|
فروخ الرمادي انتاج محلي 100% ((صور)) +اسعار
السلام عليكم يالربع ....
توووني قبل ثواني وصلت من السوق ... وجبت صور فروخ للأفريقي الرمادي ,,, ونوعهم جمبو بعد شفت عند البياع خمسة فروخ .... واحد فيهم مطعوم باليد100% ومفصول عن الباقين ... يقول البياع ((عشان يتوالف مع البشر مزبووط )) مررررررة عسل كللهم .. وقالي البياع عمرهم شهر .. اوشهرين (( الشك مني )) واسعارهم صراحة ..... احس انها جيدة الواحد على 1200 قبل المساومة ... ويقول انه الرمادي يفرخ مرة وحدة في السنة ... :confused: اتمنى كل واحد يعطينى رايه في الفروخ وفي الاسعار .. وهل ممكن القى اقل من كذا ؟؟ وعاد مابطول عليكم واترككم مع الصور ,, http://www.arbup.net/arbup8/ab3da9cacd000.jpg http://www.arbup.net/arbup8/ab3da9cacd11111.jpg http://www.arbup.net/arbup8/740e963f2b22222.jpg http://www.arbup.net/arbup8/1f310ba38b33333.jpg http://www.arbup.net/arbup8/1f310ba38b33333.jpg http://www.arbup.net/arbup8/1f310ba38b4444.jpg وسلامتكم يالغالين :) تحية للجميع الطاير |
رد: فروخ الرمادي انتاج محلي 100% ((صور)) +اسعار
ما شاء الله
يهبلون والسعر وناسه ممكن تقول لي وين بالسوق بالضبط شكلي باخذ لي واحد سريع قبل ما يرجع اسير من السوق |
رد: فروخ الرمادي انتاج محلي 100% ((صور)) +اسعار
الله يعطيك العافيه ... ماشاءلله
بالنسبه لسعر مرة تمام ... وين هذا السوق |
رد: فروخ الرمادي انتاج محلي 100% ((صور)) +اسعار
ماشاء الله معقوووله بهالسعر :eek:.. ولله حلوو الله يهني الي بياخذهم .. :) |
رد: فروخ الرمادي انتاج محلي 100% ((صور)) +اسعار
السلام عليكم ...
هذا سوق الخميس ياجماعة الخير في مدينة القطيف .. رعوود First Time شكراَ على مروركم ... وارسلت لكم رسائل خاصة ... تفاحة حمرا الف شكر ع المرور ... وكانك تقولين السعر مررة مناسب .. تحية الطاير :) |
رد: فروخ الرمادي انتاج محلي 100% ((صور)) +اسعار
أنا اشوفه مناسب بالنسبة للاسعار الي عندنا :)
|
رد: فروخ الرمادي انتاج محلي 100% ((صور)) +اسعار
ماشاءالله سوق روعه والفروخ ماشاءالله عليهم والاسعار اخر حلاوة بس قولي اسير الافريقي اعزمك على الفلافل ولا لأ شكرا لك اخوي الطاير على النقل الممتاز للسوق وعلى الصور الي تعور القلب |
رد: فروخ الرمادي انتاج محلي 100% ((صور)) +اسعار
السلام عليكم ورحمة الله وبركاته
اخوي لاتصدق كل مايقال الانتاج المحلي مستحيل يقل عن 2000 او 2500 ريال والمنتجين قلائل ومعروفين هذي فروخ صيد ومهربة تهريب واذا تبي اجيبلك منها ,,, شوف حتى الوصخ على ريشها من اثر التهريب ( الصندوق فيه 30 - 50 حبه ) مع بعض على العموم الله يبارك لك فيه بس انتبه له لانه فرخ صغير وحطله لمبة حمراء للتدفأه وحاول تحطله اكل لين وفواكه وخضار مسلوقة , وياريت لو تغره مرة انت بالايد عن طريق ابره كبيرة لانه ماراح يعرف ياكل من نفسه بشكل كافي , وحطله فيتامينات في الماء يوميا وان شاء الله تتهنى فيه تحياتي |
رد: فروخ الرمادي انتاج محلي 100% ((صور)) +اسعار
هلا وغلا ما شاء الله عليهم احجامهم حلوة واعمارهم مناسبة للتربية وخاصة اذا لقوا الوقت الكافي من العناية والسعر ماعليه كلام ممتاز وياليت نحصل عندنا الاسعار ذي ولكن عندي سؤال ابي اتأكد منه لاني شاك بالمصداقية سألت واحد من فترة عن الافريقي بذه العمر وانه فرصة نجاته من الموت ضعيفة يقولي في اجنبية مرة اشترت افريقي فرخ ونفس الشئ ما كمل كم شهر ومات ولما استغربت لانها مهتمة به جيدا ودته الطبيب عشان يعرف سبب الوفاة قال لها نه فيه اللتهاب فايروس في الكبد وهذا سببه انه فروخ الصيد اللي تهرب وهي ليست من انتاج المزارع هي اللي تموت وانهم هم يعطونهم هذا الفايروس عمدا ممكن يكون هذا الكلام صحيح انا الصراحه مو مصدق واستغربت من كلامه والله يبارك لك فيه وتتهنئ به |
رد: فروخ الرمادي انتاج محلي 100% ((صور)) +اسعار
الانتاج المحلي او المزارع يكون محجل حجل اصلي مكتوب عليه ملعومات المزرعه زالمنتج ...الخ
العمر هذا خطيررر ونادر يعيش انا شريت من زمان واحد اكبر شوي من هذي وماكمل شهر الا ومات وكنت مدلعه لابعد الحدود بس مات !! نصيحه الي يبي يستانس ومايندم ياخذ فرخ محجل معروف المصدر واهم شي سليم من الامراض ويكون عمره فوق 8شهور وتحت السنه هذا افضل فرخ في نظري لان هذا العمر يكون فيه الطير قوي ويتحمل اكثر وبنفس الوقت اليف ويتقبل التدريب |
رد: فروخ الرمادي انتاج محلي 100% ((صور)) +اسعار
بصراحه انا م راي الشباب الطير لمحجل هو الثقه وخاصه لو عمره 6 شهور او 8 على الاقل
انا جربت طيور التهريب وكنت مع ملاحظه تمامه مع البيطري الطير تم عندي 38 يوم بالتمام ومات وطبعا قبلها تم فتره مايمشي ويطيح لين متوكل بصراحه طير محجل واكبر من كذا اخذه لو 2500 يستاهل اما هذي لطيور لا بصراحه مجرد راي متواضع |
رد: فروخ الرمادي انتاج محلي 100% ((صور)) +اسعار
ماشاءالله عليهم حلوييين:) بالتوفيق;) |
رد: فروخ الرمادي انتاج محلي 100% ((صور)) +اسعار
طيور مره حلوووووووووووووووووووووه
بس اخوي اعتقد ان الطيور مش تفريخ وطني لان التفريخ الوطني سعره قالي شوي اكثر من 1200 ريال الله يوفقك فيهم تحياتي |
رد: فروخ الرمادي انتاج محلي 100% ((صور)) +اسعار
أخوي / الطاير:) وعليكم السلام ورحمة الله وبركاته .... هلا وغلا بالطاير الرحال :D أنا أتوقع إنها رحلة موفقه يالطاير جبت لنا منها غنيمه بارك الله فيك أنا من فترة طويله أدور على الفروخ والحين جبت لنا صور موثوقه عن مكانها ما يخالف ولكن نظراً لضعف خبرتي في تربية الطيور الفروخ وعلى حسب ما سمعت من قصص تحت عنوان " مات طيري الفرخ " :( صرفت نظر عنها وبقوة ولا أعاد أواطنها بعيشت الله ولكثرت التعب فيها والعناية وفي الأخير ممكن تاكل خابور على كيفك فيها تموت ولا تمرض ولا ولا .... إلخ .... ودي أعطيك نصيحة ونصيحة لكل الأخوان إذا كنت ناوي تشتري ببغاء فأنا أنصحك بالطير اللي عمره 8 أو 6 شهور على الأقل لإنا كلنا نعرف إن الببغاء يستطيع العيش بإذن الله إلى عمر 50 سنة وأكثر وبعضها تستطيع أن تعمر إلى 100 سنة بإذن الله تعالى و 8 شهور تضيع قدام 50 سنة ولا مووووو يالطاير الغالي يعطيك ألف ألف عافية على الموضوع الممتاز وتسلم وتسلم يمين اللي على الطيب رباك والمعذرة على الإطالة:o |
رد: فروخ الرمادي انتاج محلي 100% ((صور)) +اسعار
السلام عليكم يا اخوان مرة اخرى ....
تفاحه حمرا... شكل الاسعار ناار عندكم ,,,, بس الله يعينكم :) بو ناصر ... حياك الله يالغالي وللأسف اسير الافريقي ماقابلته :( وعلى فكرة بياع الفلافل ماجاء اليوم ,,, :p :D واخيراَ .. هذا واجبنا يالغالي :) وشكراَ على حذف الموضوع ;) Dexter اهلين يالغالي ... بخصوص اسعار الانتاج المحلي ... اظن انه مبالغ فيها شوي ... واما عن المنتجين .. فيقدر اي واحد ملم بالشغله يفرخ الطيور هذي والريش ,,, ماعمري شفت فروخ نظيفة ::rolleyes: كلها تجيب الغثيان :D والف شكر Dexter على طريقة اللمبة وباقي الحاجات ,, كان ممكن استفيد منها لو اني شريت :D ولاتحرمنا من طلتك يالغالي :) الكسيكوالدره والله عن الاحجام والاسعار .. فحدث ولاحرج وفعلاَ لوتاخذه في العر هذا يسير مرررة وليف وتناديه ويجيك .. واكيد راح يتكلم من بدري :) وصدقت يالغالي في شكك .. لان واحد فيهم شكله متوعك وصحته مو الى هناك .. بس ما اعتقد ان فيه حد بيحط الفيروس عمداَ ... الفيروس يجي من سو التغذيه ... او الاكل الفاسد .. او اذا وسخ الطعام ورجع اكل منه او اذا اكل المسغ حقه .. والله يبارك لك حتى انت يالغالي :) بس تراني ماشريت :p كحيلانهلا والله بالغالي ... مو شرط يكون انتاج محلي لازم حجل ومش عارف ايش ... يمكن الرجال قدر يفرخهم عنده في البيت .. وكذا موب لازم يحجلهم .. وصدقت بخصوص العمر هذا هذا لان احتمال نجاته صعب ... لاكن الي بيقابله ليل ونهار انشا الله يمشي الحال .. واما افضل عمر فهو السنة عموماَ. قطرررررررررررري الله يعوضك في الي راح يالغالي ... ,, طيور التهريب صدقني زيها زي اي طير تشيله من الشارع .. لاكن الفرق انه مر عليه فترة عانى من سو التغذيه .. وانت وشطارتك تنقي اقوى واحد فيها :) لقيت واحد عمره حوالي السنه بـ1400 وعينه برضه اسوود كااامل زي الفروخ اما 2500 .. والله غالي مرررة ... المكاو السماوي بـ2500 مو الرمادي ... والف شكر على رايك ومداخلتك يالطيب . عاشقة الطيور حياك الله ... والاحلى منهم مرورك على الموضوع :) وبالتوفيق للجميع .. mmc260حياك يالغالي ... واعيد واقول يمكن شغل واحد من الهواة .. يعني مو شرط يكونو تفريخ مزرعة للطيور والله يجزاك الف خير يالغالي ع الدعوة بس تراني ماشريت شي :D الجااارحهلا والله .. هلابك يالغالي والله الرحلة ماشي حالها ... بس لو اني كنت شبعان نووم :D . .. لاني رحت مواصل وتخيل انت شكل السيارة وهي تلعب في الخط:p يمين ويسار وصدقت والله .. توني الحين اتذكر كم مرة اشوف العنوان هذا ... مات الفرخ وودع الفرخ !! وصدقت والله في العمر هذا .8.7.شهور ,, لاكن حتى لو يكمل السنة ((بالنسبة لي )) مايخالف :) والف الف شكر ع الكلام الحلو يالغالي . شرفني مروركم يا اخوان وعقبال ماتحطون صور لفروخ من انتاجكم :) تحية الطاير |
رد: فروخ الرمادي انتاج محلي 100% ((صور)) +اسعار
مرحبا اخواني الاعزاء لا اريد ان اطيل عليكم فبعض الاخوان وضح موضوع هذه الطيور فهي طيور افريقيه مستورده عن طريق البحرين وبالنسبه للبائع فقد دار نقاش بيني وبينه هذا اليوم في سوق الخميس بالقطيف ولايهمه ان يكذب اهم شي هو ان يبيع الطيور ويقبض المال وبعد النقاش اجابني بقوله عيب عليك انت تخرب علينا اللبيع انظرو اخواني الاعزاء الى اي حد وصل بيع الضمير من اجل القليل من المال ومع الاسف الاخ العزيز الطائر وبعض الاخوه اعتقدو بصحه كلام هذا البائع فقد طلبت من توظيح المصدر وسالته اين الحجول فلم يعطيني اي جواب صحيح وان شاءالله اخواني الاعزاء سوف اعرض لكم صور للانتاجي المحلي الجامبو المحجل وكما ذكر احد الاخوان بالنسبه للسعر المنتج محليا
|
رد: فروخ الرمادي انتاج محلي 100% ((صور)) +اسعار
هلابك اخ الكاسيكو ...
الطائر = الطاير احس ان فيه بينهم فرق ... ولا انت وش رايك ؟؟ ههههههههه شكراَِ على المرور والاضافه ... وشكلك انت نشبت لحياته يالغالي :p :p بس تصدق ... مازلت اعتقد انها انتاج احد الهواة (( المحليين )) لان صعب في الوقت الحالي احد يجيب طيور من برى بسبب الحظر تشرفت بمرورك يالغالي .. وفي انتضار موضوعك يالطيب :) تحية الطاير |
رد: فروخ الرمادي انتاج محلي 100% ((صور)) +اسعار
السلام عليكم
هذي أول مشاركه لي. بالنسبه للبغاء أنا اشتريت اليوم واحد اللي بالنص في أول صورة ب1300 طبعا باقي عنده ثلاثه والرجال البائع اسمه محمد وعندي جواله. أنا من وجهة نظري المتواضعه أشوف إنه ثقه لأنه دلاني بيته وعلمني طريقة تأكيله. وقال لي إنه من إنتاج القطان بالأحساء والله أعلم في ذمته. وقال أي شي يصير للبغاء دق علي لا وفطرني على حسابه بعد. وشفت شخص من أهل عنك أخذ من عند محمد قبل شهرين وقال أن الببغاء صار تمام ويطلع على يدي ومدح الرجال. لكن لقيت شخص يدعى بومصطفى يقول إن الببغاء حق محمد إفريقي لأنه مو محجل ودي أفهم اش فايدة التحجيل لأن حتى أبو شهرين تقدر تحجله بس عشان تاريخ الميلاد طيب أنا أحجله وأبيعه بزياده ألف؟؟. ويقول بومصطفى إن عنده ببغاوات محجله من 2200 إلى 2600 ريال وقالي إنه يجيبهم من البحرين وعندي رقم جواله وجوال اللي يجيبهم من البحرين. وقال بعد إن المواد المستخدمه في تأكيله معقمة بطريقه خاصه أما حق محمد فيه فايرس. بس أنا طبعي ماأحب أحد يخرب سوق أجد ويشتر في بضاعة الناس. وبصراحه إذا بدفع 2500 في فرخ أزيد 500 وآخذ لي مدرب وجاهز ولاأخاف إنه يموت علي ويتكلم الخ.... طبعا أنا هذي أول مره أشتري ببغاء في حياتي ومنب خبير ولكن وبعد مااستشرت أهل الخبره قالو لي خذ لك فرخ وربه على كيفك بس ألحين أنتو خوفتوني من أنه يموت حتى لو أعتنيت فيه ممكن أحد يفهمني الموضوع وتقبلوا تحياتي وآسف على الإطاله. حبيت أنقل لكم اللي صار معي بكل أمانه والله على ما أقول شهيد. |
رد: فروخ الرمادي انتاج محلي 100% ((صور)) +اسعار
يسلموووو لووول :)
|
رد: فروخ الرمادي انتاج محلي 100% ((صور)) +اسعار
مرحباَ بك اخ majid222
حياك الله معنى في المنتدى يالغالي :) وانشاالله تفيد معنى وتستفيد ... ويشرفني تكون اول مشاركة لك في موضوعي :) والف مبرووك عليك الفرخ يتربى في عزك ... بس عاد ورنا صورتة :) الاخوان يتكلمون عن موت اغلب الفروخ بسبب تجارب اليمة مرت ببعض الاعضاء وخاصةَ الفروخ التي قطفت من العش وابتعدت عن رعاية والديها ,,, الواحد يشتري فرخ ويتم معاه مدة ... ويوم من الايام يجي ويلقاه منسدح .. :( يعني ميت الاساليب مختلفة ... والنتيجة وحدة ... موت الطائر .. من اسباب موت الطائر المستورد .. انه ياخذ عدوى بمرض اثناء نقلة من بلد الى بلد ..لانهم طبعاَ مايحطون لكل طير قفص منعزل .. او انه يجووع او ياكل اكل فاسد .. فيصاب بوعكة قد لايشفى منها وتكون السبب في موته وعند المربي ((الفرخ)) لازم له اكل طري ورطب .. يعني اكل يفسد بسرعة والمربي اذا ماغير الاكل للفرخ 6 او 7 مرات في اليوم يمكن يتسمم الاكل وياكل منه الطير ويبداء عد الايام التنازلي لحياة الطير ... ويمكن يتغير الجو على الفرخ .. حرارة زايدة او برودة زايدة ويموت ... لان الفرخ ماعنده ريش يخليه يقدر يحافظ على الحرارة او يصرفها .. ويمكن يلتقط الطير عدوى مرض من المربي او من ادوات الاطعام او من العش او حتى من الهواء واي تقصير في النضافة ممكن يقتل الفرخ ... عشان كذا الي يشتري فرخ ,, ويهملة شي بسيييط ممكن يجيب اجله ... الفرخ مو زي الطير البالغ يقدر يتحمل .. يبغاله مراعات كل شي واهتمام الى ان يبلغ ... واغلب الي يشترون فروخ مايتوفقون فيها ,, وتنتهي التجربة بموضوع ماساوي في المنتدى :( واما عن الحجل ... فانا اقول نفس الكلام الحجل للأسف صار وسيلة لخداع الناس الي مايفهمون فيها ... يعني لو اليوم اشتريت انا الفروخ كلها .. وحطيت لها حجل من البياع الي في طرف السوق كان بعت الواحد بـ2000 ريال وبتمشي كلها :( واخيراَ .. عن الرجال الي جالس يبيع ... انا اقول شكلة (( من كلامة )) انه فاهم في الشغلة .. والله اعلم حياك الله مرة اخرى اخ majid222 ومشكوووووور على المروووووور وننتضر اخبار تجربتك مع الفرخ :) عهد ...ولكمووووو و شكراَ على المرور تحية الطاير |
رد: فروخ الرمادي انتاج محلي 100% ((صور)) +اسعار
اقتباس:
يالطاير تقولي يالطاير أتخيل شكلك وإنت طاير بالسيارة وتعبان وتلعب بك يمين وشمال هااااهـ أفا عليك بس جرحتني وأنا الجااارح :( ولكن أنا أقول لك أتخيل شكلك وأنا أطالبك بحق والله :D تصك مشوار حوالي 1350كيلو خط ولا تعطيني خبر ولا تقولي على شيء لكن ولعلمك تراك مريت من جنب البيت حقي لو ما كنت داري:rolleyes: المهم يالطاير ماراح أتكلم إنت أبوها وسمها .....:cool: |
رد: فروخ الرمادي انتاج محلي 100% ((صور)) +اسعار
الله يبارك اخى
مشكورين اخوان على التواصل اخى الطاير كلامك اية كتير عجبنى الله يبارك فيك و يجزيك كل خير |
رد: فروخ الرمادي انتاج محلي 100% ((صور)) +اسعار
:D هههههههههههههه :D
هلابك يالجارح ... والله انك منسم ...تسسسسسس :p من جد لاتشوف وجهي وانا اقرى :D ابشر بالحق ومايالحق ... مع انه فيه سؤو تفاهم ====>> بداء يصرف:p لاكن انشاالله في الجايات يالغالي امرك وانشب لحياتك .. ولا اقولك .. خلها في الصيفيه نتقابل هناك ;) (( بس لاتعلم احد وين )) الكلام هذا بيننا بس وابشر والله نروح انا وانت للوادي وننقي هناك احلى فرخ تيس :p :D :p ونكبسه في حفرة المندي و محشوووووووم وماعاش والله من يجرحك يالغالي .. واخيراَ ننتضر ابداعاتك .. يابن الاجواد mohamed refat حياك الله يالغالي .. ومع اني احفظ امثال وحكم واجد زي خير الكلام ماقل ودل .. و اذا كثر الكلام قلت الفائدة .. وعلى قوله الهنود (( قرقر واجد فايدة شويه )) :D لاكن احياناَ يجيني خاطر اتعمق شوي في الكلام :rolleyes: وبرضه انت اذكر الله ياعم احسن ماتخرج منك واروح في الكازوزه :p والف شكر على مرورك يالغالي :) تحية الطاير |
رد: فروخ الرمادي انتاج محلي 100% ((صور)) +اسعار
وين انا من الموضوع هذا وين كنت وين كنت مختفي يالطاير هههههههههههههههههههههههه
بس زين قريته الان ومن محاسن الصدف اخوي الطاير لقيت الفروخ اللي في الصوره عندك وهذي على كلام صاحبها انها انتاج محلي من مزارع الاحساء وبصراحه لقيتها اليوم ولقيت بها عيب يمكن لاحظته معي فيها حساسيه قويه جدا جدا ولا تصلح كلها وانشاء الله اشوفك اخوي الطاير تقبل تحياتي |
رد: فروخ الرمادي انتاج محلي 100% ((صور)) +اسعار
حياك الله اخ اسير ,,,
تسلم على مرورك ... وتعليقك المتواضع :) واما عن الحساسية .... وش قصدك بالزبط في الكلمة هذي ..؟ انا مالاحظت شي يالغالي ... مع اني شفتها على الطبيعه مو صور !! ياليت اذا ماتمانع تعلمنا كيف حددت ان فيها حساسية .,,, :confused: عشان الاخوان ماينخمون بعدين في طيور مصابة ,,, والف الف شكر على مرورك يالغالي ,, وفي انتضار المزيد من ابداعاتك ... تحية الطاير |
رد: فروخ الرمادي انتاج محلي 100% ((صور)) +اسعار
اقتباس:
هههههههههههههههههههههههههههههههه :D :D :D والله شكلي أنا وإنت منسمين بقوة :p ودي والله لو كان شفت شكلي من جد وأنا أقرى الرد حقك حتى ربش أنفجع من كثر ما ضحكت هههههه :D عموما حلوووووووووة التصريفة ولا أقول لك بإعتبرها سوء تفاهم لا أقل ولا أكثر ;) وإنشاء الله الجايات تحمل في طياتها كل علم طيب يطيب خاطرك آآآآآآسف لفهمي الموضوع خطأ :o وعلى فكرة ;) : بصراحة أشوفك ها الأيام صرت مبدع مبدع مبدع والله العظيم وبدون مجاملة وإلى الأمام والأمام إنشاء الله تعالى وتسلم يالطاير الغالي ..........:) |
رد: فروخ الرمادي انتاج محلي 100% ((صور)) +اسعار
انا انصحك تروح تاخذ واحد قبل ميخلصون
|
رد: فروخ الرمادي انتاج محلي 100% ((صور)) +اسعار
السلام اخي انا اتفق مع ديكسر ويجب تنتبه لان هذي الطيور مهربة من البحرين واسعارها هناك 500ريال والله الموفق
|
رد: فروخ الرمادي انتاج محلي 100% ((صور)) +اسعار
حياك الله يالجارح ...
واهم شي انك صرت على بينة :) وتسلم على الكلام الحلو ... اخbruce شكراَ على النصيحة .. والمرور .. لاكني لقيتها بنصف السعر هذا !!! seraj .. حياك الله يالغالي ... ورديت انا على موضوعك (( لمحبي الكاسكو )) ومفاد الرد ... احجز لي واحد وشكراَ على المرور والتنبيه :) تحية الطاير |
رد: فروخ الرمادي انتاج محلي 100% ((صور)) +اسعار
اقتباس:
على العموم بكرة يتضح كل شي لمن لايعلم |
رد: فروخ الرمادي انتاج محلي 100% ((صور)) +اسعار
حي الله أخوي الطاير مشكووووووووور ع الموضووووووووع ماشاء الله عليك وعالنقل المميز من شأن الأسعار أشوفها غالي :( بالمقارنة باللي عندنا بجدة ومثال ع ذلك من شهرين تقريباً شريت لي أثنين كاسكو ( عادي ) أعمارهم ع سنة ونص تقريباً بسعر ما تتخيله بـ1550 ريال بمعدل 775 ريال للواحد و هنا السؤال : هل هذا التفاوت الكبير في الأسعار سببه نوع الببغاء ( جامبو - عادي ... إلخ ) أم إختلاف الاسعار من مدينة الى آخرى ؟ فنصيحتي لك يا الطاير أنك تتريث إلى ماتحصل سعر أفضل وتحياتي لك نصور! |
رد: فروخ الرمادي انتاج محلي 100% ((صور)) +اسعار
طيب انا رحت سوق الحمام اللي في الرياض ولقيتافرقي عمرهم من 8 شهور وفوق اسعارها من 600 إلى 1000
|
رد: فروخ الرمادي انتاج محلي 100% ((صور)) +اسعار
Dexter
حياك الله مرة اخرى ... وبالفعل نبهني اكثر من واحد ان زي الفروخ هذي موجوده في البحرين ... يمكن تكون منها ... ويمكن لا .. الله اعلم ,,, شكراَ على المرور يالغالي :) نصور! هلابك يالغالي .,.. عن تفاوت الاسعار .... مادي ايش السبب بالزبط وبالفعل ارخص اسعارانا شفتها عندكم بجدة :) والف شكر على النصيحة ماقصرت يالغالي مدمن حيوانات حياك يالغالي .. وشكلها هذي دفعة جديدة ((موسمها)) يعني الافضل اانا نتريث اشوي وندقق ع الاسعار :) وبصراحة حلوة اسعار الرياض شكراَ للجميع على المرور . تحية الطاير |
رد: فروخ الرمادي انتاج محلي 100% ((صور)) +اسعار
ماشاء الله تبارك الله
روعه الفروخ الافريقي ومشكور على الموضوع |
رد: فروخ الرمادي انتاج محلي 100% ((صور)) +اسعار
مرحباَ اخ man.utd
حياك الله معنا في المنتدى يالغالي ,,, شكراَ على مرورك يالغالي .. والله يرزقك بمثلها :) ((الفروخ)) ولاشكر على واجب ... تحية الطاير |
| جميع الأوقات بتوقيت GMT +3. الساعة الآن 06:49 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو