ابي المساعده ياشباب
 

انا عندي ببغاء الدره الهندي انثى

وشريتها من اسبوع ادربها كل يوم واعطيها الاكل من يدي وبديت ادخل يدي عندها وامسح عليها طبعا لابس قفاز بس تعودت ماصارت تعض مثل اول واذا مسحت عليها شوي انزل القفاز واكمل عليها بيدي ابي اعرف هذي الطريقه حلوه والا في طريقه افضل ....

وابي تساعدوني في طريقة التدريب اللي عنده معلومات لايبخل

وكيف انضفها جبت لها ماء في صحن كبير بس ماهي راضيه تروح له ...؟؟؟؟؟

رد: ابي المساعده ياشباب
 

ردو علي ياشباب تكفووووووووووووون

رد: ابي المساعده ياشباب
 

هلا اخوي

من معرفتي القليله في الطيور و ولفت ببغاء امزوني 00

عندي لك طريقه ان شاء الله تمشي معاك

1- تاخذ الطير بالقفص وتفك عليه الدش الماء يكون دافي عشان لا يضره تطلعه من المروش وتخليه ينفض شوي ويبرد اهم شي انتبه لازم تطفي المكيفات 00

2- تاخذ منشفه وحبذا تكون بيضاء او فاتح لونها عشان الغامق يخوفهم ويربكهم 00 وتفتح القفص وتغطيه بالمنشفه وتلف المنشفه عليه وتشيله شيله وهو مغطى وحاول تكون رجوله مع لف المنشفه للخلف عشان لا يتظرر او يعابط ماعك

3- تجلس واترك المنشفه عليه واجلس حكك له راسه وطلع راسه حبه حبه مع الحكحكه

4- روشه كل يوم مرتين واتبع الطريقه لمدة ثلاثه ايام راح تلاحظ الفرق ان شاء الله

اهم شي خله يطول وانت تحكك له ساعه او اكثر

رد: ابي المساعده ياشباب
 

مشكور ياغلاهم على معلومتك بس لاهنت احكحك له راسه والا جسمه كامل

والفرق بعد ثلاث ايام في ايش الاحظه ياليت توضح

ويعطيك الف عافيه

رد: ابي المساعده ياشباب
 

الله يعطيك العافيه

حكك له راسه طبعا

راح تلاحظ الفرق في الالفه راح يكون معاك سالك يشوفك ينزل راسه عشان تحككه هههه

رد: ابي المساعده ياشباب
 

طيب معليش على كثرة اسئلتي ياغالي

بس هو الحين اذا شافني ينزل راسه عشان احكحك له بدون مااروشه

يعني انا ابي العب معاه امسكه شي زي كذا وش الطريق يعني استمر زي كذا لفتره طويله حتى يتعود او فيه طريقه تنفع معاه للتدريب تعرفها

رد: ابي المساعده ياشباب
 

طيب هو يطلع على يدك

رد: ابي المساعده ياشباب
 

لا اذا مسحت على ذيله او نزلت يدي على صدره او رجوله يعض بس على راسه وظهره مايقول شي وياكل من يدي
هو عندي من الاسبوع الماضي يوم الجمعه يعني صار له 6 ايام

رد: ابي المساعده ياشباب
 

مايطلع على يدي

رد: ابي المساعده ياشباب
 

توه له سته ايام مااخذ الثقه الكامله فيك اصبر عليه راح يفلهاا معك


ادخل مواضيع تعليم الطلوع على اليد في قسم الببغاء

رد: ابي المساعده ياشباب
 

يعني افهم ان البدايه كذا حلوووه

رد: ابي المساعده ياشباب
 

الا ياغالي يحب العنب كثير وانا اعطيه باليوم تقريب 6 حبات ماتضره

رد: ابي المساعده ياشباب
 

مااتوقع يضره العنب لان اكله في بيئته الطبيعيه فواكه وحبوب استمر وانا عندي ببغاء من يوم الجمعه شاريه والنتايج الي انت وصلت لها انا للحين ماقدرت اوصل لها ما شاء الله عليك

رد: ابي المساعده ياشباب
 

شكرا ياغالي على ردك لي

واسف اذا اخذت من وقتك يعطيك العافيه