![]() |
ولدت يوم الاثنين بس باقي بطنها منتفخ
السلام عليكم ورحمة الله وبركاته,,
عندي قطوه عمرها سنه وكم شهر المهم هي اول ولاده لها ولدت يوم الاثنين 23\4\1432 هــ والحين صارلها يومين وبطنها منتفخ كأنها لسه حامل بطنها ثقيل كنه في داخله باقي وينزل معها دم وصارت وصخه كل شوي اغسلها وارجع اشوفها رطبه وريحتها كريها اكرمكم الله وحتى مؤخرتها منتفخه كنه في شي بيطلع انا خايفه عليها جابت 4 هي قبل انا كنت منزله موضوع عنها يوم قرع شعر راسها ورجع طبيعي وقبل ماتولد بكم اسبوع رجع يتساقط شعر راسها مدري ايش قصتها والله ماعندي فلوس اوديها بيطري لانه باا قال يكبرون عيالها شوي بيقطها وهي احيانا تطلع الشارع وترجع |
رد: ولدت يوم الاثنين بس باقي بطنها منتفخ
بس لازم تشيكيها في البيطري لازم يمكن يكون لسى في اطفال وعلقو داخل ومايتين وراح يعفونو وتموت القطه لازم هذا خطر ع حيات قطوتك لو تاخرتي
|
رد: ولدت يوم الاثنين بس باقي بطنها منتفخ
انا كيذا فكرت قلت يمكن باقي قطط داخل
ولاز اوديها بيطري ان شاءالله اوديها بس تتوفر عندي فلوس بس حبيت اسال كم بيكلف البيطري عشان اوفر المبلغ لها |
رد: ولدت يوم الاثنين بس باقي بطنها منتفخ
يمكن يكون راس الصغار منعكف يعني يبي يطله غلط اذا مااسرعتي ويمكن يطلعن رجلينه او يدينه والراس يكون منعكف على ورى واذا تاخرتي راح ينكسر عمودها الفقري وديها وشوفي الخبيره ناديا قط اطرت هالحاله بسرعه اساليها
|
رد: ولدت يوم الاثنين بس باقي بطنها منتفخ
لازم بيطري ولى بتموت
يمكن الخامس ميت حرام عليك ما تكلف 100 ريال إذا في الدمام انت جيبها على حسابي |
رد: ولدت يوم الاثنين بس باقي بطنها منتفخ
ياحرااام اذا اول ولاده لها يمكن في داخلها باقي صغار ماطلعو والاغلب انهم ميتين روح للبيطري سريييييييييييييييييييع لاتتئخر لايعفنون في بطنها
|
رد: ولدت يوم الاثنين بس باقي بطنها منتفخ
المهم تجنن بسسك مثل موني و اخوتها:) و اظني يفدك الرابط :)
http://www.2zoo.com/vb/showthread.php?t=107895 |
رد: ولدت يوم الاثنين بس باقي بطنها منتفخ
لازم دكتور يشوفها ربي يشفيها ويطمن بالك عليها
حاولي تقنعي الوالد وقولي اخصم من المصروف والحقي على قطوتك لايكون فيه كيتز داخل لسه يمكن يعطيها ابره |
رد: ولدت يوم الاثنين بس باقي بطنها منتفخ
انا بنت مو لد
يعطيكم العافيه على خوفكم وحرصكم انا بالدمام ايش احسن بيطري اوديها له وبكرا يكون فاتح ولا ؟ بس هي ساكته ماتصيح ولا شي |
رد: ولدت يوم الاثنين بس باقي بطنها منتفخ
شيكي عبر الخاص مالك:)
|
رد: ولدت يوم الاثنين بس باقي بطنها منتفخ
اقتباس:
هلا رهام لاتخافين حبيبتي ..اذا انتي ملاحضه ان تصرفات القطه عاديه تاكل وتشرب وتنام بدون اي مشاكل ..فهي بخير والحمدلله اما اذا لاحضتي على القطه اللهث الشديد او الحركه الكثيره او عدم ارضاع صغارها او الدفع ( كانها تتبرز) او لاتاكل ولاتشرب او خامله ..هنا تكون القطه بخطر .. انتفاخ البطن شي طبيعي ويحدث لكل القطط الوالده حديثا..لاكن عليك التاكد ومسك بطنها من الجانبين والضغط عليه ..وتحسسي هل يوجد حركه ؟ او تكور؟ وتساقط الشعر في العشر الايام الاولى من ولاده القطه دائما يحدث وماعليها اي خوف. فقط اهتمي بتغذيتها واعطائها الفيتامينات الداعمه لها حتى تفرز الحليب بشكل طبيعي وبدون اي مشاكل. وانتفاخ منطقه الولاده ونزول الدم شي طبيعي ويستمر الى ثلاثه ايام او اكثر. |
رد: ولدت يوم الاثنين بس باقي بطنها منتفخ
الله يرضى عليك ويوفقك خبيره ناديا
حبيت اخبركم اليوم جلست امسك بطنها واتحسسه حسيت شوي خف عن امس ومانزل معها شي اي هي تاكل وتشرب بس احس مره حريصه على عيالها لدرجه انها توصخ بمكانها تتبول اكرمكم الله استغربت من حركتها وحبيت اسالك اقدر اسبحها اروشها اليوم ولا مضر لها وعلى صغارها ؟ يعني ماله داعي اوديها البيطري؟؟ طيب وصفيلي فيتامينات لها لانه تعرفين الوالد شهيتها تكون بالاكل قليله الله يرضى عليك ويجزاك الفردوس الاعلى يارب ويسكنك فسيح جناته طمنتيني الله يطمن قلبك |
رد: ولدت يوم الاثنين بس باقي بطنها منتفخ
اهلين رهام
الله يوفقنا جميعا حبيبه قلبي بالنسبه لنوع الفيتامينات ..فيه انواع كثيره وكلها مفيده ومافيها اي اختلاف بالتركيب سواء كان الفيتامين حبوب او قطره او معجون ..الفائده تكون واحده فيه موضوع حلو وممتاز لمشرفتنا دلوعه عن انواع الفيتامينات ..اطلعي عليه واختاري النوع المتوفر ببلدك. هنا رابط الموضوع: http://www.2zoo.com/vb/showthread.php?t=177675 |
رد: ولدت يوم الاثنين بس باقي بطنها منتفخ
حرامـ صعبت عليه
بس بزونتنى همينه من يومـ ماولدت وبطنها منفتخه بس ماعدها الاعراض لذكرتيها |
رد: ولدت يوم الاثنين بس باقي بطنها منتفخ
الله يشفيها ويطمنك عليها يارب ننتظرك بفارق الصبر
وقلبي معاك يارب تشفيها يارب |
رد: ولدت يوم الاثنين بس باقي بطنها منتفخ
اشكركم يا اخواني على حرصكم ودعائكم لها ربي يرضى عليكم ويبعد عنكم السوء
الحمدلله يارب القطوه صارت زينه تاكل وتشرب حتى صارت تطلع الحوش وتتمشى بالبيت بعد ماتنوم عيالها وتنام برى السرير حقهم امس رحت محل الطيور والقطط ماحصلت فيتامينات لها بشوف الصيدليه واتمنى تشرفوني على صورهم نزلتهم بالقسم |
جميع الأوقات بتوقيت GMT +3. الساعة الآن 05:57 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو