|
قطـتـــي ,, المـــوت أحسـن حل ليــها !!
السلام عليكم ورحمة الله وبركاته ,,
مساء \ صباح الخير ,,, والله مش عارفة أبدأ منين ,, بس القطة بتاعتنا حالتها صعبة جدا ,, بصوا ياجماعة ,, الموضوع يتلخص في أن أحنا عندنا قطتين .. من حوالي 4 أو 3 شهور متجوزين وجابلونا قطاقيط صغننين وحلوين أوي .. للاسف واحدة منهم اتقفل عليها الباب (( باب مروحة من النوع التقيل )) والخبطة جت على نص ظهرها بالزبط ,, ساعتها كان عندها حوالي شهر أو 3 أسابيع ,, طبعا بعد الموضوع ده مابقيتش قادرة تحرك رجليها نهااااائي ولا الجزء الي ورا ده خالص ,, وديناها لاحد الاطباء البيطرين قالنا انها جالها شلل !! ومع ذلك ادانا ادوية ننتظم عليها ,, واحنا بقالنا فترة ملاحظين أنها بتحرك رجليها ,, بس مش بتستعملهم في المشي ,, يعني بتحركم كده بس ,, وبتعتمد في المشي على ايديها كانها بتزحف ! مش عارفة نعمل معاهاايه بجد ! حراااااااام دي لسه في اول عمرها عندها بتاع شهرين ,, هتعيش ازاي بقية حياتها دي ؟؟؟ ياجماعة اي حد عنده أي حل يقوله ,, حتى لو كان رقم عيادة كويسة أو مركز كبير لعلاج القطط او الحيوانات الاليفة مستنية الــــــــرد على أخر من جمر ,, وشكرا مقدنا !! |
رد: قطـتـــي ,, المـــوت أحسـن حل ليــها !!
وعليكم السلام ورحمه الله
ان شاء الله هتتحسن خصوصا انها لسه كيتن والامل كبير لو كانت عمرها كبير كانت هتفضل كدة فعلا بس هى محتاجه دكتور شــــــاطـــــــــر روحى بيها لدكتور وقوليله يعملك اشاعه على المنطقه دى ويشوف الخلل منين ممكن تحتاج عمليه بسيطه وترجع طبيعيه اتمنى متهمليش الموضوع لان بجد نسبه شفائها كبيره بدل ماتفضل كدة طول عمرها واتمنى من الاعضاء يفيدوكى باسامى دكاترة كويسين عبر الخاص |
رد: قطـتـــي ,, المـــوت أحسـن حل ليــها !!
بجد ياشاهيستا ,, تسلمي ياارب والله حسستيني بأمل
خصوصا أنها بتحرك رجلها والله بتحركهم لما تيجي تمشي ,, بس من غير ماتعتمد عليهم ,, يعني هي فاهمة أنهم المفروض يتحركوا ,, بس مش عارفة تحركهم ازاي ميرسي على تشجعيييك ,, ومستنية الباقييين ,, يااااارب يشفيها يارب |
رد: قطـتـــي ,, المـــوت أحسـن حل ليــها !!
ان شاء الله هتبقى كويسه بس ارجوووووووكى روحى لدكتور تانى غير الدكتور دة
وصدقينى ان شاء الله هتبقى كويسه وترجع طبيعيه زى اخواتها |
رد: قطـتـــي ,, المـــوت أحسـن حل ليــها !!
شوفي الراسايل يا رقة الفراشه بعتلك كل اللازم و شوي ايه الي قريب منكي لو في حاجة تاني اقدر اساعد فيها انا موجود
|
رد: قطـتـــي ,, المـــوت أحسـن حل ليــها !!
وعليكم السلام ورحمة الله وبركاته
اختي رقة فراشة خلي املك بالله كبير ولو بأصعب الظروف ضروري تشوفي اي دكتور تاني وان شاء الله الاعضاء الي من منطقتك رح يفيدوكي عالخاص ودحين اهم حاجة خلي القطة ترتاح وضروري تتغذى وتاكل كويس ولو ما اكلت لوحدها اكليها بالسرنجة ممكن دجاج مسلوق مفتت وممكن زبادي قليل الدسم مع العسل ولكن ليس بارد وممكن كوسة مهروسة وان شاء الله رح تتعافى وتتحسن واحنا كلنا هنا رح نوقف معاكي وندعيلها الله يشفيها لك ولاتنسي تطمنينا عليها |
رد: قطـتـــي ,, المـــوت أحسـن حل ليــها !!
يوه ياحياتيَ
ان شاء الله تتشافى بس اهم شي لاتهملونها الاهم انكم تدورون عن طبيب بيطري جراحي شاطر والافضل علاجها يارب تتشافى طمنا عليها |
رد: قطـتـــي ,, المـــوت أحسـن حل ليــها !!
لآآ مستحيــل .. الموت مو آآحسن .. ~ !!!
بمــآآ إنهـآآ مو على وشك الموت .. فالموت مو الخيـآآر الآفضل .. ><" و إن شــآآء الله تتحســن .. ~ XD |
رد: قطـتـــي ,, المـــوت أحسـن حل ليــها !!
الله يشافيها ؟
وتقوم بالسلامة |
رد: قطـتـــي ,, المـــوت أحسـن حل ليــها !!
و عليكم السلام و رحمة الله و بركته
طالما انها بتحركها يبقى مش شلل و لا شئ هيه علشان حصل لها كدة و هيه صغيرة اتعودت ان المشي كدة مبتعرفش تمشي صح شوفي نيميها على ظهرها و حركي رجلها كأنها بتمشي كل يوم اعملي كدة شوية هيتعود بعدها حاولي توقفيها على رجلها و تمشيها برااااااااااحة جدااا و شوية هتتعود و تمشي ان شاء الله و انا هبعت لك غدااا عنوان بيطري راااااااااااااااااااااائع ( متمكن / مختص ) و ان شاء الله يفيدك اكتر لاكن الحمد لله حالتها حلوة جدااا |
رد: قطـتـــي ,, المـــوت أحسـن حل ليــها !!
أنا هبعتلك نمرة دكتور بيطرى فى القاهرة فى رسالة
ربنا يشفيهالك |
رد: قطـتـــي ,, المـــوت أحسـن حل ليــها !!
أنا بعتلك التفاصيل كلها فى رسالة
|
رد: قطـتـــي ,, المـــوت أحسـن حل ليــها !!
اهلين
انتي ممكن تسكيها وتخليها تمشي كل يوم وروحي خوذي اشاعة يحد مكان الشلل ودوري دكتور شاطر ممكن يكو عمملية وترجعع تمششي ولو مو عملية انتي تدربيها مثل السباحة http://hh7.an3m1.com/Sep/an3m1.com_ecf311de4c4.png |
رد: قطـتـــي ,, المـــوت أحسـن حل ليــها !!
اطمنك اختي مدام حركت رجليها فيه امل وراح اقولك قصه راح تفرحك كثير اول عند اختي قطه رمت نفسها من الدور الثالث وهي بتلعب وصار عندها كسر بالظهر ووماصارت تمشي ولا تتحرك بس يديها
وكانت مع كذا حامل وقعدت على الحال هذا شهر ةنص وبعد كذا صارت تمشي وتلعب وكل الدكاتره كانو يقولون مراح تعيش والموت ليها ارحم بس انتي اصبري عليها انشاء الله راح تتخسن واهتمي باكلها والفايتمين والجبن لان فيه كالسيوم وان شاء الله راح تتحسن بأذن الله بس اهتمي بتغذيتها ووديها بيطري كويس يعمل اشعه ليها وطمنينا عليإا |
رد: قطـتـــي ,, المـــوت أحسـن حل ليــها !!
سلام عليكم اختي القطة باذن الله غادية تمشي انا كنت لقيت قطة فشارع ودهستها سيارة وحالتها صعيبة بزاف وكبيرة شوي فسن اكبر من قطتك وجبتها للبيت وداويتها واخدتها لطبيب وقال ماكاينش امل فانها تحرك اطرافها الاربعةورقبتها تعوجت لانه حبلها الشوكي وعمودها الفقري تضرروا حسب ما قال والحمد لله رب العالمين كتمشي وتلعب وتنقز ربنا على كل شي قدير والحمد لله على كل حال خلي املك فالله تعالى والله يشفيها
|
رد: قطـتـــي ,, المـــوت أحسـن حل ليــها !!
أسأل الله العظيم رب العرش العظيم أن يشفيها
يا ريت كلنا نردد الدعاء ده( هو ده دعاء يقال عند زيارة المريض) و شوفى أسماء الدكاترة اللى بعتها أنا و باقى الأعضاء إن شاء الله تلاقى حل ليها و ربنا يشفيهالك إن شاء الله:) |
رد: قطـتـــي ,, المـــوت أحسـن حل ليــها !!
ربنا يكرمـــــــــــكم ياجماااعة ويوفق كل حد دعالي أو اداني أي اقتراح وحاول يساعدني في الموضوع ده ..
Booody : شكرا شفت الرسالة ,, بس ياريت تقولي على الدكتور الي بتثق فيه من دول كلهم أو بتتعامل معاه يعني ,, لأني معرفش ولا واحد فيهم ومقدرش احكم على حد أو أختار الأقرب ليا , أنا بحاول أختار الأشطر والي هيقدر يساعدنا بجد ,, :) و ع العموم ألـــــــــــــــــــف شكر :) Mamay ماهي فعلا التمارين دي الدكتور قالنا عليها ويمكن هي دي الي خلتها تتحسن ,, بس بقالنا كام يوم بطلنا نعملها لها ,, ان شاء الله هرجع اعملها لها تاني ,, ولو أني بخاف اقلبها على ظهرها وبحس أني بوجعها أوي ! نوديوس : تسلمي يااارب شكرا ,, ان شاء الله هحاول نروح بكره أو في أقرب فرصة للدكتور ده بدام بتقولي أنه متمكن ومحترف ,, وربنا يسهل ياااارب .. غيابك طويل علي ياسحر : شكرا تسلمي على المعلومة دي ,, بس أعلمها ازاي تسبح يعني ؟ مش فاهمة والله ,, يعني لو تقدري توضحي لي أكتر ,, كمان أنا مش عارفة هي هتقدر تمشي ولا لأ بس ان شاء الله هحاول معاها تاني .. مشاعل الرياض : يااااااااااااه ربنا يطمن قلبك .. يااارب ربنا يشفيها ياااارب ,, ساعات كتير الدكاترة بيجبوا للواحد احباط ,, والله أنا بأكلها تونة على طول ,, ان شاء الله هحاول أكلها زبادي بقى وجبنة نستو وربنا يسهل يااااارب ,, والله يامشاعل على حسب كلام الدكتور أن مصر مافهاش مراكز بتعمل النوع ده من الأشعة ,, بس أنا مش مقتنعة بالكلام ده ,, وياريــــــــــــت ياجماعة لو حد عنده اسم لمركز كبير بيعمل أشعة يبعتهولي في رسالة ,, و ع العموم شكرا بجد ربنا يوفقك .. عدوسة : ربنا يكرمك يااااااارب ويطمن قلبك يارب ويرزقك كل الي بتحلمي بيه وأكتر كماان يااارب ومرة تااانية بشكر الكل ربنا يخليييكم ويجراااكم خير ياااااااااااارب ,, على فكرة هي بتحرك رجلها الي تحت لما تيجي تمشي ,, بترفع ظهرها وبطنها شوية ,, بس بطنها على طول منفوخة ياجماعة ,, والهضم متهيألي مش شغال عندها كويس ,, لأنها مش كبيرة زي بقية أخواتها و أصغر منهم كلهم مع أنها بتاكل زيهم .. كمان معلش سؤال للي عندهم خبرة : طبعا هي ماعندهاش سيطرة على موضوع الحمام ده ,, فعلى طول محتاجة تنظيف وكده , أحميها زيها زي بقية اخواتها ولا ايه بقى .. ولا أتجنب أني ألمس ظهرها وبطنها والحتة دي خاااالص وياريت كمان لو تعرفوا الموضوع ده بتاع التحسن ممكن يظهر خلال قد ايه مثلا ؟؟ وللمرة التالة جزيتم خيرا وسلامو عليكو :) |
رد: قطـتـــي ,, المـــوت أحسـن حل ليــها !!
وعليكم السلام ورحمة الله وبركاته
اختي رقة فراشة الحمدلله على كل حال بخصوص التنظيف خذي فوطة نظيفة ومعقمة وبلليها بماء دافى واعصريها جيدا وامسحي المناطق المتسخة اسفل الظهر وعن المؤخرة بشكل لطيف وتقدري تستخدمي لها المناديل المعطرة فقط الخاصة بالاطفال وبخصوص التحسن رح تبدأ تتحسن ان شاء الله مع الشرع في بدأ العلاج والتمارين ومع الانتظام مع الطبيب البيطري والله يشفيها لك وترجع مثل ماكانت واقوى لاتنسي تطمنينا عليها |
| جميع الأوقات بتوقيت GMT +3. الساعة الآن 01:06 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو