|
لخبراء الأصلات
السلام عليكم ورحمة الله وبركاته
أنا عندي أصلة بورمية كانت تاكل وامورها طيبة وشهيتها مفتوحة وتاكل كل شي (فئران,جرذان,صيصان) لكن انا غلطت وصرت أوكلها حي ومرة جرذ عضها ووقفت عن الاكل شهر ونص والحمد لله رجعت تاكل لكن صارت خوافة مرة وصارت ما تاكل الا فئران بس صارت ما تاكل جرذان او صيصان كيف اقدر اخليها تاكل الجرذان والصيصان مرة ثانية لان الفئران ما يكفوها في وجبة وحدة لازم 3 او 4 علشان يكفوها في وجبة وحدة وكذا بتخسرني |
رد: لخبراء الأصلات
على كلامك اعتقد انها كبيره شوي ،
الحل انك بعد ما تعطيها فار و تكون للحين بمود لأكل ، حط كتكوت و انشالله بتاكل خصوصاً انها متعوده على انها وجبتها تكون على اكثر من مره ، لو ما كلت عطها فار ثاني بعدين جرب مره ثانيه الكتكوت ، طبعاً يفضل تخليه معاهم عشان ياخذ على ريحتهم .. بالتوفيق |
رد: لخبراء الأصلات
لا هي مش كبيرة تقريبا ٩٠ سم
وحاولت لكن بدون فايدة حتى الفئران بعد التعب تاخذهم |
رد: لخبراء الأصلات
جرب بعد ما تاكل فار و اهي مستعده ،
حط ميت حرك بإيدك جدامها المفروض تهجم ، و ان لا هالأشياء ما جربتها لكن يقولون تنفع ، والي تصب دم فار عالكتكوت نفسه ، عالعموم حاول بعد ما تبدل اليلد احسن تكون شراهتها اقوى ، عالعموم هو صعب تغير من مزاج الثعابين لكن حاول و باذن الله تضبط معاك ، |
رد: لخبراء الأصلات
مثل ما قالك مشرفنا بايثون
انا عن نفسي كنت اجيب كرتون او علبه و ارمي فيها الفيران والصيصان و اهز العلبه شوي بحيث انهم ياخذون من ريحة بعض و بمثل حالتك افضل انك تعطيها اكل ميت و راح تلاقي موضوع كن كيفية قتل الفار و الهامستر بموضوع مثبت اسمه الفهرس الخاص بالثعابين بالتوفيق |
رد: لخبراء الأصلات
مشكورين والله يعطيكم العافية
انا احس المشكلة مو مشكلة الريحة احسها تخاف من الحجم وهي تهجم عليهم (الصيصان والجرذان) لكن المشكلة تعضهم وتتركهم مباشرة يعني مجرد تخويف ما تحاول انها تمسكهم طبعا المشكلة حتى مع الفيران بس اقل وفي النهاية تمسكهم لكن الجرذان والصيصان تعض مرة او مرتين وبعدها تهرب |
رد: لخبراء الأصلات
انا عنيت نفس المشكله مع الروك بس بعدين حبستها بكرتون هيا والصوص بعدين اكلتو
|
رد: لخبراء الأصلات
اقتباس:
شيك عـ افرازات الفم,, هل يوجد لعاب زائد,, هل يوجد أي فقاعات,, و أفضل تكشف عليها بواسطة المسك عند نقطة التقاء الفكين و فتح الفم بعود أو سحب خفيف من الدقن |
رد: لخبراء الأصلات
اخوي اذا كانت تاكل الفأران بشكل طبيعي
الحل مثل ماقتلك التغذية على الفرائس الميته بالتوفيق |
رد: لخبراء الأصلات
مشكورين شباب والله يعطيكم العافية ما قصرتوا
راح اجرب حلولكم وبالنسبة لانها فيها التهاب رئوي لا ولله الحمد كان فيها وعالجتها ورجعت طبيعية والحمد لله ولكن اخ جاسم كيف أقدر أعودها على الفرائس الميتة وهي ما تقبل تمسكهم اصلا |
رد: لخبراء الأصلات
في البدايه لا تقدم الجرذ الميت باليد
فقط خله قدام فمها على الارض وهي راح تشمه وتبلعه بدون عصر ولا شي ممكن انها تعصراه وتمقطه لو كان كبير جدا عليها عشان يسهل ابتلاعه و في وقت الوجبات الي بعدها حاول تمسكه من ذيله وتحركه قدامها و انشاءالله بتضربه وتعصره وبترجع تاكل طبيعي بس كل الي عليك تشيل منها الخوف وتخليها تتطمن بالتوفيق |
رد: لخبراء الأصلات
ادري اخوي جاسم تعبتك معاي
انا جربت خليته جنبها وما اكلته لين ما تصلب (الجثة بعد فترة من الموت تجف وتبدا تعفن) لكن باحاول مرة ثانية وان شاء الله تاكل لانها صارت نحيفة مرة وحجمها اصغر من عمرها بكثير هي اللي انت شفت صورتها في قسم الزواحف الان عمرها قريب السنة وطولها بس متر واحد والمفروض انها مو اقل من 140سم |
رد: لخبراء الأصلات
الاساتدة و الاخوان ما قصروا يعطيهم العافية مشاركتي بحث بالاسباب لعدم اتفاقي نهائيآ بمسألة الخوف حيث لا يمكن ان تكون الفريسة مصدر تهديد اضافة ان الثعابين ليس لها ذاكرة دائمة لتحفظ الاحداث و المواقف |
رد: لخبراء الأصلات
اقتباس:
انا اكلمك عن واقع تجربه عندي كنق سنيك كبير جدا اكثر من متر ونص بعد ما اكل اكثر من 150 فار عندي حطيتله مره فار كبير كالعاده لكن وهو عاصره عض عينه وفقعها و بطل ياكل فيران لين ما عودته عالميت وبعدها رجع مايخاف وياكل طبيعي وبخصوص الثاكره الثعابين تتعود عالحمل و لو تنسا كان مو مول ماتجيبها شرسه وبعد فتره تتعود وتهدا و اذا اهملتها ترجع وحشية سامحني لكن هذي وجهة نظري الخاصه موفق يالغالي |
رد: لخبراء الأصلات
اقتباس:
كلامي اعلاه مقتبس علمي زائد تجربة امتلكت اصلة البينو بورميز و بوا رد تيل وحدة انقرط ذيلها و الاخرى اخدت عضة قوية من البطن بحثت بالاسباب طلع الاولى عندها فطريات و الثانية تبدل جلد و بعد حل العارض اصبحوا طبيعي ياكلون عادة انا ما اترك أي فأر اكثر من ربع ساعة لكن انسى ادا عندي ضيوف افرجيهم كيف الافتراس و موضوع الذاكرة لو دققت المقصود بالدائمة و ليس المؤقتة استشهد بكلامك لو مثلا شبكية كل اسبوع تشيلها بتحصلها ما تنفخ و لاتهاجم عكس لو تركتها كم اسبوع الى شهر بتلاحظ عدوانية |
رد: لخبراء الأصلات
كلامك كله على عيني وراسي
انا اقتنيت الكثير والكثير من الثعابين فوق ماتتخيل مو بس الشبكيه حتى البورميس والبوا والكنج سنيك والكورن والملك صارو وحشيين لمت اهملتهم مدة ثلاث اسابيع طيب كيف الثعبان يتذكر مكان الاكل ؟؟ احد الثعابيك كان اول ما انزله بالبانيو ويكون مملوء بالماء يستعد للفريسه قبل ما اجيبها من الغرفه الثانيه طيب جيب ثعبان هادي و اقرص على جلده خله يهيج واتركه اسبوع وافتح الحوض حقه راح تلاقيه ذاكر وراح يبدا بالهجوم للعلم انا ثعابيني ماتطول عندهم الفريسه دقيقتين تقريبا والي اعطيهم اكل ميت بنفس اللحظه عموما هي اختلاف وجهات نظر واثنيننا خذانا الحماس بقصد الافاده السموحه يالغالي |
رد: لخبراء الأصلات
مشكورين شباب والله يعطيكم الف عافية
طيب الاخchoosy ليش اللي عندي بطلت تاكل فيران كبار مع انها اكلت 2 من قبل والحين هي تاكل فيران صغار وش المعنى الان قامت ترفض عطني سبب غير الخوف واكلها صار مو مثل اول او مجرد احط الاكل تهجم مباشرة الان تتردد الف مرة قبل لا تهجم لماذا؟وما الحل؟ واكرر شكري للاخوان |
رد: لخبراء الأصلات
اقتباس:
يجوز تاكل و عندها انفيكشن تنفسي بسيط,, تأكد من داخل فمها لون وردي فاتح غير غامق ولا يوجد أي رغاوي لعابية الثعابين مخلوقات حساسة ممكن تمتنع لادنى علة ليس بالضرورة سبب مرضي ممكن حرارة, رطوبة, تبديل, سبات شتوي و جواب سؤالك لماذا؟؟ احتمال بذلت جهد كبير في بلع الجراذي السابقة و ترى حجم الفريسة غير مناسب الحل؟؟ اذا تاكل فيران استمر عليها حتى تستعيد عافيتها و شهيتها 100% ثم ابدأ بالراتس بعد تعدي متر بشوي لاجل مهما تغذيها مايس و بعيد عن المصاريف ما راح تعطيك حجم و عرض للراس مثل الجرذان لو غرفتها يوجد اضاءة طبيعية,, حاول توقت الوجبة وقت الغروب أو الشروق ارجح تاكل وقت التقالب |
رد: لخبراء الأصلات
مشكور والله يعطيك ألف عافية
ما قصرت وياي وان شاء الله ترجع مثل ما كانت |
رد: لخبراء الأصلات
انا من واقع تجربه جوعها اسبوعين ونزل لها الي تبي راح تبدع بس اهم شي المس
الثعبان قبل شف دافي راح ياكل |
رد: لخبراء الأصلات
مشكور والله يعطيك العافية اخوي القناص
|
| جميع الأوقات بتوقيت GMT +3. الساعة الآن 01:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو