منتديات تو زوو - بـــبــغـائـي الـجـديـد ( عـــســــول ) فـي ضـيـافـتـي ياهـــلا ومــرحـــبـــــا ..!!

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - بـــبــغـائـي الـجـديـد ( عـــســــول ) فـي ضـيـافـتـي ياهـــلا ومــرحـــبـــــا ..!! (http://www.2zoo.com/vb/showthread.php?t=228006)

medozoom

14-07-2011 04:28 PM

بـــبــغـائـي الـجـديـد ( عـــســــول ) فـي ضـيـافـتـي ياهـــلا ومــرحـــبـــــا ..!!

بسم الله الرحمن الرحيم

اسعد الله اوقاتكم بكل خير

والله يا اخوان لي فتره عن التدريب وعن السوق وعن التعمق كالسابق في مجال الببغاوات ولي فتره طووويله ما اخذت ولا طير

احكيكم عن القصه بدون مقدمات طويله

رحت قبل حوالي 5 ايام للسوق ولقيت طيور اشكال وانواع

وما شدني منها ولا طير كأنني رايح اشتري من السوبر عيش ابدا مو في بالي

فـ فيه محل لقيت عنده كاسكوات كثير وامازونيات ومريت عليها كلها

هذا ريشه منتف وهذا هولندي محجل وهذا وهذا ... الخ

المهم لقيت كاسكو كذا محترم من ناحيه الحجم واللون فااااااتح وكأنه دخل قلبي قلت تعوذ من ابليس وروح بيتك يا بو نايف عشان لا تتعلق

رحت البيت وعلى قد المحلات والطيور الي شفتها ما شدني غيرهالطير

انا واعوذ بالله من كلمه انا من الناس الي ما يعجبني اي طير لازم احس انه غير و يدخل قلبي من نظره << تكفى ... بعدين افكر اشتري ولا لا

جا اليوم الثاني الي بعده الي بعده قلت بروح السوق مره ثانيه

وادخل المحل على هذاك الطير الي قلبي تعلق فيه

واول ما اقرب ايدي يجعر بصوت يخوف وعليه منقار احس انه يأكل لحم ماشاء الله تبارك الله

المهم قلت ليه ما تاخذه ؟!!!!!!

تذكرت اشقر وتدريبي له

قلت اعوذ بالله من الشيطان روح بيتك

ورحت البيت كالعاده

وامس قلت روح وخذ لك لفه ونفس السالفه

وعند طيري هذاك

جيت سألت الهندي يعض قالي ايوه قلت حط يدك قال لا .. خفت الصراحه بس قلت عضه يعني بينقطع اصبعي لا بموت بعيد الشر لا اجل جرب

المهم ادخل ايدي عنده واصابعي تتراقص << خوف ... والطير يجعر

ويعضني عضه دخلت على مركز الدماغ الى المخيخ الى الاعصاب زي الفايروس وصحت صيحه كذا لا شعورياً وسويت انه ما كانه صار شي ( يعني اني ) وكم واحد قعدوا يضحكون ويطالعون فيني

الصراحه قلت يا انا يا انت وان شاء الله ما ارجع البيت بدونه

والحمد لله اشتريت هالطير فرخ عبونه رمادي فاتح يعني عمره 9 الى 10 شهور

وسميته عــســــول وبيكون صديق محبوب

الصراحه الطير مررره مخمخني الحمد لله

وان شاء الله يعجبكم مثل ما اعجبني

اذكروا الله يا اخوان وصلوا على النبي نشوفه سوا

http://www.2zoo.org/get-7-2011-2zoo_org_2ndye6uo.jpg

http://www.2zoo.org/get-7-2011-2zoo_org_zpylqg7g.jpg

http://www.2zoo.org/get-7-2011-2zoo_org_x0k1ktyh.jpg

http://www.2zoo.org/get-7-2011-2zoo_org_lahwvw0k.jpg

http://www.2zoo.org/get-7-2011-2zoo_org_91mikzy2.jpg

http://www.2zoo.org/get-7-2011-2zoo_org_g053payg.jpg

http://www.2zoo.org/get-7-2011-2zoo_org_dxn2a06k.jpg

http://www.2zoo.org/get-7-2011-2zoo_org_3rm80yw4.jpg

وان شاء الله راح تكون له سلسله تدريب في موضوع قادم

إنتـــظـــروني

اتمنى اني ما اطلت عليكم واستمتعتم مثل ما استمتعت انا

لكم محبتي وصدق مودتي

أخوكم

محمد ( ابو نايف )

medokaye

14-07-2011 04:35 PM