|
قطتي فقدت شهيتها وعندها اسهال واستفراغ
السلام عليكم ورحمة الله لدي استفسار عاجل بخصوص قطتي انثى.. عمرها تقريبا" 6شهور مو متآكدة نوع اكلها تونه ودجاج(طبخ البيت) واحيانا" ويسكاس المعلب اللي يشبه التونه وهي تأكل بشكل طبيعي جدا" وصحتها جيدة الحمدلله ونشاطها طبيعي لكني سافرت قبل اسبوع وتركتها عند اخوي ولم يهتم فيها كثير ولما رجعت لاحظت انها اصبحت هزيييييله جدا" وحركتها قلت ونشاطها ليس كالسابق وتنام اغلب وقتها والاهم انها لاااااتأكل الا قليل لايعد وجبه حاولت اطعمها كل شي تحبه لكنها ترفض .. فقط تشرب قليييل من الماء ولاحظت اليوم ان معها اسهال ولما جاء العصر استفرغت اكثر من مره ( كنت اطعمتها سيريلاك بالقمح غصب واول مره اطعمها سيريلاك) و على طول وديتها عند بيطري قال المفروض اعطيها حقنه لكن لازم تتحسن حالتها واعطاني علاج اسمه betamox ولم افهم منه كيفية الاستخدام قال حطي نقطتين بمويتها اللي تشربها دايم ولما سألته عن شهيتها وكيف ارجع ااكلها قال شربيها سكر+ماء انا الحين خايفه عليها كثييير بسبب الجوع صارت هزيله وعظامها مبينه كيف اقدر ااكلها ؟ وماهو الطعام اللي يصلح لها وهي بهذي الحالة ارجو افادتي في اسرع وقت و لكم كل الشكر والتقدير.. جزاكم الله الف خير |
رد: قطتي فقدت شهيتها وعندها اسهال واستفراغ
وقفي عنها التونه والمعلابات وكليها مهلبيه بدون سكر وسرللاك ببرزق ودجاج مسلوق حتى يقف الأسهال
اما الأستفراغ عندك مضاد بصيدلية الأخت ناديا عطيها قطره با الفم 1مل با اليوم والله الموفق تحياااتي إلك ولا تنسي تشوفين حراارتها مرتفعه او لأ |
رد: قطتي فقدت شهيتها وعندها اسهال واستفراغ
وعليكم السلام ورحمه الله وبركاته
وقفي الحليب والجبن والسمك والتونا لانها تزيد الاسهال اكليها مهلبيه بدون سكر طول اليوم لحد مايوقف الاسهال او سيريلاك بالرز او القمح زبادي مع عسل يقويها ويهديء المعده بس دافي مو بارد دجاج مسلوق مع بطاطا ورز مصري مسلوق اخلطيه بالخلاط واكليها بالغصب البيتاموكس زوديه مويه ورجيه واعطيها القطاره كامله كل 12 ساعه لمده خمس ايام مضاد وغلط المويه والسكر ايش هالدكتور غيريه احسن اعطيها فيتامينات ودراي فوود والمسي اذنها تاكدي من الحراره |
رد: قطتي فقدت شهيتها وعندها اسهال واستفراغ
يسلمووووو هشوم يعطيك العافيه ع الرد
ان شاءالله راح اوقف عنها التونه والمعلبات وياااااارب ترجع لها صحتها ونشاطها مرره كاسره خاطري :( |
رد: قطتي فقدت شهيتها وعندها اسهال واستفراغ
وعليكم السلام ورحمه الله وبركاته
اولا تاكدي من الحرارة عبر لمس جوا الاذن او التيرموميتر اضمن.. وقفي التونه و كل منتجات الالبان معدا الزبادي واعطيها مهلبيه ( 4 ملاعق نشا على ثلاث ارباع كوب ماء وربع كوب حليب ) ويحلى ويرفع على النار حتى تمام النضج وياكل القط ولو بالغصب فتلك الطريقه توقف الاسهال و يأكل القط المهلبيه مره كل يوم ومعها فلاجيل نصف قرص اعطيه زبادي..سيريلاك بالرز..دجاج مع خضر مهروسة +كثريلها السوائل حتى ما يجيها جفاف الله يشفيها |
رد: قطتي فقدت شهيتها وعندها اسهال واستفراغ
[COLOR="rgb(221, 160, 221)"]يسلممممممك ربي دلوعة ماقصرتي
بس عندي كم سؤال اعذريني بليز المهلبيه مااعرفها !! وشي ثاني اذا جيت اغصبها عالاكل فيه طريقة سهله اسويها؟ لاني امس تبهدلت عشان السيريلاك وكله صار برقبتها وانواع الحوسه ^^" ياقلبي عليها يارب اشوفها زي اول بصحتها وتاكل من نفسها والفيتامينات مثل ايش .. تراني مااعرف اي شي وبخصوص حرارتها لمست اذانها مالاحظت انها حاره نسيت اقولك ع شغله شعرها صار يتساقط ومشكوووووووووووره مره ثانيه يعطيك الف عافيه ..[/COLOR] |
رد: قطتي فقدت شهيتها وعندها اسهال واستفراغ
اقتباس:
( 4 ملاعق نشا على ثلاث ارباع كوب ماء وربع كوب حليب ) ويحلى ويرفع على النار حتى تمام النضج اقتباس:
اكليها بسنجرة منزوعة الابرة طريقة جد فعاله |
رد: قطتي فقدت شهيتها وعندها اسهال واستفراغ
يسعدك ربي vampire مشششكور
ان شاءالله اللي راح اسويه بوقف عنها التونه والالبان وبأكلها مهلبيه .. ودجاج مسلوق+بطاطس او سيريلاك<< الله يعين ع اجبارها ^^" وراح اعطيها بيتاموكس واحاول اخليها تشرب مويه كثير عشان مايجيها جفاف بس الفلاجيل اش فايدته وعادي اكثر الادويه عليها؟ |
رد: قطتي فقدت شهيتها وعندها اسهال واستفراغ
اهلين
ياعسوله المهلبيه بدون سكر طريقة المهلبيه: نسخن كوب حليب ويفضل قليل او منزوع دسم لحد الغليان (ممكن نص الكوب حليب ونصه الثاني ماء رز مصري) نخلط ثلاث ملاعق صغيره نشا مع ملعقتين ماء بارد لحد مايمتزجون بعدها نضيفه للحليب اللي بيغلي وتحريكه لمده 3 دقائق وبعدها نتركه لحد مايكون دافي وناكل القط ولو بالغصب اكليها بملعقه صغيره او بالسرينج ولو تعبتك لفيها بالمنشفه او اقولك خلي الاكل على يدها وهي بتلحسه وتنظف نفسها وتسير اكلته الفيتامينات هذا رابط فيه انواع فيتامينات اختاري المتوفر عندك http://www.2zoo.com/vb/showthread.php?t=177675 تساقط الشعر من سوء التغذيه او من الحاله النفسيه او طلب تزاوج هرمونات وغيرها او ديدان له عده اسباب |
رد: قطتي فقدت شهيتها وعندها اسهال واستفراغ
اقتباس:
اقتباس:
اما البيتاموكس فهو مضاد حيوي يصلح لعدة اشياء ...الخمول ..... اقتباس:
يحبذ اعطائها للقطط و يمكن طحنها وخلطها مع الطعام اذا رفضته من فوائدها اولا هي من الاشياء الاساسية التي تحتاج اليه القطط لتنمو نموا سليما وهذا بيفيدك لو حابة تقتينيها http://www.2zoo.com/vb/showthread.php?t=177675 يعني مو ضروري ويمكن ايضا تضيفي بعض نقاط زيت الزتون في الاكل حتى هو مفيد جدا +مفيدة بالنسبة لتساقط الشعر .... ......... اقتباس:
* سوُء التغذيه * نقص الفيتامينات والبروتينات في القطه * الحر او البرد * الخوف * الحمل * الحالة النفسيه للقطه التحميم الستمر و الكثيف االعلاج:: اذا كانت القطه تعاني فعلا من تساقط شديد لابد مراجعه الطبيب لـ اخذ جرعه " ADE3 " وكبسوله إسمها " COD LIVER OIL " من الصيدليه البشرية توضع وتخلط مع الاكل ومفيده جداً للقطط وبتساعدها جداً في تخفيف من التساقط الشعر التمشيط اليومي يساعد ويخفف من التساقط التحميم للقطط ونحافظ على نظافتها والي يخفف من تساقط الشعر + وقايه للفطريات + رائحه جميلة الزيت الزيتون توضع قطرات " 3 " من الزيت الزيوت في الماء الله يشفيها |
رد: قطتي فقدت شهيتها وعندها اسهال واستفراغ
حاليا ماتعطيها زيت زيتون لانو ملين وبيسبب اسهال
|
رد: قطتي فقدت شهيتها وعندها اسهال واستفراغ
فدييييييييتكم دلوعة و vampire تعبتكم معي
الله يعطيكم الف عافيه ويسعد قلوبكم جد افدتوني كثييير وبإذن الله القطوه تتحسن صحتها مع الادويه والوصفات اللي قلتوها احسني ارتحت شوي الحمدلله ^ـ^ اليوم العصر كنت فاقده الامل ومرعووبه حسيتها بتروح مني بسم الله عليها شششششششكرا" اكثر شي ^ـ^ |
رد: قطتي فقدت شهيتها وعندها اسهال واستفراغ
العفو
كل شئ و له حل وانشاءالله تشفى ولو في اي شئ لـــا تترددي احنا بخدمتك |
رد: قطتي فقدت شهيتها وعندها اسهال واستفراغ
Back ادررررري اني ازعاج بقول وش صار ..قبل شوي صحت من النوم وجيت بعطيها علاجها عشان ابدا من هالوقت لقيتها تستفرغ تقريبا" كل اللي اكلته قبل ماتنام كنت مبسوطه انها اكلت شوي والحين طلعته وش السواة اقصد كل شي راح ااكلها بتستفرغه والا شلون؟ وش اسوي ؟ ماراح تستفيد من العلاج ولا الاكل ع كذا انتظر الرد بفارغ الصبر:( |
رد: قطتي فقدت شهيتها وعندها اسهال واستفراغ
مع ليش تحملي شوي
اصبري شوي واعطيها زبادي دافي مو بارد يهدي معدتها بعدين العلاج |
رد: قطتي فقدت شهيتها وعندها اسهال واستفراغ
سلـــام
حاولي تصبري واعطيها شئ خفيف و بعده الدوا لانه ما يجوز تاخذ الدوا و بطنها فارغة حاولي معاها حتى يعطيك الدوا النتائج بس في عندي سؤال وش الدوا اللي تعطينها وش الطريقة و الجرعة ؟؟ |
رد: قطتي فقدت شهيتها وعندها اسهال واستفراغ
السلام عليكم
ابششششرركم الحمدلله اليوم احسها احسن كثير من امس حتى اكلها متحسن ..سويت لها الدجاج المسلوق مع البطاطا وتاكله من نفسها بدون مااجبرها والاسهال صار اخف من امس + مااستفرغت اليوم ولا مره الحمدلله مشكوووووووووورين ع كل النصايح .. يسعدكم ربي مرره مبسوطه اليوم الحمدلله ^ـ^ وبخصوص الدوا اسمه betamox اعطيها مرتين باليوم بس عندي سؤال بخصوصه .. امس اول ماجبته بودره وحطيت عليه ماء صار لونه احمر واليوم اشوف لونه متغير شوي صار افتح.. امس ماحطيته في الثلاجه ع طول تأخرت شوي !!! |
رد: قطتي فقدت شهيتها وعندها اسهال واستفراغ
قطوتي كانت صغيره جاها الله يكرمك اسهال ووقف ثالث يوم أعطيتها النشا مع مويه ملعقه نشا صغيره وشوية مويه وبالسرنجه غصب شربتها اعطيتها كل يوم واحيان مرتين باليوم والحمدلله مسك بطنها على طول بس اهم شي انه الله يكرمك الاسهال لاحظي اذا برائحة كريهه ومخاطي معناه ميكروب وقتها علاج الاسهال مع مضاد للميكروب ..
وضروري ماتنام عالبلاط والسيراميك دفيها كويس ^ـــ^ عانيت مع كل قططي لازم كل واحد يمر عليه مره عالأقل .. والرز المصري صنوايت اتوقع اسمه كذا كويس كمان اسلقيه وأكليها لو شويات وضروري المويه تشرب كويس حتى لايجيها جفاف .. والمهلبيه اشتريها جاهزه كرتونه زي الجيلاتين من اي سوبرماركت . واللي أعرفه انه اللحوم الغير مطبوخه والتونه احيان يجيب لها الديدان وفتره الاسهال اكليها دجاج مسلوق مفيد جداً والدراي فود بكميات بسيطه .. امم هذا اللي اقدر اقولك ياه من تجربتي انشالله تتعافى قطوتك قريباً . |
رد: قطتي فقدت شهيتها وعندها اسهال واستفراغ
الله يعافيك ويسمع منك مشكووووره يالبى قلبك
راح ادفيها زين ان شاءالله .. هي كثير تنام ع السيراميك بس ببعدها عنه والاسهال لاحظت ان له رائحه كريهه مره .. ان شاءالله مع الدوا والنشا راح تتحسن اكثر بس المويه تلحس لها لحستين وتروح كل مره.. وصرت اشربها اكثر غصب ولاكنت اعرف ان التونه تجيب لها ديدان كثييييييير عطيتها تونه تقريبا" معتمدة عليه لوجبتها اكثر من غيره |
رد: قطتي فقدت شهيتها وعندها اسهال واستفراغ
اقتباس:
الحمدلله ان شاءالله كل يوم تتحسن من اللي قبله بيتاموكس بيطلع لونه وردي ودايما خليه بالثلاجه لان جونا حار بس طلعيه بخمس دقايق ورجيه قبل ماتعطيها عشان مايكون بارد على معدتها التونه ماتسبب ديدان بس كثرتها تسبب تساقط شعر واسهال يعني تعطيها مره بالاسبوع كفايه |
رد: قطتي فقدت شهيتها وعندها اسهال واستفراغ
مرحبا كييييفكم ان شاءالله بخير...
رجعت وعندي كم سؤال ^ـ^ الحمدلله تحسنت صحة قطوتي كثيييير وصارت تاكل من نفسها ومافيها اسهال الله يكرمكم وطبيعيه بس نومها صار كثيير ماادري اذا طبيعي مع المضاد ؟! وشي ثاني قبل كنت اغصبها ع الاكل الحين ماشاءالله شهيتها مفتوحه وكل شوي تموي تبي اكل وتلاحقني عشان اعطيها << مافي وسط هههه ماشاءالله سؤالي هل اعطيها كل ماتطلب الاكل والا اطنشها ؟ لان امس وقبله بس اعطيها ولما لمست بطنها كان منتفخ مليان خفت اجيب العيد فيها :) واش افضل اكل لها غير الدجاج المسلوق شي ان شاءالله ماراح يمرضها يعني اسسسسسفه كثرت عليكم الاسئله اعذروني جد مااعرف للقطاوه وهذي اول قطوه اجيبها ^ـ^ |
| جميع الأوقات بتوقيت GMT +3. الساعة الآن 11:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو