جرب نار الغيره للكاسكو :)
 

السلام عليكم ورحمة الله وبركاته
يسعد مساكم اخواني واخواتي مشرفين واعضاء

حبيت اشارك معكم بتجربتي الشخصية والتي يدل عليها العنوان فسبحان الله حتى الطيور تغار من بعض

اشتريت فرخ افريقي متوحش والله لايوريكم من دخل البيت توقعت الجيران بيشتكون للشرطه من الجعير :) حتى الاهل صابهم ارق وخفت يطالبون ببدل جعير او يطردوني انا وياه برا البيت :12:
المهم طنشت واستعنت على الله بالتدريب
اول يومين ضيافة فقط تغيير الاكل والشرب ومطنش
ثاني يوم
لبست كفوف ثقيلة وخذيته بغرفة لوحدنا فاضية من الاثاث ومعي عصايتين نفس حجم المجثم
طبعا جناحة مقروض ويطير على خفيف
طلعت الحبيب وحصرته بزاوية وبديت اقوله اطلع واقرب العصا قدامه والجدار خلفه فلم يجد مفر الا الصعود فقمت ابدل العصي بالتناوب كأنه يطلع السلم مع عبارات التشجيع وتقديم المكافئة طبعا وحده ياكلها و 5 على الارض
بعد 10 دقايق عطيته راحه وقمت بنفس العملية لكن على اليد وانا لابس القفازات صار يتجاوب بعد ماتعب من العض وقام يجعر فقط بدون عض وبعد 5 دقايق رجعته للقفص وتجاهلته تماما
اليوم الثاني
اعادة حركات اول يوم لكن اخر 5 دقايق نزعت القفاز وكملت عادي بطل العض والجعير خف
اليوم الثالث والحمدلله قام الطير يطلع على اليد من داخل القفص وبرا القفص وبطل عض تماما والجعير شبه وقف
لكن الطير الى هنا لاحس ولا صوت بس يناظرني واناظره :freind:
اليوم الرابع وهنا بدأت احداث القصة
اشتريت فرخ محجل اليف ويناغي على بداية كلام ان شاء الله
جبت القفص وخليتهم جيران
استمريت بروتين الطير الاول لكن بعد نهاية التدريب قمت احطه فوق الستاند برا القفص
وقعدت اكمل سوالف وحركات مع الطير الجديد ومطنش عمدا صاحبنا القديم
اليوم الاول مر على خير الحبيب يترقب حركاتنا ومطنش
اليوم الثاني قام يطلع اصوات حتى يلفت انتباهي واتجاوب معه دقيقه او دقيقتين وبعدين ارجع اكمل مع الجديد
ههههههههه اليوم الثالث وهنا المفاجأة
قبل اطلع الطير الجديد لقيته مستذبح يبيني اطلعه اول قبل الجديد وقام يطلع اصوات ويحوس بالقفص فعملت نفسي مو منتبه وكملت الروتين اليومي ولما رجعت الطيور كل واحد على استانده وهم جيران مثل ماذكرت
اثناء كلامي مع الطير الجديد قام الاول يثير انتباهي ويحاول يقلد اصوات الجديد وانا عملت نفسي مومنتبه ومعطيه جنبي
شوي الا الحبيب جاي يتسحب ويتسلق من قفص الى قفص الى ان وصل لمجثم الطير الثاني
وهو يحاول يقلد الحركات طبعا هنا شجعته وعطيته مكافئة
الامتحان
سالت نفسي الى اي مدى ممكن توصل الغيره بالطير وحبيت اعمل تجربه
طبعا الطير الجديد تقوله راسك ينزل راسه وتمسح عليه عادي اما القديم انسى لازم تدريب
فقلت بشوف ممكن استغل الغيره واختصر وقت التدريب؟
والله ياخوان مازليت عليكم بكلمة وان هذا اللي حصل مثل مااكتب لكم
اليوم الجديد زارنا الحبيب ونزل بضيافة جاره مثل الامس وهنا قلت فرصه اجرب
قربت بمسح عليه حاول يعض ومتضايق تركته ورجعته للمجثم حقه وكملت مع الجديد الى ان رجع من نفسه عندنا وهنا بديت امسح على الجديد واكرر راسك وهو ينزل راسه تقريبا تميت 5 دقايق على هالحاله ومطنش صاحبنا
قلت بجرب الان ولما قلتله راسك وش تتوقعون؟
نزل الحبيب راسه على مضض مثل اللي يقول حسبي الله على اللي كان السبب :)
ومسحت على راسه لاول مره وطبعا كافئته وتركته وكملت مع الجديد وبعد 5 دقايق رجعت له راسك
لا هالمره بدون تفكير عشان مايكون حد احسن من حد نزل راسه لدرجة كان بيطيح على وجهه من المجثم لوووووول
سبحان الله هكذا نار الغيره تعمل حتى بالحيوان؟؟
طبعا اللي عملته علميا صح ولا غلط الله اعلم لكن كل شي صار بدون تخطيط او قصد مني
الان والحمدلله الحاله هذي اختصرت علي وقت طويل من التدريب لكن صرت مثل اللي متزوج ثنتين يعني اذا لعبت مع واحد لازم العب مع الثاني ولا تعال شوف العتب اللي يكسر الخاطر

عموما انا طولت عليكم بالهذرة واسمحولي حبيت اشارككم بتجربتي الشخصية بين ميدو وكاسكو اسماء ابطال الفلم
اذا اعجبتكم القصة يمكن اقولكم عن قصة انا وابن عمي على الغريب من بطولة ميدو وكاسكو ضد ازواج الكوكتيل الضيوف الجدد :88:

تمنياتي للجميع بدوام الصحة والعافية
اخوكم ابو احمد

رد: جرب نار الغيره للكاسكو :)
 

"][صحيح يمكن نستغل غيرة الببغاء للتدريب السريع

رد: جرب نار الغيره للكاسكو :)
 

مشاااء الله عليك اخوي

لكن ما ادري هل هي غيرة ام ذكاء

انا شفت فلم وثائقي نفس حركتك مع طيورك

زبدة الفلم فيه كاسكو متعلم وكاسكو مو متعلم

المتعلم يفرق بين الالوان والغير متعلم مايعرف شي ابد

والبروفيسور الي بالفلم كان يعلم الكاسكو الاول الالوان والغير متعلم على نفس الاستندا

ويشوف صاحبه وهو يفرق بالالوان والبروفيسور يقوله قود بوي ويعطيه مكافئتأه واذا اخطأ يقوله لا هذا سيء

والكاسكو الثاني تعلم على طول ..!

فما ادري هل هي غيرة ام ذكاء

ولا جامعهم كلهم

رد: جرب نار الغيره للكاسكو :)
 

كلامك وكلام اخووي محب الوفاء صحيح

واشكرك ع القصه

ونحتري الجديد

رد: جرب نار الغيره للكاسكو :)
 

ماشاء الله عليك ..

اهنيك من قلبي

رد: جرب نار الغيره للكاسكو :)
 

رد: جرب نار الغيره للكاسكو :)
 

ما شاء الله مدرب سريع اتوقع ان هذي غيره

رد: جرب نار الغيره للكاسكو :)
 

ماشاءالله عليك واستفدت شخصيا من تجربتا ورايح اطبقها في التدريب

رد: جرب نار الغيره للكاسكو :)
 

مشكور اخواني جميعا على الردود وربي يجيب العواقب سليمه :)

رد: جرب نار الغيره للكاسكو :)
 

ماشاء الله عليك يا اخوي

اهنيك على تفكيرك المخضرم

رد: جرب نار الغيره للكاسكو :)
 

ماشاء الله والله اتوقع انه ذكاء مع غيره

رد: جرب نار الغيره للكاسكو :)
 

مشاء الله عليك
موضوع رائع واسترسال ف المضوع اكثر من رائع يجبرك على قراة الموضع كامل مع بعض التعليقات الجميله
جاري التجربه والتطبيق

رد: جرب نار الغيره للكاسكو :)
 

ربي يسعدكم جميعا يشرفني مروركم

رد: جرب نار الغيره للكاسكو :)
 

اظن انه ذكاء و غيرة

هو يمكن يوم شافك مع الثاني ما تسويله شي غار وحس بالامان

رد: جرب نار الغيره للكاسكو :)
 

بقلك معلومة ان ببغاء الكاسكو غيوووووووووووووؤر

رد: جرب نار الغيره للكاسكو :)
 

واااو ماشالله حلو
تتوقعون البادجي يسوي كذا ؟
انا عندي بس محد يغار :(

رد: جرب نار الغيره للكاسكو :)
 

شرفني مروركم واسعدتني تعليقاتكم

رد: جرب نار الغيره للكاسكو :)
 

اخر خبرية على السريع
ميدو نطق بابا قبل كاسكو
كان ضمن المشاهدين لكاسكو يلعب كرة قدم والان اصبح اشرس مهاجم ياخذ الكرة من كاسكو ويجري فيها
لووووووووول :)

مع اطيب التمنيات للجميع

رد: جرب نار الغيره للكاسكو :)
 

ما شاء الله عليك صبر جدا جميل

رد: جرب نار الغيره للكاسكو :)
 

ما شاء الله عليك صبر جدا جميل ما شاء الله

رد: جرب نار الغيره للكاسكو :)
 

ما شاء الله الله يحيب الخير

رد: جرب نار الغيره للكاسكو :)
 

ما شاء الله عليك صبر جدا جميل وعمليه ناجحه ان شاء الله

رد: جرب نار الغيره للكاسكو :)
 

طريقة حلوة الله يعطيك الف عافية يالغالي على الشرح الوافي

رد: جرب نار الغيره للكاسكو :)
 

اخوي يوجد خطا في الكتابة لازم تكتب استعنت بالله وليس على الله

رد: جرب نار الغيره للكاسكو :)
 

فكره وايد حلوه

وممكن نستفيد من تجربتك فالمستقبل

لكن اتوقع انها مثل ما ذكرو الاخوان من قبلي غيره وذكاء في نفس الوقت

انه عرف الطريقه او اشلون يخليك تعطيه ويه لووووووووووووووول

عالعموم بالتوفيق يارب

وتقبل مروري

رد: جرب نار الغيره للكاسكو :)
 

الله يعطيك العافيه
طريقتك حلووووووه
واعتقد انها غيييره

رد: جرب نار الغيره للكاسكو :)
 

رد: جرب نار الغيره للكاسكو :)
 

ما شا الله ... اهنيك اخوي

صح الحيوانات تغار من بعض .. و انا نفس الشي طيوري تغار من بعض

اذا مسكت او كلمت واحد منهم .. الباقي يغارون و يحاولون يلفتون انتباهي

بالتوفيق ان شا الله

رد: جرب نار الغيره للكاسكو :)
 

ماشاء الله تبارك الله
استمتععععت بالقصه والله بجد استمتعت
الببغاء غيووور وذكي طبعاً
لكن خل اقول انو غيور وانت ذكي ماشاء الله عليك تبارك الله
الله يخليهم لك يارب
تقبل مروري
بصراحه ماقدرت اقول اكثر من كذا على هالقصه الغريبه والممتعه ومن ارض الواقع بعد
بالتوفيق لك ..

رد: جرب نار الغيره للكاسكو :)
 

رد: جرب نار الغيره للكاسكو :)
 

ههههههههههههههههههه
الكاسكو مررررررررررررررة
غيووووووووووووووووووووور

رد: جرب نار الغيره للكاسكو :)
 

رد: جرب نار الغيره للكاسكو :)
 

طرح رائع

انا عملت مثل التجربه من قبل

مع كاسكو هولندي وافريقي

كان في تحسن مع الافريقي لكن الغدر لازم منه

لما اقرب يدي احك راسك يلتفت بسرعه ويعظ

مااستحملت وبعدها استغنيت عنه

الظاهر الي كان معاي عنيد بشكل ررهيب

شكرا ع الموضوع

تحياتي

رد: جرب نار الغيره للكاسكو :)
 

رد: جرب نار الغيره للكاسكو :)
 

رد: جرب نار الغيره للكاسكو :)
 

ما شاء الله عليك اهنيك على تفكيرك الرائع

رد: جرب نار الغيره للكاسكو :)
 

رد: جرب نار الغيره للكاسكو :)
 

بصراحه فقيت خشتي وانا اضحك الي يشوفني يقول خبله

حبيت الفكره

باجيب ثاني عشان مي تطردني من البيت
ههههههههه

رد: جرب نار الغيره للكاسكو :)
 

رد: جرب نار الغيره للكاسكو :)
 

سبحان الله