|
قط رضيع مايسكت من الصياح
السلام عليكم
جابوا لبيتنا قط صغير (ضايع مالقينا امه) رضيع لساته مافتح عيونه وقريت عن العناية بالقط الرضيع وطبقتها وعطيته حليب ونام شوي طول الوقت يموء ومايبغى يجلس في الكرتونة فيها فوطة نظيفة وناعمة يتسلق علينا ويسكت شوي ويبغى بس يجلس علينا وينخش في ثيابنا بس يبغى يجلس علينا ويتمشى علينا ويسكت شوي لما نمسح عليه بس دايم يصيح ومزعجنا ارجوكم تجاوبوا بسرعه وابغى طريقة تخليه يقعد في الكرتون ولايتسلق علينا انا اعرف اعتني بالقطط الصغيرة بس هذا صغير جداً ماعرف وشو اسوي له |
رد: قط رضيع مايسكت من الصياح
اقتباس:
|
رد: قط رضيع مايسكت من الصياح
شكراً على النصايح يعطيك العافية
هو نام شوي لما غيرت الكرتونة والحين جلس واكثر الوقت يصيح ويبغانا نحمله لما نحمله يسكت شوي انتظر مزيد من ردود الخبراء |
رد: قط رضيع مايسكت من الصياح
شوفي حطي كمبل حق البيبي اذا فيه في البيت وغطيه اقصد الكرتون
يعني قديم الفوطه مو داافيه الكمبل احسن اذا فيه 100% فيه اسئلي امك هذا الي عندي ايه والحليب لاتشربينه وهو منسدح ع ظهره لا زه وهو واقف شوفي موضوع ناديا مدري رد اشوفه وجيبه ولا تدرين خله بمله اذا سيرت تجيب كلشي |
رد: قط رضيع مايسكت من الصياح
ضروري تخليه بمكان دااافي حتى مايبرد ويموت.
لان القطط الوليده تكون ضعيفه جدا وماتتحمل اقل بروده في الجو ..حتى لو براد مكيف ابعديها عنه. وضروري تجيبين رضاعه او قطره قديمه اغسليها وعبيها حليب داافي قليل الدسم او حليب مخصص للكيتنز ..او حليب اطفال خالي من اللاكتوز. اللي تقدرين عليه جيبيه له .. وضروري يكون الحليب دااافي حتى يتقبله القط الوليد. وغالبا القطط الوليده تموت بسرعه في اقل ضرف اذا بعدت عن الام وهي في هاذا العمر. وجزاك الله خير على رعايتك واهتمامك فيه |
رد: قط رضيع مايسكت من الصياح
انا كان عندي قطتين في نفس العمر بس كانوا يعملوا ازعاج بس لما يجوعوا اخدهم وارضعهم تمام التمام لحد ما شوف بطنهم هاتنفجر من كتر الاكل وبعدين انظفهم من اثار الرضاعة ( علشان بتبقي حرب مش رضاعة ) وبعدين افضل سيباهم برحتهم في المكان حواليه قصدي من كل دة ( انهم يحسوا انك حواليهم طول الوقت ) |
رد: قط رضيع مايسكت من الصياح
جزاكم الله خير
الصراحة هالقط مزعجني ولو ماانه يتيم وضايع كان ماخليته عندي مسكين يكسر الخاطر:( متى يكبر المهم هو لما يشرب حليب ينام كم ساعة >>طبعاً بعد مانام انا رحت انام واهلي استلموا الحراسة فماادري كم ساعة نام بالضبط يعني عادي يشرب و(يتمصخ شوي) وينام بس من يسمع صوت او حركة يقعد ويصيح ولما يقعد يسوي ازعاج ومايسكت الا لما نخليه يتسلق علينا او نخليه يشرب حليب ابسألكم هو لازم يكون معه احد عشان لايخاف مثلاً؟>>على هالسالفة مابقدر اطلع من البيت:p ومتى بيفتح عيونه ؟ كم مرة امسح مكان الاخراج ؟عشان يسوي فضلات وانتوا بكرامة لان للحين ماشفته سوى فضلات بس بول وانتوا بكرامة لما يوسخ الكمبل لازم اغسل الكمبل كل يوم؟ انا اذكر مرة قطوتنا لما ولدت كانت جالسة على فوطة برا الحوش الفوطة منخشة في مكان (تعرفوا اماكن ولادة القطط) وتجلس مع اولادها ولاغيرت المكان الا بعد فترة |
رد: قط رضيع مايسكت من الصياح
سوي اللي قالت الخبيرة ناديا والبقيه .. واهم شي دفيه وشكله ياقلبوا يبي الحنان والدفء
|
رد: قط رضيع مايسكت من الصياح
الله يجزاك خير لعنايتك فيه
رابط بيفيدك http://www.2zoo.com/vb/showthread.php?t=98294 امسحي منطقه الاخراج بعد كل رضعه لحد مايعملها ويتسلق عليكم لانه يحسبوكم امه عادة الصغار امهم تحضنهم وخصوصا بالبدايه العيون تقريبا تفتح بعد اسبوع او اكثر تقدري تجيبي بطانيه قطن ناعمه واثنيها كانها جسم(ماعرف اشرح:o)بس خليها كانها حضن وخليه بوسطها واغسليها كل 3 ايام |
رد: قط رضيع مايسكت من الصياح
اختي انتي من نفسج تقولين ان لين تخلينها في حضنش تكست اختي لا تخلينها في الكارتون واجد و خلوها على طول وياكم في وسط البيت بينكم قاعده لا تخلونها في الكارتون حتى لو بس بطلعونها بدون ما تلمسونها الحيوان وخصوصا القطط ما يحبون احد يحبسهم
|
رد: قط رضيع مايسكت من الصياح
مشكورين على مساعدتكم ونصايحكم
بس انا ماقدر اخليه برا الكرتون الا لما اكون جنبه افرش له بطانية ويمشي عليها وهو يتسلق على الاثاث ويطيح ويتعور واخاف احد يدوس عليه وهو مايدري فأخليه بالكرتون احفظ له او احمله يصيح شوي بعدين يسكت وينام ترى مو سهلة العناية بقط رضيع ماصار له شهر دعواتكم ان الله يوفقني للعناية به واشوفه صار كبير |
رد: قط رضيع مايسكت من الصياح
آميين
اجر ان شاءالله :) |
رد: قط رضيع مايسكت من الصياح
امي تقول:
لاتحمليه كثير بعدين يتعود مايسكت الا لما تحمليه زي الاطفال. وشو اسوي؟ يدي امتلت خرابيش من القط يعضني ويمص يدي يفكر نفسه يشرب حليب مع اني سقيته حليب باللابره بس ماعرف اذا شبع ولا لسه او بس يمصمص كده! احنا ماطعمناه ماقدر اوديه لبيطري يطعمه هل بيأثر عليه عدم التطعيم؟ صورته بالجوال بس الصورة مو واضحة ابغى اوريكم اياه ان شاء الله بكره اصوره عدل واوريكم صورته الله يعطيني الصبر ويوفقني لاهتم فيه احتاج نصايحكم وافكاركم |
رد: قط رضيع مايسكت من الصياح
ياقلبهم يتيم ويكسر الخاطر الله لايحرمك اجره
لو عندك لعبه ناعمه دبدوب او شي خليه بحضنه اما بالنسبه انو شبع اولا بتشوفي بطنه صار كروشه شوي يكون شبع:D اما التطعيم لسه بدري بعد مايكمل شهرين او ثلاث شهور |
رد: قط رضيع مايسكت من الصياح
اليوم فتح عيونه شوي وعمل فضلات مرة وحدة بس
ممكن اراسلكم الخبيرة ناديا ودلوعة قطوتي على الخاص عشان اذا احتجت شي او بغيت استفسر عن القط لو اكمل اسئلتي في هذا الموضوع؟ |
رد: قط رضيع مايسكت من الصياح
عادي تقدرين تنزلين اسئلتك بالموضوع او عالخاص زي ماتحبين
|
رد: قط رضيع مايسكت من الصياح
طيب باكمل اسئلتي هنا
تدرين اول مرة اربي قط رضيع بالعادة اربي قطط اكبر من هذا فوق 3 شهور تقريبا ولا قطط كبيرة اما هذا القط عمره اسبوع تقريباً ومبهدلني واتحملوني طيب سؤالي: الحين القطو فتح عيونه والحمدلله ..وصار يصيح يبغى يطلع من الكرتونة اطلعه من الكرتون واخليه يمشي شوي على الفرش يمشي شوي ويصيح مدري وشو يبغي؟وين اوديه؟ اخاف يدخل تحت الاثاث ولا يقضي حاجته على ارض وينجس المكان وبعد سؤال: امس شفته اخرج فضلات وانتوا بكرامة مرة وحدة وكانت صلبة..هل استمر بمسح مؤخرته بالماء الدافيء بمنديل؟ ومتى اعرضه على الشمس ؟مايحتاج طاقة من الشمس؟ |
رد: قط رضيع مايسكت من الصياح
الحين القطو فتح عيونه والحمدلله ..وصار يصيح يبغى يطلع من الكرتونة اطلعه من الكرتون واخليه يمشي شوي على الفرش يمشي شوي ويصيح مدري وشو يبغي؟وين اوديه؟ اخاف يدخل تحت الاثاث ولا يقضي حاجته على ارض وينجس المكان
مايبي شي هم الصغار كذا وبعد سؤال: امس شفته اخرج فضلات وانتوا بكرامة مرة وحدة وكانت صلبة..هل استمر بمسح مؤخرته بالماء الدافيء بمنديل؟ لو اخرج فضلاته لوحده بدونك يكون خلاص مو محتاج لحركه المنديل بس لو اخرجها بمساعدتك يكون محتاج لك كم عمره؟ ومتى اعرضه على الشمس ؟مايحتاج طاقة من الشمس؟ عرضيه للشمس الصباح بدري او قبل المغرب ماتكون الشمس تحرق |
رد: قط رضيع مايسكت من الصياح
مشكورة على اجوبتك
يعني عادي اخليه في الكرتونه طول الوقت لين مايكبر شوي؟ |
رد: قط رضيع مايسكت من الصياح
العفووو
ايوه عادي اذا كمل شهر يصير يلعب وينطط ويتحرك وقتها طلعيه يلعب براحته بس عرضيه للشمس كل يوم والكرتون غيري المنشفه اللي تحته |
رد: قط رضيع مايسكت من الصياح
الحقوني القط رافض يشرب الحليب
انا متأكدة ان الحليب جديد ومو بارد واعطيه نقطة نقطة وهو صار له اكثر من 3 ساعات ماشرب يعني متاكدة انه جوعانه لكنه رافض يشرب هاليومين وحسيته صار هزيل يسكر فمه ويدور وجهه وساعات يهز راسه كأنه لما احد يشرب شي حامض كثير ولما اعطيه غصب يعض الرضاعة ويحطها في فمه على جنب ويطلع لسانه عملوني وش اسوي وابغى الخبيرة ناديا بعد ترد علي وتعلمني الوالد يقول اعطيه ماي مو بس يشرب حليب عادي لو اعطيه ماي؟ |
رد: قط رضيع مايسكت من الصياح
اممم انا مالي خبره بالقطط بس طبعا عطيه ماء ماحد يستغني عنه مايصير كذا بس حليب يمكن هالحموضه من العطش!!؟؟
|
رد: قط رضيع مايسكت من الصياح
شكرا على المرور عاشقة الكتاكيت
انا بانتظار الخبيرة ناديا ودلوعة قطوتي وباقي الخبراء بسرعة ردوا علي |
رد: قط رضيع مايسكت من الصياح
مابي اخوفك بس كان عندي كيتز يرفضون يرضعون ولما اعطيهم حليب يبعدوا وجههم
لو تقدرين تاخذيه للدكتور ممكن فيه شي والمسي اذنه شوفي حرارته كيف وبهالعمر مايشرب مويه بس حليب ممكن تخلطي مع الحليب شوية عسل ربي يشفيه |
رد: قط رضيع مايسكت من الصياح
:eek:
لاتقولين:( هو صار مايشرب الا لما انا اغصبه وافتح فمه بالغصب ويعض بالرضاعة على جنب اختي تقول يمكن بيطلعوا له اسنان ياربي ماقدر اوديه لدكتور وماعندي ثقة في الدكاترة البيطريين اصلا بعد ماسمعت عنهم القصص مو زينة وانهم يمرضون القطط اكثر من تجارب بعض الاعضاء هنا هو ساعات يهز راسه كأنه لما احد يشرب شي حامض حتى لو كان بس يمشي شفته هز راسه مره مو كثير تظنين انه مصخن ؟ او فيه شي؟ زين ماقدر انا اعطيه دوا ؟ لو تعطيني اسم دوا او اعطيه ادوية اطفال؟ او مضرة على صحته؟ باشوف حرارة اذنه وارد عليك |
رد: قط رضيع مايسكت من الصياح
والله صعب على ارد عليك ...لاكن
شوفي غالبا اذا الكيتنز بداء يرفض الرضاعه وصار هزيل ويهتز كثير وخصوصا الراس.. في الحاله هادي صعب عليك مساعدته .. لانه دخل بمرحله الصدمه ومافيها رجوع.. والافضل لاتغصبيه على شرب الحليب لانه راح يدخل لرئتيه ويموت بعد ساعه وحده. انتي حاولي معاه انه يرضع طبيعي وبدون قوه في ادخال الحليب .. وان شاء الله يستجيب ..!! والادويه ممنوعه عنه في هالعمر وماتفيد بحالته ابدا الا ....اعطائه مغذي عن طريق الوريد ..عند البيطري انتي ماقصرتي معاه ..جزاك ربي الجنه |
رد: قط رضيع مايسكت من الصياح
لاحول ولاقوة الا بالله
وشو مرحلة الصدمة؟ صدمة وشو؟ هو عطشان لما احط الحليب على يدي يعض يدي ويشفطها كأنه يشرب بالرضاعة بس لما احط الرضاعة يعضها ويشرب على جنب ويحركها بفمه ويشرب شوي وشوي يصيح ولما اشيلها يتمطق بفمه (زي الاطفال لما ياكلوا حلاوة) ويمصص في يدي واصبعي ..ماييصر اشتري له مغدي واخليه يشربه (اللي يكون في قارورة من الصيدلية زي الماء ) ولما اشيله يكون مبلل على رقبته كأنه فيها رطوبة وعلى صدره مع اني بعد مايشرب امسحه يمكن لما يبول وانتوا بكرامه يوصل له البول ويبرد باحاول اقنعهم يودوه لبيطري والله يشافيه يارب |
رد: قط رضيع مايسكت من الصياح
مرحله الصدمه تصيب القطط بمختلف الاعمار ولاكن تكثر في الكيتنز بشكل كبير لضعف المناعه لديهم
وهي عندما يفقد القط مقدار كبير من السوائل المهم من جسمه يبداء يدخل هاي المرحله ولايمكن مساعدته الا عن طريق وضع مغذي فقط في الوريد ..وذلك لعدم استجابه القط والاكل او الرضاعه عن طريق الفم بشكل طبيعي. حاولي توديه بيطري حتى يعطيه الجلوكوز في الوريد..مع ان بياطرتنا لايعتمد عليهم نهائي والله المستعان. |
رد: قط رضيع مايسكت من الصياح
لاحول ولا قوة الا بالله..
يعني مابيشفى لوحده مع الايام؟ وشو تبوني اسوي اروح اسافر امريكا اوديه لدكتور زين؟ تقولي دكاترتنا مايعتمد عليهم! وش الحل ؟ هو يشرب لما اعطيه بس مايفتح فمه بسرعه وساعات يدور وجهه او يعض الرضاعة ويشرب على جنب لكن اشوفه يمصص في يدي ولما احط الحليب على يدي يشربه ويمصه وكأن اليوم حسيت شوي جسمه امتلى نتفة يوم عطيته حليب وعسل دعواتكم له بالشفاء العاجل تكفين الخبيرة ناديا تشوفي لي حل الله يجزاك خير |
رد: قط رضيع مايسكت من الصياح
الله يشفيه
لو تقدرين روحي لااي دكتور وقولي له يعطيه مغذي واذا الله كاتب له عمر بيعيش ان شاءالله |
رد: قط رضيع مايسكت من الصياح
طمنينا كيف الحال
|
رد: قط رضيع مايسكت من الصياح
لاحول ولاقوة الا بالله
الحال من سيء الى اسوأ اليوم رفض يشرب :( هو كان يشرب شوي لما احط الرضاعة في فمه لكن اليوم احطه في فمه ومايشرب شي:(:(:(:( قلت لاخوي يوديه بيطري لكنه يقول قطك مافيه شي مايحتاج اليوم اذا ظل مايشرب بحن على راس اخوي يوديه دكتور>>ان شاء الله مايكفخني:( |
رد: قط رضيع مايسكت من الصياح
خلاص القط انتقل الى رحمة الله
قفلوا الموضوع |
رد: قط رضيع مايسكت من الصياح
الله يصبرك ويعوضك خير:(:(
انتي ماقصرتي معاه ربي يوفقك ويسعدك |
| جميع الأوقات بتوقيت GMT +3. الساعة الآن 01:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو