|
وش الحل مع هالببغاء
السلام عليكم ورحمة الله وبركاته
كل عام وانتم بخير حبايبي عندي ببغاء كاسكو رمادي وفيه مشكله عجزت احلها ياريت الي عنده حل يفيدني تكفووووووون الببغاء أليف وموأليف *يطلع على اليد بعد تردد *اول مايطلع على اليد يبغى يرجع على الاستاند علطول *بعض الأحيان لما اجي ابغاه يطلع على يدي يجعر بشكل كزعج *بعض الأحيان لما اقرب بشيله على يدي يعض (وعضته قويه مره توقف شعر الراس يقص الاصبع الا شوي) *مايخليني اقرب منه لما ابي امسح على ظهره او صدره علطول يبي يعض لما اقرب منه هذي تقريباً مشاكله معي انا ابي حل لمشكلة الخوف النسبي الي فيه والتجعير والعض القوي وابيه يطلع على اليد والكتف عادي وهو مرتاح وش الحل تكفوووووون فيدوني ذبحني من كثر مايعض شلخ يدي تشليخ |
رد: وش الحل مع هالببغاء
الطير من متى عندك ؟
|
رد: وش الحل مع هالببغاء
اقتباس:
له تقريباً 3 شهور |
رد: وش الحل مع هالببغاء
تجلس معه كثير ؟؟
تأكله بيدك ؟؟ تلاطفه ؟؟ اذا طلعته على يدك ابعد عن الاستاند الظاهر للحين ماتطمن لك |
رد: وش الحل مع هالببغاء
اقتباس:
ومحد يشيله غيري حبيبي الله لا يهينك انا يمكن اجهل بعض النقاط لو تفيدني بالخطوات الي راح تساعدني لحل المشاكل الي طرحتها بالموضوع راح اكون لك شااااااااااااااااااااكر جداً لأن اتوقع لو بجلس شهر زياده بتخلص يدي من كثر مايقرطها ذالخبل والله لين عظك تقول باب مصكوك على اصبع مب منقار |
رد: وش الحل مع هالببغاء
ابفيدك من واقع تجربه لاحد الكاسكوات اللي اقتنيتها
ولفته في البيت وقف جعير وياكل من اليد واخر حلاوه لكن مايبيني احك منقاره وانسى يخليني احك راسه عليه عضه تجيب الصداع استحملت العض لدرجة مره من المرات انغرس طرف منقاره في كف يدّي والله اني سمعت صوت الجلد ( تككك ) الم غييييير طبيعي بس وش اسوي .. اللي يبي الدح مايقول اح قلت مافي الا اكسر شوكته بالاكله المفضله عنده جربت كذا فاكهه ولقيته يخق مع البرتقال والعنب قلت هين دواك عندي الحمد لله يوميا متعود العصريه آكل فاكهه احط القفص جنبي وافتح الباب .. واخليه مفتوح .. واسمي بالرحمن وآكل وهو متردد وده يجي وخايف يطل ويرجع مديت يدي جنب الباب وخااااايف يقرب الين صخّنت يدي من كثر ماني مادها ( تعببببت ) وم رقبته واخذ قطعة البرتقال وحبه ورا حبه واليوم الثاني وعلى هالمنوال الاخ بدا يتجرأ وصار يطلع جنبي وانا مزلبه مخليه براحته يمد منقار ويشيل وياكل المهم مالك بالطويله وبعد مناوشات وصبر على باقي التدريبات من طلوع اليد من خارج وداخل القفص الحمد لله واكلت عض الين قلت آمين ومناوشات حك الراس هذي يبيلها موال من آلام العض مععاناة 4 اشهر ياباشا وبعدها ولله الحمد والمنه صار حمامه اتمنى اكون افدتك بتجربتي فأنا مجرد هاوي والكاسكو الكل يقدر يقتنيه لكن القليل يعرف يتعامل ويفهمه |
رد: وش الحل مع هالببغاء
اجل بيقوم بقس اليوم يأنا ياهالببغاء
معلمه معلهم عديم التربيه ذا |
رد: وش الحل مع هالببغاء
لالالا لاتجبره بالغصب
ولاتعصب اذا عضك وتهاوشه وترفع صوتك عليه او تدفه او تطيحه من يدك علمّه واصبر عليه الكاسكو دربّه بالاقناع ولاتدربه بالاجبار |
رد: وش الحل مع هالببغاء
اقتباس:
الله لا يهينك حبيبي ماقصرت |
رد: وش الحل مع هالببغاء
اقتباس:
ابو فزاع اليوم الصبح الساعه 7 شلت الاكل عن الببغاء وبخليه لين ارجع من الدوام الساعه 4 ونص بعدها بخلي الاكل فيدي وبوريه الفستق من الجوز ذا هل بيجيني علطول ولا اخليه جايع فتره اطول ؟ |
رد: وش الحل مع هالببغاء
لاااااااااااااااااااااااااااااااااا ياشيخ حرام عليك
ههههههههه من 7 الين 4 تبيه يموت ؟؟؟ ياخوي تراه ببغاء مهو اسد خل الاكل عادي وللعلم عمري ماشلت الاكل عنه ابد لكن انا قصدي كان على الفاكهه الببغاء تقريبا كل 3 ساعات ياكل الله يهديك ياخوي اتوقع اذا رجعت من دوامك ووريته الاكل بيجي يحظنك قبل ياكل وبيقول لك تسلم وينك كل هالفتره ماجيت |
رد: وش الحل مع هالببغاء
اقتباس:
هههههههههههههه ضيقت صدري جلست اهوجس فيه لايكون مات |
رد: وش الحل مع هالببغاء
ياحبيب قلبي ليه مستعجل على التوليف مصيره يولف مع الوقت
اذا طلعته على يدك ابتعد به عن الاستاند او القفص خلك انت وياه في المدخل لوحدكم خله في مكان مايلاقي شي يطير له . وحاول تحك راسه بهدواء ولا تاذيه اذا رفض , عشان اذا طلعته على يدك مره ثانيه يعرف انك ما بتاذه بتلاعبه بس اذا خاصمته يصير يربط اخذك له بالمخاصمه ويرفض يطلع ..ومع الوقت بيتعود . |
رد: وش الحل مع هالببغاء
السلام عليكم
اخي العزيز تقريبا مشاكلك مع ببغائك هي نفس مشاكلي مع ببغائي ، كان بالبداية ما يرضى اي شيء بس الحمد لله شوي ترويض وتدريب ومحاولة مسح على راسه ومنقاره اخيرا عطاني المجال وبلشت امسح على راسه واحكه ، لكن للان ما يرضى ان امسح على راسه وهو بداخل القفص. وهناك مشكلة رئيسية لم تذكرها ما بين تلك النقاط وهي الاساس في كل تلك المشاكل تشوف الطير لما تقرب منه يرجف رجف مو طبيعي والشيء اللي يخليه يرجف بهالطريقة هو الخوف والخوف ناتج عن عدم الثقة بالطرف المقابل ، وانا صراحة معاني من هالمسألة للآن ببغائي يجي على يدي لما اريد اصعده ، شوي يجلس يمي على الاستاند يخليني احك راسه وريش الخد وشوي امسح على ظهره. لكن ما ياكل من يدي ، ولا راضي يتكلم ، مع انه يقول منو ويقول سلام عليكم بس مو راضي يقولهن ابد ، سمعتهن مرة فقط قالهن ، لكن للان لا شيء. أفادوني الاخوة الافاضل هنا انه لازم اكثر جلوسي معاه تدريجيا وليس فجاة. يعني يومين انا اجلس معاه الصبح ربع ساعة وبالليل ربع ساعة ، اليوم الثالث والرابع الصبح ربع ساعة والعصر ربع ساعة وبالليل ربع ساعة ، *بعدها تزيد المدة بدل ربع ساعة نصف ساعة ، وهكذا. الى أن يتعود عليك الطير. بالنسبة لي أيضا : جربت معاه بأكلاته المفضلة من الحبوب والمكسرات وغيرها : (الفول السوداني ، الفصفص ، حب شمسي بطعم الفلفل ، والتمر البرحي والرطب .. هذولي يموت عليهم طيري) ، وهالأكلات ما ياكلها من يدي الا نااااااااااااااااادر مع انه احسه ما يقاوم امامها ، حبه ياكلها وعشرين يرميها. اعتقد ان الطريق الوحيد الصحيح لرفع خوف الطائر هو كثرة الجلوس معاه ، ولكسب الثقة اكلاته المفضلة لازم تكون من اليد وإن رفض ان ياكلها لا تعطيهيا ، إلا اذا زعل عليك تخليها له بالمعلف حتى تتصالحون :D ، مثل ما حصل البارحة مع سعدية ، زعلت معاي لاني شوي عصبت عليها ، خليت لها الفول السوداني كم حبة في المعلف بعدها وشوي فصفص الحمد لله تصالحنا :12: اتمنى اني ما طولت عليك وان شاء الله افدتك سلامي |
رد: وش الحل مع هالببغاء
اقتباس:
صدقت بكلامك انه يرجف اذا قربت منها وامد له يدي يطلع علطول بس يبغى يرجع بسرعه مايعطي نفسه فرصه يفكر انه طلع على يدي بس لما اطلع من الدوام برجع وامشي معه حبه حبه وربي بيهديه ان شاء الله |
رد: وش الحل مع هالببغاء
الببغاء لما رجت امس شلته على يدي ورحت فيه بعيد عن الاستاند حقه وجلست انا وياه وأوكله ياخذها ويرميها وبنفس الوقت لحد الان خااايف لما اشيله تلقاه مو راكد على يدييرقى وينزل والله يكرمكم يمرش كثير
واحاول ماخليه يرقى على كتفي اخاف يقرط اذني بعد لأنه نقنق على يدي من كثر مايعضها لين قال بس ومخش يدي بأظافره لأنه ماسك على ذراعي بقوه من الخوف جلست معه نص ساعه تقريبا لما رجعته عالاستاند رحت نمت ولما صحيت جيت بشيله لقيت خوفه زايد وعضني عضه الله وكيلكم عيوني طبت من مكانها لكن تحملت وخليته يعضني ثانيه وثالثه وبدت قوة عضته تنقص تدريجياً وصار يجي علطول على يدي ويرقى وينزل لكن لحد الان موجود فيه الخوف والنفضه ويصير يطلع فضلاته كثييير لما اشيله حالتي حاله مع هالعربجي :( |
رد: وش الحل مع هالببغاء
^^^
السلام عليكم مبروك عليك الطير ويتربى بعزك انا ماعندي خبره بالطيور بس ابقولك طريقتي اللى الحمد لله يومين اللى وهو راقي على كتفي وصار يحبني ولا يخاف شف اول شي اتركه بالقفص يوم يومين بعدها تعال سو المنقذ له طلعه من القفص :freind: وله اذا طلعته على كتفك رح عند المنظرى = المرايا وحك راسه وخله يشوفك وانت وياه قدام المرايا وشف افضل شي اذا كنت تبي تطلعه على كتفك انك تلبس قميص = دشداشه كم طويل والافضل يكون القميص قماشه متين شتوي يعني عشان ماتجرح يدك من ظفوره وبالتوفيق لك |
رد: وش الحل مع هالببغاء
اقتباس:
ولو حطيته على كتفي وجيت احك راسه وفجأه قام يقرمش اذني وش اسوي والله كان امصع رقبته :P <<< ماعنده تفاهم :D |
رد: وش الحل مع هالببغاء
عجبتني توصفه بالـــ(عربجي) :D
اخي الكريم الببغاء يحتاج له صبر مو يوم ويومين انا صارلها عندي اكثر من 3 اشهر ، ولساها تخاف وترجف. لكن كثرتي جلساتي معاها. كم يوم كنت فاضي صرت اجلس معاها باليوم اكثر من 7 ساعات احاول احك راسها وامسح ظهرها وووو...الخ بالنسبة للأضافر اذا ما تعرف تقص الاضافر وهي شوي عملية نحسة ، لأن فيها حدود اذا زدت عن الحد لا سمح الله ممكن تقص وريد عند الطير ويصير دمه يجري ، وبالتالي تأذي الطير ، احسن شيء توديه لبيطري يفتهم وعنه خبرة خله يقصهن وراح ترتاح من هالسالفة. وخلي بالك ، الكاسكو ما ينسى أي تصرف سيء تسويه معاه .. الضرب ، الصراخ ، وكل شيء. وان شاء الله يتحسن الوضع معاه. سلامي |
رد: وش الحل مع هالببغاء
اقتباس:
ويخليلك ببغائك :D |
| جميع الأوقات بتوقيت GMT +3. الساعة الآن 11:00 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو