|
ببغائي ياكل الورق
السلام عليكم ورحمة وبركاته
عندي مشكلة ببغائي ياكل الورق او الجرايد الي في ارضية القفص ايش الحل |
رد: ببغائي ياكل الورق
نفس المشكله عندي ... و اتوقع بسبب التوجيع عشان التدريب
|
رد: ببغائي ياكل الورق
انا كذا كان بغبائي
اوقات بس يقطعهم اخر شي ماقمت احط له شي واغسل الصحن اللى بارضيه القفص كل يوم |
رد: ببغائي ياكل الورق
هذا غالبا انه ملان و حاب يلعب و يطلع برا القفص
|
رد: ببغائي ياكل الورق
السلام عليكم
حط نشار خشب لان الورق مضر للمعده |
رد: ببغائي ياكل الورق
الطير فقط يلعب في الورق لكن ما ياكله .. يعني بس يقطع الورق ..
لا تخاااف هدا فقط يلعب |
رد: ببغائي ياكل الورق
شل الورق , الورق يعتبر من السموم للطيور , مب زين لا الورق لا ينهضم بسرعه في معدة الطير
بشكل عام الطيور الي احنا بنربيهم او نشريهم غالبا يكون مفرخين قصدي يعني مب صايدهم , والطيور و خاصة الببغاء عنده فضول يجرب كل شي , يجرب عن طريق منقاره , و ما يعرف اش هو الزين والضار عكس الي يكون في البريه و بنصيدهم يعرفون عن طريقه الفطره ايش هو الزين و الضار. |
رد: ببغائي ياكل الورق
عاده في الببغاوات وهي قضم الاشياء من حولها وهذا طبيعي
لكن يجب الحرص ومنع الببغاء من ذلك لانه لايعرف مصلحة نفسه بعض الاقفاص يأتي معها سياج يمنع الببغاء من الوصول للأرضيه اذا موجود بقفصك سياج حاول ترفعه واذا مو موجود ركب له |
رد: ببغائي ياكل الورق
في سياح بس هو يدخل منقاره في الفراغات في السياج
وشكرا على ردودكم بس يعني ما في حل لاني اتعب وقت التنظيف |
رد: ببغائي ياكل الورق
اي اخوي انا نفس الوضع عندي
وفي حل في ورق يجي مقوى شوي تحصله في المحلات الكبيره والمكاتب ومو غالي كثير هذا تحطه في الارضيه وبنفس الوقت ما يقدر يمسكه وسهل في التنظيف بس تمسك الورق المقوى وترميه وتحط جديده ** ملاحظه ** مو شرط يكون كثير مقوى بس المهم انه يكون ينمد مثل البساط وما يعطي تعرجات |
رد: ببغائي ياكل الورق
اقتباس:
اساساً نحن نشتري الاقفاص واول شي نعمله نرفع سياجها لأنها تأتي من المصنع منخفضه هذا هو الحل |
رد: ببغائي ياكل الورق
السلام عليكم شباب حسب خبرتي في الكاسيكو هي الطير يبي يلعب ويبي يطلع من القفص لانة ماعندة اي شي يلعب فيه انصحك تخلي له العاب في القفص او تخلي كم ساعة تطلعة برى القفص يبدل الجو عن القفص لأنة اغلب الطيور الي تبدي في اكل الورق وما تحصل بديل تبدي بعد كم شهر تنتف ريشها وهي حالة كثير تصيد الكاسيكو بختصار وعلاجها ممل واجد يصيدة بختصار نفس الحالة النفسية خل له حطب صغار ينتف فيهم في القفص احسن حل
|
رد: ببغائي ياكل الورق
^^
^^ التقطيع والتخريب عاده في الببغاوات وهو شي طبيعي جداً حتى لو كان برآ القفص صدقني اقرب شي عنده راح يبدأ في تخريبه وتقطيعه بمنقاره لاتربط هذي العاده التي في الببغاوات على انها مؤشر خطر وبدايه غير طيبه وانه راح ينتف ريشه وانها حاله نفسيه |
رد: ببغائي ياكل الورق
انا استخدم ورق A4
|
رد: ببغائي ياكل الورق
انا نفس الشي ببغائي ومن زمان كان في القفص العصايا الي يقعد عليها ثنتين خشب وكسرهم !
وكنت احط له لعبه شريتها وكسرها والحين جبت له عصايا يقعد عليها طبية ممايقدر يكسرها والقففص اخليه من تحت على طول مفتوح له ومع ذالك يقطع الجرايد .. ايش الحل برأيكم ..؟ |
رد: ببغائي ياكل الورق
ارفع الارضيه اخي الفاضل او استخدم الاكياس بدلا من الجرايد
تحياتي |
رد: ببغائي ياكل الورق
اخوي ابداً ابداً لا تسكر عليه القفص
ليش تشترون طيور وتسكرون عليها ابي افهم !!! تعبت من كثر مااعيد نفس الكلمه في كل موضوع يااعزائي الطيور بطبيعتها حره الوضع مو صعب لهالدرجه الطيور بالذات لا تحجررررهم ابببداً ربه كويس وروضه وخل اكله بالقفص وخله داااائماً مفتوح وااذا بغا ياكل راح ينزل ياكل ويرجع والافضل حط له ستاند {ارحموهم قبل تفكرون تملكونهم} |
رد: ببغائي ياكل الورق
الحل بكل بساطه ارفع السياج احسن له حتى لو ماكان يحاول يخرب الجرايد الي بارضيت القفص ممكن ياكل من الوساخه الموجوده وهاذا خطر على صحته وحياته
|
رد: ببغائي ياكل الورق
نفس المشكله عندى بس انا ما بحبسها الا عند دخولى للنوم انا بطلعها برا القفص 15 ساعة واقل شئ 12 ساعة الوقت اللى صاحيه فيه واول مابدخلها القفص بتجنن وتقعد تحفر برجلها وتروح واكله الجرايد واصحى الصبح الاقيها فتافيت وللعلم ساعات بتكون عايزه تاكل فى الظلمة تروح واكلها مع انى بكون حاطه لها فاكهه وفول سودانى اكلتها المفضله لكن تعصبنى وتاكل جرايد لدرجة انى كنت بخوفها بعصى عشان تبطل الحركة دى بس عرفت انى حرام ارعبها او اى حيوان عموما ومن ساعتها مش بخوفها خالص بس غصب عنى اضطريت للاسلوب دا ساعتها لانها ماكانت بتكست الا بكدا يلا ربنا يسامحنى :(
|
رد: ببغائي ياكل الورق
.. أنــاا أتفــق تمامــااً مــع اللــي قــالووا انــوو المضــغ بـ شكــل عــاام عــــــــــااادة رئيسيــة يحــب الببغــااء التسلّــي بهــاا !! .. .. وهــي غيــر مضــرة بتاتــااً !! لكــن بـ النسبــة لـ الجــراايد فيهــاا مــوااد كيمياائيــة مضــــــــــرة جــدااً !! ولازمــ مــاا نفــرش أرضيــة القفــص جــراايد !! بـ النسبــة لـ الــورق الأبيــض A4 أو مــاا شاابــه فـ عــاادي الببغــااء يااكلــه .. ولــوو ملاحــظ أنــوو يااكلــه بـ كميــة كبيــرة إرفــع الشبــكـ الموجـووود بـ الأرضيــة حتــى لا يستطيــع الوصــوول غليــه بـ منقــاارهـ !! .. .. ولـ المعلووميــة .. يعتبــر عاامــل صحــي وضــع قطعــة خشــب أو مجثــم خشــب بـ القفــص حتــى يمضــغه ويكســرهـ ويفتتــه الببغــااء !! وهـ الشــيء يقــوووي منقــاارهـ وفكّــه وجسمــه ويحفــز اللعــب لديــه .. .. آنآستــآزيآ .. |
رد: ببغائي ياكل الورق
لا تحط اوراق
وعلى فكرة اذا انت تحط اوارق عليها رسمة للفواكة او شئ ملفت راح ياكلها وهذا حب استطلاع لا تضع الورق لفترة لحين تخلصة من هذه العادة وبعدين ارجع رد حط ورق وشوف |
رد: ببغائي ياكل الورق
داري اخوي أني غيرت القفص بسبب كذا النشاره متعبه واحطيت رمل حلو تسحب الرطوبه ولا فيه اي ريحه لكن متعبه بالتنظيف وعزل الرمل النظيف
اخر شي غيرت القفص وكان رفيعه الارضيه ما يقدر بمنقاره صار يدخل رجله ويسحب الورق ههههههههه يعني تحسه انسان ذا مو طير غيرت الارضيه لشبك فتحاته صغيره عشان ما يدخل رجله ويستهبل علي |
رد: ببغائي ياكل الورق
داري اخوي أني غيرت القفص بسبب كذا النشاره متعبه واحطيت رمل حلو تسحب الرطوبه ولا فيه اي ريحه لكن متعبه بالتنظيف وعزل الرمل النظيف
اخر شي غيرت القفص وكان رفيعه الارضيه ما يقدر بمنقاره صار يدخل رجله ويسحب الورق ههههههههه يعني تحسه انسان ذا مو طير غيرت الارضيه لشبك فتحاته صغيره عشان ما يدخل رجله ويستهبل علي |
رد: ببغائي ياكل الورق
الحمد لله ما سار ياكل الورق وكانت المشكلة الطفش لانو كان جديد و ريشو مو مقصوص وما احب اخرجو عشان ما يطير بس الحين قصيت ريشو وسرت اخرجو كل يوم وبطل ياكل الورق
|
رد: ببغائي ياكل الورق
آلطير يأكله بس مايبتلع الورق
للعب فقط |
رد: ببغائي ياكل الورق
ما ادري بس لما كنت انظف القفص والقى الورق مقطوع ما القى الي قطعه فاظن ياكلو
|
رد: ببغائي ياكل الورق
اخوي حاول انك ترفع السياج من الارضيه وربطها باسيام تقبل مروري
|
| جميع الأوقات بتوقيت GMT +3. الساعة الآن 12:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو