منتديات تو زوو - اتوسل اليكم ساعدوني الكيتنز عم يموتو (يوجد صورة)

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - اتوسل اليكم ساعدوني الكيتنز عم يموتو (يوجد صورة) (http://www.2zoo.com/vb/showthread.php?t=213053)

MASA	04-04-2011 04:53 AM

اتوسل اليكم ساعدوني الكيتنز عم يموتو (يوجد صورة)

السلام عليكم اخواني

مبارح طرحت موضوع انو قطتي ولدت لاول مرة وجابت 5 كيتنز

مدة الحمل كانت 8 اسابيع متاكدة وحاسبة كل شي على الليبرة

قطتي قليلة خبرة كتييير ومع اني عم اطعميها جاج مسلوق وحليب وجبنة كيري بس شهيتها عادي

وكل شوي عم تترك الكيتنز وتجي على الباب حتى تدخل عندي

وكل ما اخدها عند الكيتنز ما تقعد كتير عندهن

وحسيت وكانو الكيتنز ما عم يعرفو يرضعو او انو قطتي ما فيها حليب

قصيت الشعر عن حلماتها لان شعرها طويل عسى ولعل يتحسن الوضع بس ما في فايدة

هلا من ساعة طلعت لعندهن لقيت واحد ما عم يتحرك وكتير حجمو صغير

هي صورتو

http://dc14.arabsh.com/i/02838/rpsiz4qex47n.jpg

هل الحجم طبيعي ؟
ويا ترى مدة 8 اسابيع قليلة؟

وحاولت اني انعشو بس ما في فايدة المسكين روحو عم تطلع

حطيتو جنب امو وهي ولا على بالها

كان جسمو بارد كتير ودفيتو ببطانية جربت اشربو حليب خالي الدسم بسرينغ بس ما شرب

حتى اني اتاكدت انو حطيت الحليب بتمو بس المسكين صار يطالعو من انفه

والله صرلي ساعة عم ابكي عليه وقلبي متقطع

وقطتي مو مهتمة وما عم تعرف تتصرف وعم تنام فوق الكيتنز

وحتى انو ما عم تنضفهن ولا تساعدهن على الاخراج

بالاخير شعرت بالياس وحطيت الكيتنز يلي عم يموت بحضن امو وتركتهن بالغرفة

مالي قلب اشوفو وهو ميت وامو عم تاكلو

وبنفس الوقت ما طلع من قلبي انو اتركو بعيد عن امو يموت

ساعدوني الله يخليكن

يأست من انو القطة تعرف تطعميهن

او تعتني فيهن ارجوكن ساعدوني

شو لازم اتصرف حتى انقذ الباقيين

والله صرلي يومين ما دقت النوم

مالي قلب اشوفهن يموتو واحد ورا التاني بتدمر والله

ساعدوني جزاكم الله كل الخير

دلوعةقطوتي

04-04-2011 01:55 PM