|
فرخي الكاسيكو يرجع
السلام عليكم اعضاء المنتدى الكرام،،
بصراحه صار لي تقريبا اسبوعين الا خمسة ايام من خذيت لي فرخ كاسيكو للحين ياكل بالإبره .. بس هو عمره تقريبا في حدود ال4 الى 5 شهور اول ماخذيته واغره غر كان عادي ومايرجع شي ،، بس الحين الاحظه اذا اخلص من غره يرجع شوي مرتين او ثلاث ويعتمد ،، مره واااايد ومره ترجيع بسيط .. شنو السبب؟ وهل هذي الشي خطر عليه؟؟ |
رد: فرخي الكاسيكو يرجع
في البدايه مبرووووووووووك علي الطير
بس انا اتوقع انه طبيعي لانه ياكل كمية الاكل وبعدها يستفرغ الزايد من الاكل حاول تنقص الكمية وتشوف اذا رجع او لا |
رد: فرخي الكاسيكو يرجع
الله يبارك في حياتك،،
مشكور اخوي على الرد وعلى فكره انا بنت بس يوم كان عند صاحبه الاولي كان يعطي وايد لدرجه ان بطنه يكون منتفخ وااايد،، بس انا اعطيه ينتفخ شوي بس وبعد يرجع شوي |
رد: فرخي الكاسيكو يرجع
مبروووك عليج الطير
والله يحفظه لج شوفي اختي كان عندي فرخ كاسكو وعاش معي 20 يوم وصار وزنه ماشاءالله وخلال يومين استفرغ ومات قبل لايموت بساعات اخذته لبيطري قالي جسمه كله دود انهار فجأة ومات بعيد الشر عن طيرج نصيحة خذيه لبيطري خاصه اذا عظمة الصدر بارزة ماراح تخسرين شي لاخذتيه نصحني أحد الاخوان بأول يومين اشتريه فيه أعطيه مضاد او طارد للدود وما سمعت نصيحته وكانت غلطتي اتمنى ما تتأخرين في حالته اخذيه منتي خسرانه شي والله يحفظه لج |
رد: فرخي الكاسيكو يرجع
اقتباس:
الا الفروخ مافيها تهاون |
رد: فرخي الكاسيكو يرجع
مشكوره اختي صوغه على النصيحه
سويت نصيحة الاخ اللي قال لي ان اخفف الاكل اللي اعطيه اياه وفعلا ما رجع الطير .. بس اذا جفت هالحاله اتصيده وايد ان شاء الله بوديه البيطري مثل ماقلتي اختي |
رد: فرخي الكاسيكو يرجع
اختي هناك عده اسباب تخلي الطير يستفرغ ومنها الزياده في الاكل والي تكرم وقالها الاخ يوفاوي الكويت والسبب الثاني ونادر مايحصل انه يدخل هواء داخل حوصله الطير واسبابه بعض الاحيان تكون ابره الغر .برضو الاكل اذا كان درجه حراره متغيره يعني يكون صارله فتره يمكن يصير بارد ويستفرغه الطير او يكون حار زياده عن اللزوم ومايتقبله الطير طبعا هذه نادر ماتحصل وبعض الاحيان برضو الاكل يتغير عليه بعض الاحيان برضو يكون مريض بس الافضل كي تطمئني عليه وديه للبيطري خليه يكشف على الطير
|
رد: فرخي الكاسيكو يرجع
اهلا اخوي شكرا على الرد،، انا مااعطيه من نفس الاكل في الابره،، اذا زاد اغسل الابره والمره الثانيه اسوي واحد غيره ،، والاكل اللي اعطيه في الابره اشحنه تقريبا 40 مل بس،، وبطنه عقب الاكل مايكون منتفخ الا انتفاخ خفيف كلش،، عكس يوم كان عند صاحبه الاولي ..
وبغيت اسأل بعد ،، شلون يكون الاسهال؟؟ لان شاكه ان وياه اسهال بعد ،، بس مو متأكده |
رد: فرخي الكاسيكو يرجع
يعني اذا كانت عظمة الصدر واضحه يكون فيه دود ولا كيف ؟؟
|
رد: فرخي الكاسيكو يرجع
اوكي حلو الله يحفظه لج
والاسهال اعزك الله يكون فضلاته سائله الاخضر يكون سائل بس مع السيريلاك اعتقد طبيعي يكون نوعا ما سائل .. وبالنسبه لسؤال الأخ هاوي قطة اي اذا كانت عظمة الصدر بارزه وحادة اتحسها قاصه الريش يكون فيه خلل بالمعدة يكون فيه دود والدود يقضي على أكل الطير والطير مايستفيد شي ونصيحة الي شاك انه في شي بطيرة وهو أول مره يربي طيور يلجأ للبيطري ومع الوقت تتكون الخبرة ويستغني عن البيطري .. |
رد: فرخي الكاسيكو يرجع
وديته اليوم العصر البيطري بس للأسف الدكتور ماكان موجود
قالو لي الصبح يكون متواجد وان شاء الله باجر الصبح اروح له |
رد: فرخي الكاسيكو يرجع
الله يطمنج عليه ان شاءالله
|
رد: فرخي الكاسيكو يرجع
اخواني وخواتي ،،
اليوم رحت العياده عطوني مضاد استخدمه لمده اسبوع واذا خلص الاسبوع ابتدي اعطيه فيتامين،، اخواني الغريب ان الطير مايشرب ماي الا قليل كلش ،، بس من يوم عطيته المضاد ،، والدكتور قال لي اخليه بعد في الماي ،، جفته يشرب الماي! بس اول ماعطيته المضاد عقب فتره بسيطه قام يرجع مع اني عطيته اكل الصبح ورجع ويوم وديته رجعت على الظهر تقريبا وعطيته المضاد جفت الترجيع مع بلغم بعدين صار الترجيع العادي .. وبعدين عطيته اكل الظهر بعد و رجعه،، ويوم صار وقت اكله المغرب ،، قبل لا اعطيه رجع ماي،، وبس عطيته مرتين رجعهم بعد ،، بس بعدين قام ياكل عادي بس عقب ما خلصت من اكله قام يحرك رقبته نفس الطريقة اللي يسويها وقت الترجيع بس اشوه ما طلع شي .. هل هذي الامور اللي صارت اليوم طبيعيه؟؟ اتمنى اتفيدوني بكل ماتملكون من معلومات، لان الطير متعلقه فيه عدل |
رد: فرخي الكاسيكو يرجع
طيب شنو قالج الطبيب فيه؟
وليه العلاج ؟ لأي سبب؟؟ بس دام توقف الترجيع معناه العلاج أن شاءالله بدأ مفعوله بس أمانه قولي شنو المرض الي قال الطبيب انه بطيرج ؟؟ واذا ممكن شنو اسم المضاد ؟ اما بالنسبه لشرب الماس ساعات اذا الاكل مشبع بالماي مايحتاج الطائر لكميه اخرى من الماء يكتفي بالموجود بالاكل خاصه الفروخ تكتفي بالماء الموجود بالسيريلاك والله يشافيه ويحفظه لج |
رد: فرخي الكاسيكو يرجع
انا بس قلت له ان يرجع ،، وما قال لي اي شي بس على طول قال بعطيج مضاد وفيتامين
والعلاج هذي حق توقيف الترجيع مثل ما قال، والفيتامين حق يقويه .. بس ماقال لي شنو المرض اللي فيه ،، قال ان المضاد بوقف هالحاله اللي فيه اسم المضاد دوكسيفاب |
رد: فرخي الكاسيكو يرجع
صباح الخير
ان شاءالله يكون طيرج افضل وانا راح اسأل الطبيب البيطري الي اتعامل معه عن هذا العلاج فقط لكسب معلومة وطمنينا على الطير |
رد: فرخي الكاسيكو يرجع
اختي جميع الطيور وخاصه الفروخ يكون برازها سائل كثيف تختلف عن اللطيور الكبيره بالنسبه اذا كان الطير مريض ومصاب ببالاسهال توجد علامات فيه منها نفش الريش وجود افرازات في فتحه الانف براز الطائر له رأحة كريهه الطير كثير النوم براز الطير سائل مررره نفس الماء ومتغير لونه الطير اكله خفيف مررره بس يشرب ماء بكثره
|
رد: فرخي الكاسيكو يرجع
خبريني اختي صوغه شنو قال لج البيطري،، فيديني وياج الله يخليج،،
اخوي فوازي انا قلت اني شاكه فيه اسهال بس الاعراض اللي حطيتها الحمد لله مايعاني منها،، بس امس جفته يشرب ماي وايد مادري يمكن لان طلعنا في الحر،، وان شاء الله العلاج ياخذ مفعوله بسرعه لاني وايد افكر |
رد: فرخي الكاسيكو يرجع
اليوم اجازة الطبيب بكره اكلمهم
بس طمنينا ان شاءالله حالة الطير أحسن؟ |
رد: فرخي الكاسيكو يرجع
اجوف التوجيع خف عن قبل ،، صج يرجع بس أقل عن قبل،،
هو يحاول يطلع الاكل مثل مايسوي بس مايطلع شي،، ان شاء الله هالأسبوع واليوم واللي وراه تكون حالته احسن .. بس اذا اعطيه المضاد بالإبره يرجع بشكل بسيط ،، لاحظته حتى لو مايبي يرجع بس من اعطيه المضاد يرجعه على خفيف |
رد: فرخي الكاسيكو يرجع
زين الحمدلله
حاولي ماتكثرين عليه الاكل مره وحده والله يطمنج يارب |
رد: فرخي الكاسيكو يرجع
أخيرا لقيت الموضوع
طمنينا أن شاءالله صار أحسن؟ |
رد: فرخي الكاسيكو يرجع
انا شفت مقطع كاسكو غر ياكل بالكاس وش رايك تسوين اكله وتحطينه بالكاس وخليه هو ياكل قد ما يبي عمره 5 شهور الي زيه خلاص بينفطم اذا ما انفطم جربي نصيحتي كاس قصير وميليه عليه ويكون فم الكاس وسيع
|
رد: فرخي الكاسيكو يرجع
اهلين اختي صوغه،،
والله مادري شقول وشاسوي،، الطير مره مايرجع ومره يرجع،، يعني ساعات وساعات اليوم الصبح عطيته رجع بس شوي لكن ظل في بطنه شي .. والظهر يوم عطيته رجع ونفس الشي بالليل ،، انا خففت الاكل مثل ماقلتي ،، بس ساعات اجوفه يبي يطلع الاكل ومايطلع ،، واحيانا يطلعه اخوي زايد مافهمت عليك الصراحه،، ممكن اتفهمني اكثر |
رد: فرخي الكاسيكو يرجع
انزين ليه ماترجعينه للطبيب ؟
ارجعي ووصفي له التطورات قبل لاتتاخر حالة الطير لان كثره الترجيع اتسبب له جفاف نصيحة راجعي الطبيب مره ثانية والله يطمنج يارب |
رد: فرخي الكاسيكو يرجع
بصراحة انا ما اشوف اي مشكله في الطير وعملية الترجيع اعتقد الكميه اللي تعطيه كبيره
والطير اذا زاد عليه الاكل مالة الا حل واحد انه يرجعة لكن اذا ممكن مقطع فيديو او صوره للطائر او صوره صدر الطائر لكي استطيع ان افيدك . |
رد: فرخي الكاسيكو يرجع
اهلين اختي صوغه،،
مسامحه صار لي فتره مادخلت ،، كان عندي امتحانات،، اللي لاحظته في الطير ان لما اخليه يفتر في البيت وانا اعطيه اكل مايرجع ،، لكن لما احكره في مكان مثلا فوق القفص،، وهو مو عاجبه المكان يرجع الاكل،، اليوم الصبح عطيته وعلى طول خليته داخل القفص قام يرجع،، بس لما اروح الدوام اعطيه الصبح واخليه يفتر شوي لين ما اجهز نفسي بعدين اخليه داخل يكون عادي،، يعني الظاهر انه دلوع ههه واللي مخليني اتطمن شوي ان الطير تحركاته طبيعيه ،، يلعب ويتحرك عادي،، واليوم اخر يوم اعطيه المضاد،، وباجر ببتدي اعطيه الفيتامين اللي وصفه لي الدكتور وبنجوف النتيجه .. اخوي بو محمد،، فعلا وايد نصحوني اقلل الاكل،، وانا قللتها حاليا ،، بس ساعات قليله يرجع شوي مو مثل قبل،، قبل كان اخس .. ومثل ماقلت قبل،، الظاهر لما ما يعجبه المكان اللي فيه يوضح لي بطريقته هذي (الترجيع) .. ان شاء الله بنزل صوره لصدر الطير،، وبطنه شوي خالي ،، لان توني ماعطته اكل وماعتقد ببين معاك شي مشكورين وماتقصرون على الاهتمام ،، وان شاء الله اي شي يديد بخبركم |
رد: فرخي الكاسيكو يرجع
زين الحمدلله انه بخير
وموفقة في امتحاناتج وهذا الي يصير يعطيج خبرة في كيفيه التعامل مع طيرج الله يحفظه لج يارب وننتظر الصور |
رد: فرخي الكاسيكو يرجع
سامحوني على رداءة الصور وقولو ما شاء الله.. ما شاء الله تبارك الرحمن http://www13.0zz0.com/2011/06/30/16/557566632.jpg ما شاء الله،، ما شاء الله http://www10.0zz0.com/2011/06/30/16/303986892.jpg من صورته هل تجوفون فيه شي؟ ابو محمد،، شلون تجوف صدره؟ |
رد: فرخي الكاسيكو يرجع
الطير عند انتفاخ في المعده وبصراحة يحتاج الى كشف منظار
والانتفاخ هذا هو سبب الترجيع وبصراحة ما اخفي عليك الطير عنده ورم حميد دهني والتي تظهر عادة على الجزء الاسفل من بطن طائر. Lipomas ينظر اليها في جميع الببغاء ، ولكن بصفة خاصة الكاكاتو. وهي لاتسبب الوفاة.ولكن يمكن ان تسبب عدم الراحة وقد يشمل ذلك العلاج الجراحي أو إزالة القيود الغذاءيه لتقليل حجم الورم. ارجو الاسراع للفحص من قبل بيطري ممتاز. |
رد: فرخي الكاسيكو يرجع
متأكد اخوي؟
الانتفاخ هذي مال الاكل،، لان عطيته قبل وللحين في بطنه شوي،، الطير للحين ياكل بالإبره،، ولما اعطيه ينتفخ بطنه وعقب جم ساعه يروح |
رد: فرخي الكاسيكو يرجع
الافضل زياره الطبيب والانتفاخ هذا غير طبيعي .
|
رد: فرخي الكاسيكو يرجع
لاحول ولا قوة الا بالله
الله يشفيه يارب الانتفاخ مو طبيعي مو انتفاخ أكل واسمعي نصيحة أبو محمد ولا تتأخرين بزيارة الطبيب والله يعينج ويشافيه يارب |
رد: فرخي الكاسيكو يرجع
انزين اخوي انا من البحرين،،
ماتعرف بيطري عندنا؟ لان البيطري اللي انا رحته قبل اسبوع تبع الحكومه |
رد: فرخي الكاسيكو يرجع
افضل العيادات في البحرين ابحث في جوجل .
|
رد: فرخي الكاسيكو يرجع
معليش اختي ان شاءالله يزول هالشي ويشفا
بس سؤال يطرح نفسه الطبيب البيطري الي وديتي له طيرج ماشاف هالانتفاخ ما استغرب منه ؟ ولا الانتفاخ ماطلع الا بعدين؟؟؟ لانه بصراحة اذا الطبيب شاف هالانتفاخ ولا استغرب فأحنا نستغرب منه الطبيب الي يعدي عليه أمر جذيه!!! |
رد: فرخي الكاسيكو يرجع
اختي انا قلت لكم،،
الانتفاخ هذي انا بروحي مو دايما اجوفه،، يعني اجوفه بس لما اعطيه الاكل اليوم الثاني الصبح مثلا اجوفه طبيعي،، ومافي هالانتفاخ،، فأنا مستغربه يوم قلتو لي ان الانتفاخ مو طبيعي |
رد: فرخي الكاسيكو يرجع
اي والله مو طبيعي
اساسا الاكل ماينزل بالمعدة على طول يظل بالحوصلة فترة على كثر ماشفنا طيور ما مر علي هالشي مثل ماقالج ابو محمد مالج الا البيطري واذا وقتها هالانتفاخ مو موجود بالطير راويه هالصور وهو راح يتصرف الله يعينج ويساعدج ويشفيه يارب |
رد: فرخي الكاسيكو يرجع
انزين وهذي المرض ماله اعراض ثانيه غير الترجيع؟
اجوف الطير حاليا مايرجع! |
رد: فرخي الكاسيكو يرجع
ارجعي اقري اول تعليق لابو محمد بعد الصوره
بس مافيها شي لرجعتيه للطبيب وراوتيه الصور وضعه مو طبيعي حتى مشوه شكله والله واعلم عن المستقبل يمكن تكبر دام فيه حل وبيدج وديه لا تتركينه جذيه والله يشافيه |
| جميع الأوقات بتوقيت GMT +3. الساعة الآن 09:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو