الصرع |
رد: أرجوكم ساعدونى
لا تعطيهم اكل نئ نهائيا لانه مضر بالقطط وهو احد مسببات داء القطط على حد علمي
|
رد: أرجوكم ساعدونى
شوفي يانونا بالنسبه للحراره تعرفي من اذنها اذا كانت حاره عندها حراره اعطيها علاج الاطفال مسكن الحراره اخلطيه مع حليب
بس كميه قليله انا اسوي كذا مع قطتي وان شا الله تشفى بالنسبه لاذنها استخدمي اعواد تنظيف الاذن العاديه ودخليه بذنها بس موجوا بمكان الاسود وامسحي بمطهر بيتادين خففيه بمويه وان شا الله ماعليها شررر |
رد: أرجوكم ساعدونى
بالنسبة للأسهال اعطيها
شراب انتينال للأطفال من الصيدلية البشرية اعطيها سم مرتين يوميا بالنسبة لقياس الحرارة تضعي يدك في المنشطقة الي ما فيها شعر داخل اذنها و تشآفي باردة و لا ساخنة و لا ايهن بالنسبة لتنضيف الاذن تجيبي اعواد تنضيف الاذن و نضفي كويس من جوه بس لازم تأكليها كويبس انتي بتأكليها قليل جدا تفضلي النظام الغذائي ده الفطار جبنة كيري او مثلاثات او كاسات المراعي او شيدر مع بيض مسلوق و خضار مشكل و اي سؤال تفضلي الغداء حليب دافي او زبادي بالعسل او نشا ارز مسلوق علشان الاسهال العشاء دجاج مسلوق - لحم مسلوق - سمك - كبدة - كل انواع اللحوم على شرط ان تكون مسلوقة جيدا و غير مضاف لها اي بهارات |
رد: أرجوكم ساعدونى
الله يخليكم يارب
بس عارفة انا بأكلها كدة ضعيف انا اعتبر معيشاها على السلمون طيب وايه هى حالات السعار دى؟؟ وانا كنت بشربها اللبن بس كان بيجبلها اسهال؟؟ طيب والزبادى ينفع المحلى من دانون او كدة؟؟ اسفة والله انا بربى القطط من اربع سنوات واكتشفت انى معنديش خبرة خالص والله نونا صعبانة عليا جدآآآ وبوسى حبيبتى والله ماكنت بأكلها غير سلمون وعيش فينو طيب انا نزلت بالصفحة الاولى صور ليهم حد يقدر يحددلى نوعهم؟؟ |
رد: أرجوكم ساعدونى
طيب انتينال كبسولات اعمله ازاى ولا شرب العادى ده واحط اد ايه؟؟
والله قطتى نونا البيضاء دى رفيعة جدآآآآآآآآ بس هحاول أأكلها حلو من بكرة ان شاء الله انا خايفة عليها اوى ارجوكم ساعدونى وكمان انا عايزة اعرف ايه هى حالات الصرع او السعار وبيجى من ايه؟؟ |
رد: أرجوكم ساعدونى
انا صحيح نظفت اذنها الحمدلله وعرفت تمام كدة
طيب انا بحس نونا قاعدة لوحدها يعنى بتنونولى علشان الاكل بس بتطلع تنام على رجلى عادى وكمان بتحبنى العب فى شعرها واهرشلها كدة عادى بس بحسها زعلانة اعرف منين انها زعلانة او اتعامل معاها ازاى وهى زعلانة؟؟ معلش والله انا تقلت عليكم لكن انا معنديش خبرة خالص |
رد: أرجوكم ساعدونى
يالهوى ايه سم ده هاموتها ولا ايه هههههههههه لا مش مشكلة الاسهال هو انتينال هيقوم بالواجب
|
رد: أرجوكم ساعدونى
شوفي اللحم الني
بيخلي القطط شرسة و ممكن يجبلها امراض اما عن بيجيب سعار او صرع و الله اول مرة اسمع عن الحكاية دي اما بالنسبة للحليب فعلا الاكثار منه بيجيب اسهال كذالك كل منتجات الالبان لا تعطي القطة كمية تزيد عن نصف كوب زبادي يوم نعم و يوم لا و كذالك الحليب اما بالنسبة للزبادي المحلي لأ لا تعطيها زبادي محلي لانه في سكر و السكر و التوابل عموما خطرة جدا على القطط لازم زبادي عادي و يريت يكون قليل الدسم كمان اما نوعهم ف بوسي ما شاء الله عليها زي القمر نوعها شيرازي بين المون فيس و الهاف بيكي اما عن نونا ما شاء الله عليها تجنن نوعها شيرازي هاف بيكي اما عن انتينال ده دواء شرب من الصيدليه البشرية و تعطيها منه واحد سم مرتين يوميا اختي الحبيبه جدا سم اختصار ل سنتي متر يعني اشتري سرنجة و امليها لحد رقم واحد و اعطيها لقطتك الجميلة مرتين يوميا علشان الاسهال اما عن السعار او صرع اظنه مرض وارثي او كدة بالقدر و هوه نادر جدا لا تخافي منه و لما تزعل امسحي عليها و اقرئة لها قرأن بصوت رقيق او غني لها و لاعبيها و خليكي معها كتير علشان لا تشعر انها واحدها و عادي كلنا كنا في الاول كدة و اكتر كمان ههههههههه اي سؤال تفضلي يا اختي العزيزة |
رد: أرجوكم ساعدونى
كتر الف خيرك حبيبتى والله انتى دخلتى قلبى لانك وقفتى جنبى الله يخليكى يارب
هو انتى مصرية؟؟ علشان اسألك بس عارفة الزبادى اللى غطاه ابيض ده وهو ابيض هو فعلآ محلى وكدة أأكلها منه؟؟ وعارفة الدانيت هى وانا باكله بتيجى معايا وبأكلها وماشاء الله تاكله معايا بس يجيبلها اسهال فظيع بس مش كتير انا بجيبه لالا من فترة لفترة وكمان اللانشون والجبنة الرومى انا امبارح اكلتها منهم وكلت برضو انا عندى نونا الحمدالله تبارك الرحمن ممكن تاكل بس بخاف عليها من اللى حصلى فى بوسى بخاف عليها جدآ لدرجة انى بخاف تنزل لحسن تقع فبشلها وانزلها عالارض وبخاف تقف فى البلكونة ولما بتدخل الحمام بقف ادامها عقبال ماتخلص وكمان عندها عادة وحشة علشان انا عودتها انى اشطفها وهى صغيرة بعد الحمام خدت على كدة ومبتنظفش نفسها لازم انا وكمان فى حاجة حبيبتى والله عارفة انى تقلت عليكى والله بس عارفة انا مش بعرف انشفها بعد الحموم لما بحميها هى بتكون شبه هادية لكن لما برفعها من الطبق بقا علشان انشفها يالهوى مش بعرف امسكها وبتقعد تخربشنى وفكرت فى السشوار وهى جبانة جدآ بتخاف حتى من خيالها بس عادى مش الجبن اللى يزهق يعنى لا عادى انتى ايه رأيك؟؟ |
رد: أرجوكم ساعدونى
حبيبتى صحيح ممكن سؤال بس
هو انتى قصدك ايه بالتوابل الملح والفلفل وكدة ولا ايه بالظبط علشان انا ممكن وانا باكل اديلها فراخ بس مش عارفة فيها ملح ولا لا وهل جلد الفراغ ده غلط عليها؟؟؟ |
رد: أرجوكم ساعدونى
اه جلد الفراخ غلط اكيد ومادام وانتى بتاكلى بتاكليها حاجات بسيطه مفيش مانه لو عليها ملح بسيط
اما لو هتعملى الاكل ليها مخصوص بيكون عباره عن فراخ ومايه بس بدون اى اضافت تقدرى بقى تضيفى معاهم خضار وكدة |
رد: أرجوكم ساعدونى
شكرآ لكى حبيبتى
بس انا خايفة لحسن تقوم جعانة يعنى انتوا مش شايفين ان نص علبة زبادى بالعسل وبيضة مسلوقة ده هيشبعها؟؟ ينفع اعملها شوربة الخضار كاملة يعنى بطاطس وفاصوليا وكوسة كله مسلوق بس برضو هيكون مضاف عليهم ملح وتوابل طب اعملها ازاى؟؟ |
رد: أرجوكم ساعدونى
بصى يا قمر انتى هتفطريها مثلا بيضه ومثلث جبنه
شويه وطبعا هتجوع اكليها مثلا زبادى شويه واعملى ليها زى مابتقولى كدة شوربه خضار بس بلاش توابل وكدة يعنى مثلا لو انتى هتعملى ليكى شوربه خضار اعمليها عادى ومضيفيش الملح والبهارات غير لما تاخدى للقطه شويه يعنى بعد ماتستوى ضيفى بقى الملح والبهارات ليكى زى مانتى عايزه بعدين شويه وهتاكليها مثلا دراى فود او اى حاجه قطتك بتحبها |
رد: أرجوكم ساعدونى
ماشى كتر الف خيرك ياحبيبتى
طب ممكن سؤال تانى معلش؟؟ ينفع احط لنونا برفان بعد الحموم ولا غلط؟؟وكمان انا بحميها بسباركل هو ده غلط على شعرها؟؟ واعرف منين اذا كان عندها حشرات وعلاجها ازاى؟؟ |
رد: أرجوكم ساعدونى
برفان وسباركل ده ايه الهنا ده :D لا يا قمر الحاجات دى خطر جدا جدا على القطه وسباركل ده هيوفعلك شعرها وهيسببلك مشاكل فى الجلد استخدمى شابمو خاص بالقطط او شامبو جونسون لاطفال ولو عايزه حاجه تخلى ريحه القطه حلوة عندك الرداى كلين من الصيدليه البيطريه ريحته تحفه والحشرات الى هى البرافيت هتلاقيها بتتنطط فى شعر القطه وكمان هتلاقى حاجات سوده كدة كتير وعلاجها الريفوليشن من الصيدليه البيطريه بردو بس هاقولك على حاجه كويسه جدا وتعتبر بتبعد عنهم الحشرات هتجيبى من الصيدليه البشريه دوا اسمه اكتوميثرين لاطفال وهتحطى غطا من ه على ليتر مايه وبعد ماتحمى القطه وتغسليها من الشامبو تروحى غسلاها باللتر المايه الى فيه الدوا ده وبعدين تنشفيها كويس |
رد: أرجوكم ساعدونى
يانهاااااار.....
دانا كنت بحميها بالشاور جل الاول وبعد كدة الشامبو والبلسم يالهوى طيب انا هجيبلها جونسون ان شاء الله طيب والدموع دى من صغرها تدمع وهى بتاكل وانا امسحلها دموعها بالمنديل وكدة تفتكرى حلها ايه؟؟ |
رد: أرجوكم ساعدونى
اهلين حبيبتي نونا
لاتستخدمي الراو فود " الاكل النيئ " لانه محتاج فهم و مو اي احد يقدر يجيب لحم نيئ ويحطه قدام القطة ! اللي يستخدمون الراو فوود يستخدمونه بالتدريج و بالتعقيم وطريقة التعقيم شبه طويلة وتحتاج مقاسات المهم استخدمي صدور الدجاج المسلوقة و دراي فوود رويال كانن هير اند سكين مرة باليوم عشان ماتتعود عليه وحاولي تبعدي عن القمح و الخضار و اي مصدر نباتي لان القطط مو مثلنا مزدوجة التغذية ، معدتها مخصصة للحوم فقط بالتوفيق |
رد: أرجوكم ساعدونى
الله يسترها عليها يارب
طيب انا الدراى فود بخاف منه ده انا عندى واحدة صاحبتى والله بتأكل قططتها البمية والرز والفاصوليا وكل ده مطبوخ والقطط تقييييييلة ورخمة انا مش بحب القطط التخينة ولا الرفيعة الوسط كدة بتكون حلوة |
رد: أرجوكم ساعدونى
:|
تحمميها بالشامبو لااا يفضل ماتحمميها غير مرة بالشهر + فيه مناديل معطرة خالية من الكحول " خاصة بالاطفال" تقدري تستخدميها وتمسحي رجولها وايدينها مرة في الاسبوع فقط والحمام اقل شي مرة في الشهر لا ممكن مريضة ومو واضح عليها او تختلف او تكون حالة نادرة انها تتحمل ! مو شرط قطتك تتحمل :( الدراي فوود انواع كثير كويسة مثل رويال كانن + مياو مكس حاولي تتجنبي ويسكاس والانواع اللي تتم تعبئتها في المحلات :rolleyes: انا قطتي سنة و 8 اشهر عايشة على دراي فود رويال هير اند سكين وماتاكل اي شي ثاني وعايشة الحمدلله المهم اننا مانعطيهم انواع رخيصة + نخربط لهم في الاكل |
رد: أرجوكم ساعدونى
لالا مرة بالشهر؟؟؟بجد؟؟؟
انا اسمع مرتين بالاسبوع لكن مرة بالشهر طب ليه؟؟ دى نونا بتاعتى بيضا بسم الله ما شاء الله بيبان بها التراب على طول طب اعمل ايه؟؟ |
رد: أرجوكم ساعدونى
اقتباس:
مرة بالشهر عشان القطط على جلدهم مادة تحمي الجلد ومع الحمام المتكرر المادة دي تتلاشى وبكذا تحصل امراض جلدية وممكن حكة وجلدها يتجرح والشعر يزيد تساقطة انتي لمن حتربي قطط حتسمعي وحتسمعي وحتسمعي ومش كل اللي نسمعه نروح نطبقه على طووول على ارواح ربنا ، ممكن اللي نسمعه نبحث عنه ونسال ونشوف تجارب الناس مو على طول نروح نجرب عليهم ، قطتي هيمالايا شوكليت احممها مره بالشهر واحيانا تقعد 5 شهور بدون حمام وعاادي الغبار مايبين فيهم الا اذا تخرجيها للحوش :p في بودرة دراي كلين ممكن تستخدميها احسن من المويه بكثيييير اي سؤال انا حاضر ان شاء الله |
رد: أرجوكم ساعدونى
أشكرك كتييييييير على تواجدك معى
ماشى طب انا مش معلمة نونا عالرمل بتعمل عالارض عادى هل ينفع بعد كل حمام اغسلها ايديها ورجليها |
رد: أرجوكم ساعدونى
اقتباس:
العفو اختي ماعملت الا الواجب :p انتي جبتي الليتر و البوكس وهي بتسيبهم وتعمل عالارض ؟ عالعموم هي عملت عالارض او في البوكس حتخلص وتنظف ايدينها ورجلينها لسانها فيها مادة معقمة تعقم نفسها الا اذا علق في شعرها انتي هنا حتشيليه بالمنديل اللي قلتلك عليه "تحصليه في الصيدلية البشرية مخصص للاطفال الرضع " او تاخديه من محلات الحيوانات الكبيرة " الغسيل المتكرر = امراض مخفية ويمكن تظهر بعد فترة هذا من غير الزكام والانفلونزا انا اذا حممت قطتي احطها بغرفة مقفلة ودافية 12 ساعة او 13 مااخليها تمشي في مكان بارد عالعموم اذا البوكس موجود انتي حطيها فيه مرة وحدة ولاتغصبيها تجلس فيه عشان ماتكرهه وتنفر منه حطيها فيه وابعدي عنها بس وهي حتعرف + حاولي يكون في مكان مفتوح بس في زاوية عشان تاخد راحتها هم يحبو يكونو في البوكس مستقلين عن اللي حولهم تماماً :D |
رد: أرجوكم ساعدونى
فعلآ والله
كانت بوسى قطتى الاولى بتعمل عادى فى الرمل ونونا لما جت كان عمرها اربعين يوم برضو جبتلها بوكس لوحدها سابته وراحت عملت عالارض بس ملتزمة بالحمام مبتعملش برا بس المشكله الصعبة انه ريحتها بتبقى فظيعة ههههههههههههههه بقولك ايه ممكن سؤال معلش؟؟ انا قطة صاحبتى شكة ان يكون عندها صرع او سعار انا من يوم ما عرفت وحاسة ان نونا عندها كدة ؟؟ وكمان انت قطتك ورا اذنها ناشف كدة تحس ان فى عظمة ولا لا؟؟ |
رد: أرجوكم ساعدونى
اقتباس:
ممكن الرمل ماناسبها او استخدمتي نوع فيه ريحة قويه :confused: بخصوص الريحة انا الحمدلله مااعاني منها لكن بعد ثلاثة ايام او اسبوع اشم ريحة وجهها دراي فوود :D فاستخدم البودرة المعطرة الخاصة بالقطط والكلاب تحصليها في محلات الحيوانات الكبيرة وممكن الصغيرة اللي متوفرة فيها حاجات كثير :rolleyes: لا عادي اسالي قد ماتبغي :D سعار + صرع ، ايش الاعراض اللي عند القطة ؟ بتقصدي عظمة الاذن ؟ موجودة بكل القطط ، بس الصرع والسعار اللي انا اعرفهم انهم بعيدين عن بعض كل البعد كيف انتي مو مفرقة بينهم ؟ :D قوليلي الاعراض اللي في القطة المريضة + ليه شاكة في نونا ؟ وايش الاعراض |
رد: أرجوكم ساعدونى
عارف انت لما بتسمع حاجة بتخاف على اللى معاك
القطة بتاعتها مبتعملش حاجة خالص غير انها مرتين تلاتة بس اعصابها فكت منها معندهاش اعصاب ممكن لو شايلاها القطط عمومآ مبتحبش حد يشيلها ولكن لما بتنزلها ممكن تقع وتنام عالارض ممكن لحظة او حاجة وبعد كدة تقوم عادى ولا كإن فى حاجة والله تصدق من بعد ما عرفت كدة وانا شكة فى نونا ومن اللى حصلى مع بوسى مش عايزة اوديها لدكتور |
رد: أرجوكم ساعدونى
اقتباس:
ايوه كلنا كذا مااعرف والله بخصوص الشيل في قطت كتيير بتمخش وتعض وقت الشيل عشان هي مش متعودة من البداية عالشي دا وممكن تبلع لسانها او تعضها باسنانها وبكدا تتشنج :( ولازم تفكي فمها وتطلعي لسانها ولا حتختنق هالشي حصل مره وحدة مع قطتي عشان الشغالة شالتها بطريقة غلط وحطتها في الارض كانت عاضة على لسانها ومش قادرة تفك فمها :( فاذا كان هذا قصدك فماله دخل بالصرع او السعار انتي وديها لدكتور كويس ومشهور لكن بدون ابر ماتخليه يعطيها اي ابر او علاج لمرض انتي مش شايفاه فيها حتى تسالي عن اسم العلاج وتتاكدي هنا او في اي مكان ثاني وبعدين تستخدميه |
رد: أرجوكم ساعدونى
ايوا مانا قطتى الاولى ماتت بالابر منه لله بأة
بس يعنى ايه بلعت لسانها يالهوى انا معرفش الحاجات دى ربنا يسترها يارب |
رد: أرجوكم ساعدونى
اقتباس:
الله يعوضك :( مثل ماقلتلك اي وقت تشوفي القطة فجأة سارت في الارض ماتتحرك او تتنفس بقوة او تطلع صوت غريب افتحي فمها من جنب لاتحاولي تفتحيه من الدقن وشوفي لسانها بلعتها او تحت اسنانها ولالا لو شفتي لسانها سليمة فكيها بسرعة حتحصليها تمشي وتجري وتتنفس بقوة ماتخافي شوية وترجع طبيعية + حاولي مو اي احد يشيلها او يخوفها |
| جميع الأوقات بتوقيت GMT +3. الساعة الآن 11:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو