|
ضرورى القطة فى خطر الخبيرة ناديا ارجوكى ردى عليا
القطة بتاعتى عندها سنه و نص سبق لها الجواز و الحمل و اخر مرة اتجوزت فيها كان من شهر و نص و انا حسبتها قلت ممكن تكون حامل فا احسب عشان اكون عامل حسابى المهم انها لحد دلوقتى مظهرش عليها اى اعراض حمل لا بطنها كبرت ولا حلماتها بقت حمرا ولا منتفخه فا مش عارف حامل ولا لا المهم بقى ان المشكله ان من 6 ايام نزل عندها نقطة دم لونها فاتح خالص قلت اتابعها لا تكون بتجهض لو كانت حامل تانى يوم نزلت نقطتين بس بنى من ساعتها و هى بتلحس فى منطقة الاخراج على طول و مش بشوف نقط بتنزل منها على الفرش خالص بس الانهارده بلعب معاها قلت اركز هى عماله بتلحس فى ايه على طول لقيت عندها لسة بينزل السائل البنى ده هو سائل سميك يعنى تقيل مايملش للمايه ابدا و لقيت نازل معاه حتة دم صغيرة و انا مش عارف هى عندها ايه قلت ابدا اديها مضاد حيوى عشان لو عندها مشكله فى الرحم الحقها اديتها اوجمنتين 156 شراب 2 مل و همشيلها عليه صبح و بليل قلت اديها ده لانه امن لو كانت حامل و المشكله انى معنديش المقدرة انى اوديها للدكتور دلوقتى نظرا لسوء حالتى المادية فا ياريت اى حد يريحنى اللى بعمله ده صح؟ و ممكن يكون فى ايه عندها والنبى ريحونى انا هموت من القلق و انا واقف عاجز كده هل يكفى المضاد ده ولا لا والنبى ردوا بسرعه
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اهلين فيك اخي رامي الاجمنتين خطر جدا جدا على القطط الحوامل ..وانت ماتعرف هل القطه حامل او لا لان فيه قطط تكون حامل بقط واحد ولايبين عليها اي شي ابدا . نزول الدم من القطه بيدل على اشياء كثيره .. ممكن عندها التهاب في الرحم او هي حامل وتعرضت لضغط على البطن او سقطه حاده مما خلاها تنزف قليل من الدماء ياليت تمسك اسفل بطنها وتضغط عليه بايدك الثنتين وشوف لو حسيت بتكور صغير اسفل القطه اي قريب من ارجلها الخلفيه بتكون حامل . وطمني |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اشكرك يا اخت ناديا على ردك السريع و اتوسل اديكى ماتمشيش غير لما تريحينى انا داير على مليون مكان يريحنى محدش قادر يريحنى و انا اى سؤال هتقوليه هرد عليكى على طول
القطة انا عملت كده معاها فعلا و هى بطنها فاضية تماما مفيش اى تكوير او حاجة بالرغم انها لو كانت حامل يبقى هى كده فى الاسوبع السادس يعنى بيتهيالى هيظهر عليها شوية بطن او انتفاخ فى الحلمات بصى هو الحاجة اللى بلاحظها عليها كمان ان بيجيلها رعشة بسيطة بس بتروح مع التدفئة و اى سؤال هتساليه هرد عليكى فيه بس ارجوكى انا تعبان لانى عاجز عن انى اوديها اى دكتور لقلة حيلتى انتى دلوقتى املى الوحيد ارجوكى خليكى معايا دى قطتى المضلة و انا من 3 اسابيع فقدت 6 قطط مش هقدر افقد دى كمان فقدتهم بسبب انفلونزا القطط و هو ده اللى خلص فلوسى هو علاجهم خايف مقدرش اعمل لدى حاجة ارجوكى ساعدينى مش عايزها تضيع منى |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
بصى هى نشاطها عادى جدا و بتلعب و بتنام و بتعمل كل حاجة هو بس الافراز ده و لونه بنى سميك لكن مفيش اى عرض ظاهر عليها تانى خايف يكون صديد بس ده لونه بنى داكن مش اصفر زى ما حضرتك كنتى كاتبة فى موضوع عن الصديد فى الرحم و معندهاش فقدان شهية ولا خمول يعنى طبيعية جدا و الافراز ريحته كمان عادية مش وحشة مالهوش ريحة تقريبا انا مسحته بايدى كده و شميته لقيت مالوش ريحه ياريت اسمع رايك
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
معلش هدي حالك وان شاء الله بيكون كل خير وانا مش حمشي خالص الا لما اطمن عليها ان شاء الله انت كدا طمنتني ان ماعندها حمل ابدا وعليه راح اقولك على خطوات ضروري تعملها . الان اعطيها من مضاد ايموكس 125 جرام ..1مل مره واحده يوميا لمده اربع ايام فقط. وخلال هاذي الفتره راقب تزول الدم منها .. لانها باذن الله حتتحسن مع المضاد ان شاء الله ماتخاف. ولو لاحضت ان القطه نزلت دم كثير او ظلت هزيله يوم كامل ضروري تخبرني .. طيب انت بتعرف تدي ابره للقطه او لا؟ |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
بعرف بس انا مش عايز اديها ابر انا اتعقدت من كمية الابر اللى اديتها للقطط اللى ماتوا لان كلهم ماتوا و هى مابينزلش منها دم كتير خالص ده اصلا مابيبقاش باين على الفرش بيبقى متدلى منها كده و هى بتلحسه و بتبقى نقطة بسيطة
طيب معلش اعذرينى انا دلوقتى عندى اوجمنتين 156 شرب و هو ده المتاح عندى ماينفعش اديهولها خالص؟ و الايموكس ده سعره عالى ولا لا ؟ و هل هيعملها اعراض جانبيه؟ زى خمول مثلا او كده؟ و هل اطهرلها منطقة الاخراج بالبيتادين ولا لا؟ معلش مطول عليكى |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
و عايز اعرف ايه اللى عندها ده هل ده صديد فعلا ولا مجرد افرازات عادية ولا التهاب؟ لانى سمعت ان لو فى حاجة فى الرحم هتكون الافرازات ريحتها وحشة دى افرازاتها مالهاش ريحه اصلا
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الافرازات اللي عندها بسبب التهاب في عنق الرحم .. ومشكلتها بسيطه جدا ..لانها تحتاج مضاد فقط حتى يعالجها. وفيه فرق بين الصديد والالتهاب .. الالتهاب بيكون علاجه اسهل من الصديد واللي بيستدعي الى جراحه في بعض الاحيان. طيب ممكن تديها من الاجمنتين لاكن بجرعه 1 مل مره يوميا لمده اربع ايام ولازم تديها المضاد بعد الاكل حتى مايسببلها تقرحات في المعده لانه قوي جدا. ومايحتاج ابدا تطهير المنطقه .. ان شاء الله بعد استمرارك على المضاد بتتحسن وتطمني عليها . |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
بجد ربنا يجازيكى عنى كل خير مش عارف اقولك ايه كانك جبتى ماية ساقه و حطتيها عليا ربنا يجازيكى خير عنى و عنها يارب و ادعيلها ان المشكلة عندها تتحل و ان شاء الله هطمنك اول باول متشكر اوى اوى بجد
السلام عليكم |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الله يخليك يارب
وان شاء الله تبشرنا بالاخبار الحلوه باذن الله |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
:( :(
الله يقومهآ بسلآمه ويشفيهآ وترجع لك بألف عآفيه |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
السلام عليكم اخت ناديا انا كنت اديت القطة امبارح اوجمنتين زى ماقلتلك و هديها النهارده ان شاء الله بس حبيت اوافيكى بالاخبار النهارده القطة حالتها و نشاطها و غذائها زى ما هو كويس جدا اما بالنسبة للافرازات انا لاحظت انها بدات تنزل على هيئة ناشفة شوية يعنى كنت بشوفها و هى بتنظف نفسها لقيت الافراز ناشف قد حبة العدس و ملاحظ ان تنظيفها لنفسها من تحت قل شوية عن قبل كده الاول كنت بشوفها بتحلس نفسها اكتر من كده النهارده قلت يارتى هل ده تحسن؟ و هل نزول الافرازات بالهيئة دى معناه انها بتتحسن؟ لانه مبقاش ينزل لا ارادى و عمال على بطال زى الاول و تنظف نفسها اول باول بينزل بس زى ماقلتلك متكتل و اللى انا شوفتها بتبقى قد حبة العدس و بعد كده بفترة شوفت بردو كتل صغيرة اوى اصغر من اولى لازقة فى الشعر حوالين مكان الاخراج ياريت تطمنينى
انا و الله اعلم بس حاسس انها بتتحسن بس بردو محتاجه مشورتك و رايك شكرا اوى على مجهودك معايا |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
لا الحمدلله القطه بطريقها للتحسن ان شاء الله
و تحسنها بيكون بالتدريج .. وبماان الافرازات بدات تقل ..فهاذا شي مطمن . ان شاء الله بعد ماتنتهي من جرعات المضاد حتكون القطه باذن الله تحسنت اكثر واكثر . |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
طيب الحمد لله ربنا يطمن قلبك بس هل فى مشكلة ان الافرازات تتكتل شوية ؟ مع ملاحظة انى مسكت الافراز تانى اشم ريحته عديم الرائحة تماما ولا حتى ريحة موجوده هل ده شئ مطمئن ولا لا؟
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الافرازات لو كانت سائله وتخرج من القطه بشكل لا ارادي بيكون خطر عليها
لاكن تكتلها هو دليل على بدايه التحسن .. والرائحه لاتدل على شي ..لانها افراز عادي مصحوب بدم . وتختلف عن الافراز الصديدي اللي بتكون رائحته شديده ومزعجه ..وهنا خطر على القطه . الحمدلله قطتك بخير وان شاء الله يوم عن يوم تتحسن اكثر اطمن |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الله وقومها بالسلامة انشاالله و الدكتورة ناديا ماراح تقصر معاك بشي انشاء الله
تحياااتي H.A.S :88: |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
ربنا يخليكى يامدام ناديا بجد و يبارك فى عمرك و مجهودك طمنتى قلبى و فعلا ما قصرتى فى اى حاجة متشكر اوى
اشكرك اوىh.a.s على اهتمامك و مرورك و طمئنتى متشكر اوى بجد |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الخبيرة ناديا ارجوكى استفسار هام القطة دلوقتى ما بتفرزش حاجة خالص بس النهارده من ساعة ما قمت من النوم و هى عماله تترعش جامد و بلعبلها فى بطنها الرعشة بتزيد و بتحزق مع انى دلوقتى متاكد انها مش حامل مش عارف فى ايه ممكن تقوليلى اسم الحقنة بتاعة تنظيف الرحم؟؟؟ ارجوكى عشان اجيبها دلوقتى
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
ارجوكوا حد يرد القطة عماله تحزق و مابيطلعش منها حاجهّّ!!!!!!!!!!!!!!!!!!!!!!!
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اب اب اب
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
يا جماعه ربنا يخليكوا طيب لو حد مر بنفس التجربة يقولى اعمل ايه؟؟؟؟؟؟؟؟؟؟؟؟ مفيش ولا دكتور راضى يرد عليا و المستشفى بتقفل الساعه 4 مش عارف اعمل ايه لو سمحتوا اى رد
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
الله يقومها بالسلامه يارب ويبعد عنها كل مكروه ..
حبيت ارفعلك الموضوع الله يطمن قلبك .. |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اقتباس:
بالنسبة ل مشكلتة قطوتك اخوي رامى هانى تم بواسطتي ارسال رابط الموضوع الى ناديا و عليك بالصبر لين ترد ناديا او غيرها على سوالك :) |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اخي رامي
صعب تدي القطه ابره طلق وهي مش حامل ؟؟؟ انتبه تعطيها اي ابره تنظيف .. انت متاكد ان القطه تحزق .؟ اي تدفع وكانها تولد؟؟ ياريت ترد علي حتى افيدك |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اه بتحزق زى الولاده و كلمت الدكتور قالى ان المضاد اللى اديتهولها كده معملش حاجة و خلانى اجيب حقنة و اديتهالها و نزلت قبل ماديها الحقنه سائل بنى و بعدها دم و بعد ما اديتها الحقنة بردو عماله بتحزق و بتحاول تدخل الحمام و بتحزق جواه و مابتنزلش حاجة كلمت الدكتور تانى قالى ان ممكن تكون مشكله فى المثانه ادانى حقنة اسمها فيسرالجين جيبتها و اديتهالها بس المشكلة دلوقتى ان حاسس ان فى كلكعتين فى بطتنها من الجنبين مش عارف دول بيبيهات ولا ايه ؟؟؟ مش عارف اعمل ايه خالص بقيت عاجز و محبط اديتها 3 حقن لحد لوقتى و لسة هديها جرعات المضاد تانى لو عندك حل والنبى قوليهولى هو الدكتور بيقولى انصحك لازم دكتور يشوفها و انتى عارفه الظروف ربنا يعلم بجيب الدوا ازاى م عارف اعمل ايه خالص
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اديت للقطة حقنة الطلق و بحسس على بطتنها جامد لقيت فى فعلا اطفال بس فى جنب بطتنها مش بين رجلها و مش بيتحركوا فا تقريبا الاول انا كنت بحسبهم عضل لانهم كانوا سابتين ياريت حد يقولى لو القطة حامل فى شهر و نص الحقنة دى تعمل مفعول بعد اد ايه لانها تعبانه خالص و عماله تحزق و مبتنزلش حاجة نزلت افرازات بنى و شوية دم زى ماقلت قبل كده و لحد دلوقتى منزلتش حاجة تانية ياريت حد يقولى هتفضل تحاول لحد امتى تنزل الجنين
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
ارجو الرد من اى حد انا اعصابى بايظه خالص القطة لسة مابتنزلش حاجة مفعول الحقنة دى بيفضل اد ايه يعنى اد ايه افضل مستنى كده؟
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
معلش استحملونى عندى سؤال تانى دلوقتى بحسس على بطنها الاطفال بعد ما كانوا فى جنب بطنها دلوقتى بقوا فى النص بين الرجلين او فوق شوية هل دى علامة انها قربت تنزلهم؟
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
القطة دلوقتى وقفت حزق و بطلت تترعش و مفيش اى حاجة بتنزل بس لما بدوس على الحته اليمين من بطتنها بتزوم عليا مش عارف فى كيتنز جوة بطتنها ولا لا لانها وقفت حزق و مابتلحسش فى مكان الولاده و هى دلوقتى نايمة انا احترت خالص ياريت يا خبيرة ناديا ارجوكى تردى لحسن انا خلاص دماغى وقفت عملت كل حاجة...... و هى دلوقتى مقوسة ظهرها كده كان بطنها واجعاها و ضامه عليها برجليها
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
هى الخبيرة ناديا مش هتدخل النهارده؟
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
صباح الخير اخ رامي ليه اديت القطه ابره الطلق؟؟ وكمان ابر ثانيه اعطيتها .. وكلام الصيدلي غلط !!!!! المثانه حتى لوفيها اي مشكله ..مابتنزل دم من الرحم .....مالها علاقه ابدا ابدا حرام عليك اديتها 3 حقن وهي مو محتاجه لاي واحد منها انا من البدايه قولتلك تاكد هي حامل او لا.. والحمل بيوضح على القطط وبيكون تكور صغير مابين الرجلين . والان القطه تتالم من مجموعه الابر المعطاه لها ..والله العالم الجرعات صحيحه او كانت بزياده عن الطبيعي اخ رامي ضروري جدا تنزل الان للبيطري وتطلب منه يفحصها ويتاكد من انها حامل او لا؟ لان صعب نجلس نخمن ونتوقع بدون كشف على القطه وعمل سونار لرؤيه هل هناك كيتنز ام لا وهل هناك مشكله بالرحم او لا؟ وابره الطلق لو اعطيت للقطه بتاخذ مفعولها خلال ربع ساعه . ارجوك خذها للبيطري باسرع وقت والا حتخسر القطه . |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
لخسرها ليه يا اخت ناديا ماهى القطة مانزلتش حاجة يبقى كده مافهاش اطفال هى بطنها فاضية خالص هى بس بطنها واجعاها دلوقتى الحزق راح و الرعشة كمان راحت و انا ماسالتش صيدلى انا سالت دكتور معروف عندنا و هو اللى قالى الكلام ده و مش هقدر اخدها فى اى مكان اقسم بالله انى سالف الفلوس دى بتاعة الدواء من الصيدلى فلوس عليا يعنى طيب ممكن ايه الضرر اللى يقع عليها من حقنة الطلق؟ وايه الغلط اللى عملتو تانى الحقنة بتاعة المثانة دى عبارة عن مسكن لالام المغص و التقلصات يعنى مسكن و ادتها فيتامين اللى هو ادينوسين فورت و المضاد و الطلق رايك ايه؟
|
و سالت الدكتور قبل مااديها الحقنة هل فى خطر عليها لو اديتهالها و هى مش بتجهض او مش حامل اصلا يعنى قالى لا خالص و هى حاجة من الاتنين يا اما حامل و اجهضت يا اما مش حامل اصلا حتى لو حامل و حملها مكمل فى داهية الجنين المهم هى تبقى كويسة
و عايز اعرف القطط بتتالم من الابر ولا مجهده من الحزق بتاع طول اليوم؟ لانها اكتر من 12 ساعه قعده تحزق او ممكن تكون مجهده من المضاد و كمان مش واكله حاجة من الصبح |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اخي رامي كيف تعطيها ابره طلق وبعدها ابره مسكن ؟؟ عند اعطائك ابره الطلق تقوم القطه باخراج كل مافي رحمها .بسبب التقلصات المنتظمه نتيجه الابره وباعطائك ابره مسكن ..تقوم بتهدئه الوضع وابطال مفعول ابره الطلق ! لو تكتبلي اسم ابره المسكن يكون افضل ..لاني مو عارفه نوع الابره بالضبط. وكلامك متناقض جدا ..مرات بتقول ان القطه فيها كيتنز ومرات تقول لا بطنها فاضيه مافيها شي؟ عموما ..ابره الطلق لاتعطى ابدا الا لقطه ولادتها متعسره او تكون ببدايه مرحله الولاده ..وذلك لتسهيل خروج الكيتنز منها . وضع القطه صعب جدا .. وكان لابد انك تصبر عليها حتى تكمل مده المضاد وبعدها استشيرني هنا قبل اعطائها اي علاج اخر. الشفاء لاياتي بيوم وليله .. اتمنى لها الشفاء العاجل |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
اس المسكن فيسرالجين و اديتهولها قبل الحقنة بتاعة الطلق بحوالى ساعه
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
ممكن تقوليلى اعملها ايه دلوقتى؟ اكمل معاها المضاد ولا اعمل ايه؟
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
ياليت تكتب اسم الحقنه بالانجليزي ..لان اي خطاء بحرف باللغه العربيه تودينا على علاج تاني.
والمضاد صارلها كم يوم تاخذ منه ؟ هل كملت الخمس ايام او اقل؟ |
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
و بالنسبة للجنين فى بطنها انا اوقات احس فى جانب بطنها فى حاجة مثل الجنين او زى العضلة كده و اوقات ماحسش بحاجة بس مفيش حاجة بين رجليها خالص فاضى خالص و لو المسكن ابطل مفعول الطلق كويس لانك قلقتينى منها ...... طيب معلش اعذرينى انا بس مش عارف اتصرف ازاى بحاول انقذها باى شكل و كتبت الظهر هنا و للاسف ماكنتيش موجوده و انا كنت هموت من القلق لانها بتحزق كل 3 او 4 دقائق بس الحمد لله الحزق دلوقتى وقف و الرعشة
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
المضاد اللى اخدته دلوقتى هو حقن و لسة مبتدياه النهارده قبل كده كنت اديتها الاوجمنتين زى ما اتفقنا و اخدته 4 ايام زى ما قولتيلى و كان الافراز وقف خالص ماعرفش ايه دهورها النهارده و الدواء اسمه visceralgin
|
رد: ارجوووووووووووكم سؤال هام و ضرورى القطة فى خطر الخبيرة ناديا ارجوكى ردى عليا
و المضاد اسمة ceftriaxone 500 اخدت اول جرعه 1 سم و بعد كده كل 8 ساعات 1\2 سم و اخدت حقنه عشان الرعشة اسمها adinosone fort امبوله واحده بس
|
| جميع الأوقات بتوقيت GMT +3. الساعة الآن 01:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو